BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

ទង់ជាតិកម្ពុជា និងបណ្ដាប្រទេសអាស៊ានត្រូវបានបង្ហូតឡើង មុនពិធីបើកអាស៊ានប៉ារ៉ាហ្គេមចុងសប្ដាហ៍នេះ

អាស៊ានប៉ារ៉ាហ្គេម៖ ទង់ជាតិកម្ពុជា រួមជាមួយទង់ជាតិបណ្ដាប្រទេសអាស៊ានផ្សេងទៀត បានប្រារព្ធពិធីបង្ហូតឡើងរួចរាល់នៅកីឡដ្ឋាន STADION MANAHAN នៃទីក្រុងសូឡូ ប្រទេសឥណ្ឌូនេស៊ីកាលពីល្ងាចថ្ងៃទី២៧ ខែកក្កដា មុនពិធីបើកការប្រកួតផ្លូវការនៃព្រឹត្តិការណ៍កីឡាអាស៊ានប៉ារ៉ាហ្គេមលើកទី១១ ដែលនឹងចាប់ផ្ដើមពីថ្ងៃទី៣០ ខែកក្កដា ដល់ថ្ងៃទី០៦ ខែសីហា ឆ្នាំ២០២២ ខាងមុខ។ ពិធីបង្ហូតទង់ជាតិ និងការទទួលស្វាគមន៍ពីសំណាក់ម្ចាស់ផ្ទះឥណ្ឌូនេស៊ីនេះ សម្រាប់ប្រតិភូកីឡាកម្ពុជាគឺដឹកនាំដោយឯកឧត្តម យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា និងជានាយបេសកកម្ម អមជាមួយប្រតិភូ គ្រូបង្វឹក និងអត្តពលិកជនពិការ ១០រូបទៀតដែលត្រូវបានអនុញ្ញាតឲ្យចូលរួមអបអរសាទរពិធីនេះ ដ្បិតការចូលរួមត្រូវបានកំណត់ដើម្បីការពារជំងឺកូវីដ-១៩។ ឯកឧត្តម យី វាសនា មានប្រសាសន៍ថា មកទល់ពេលនេះដំណើរការរៀបចំរបស់ម្ចាស់ផ្ទះ ពិសេសការត្រៀមលក្ខណៈរបស់អត្តពលិកប៉ារ៉ាឡាំពិកកម្ពុជាគឺមានភាពល្អប្រសើរ ទាំងការស្នាក់នៅ-ហូបចុក និងការហ្វឹកហាត់ត្រៀមជាដើម។ អ្វីដែលពិសេសបន្ទាប់ពីទង់ជាតិកម្ពុជាត្រូវបានបង្ហូតឡើង ជាមួយទង់ជាតិបណ្ដាប្រទេសសមាជិកផ្សេងៗ ឯកឧត្តមបានបង្ហាញនូវមោទនភាពក្នុងការបង្ហាញថា កម្ពុជាបានត្រៀមខ្លួនរួចរាល់ដើម្បីចូលរួមព្រឹត្តិការណ៍កីឡាជនពិការប្រចាំតំបន់នេះ។សូមបញ្ជាក់ថា ប្រតិភូ គ្រូបង្វឹក និងកីឡាករ-កីឡាការិនីប៉ារ៉ាឡាំពិកកម្ពុជាចំនួន ១៧៩នាក់លើ ១១ប្រភេទកីឡា បានធ្វើដំណើរឆ្ពោះទៅទីក្រុងសូឡូតាមយន្ដហោះពិសេស ដែលផ្ដល់ជូនដោយសម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជាកាលពីរសៀលថ្ងៃទី២៦ ខែកក្កដាកន្លងទៅ ដោយមានការជូនដំណឹងផ្ទាល់របស់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានប្រតិភូកីឡាប៉ារ៉ាឡាំពិកកម្ពុជា តំណាងដ៏ខ្ពង់ខ្ពស់របស់សម្ដេចតេជោនាយករដ្ឋមន្ដ្រី។ នេះគឺជាបេសកកម្មដ៏សំខាន់របស់ប្រតិភូ និងអត្តពលិកជនពិការកម្ពុជា ដែលមិនត្រឹមចូលរួមប្រកួតប្រជែងស្វែងរកឧត្តមភាព និងមេដាយជូនជាតិនោះទេ តែក៏ជាការចូលរួមដើម្បីសិក្សារៀនសូត្រ និងដកស្រង់បទពិសោធន៍ក្នុងលក្ខខណ្ឌបច្ចេកទេស ដើម្បីត្រៀមលក្ខណៈធ្វើម្ចាស់ផ្ទះបន្ដវេនសម្រាប់ការប្រកួតកីឡាអាស៊ានប៉ារ៉ាហ្គេមលើកទី១២ ចាប់ពីថ្ងៃទី០៣ ដល់ថ្ងៃទី០៩ ខែមិថុនា ឆ្នាំ២០២៣ ខាងមុខផងដែរ៕អត្ថបទ៖ លី ឈុនឡា

ឡុង ភារ៉ាត់ ជួយព្រះខ័នរាជស្វាយរៀងយកឈ្នះសូលទីឡូ ១-០ នៃពានសម្ដេចតេជោ-ថ្នាក់ជាតិជើងទី១

បាល់ទាត់៖ ក្រុមព្រះខ័នរាជស្វាយរៀងបានយកឈ្នះក្រុមសូលទីឡូអង្គរដោយលទ្ធផល ១-០ ក្នុងជំនួបជើងទី១ សម្រាប់វគ្គជម្រុះ ១៦ក្រុមចុងក្រោយនៃពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) ឆ្នាំ២០២២ នៅកីឡដ្ឋានហនុមានកាលពីល្ងាចថ្ងៃទី២៧ ខែកក្កដាម្សិលមិញ។ ជំនួបដ៏ជក់ចិត្តនេះ ក្រុមទាំងពីរបានរក្សាលទ្ធផល ០-០ នៅវគ្គទី១ មុនកីឡាករ ឡុង ភារ៉ាត រកបាន ១គ្រាប់ឲ្យក្រុមព្រះខ័នរាជស្វាយរៀងនៅនាទី៦៦ ហើយក៏ជាគ្រាប់បាល់ជ័យជម្នះក្នុងការប្រកួតនេះដែរ បន្ទាប់ពីក្រុមទាំងពីរ ព្យាយាមស្វែងរកគ្រាប់បាល់បន្ថែមតែមិនបានសម្រេច។ យ៉ាងណាក្ដីក្រុមទាំងពីរត្រូវជួបគ្នាម្ដងទៀត ដើម្បីកាត់សេចក្ដីរកក្រុមឈ្នះឡើងវគ្គ ៨ក្រុមចុងក្រោយ ដែលការប្រកួតជើងទី២ នេះក្រុមព្រះខ័នរាជស្វាយរៀងនឹងបើកទ្វារផ្ទះទទួលក្រុមសូលទីឡូអង្គរវិញម្ដងនាថ្ងៃទី១០ ខែសីហាខាងមុខនៅកីឡដ្ឋានខេត្តស្វាយរៀង៕អត្ថបទ៖ លី ឈុនឡា

Jermain Defoe និង Yaya Toure ចូលរួមជាមួយ Spurs ក្នុងក្រុមការងារគ្រូបង្វឹក

បាល់ទាត់៖ អតីតកីឡាករនៅក្របខណ្ឌ English Premier League ពីររូបរួមមាន Jermain Defoe និង Yaya Toure នឹងចូលរួមជាមួយក្លិបបាល់ទាត់ Tottenham Hotspur ក្នុងតំណែងគ្រូបង្វឹកនៃក្រុមយុវជនរបស់ក្លិប នេះបើតាមការចុះផ្សាយរបស់សារព័ត៌មានអង់គ្លេស London Evening Standard។ អតីតខ្សែប្រយុទ្ធអង់គ្លេស Jermain Defoe ទើបតែចូលនិវត្តន៍ពីអាជីពកីឡាករបាល់ទាត់កាលពីខែមីនាកន្លងទៅ ក្រោយបញ្ចប់អាជីពជាមួយក្លិប Sunderland តែក៏ធ្លាប់មានបទពិសោធជាមួយការងារជាគ្រូបង្វឹកខ្លះដែរនៅក្លិបស្កុតឡេន Glasgow Rangers ជាមួយ Steven Gerrard។ រំលឹកថា Jermain Defoe ធ្លាប់បង្ហាញខ្លួនសរុបដល់ទៅ ៣៦៣ ប្រកួតជាមួយ Spurs ក្នុងអាជីពពីរលើកនៅក្លិបទីក្រុងឡុងដ៍មួយនេះ។ចំណែកឯអតីតខ្សែបំរើ Manchester City, Yaya Toure មានការងារជាគ្រូបង្វឹកក្រុមយុវជនថ្នាលស្រាប់នៅ Spurs តែជាការងារក្រៅម៉ោង តែពេលនេះ Spurs សំរេចតែងតាំង Toure ឱ្យធ្វើការពេញម៉ោងតែម្តង។ រំលឹកថា Yaya Toure ត្រូវបានគេស្គាល់ថាជាខ្សែបំរើកំពូលម្នាក់នៅក្របខណ្ឌអង់គ្លេស Premier League ដោយធ្លាប់ឈ្នះជើងឯក Premier League បីលើកក្នុងរយៈពេល ៨ រដូវកាលជាមួយ Manchester City៕អត្ថបទ៖នាង សុភាវុធ

Juventus ប្រកាសបញ្ចប់កិច្ចសន្យាជាមួយខ្សែបម្រើវែល Aaron Ramsey

បាល់ទាត់៖ ខ្សែបម្រើវែល Aaron Ramsey បានចាកចេញពីក្លិបសេះបង្កង់ Juventus ហើយក្រោយក្លិបអ៊ីតាលីមួយនេះប្រកាសបញ្ចប់កិច្ចសន្យាដោយព្រមព្រៀងទាំងសងខាង។ សប្តាហ៍មុនកីឡាករវ័យ ៣១ឆ្នាំរូបនេះមិនបានចូលរួមជាមួយ Juventus ឡើយក្នុងការចេញដំណើរទៅកាន់ទឹកដីអាមេរិកសំរាប់ការប្រកួតមិត្តភាព Pre-Season។ Ramsey មកដល់ Juventus កាលពីឆ្នាំ២០១៩ ដោយគ្មានតម្លៃផ្ទេរ ដោយអតីតខ្សែបម្រើ Arsenal រូបនេះត្រូវបានគេដឹងថាទទួលបានប្រាក់ឈ្នួលដល់ទៅ ៤០ម៉ឺនផោនក្នុងមួយសប្តាហ៍។ តែក្រោយមក Ramsey ក៏បានចំណាយពេលពាក់កណ្តាលរដូវកាល ២០២១-២២ កន្លងទៅជាកីឡាករខ្ចីជើងនៅក្លិបស្កុតឡេន Glasgow Rangers។ Aaron Ramsey ដែលបង្ហាញខ្លួនបានត្រឹម ៥ប្រកួតជាមួយ Juventus រដូវកាលមុន ត្រូវបានគេដឹងថាអាចនឹងត្រលប់ទៅកាន់ក្លិបដើមរបស់ខ្លួនវិញនៅប្រទេសវែលគឺ Cardiff City៕អត្ថបទ៖នាង សុភាវុធ

អង់គ្លេសឡើងវគ្គផ្តាច់ព្រ័ត្របាល់ទាត់ស្ត្រីជើងឯកអឺរ៉ុបលើកដំបូងតាំងពីឆ្នាំ២០០៩

បាល់ទាត់៖ ក្រុមបាល់ទាត់ស្ត្រីអង់គ្លេសបានឈានឡើងវគ្គផ្តាច់ព្រ័ត្រ បាល់ទាត់ស្ត្រីជើងឯកអឺរ៉ុបលើកដំបូងតាំងពីឆ្នាំ២០០៩ ក្រោយយកឈ្នះក្រុមជើងឯករងអូឡាំពិកស៊ុយអែត ៤-០។ ក្រុមតោនារីអង់គ្លេសនៅពេលនេះប្រកួតមិនចាញ់សោះ ១៩ប្រកួតជាប់គ្នាហើយក្រោមការដឹកនាំរបស់អ្នកចាត់ការ Sarina Wiegman។ ការប្រកួតនៅកីឡដ្ឋាន Bramall Land របស់ Sheffield United បួនគ្រាប់របស់អង់គ្លេសរកបានដោយកីឡាការិនីបួននាក់ផ្សេងគ្នារួមមាន Bethany Jane Mead មួយគ្រាប់នៅវគ្គទី១ ខណៈវគ្គទី២ មានបីគ្រាប់ទៀតដោយ Lucia Bronze, Alessia Russo និង Francesca Kirby។ ជ័យជំនះនេះធ្វើឱ្យអង់គ្លេសបញ្ចប់ការទន្ទឹងរង់ចាំរយៈពេល ១៣ឆ្នាំក្នុងការវិលត្រលប់ឡើងដល់វគ្គផ្តាច់ព្រ័ត្រការប្រកួតបាល់ទាត់នារីធំៗបែបនេះ ហើយក៏ជាបេក្ខភាពជើងឯកដែរក្នុងនាមជាម្ចាស់ផ្ទះ។ ការប្រកួតវគ្គផ្តាច់ព្រ័ត្រនឹងធ្វើឡើងនៅថ្ងៃទី៣១ ខែកក្កដានេះនៅកីឡដ្ឋាន Wembley ដោយអង់គ្លេសត្រូវរង់ចាំជួបជាមួយអ្នកឈ្នះរវាងអាល្លឺម៉ង់ រឺបារាំងដែលជួបគ្នារាត្រីនេះ៕អត្ថបទ៖នាង សុភាវុធ

West Ham ទិញបានខ្សែប្រយុទ្ធ Gianluca Scamacca ពី Sassuolo តម្លៃ ៣០.៥លានផោន

បាល់ទាត់៖ ក្រុមញញួរធំ West Ham បានប្រកាសផ្លូវការពីការនាំយកខ្សែប្រយុទ្ធអ៊ីតាលី Gianluca Scamacca ពីក្លិបបាល់ទាត់អ៊ីតាលី Sassuolo តម្លៃ ៣០.៥លានផោនជាមួយនឹងកិច្ចសន្យារយៈពេល ៥ឆ្នាំ។ កីឡាករវ័យ ២៣ឆ្នាំរូបនេះបានក្លាយជាកីឡាករទី៤ ដែលផ្ទេរមកកាន់ West Ham រដូវកាលនេះ ខណៈក្លិបនៅទីក្រុងឡុងដ៍មួយនេះនឹងប្រកាសពីការចុះហត្ថលេខាផ្លូវការក្នុងសប្តាហ៍នេះ។ Gianluca Scamacca គឺជាអ្នកស៊ុតបញ្ចូលទីច្រើនបំផុតទី២ នៅ Serie A រដូវកាលមុនដោយមានសរុប ១៦គ្រាប់ពីការប្រកួតចំនួន ៣៦ប្រកួត។ Scamacca ក៏ត្រូវបានកោះហៅចូលក្រុមជំរើសជាតិអ៊ីតាលីផងដែរកាលពីខែកញ្ញាឆ្នាំមុន និងបង្ហាញខ្លួនបាន ៧ប្រកួតហើយតែមិនទាន់រកបានគ្រាប់បាល់នៅឡើយ។ West Ham មកទល់ពេលនេះបានយកកីឡាករចំនូលថ្មី ៣រូបរួចហើយរួមមានខ្សែការពារ Nayef Aguerd ពីក្លិបបារាំង Rennes តម្លៃ ៣០លានផោន អ្នកចាំទី Alphonse Areola ទិញផ្តាច់ពី PSG និងខ្សែបម្រើ Flynn Downes ពី Swansea តម្លៃ ១២លានផោន។ West Ham នឹងត្រូវបើករដូវកាល English Premier League នៅថ្ងៃទី៧ ខែសីហាខាងមុខទទួលក្រុមការពារតំណែងជើងឯក Manchester City៕អត្ថបទ៖នាង សុភាវុធ

ប្រតិភូ និងអត្តពលិកជនពិការ ១៧៩នាក់ទៅដល់ប្រទេសឥណ្ឌូនេស៊ីចូលរួមការប្រកួតអាស៊ានប៉ារ៉ាហ្គេម

អាស៊ានប៉ារ៉ាហ្គេម៖ ប្រតិភូ គ្រូបង្វឹក និងកីឡាករ-កីឡាការិនីជនពិការកម្ពុជាសរុបចំនួន ១៧៩នាក់ដែលបានចេញដំណើរតាមជើងយន្តហោះពិសេសដោយឥតគិតថ្លៃ ដើម្បីចូលរួមការប្រកួតកីឡាអាស៊ានប៉ារ៉ាហ្គេមលើកទី១១ ឆ្នាំ២០២២ បានមកដល់ទីក្រុងសូឡូ ប្រទេសឥណ្ឌូនេស៊ីដោយសុវត្ថិភាព បន្ទាប់ពីចាកចេញពីព្រះរាជាណាចក្រកម្ពុជានារសៀលថ្ងៃទី២៦ ខែកក្កដា ដោយមានការអញ្ជើញជូនដំណើរពីឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានប្រតិភូកីឡាប៉ារ៉ាឡាំពិកកម្ពុជាតំណាងដ៏ខ្ពង់ខ្ពស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា។ឯកឧត្តម យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា និងជានាយបេសកកម្មបានបញ្ជាក់ថា ការជូនដំណើរពីសំណាក់ឯកឧត្តម ហ៊ុន ម៉ានី បានបង្ហាញនូវសេចក្ដីរីករាយ និងកក់ក្ដៅប្រកបដោយមោទនភាពធ្វើឲ្យកីឡាករ-កីឡាការិនីជនពិការកម្ពុជា បង្ហាញនូវភាពជឿជាក់ក្នុងការបំពេញបេសកកម្មមួយនេះ។ ឯកឧត្តមបានថ្លែងអំណរគុណសម្ដេចតេជោនាយករដ្ឋមន្ដ្រី ដែលបានយកចិត្តទុកដាក់ដ៏ខ្ពង់ខ្ពស់ចំពោះប្រតិភូកីឡាប៉ារ៉ាឡាំពិកកម្ពុជា ដោយសម្ដេចតេជោបានផ្តល់យន្ដហោះពិសេស (Charter Flight) ដើម្បីដឹកជញ្ជូនប្រតិភូ និងអត្តពលិកកម្ពុជាហោះហើរត្រង់ពីរាជធានីភ្នំពេញទៅទីក្រុងសូឡូដើម្បីធានាសុវត្ថិភាពទាំងទៅ ទាំងមក ក្នុងការបង្ការជំងឺកូវីដ-១៩ ទៀតផង ជាពិសេសឧបត្ថម្ភប្រាក់ហោប៉ាវ និងការចាក់វ៉ាក់សាំងដូសជំរុញផងដែរ។ ជាមួយនឹងការយកចិត្តទុកដាក់នេះ ឯកឧត្តមអគ្គលេខាធិការ និងអត្តពលិកទាំងអស់ប្តេជ្ញាប្រឹងប្រែងឲ្យអស់ពីសមត្ថភាព ដណ្តើមមេដាយមាសជូនជាតិ សម្តេចតេជោ ថ្នាក់ដឹកនាំ និងប្រជាពលរដ្ឋជាង ១៧លាននាក់ឲ្យបាន។ឯកឧត្តម យី វាសនា ក៏បានផ្ដាំផ្ញើដល់អត្តពលិក គ្រូបង្វឹក គ្រូជំនួយ និងអ្នកបច្ចេកទេសឲ្យយកបេះដូងគិតពីតម្លៃរបស់ខ្លួនតំណាងឲ្យជាតិទាំងមូល និងប្រជាពលរដ្ឋជាង ១៧លាននាក់ ដូច្នេះយើងត្រូវធ្វើយ៉ាងណាដណ្តើមមេដាយមាសឲ្យបាន ដើម្បីបង្ហូតទង់ជាតិលើវេហាបង្ហាញពីមោទកភាព និងកិត្តិសព្ទកម្ពុជាលើឆាកអន្តរជាតិ។ ជាពិសេសជាការត្រៀមខ្លួនប្រកបដោយសក្ដានុពល សម្រាប់អត្តពលិកជនពិការកម្ពុជាដោយជោគជ័យ ទាំងការរៀបចំ និងការប្រកួតប្រជែងដណ្តើមមេដាយពីព្រឹត្តិការណ៍អាស៊ានប៉ារ៉ាហ្គេមលើកទី១២ នាឆ្នាំ២០២៣ នៅកម្ពុជា។ សូមបញ្ជាក់ថា ព្រឹត្តិការណ៍កីឡាអាស៊ានប៉ារ៉ាហ្គេមលើកទី១១ នៅឥណ្ឌូនេស៊ីនឹងប្រព្រឹត្តទៅពីថ្ងៃទី៣០ ខែកក្កដាដល់ថ្ងៃទី០៦ ខែសីហា ឆ្នាំ២០២២ ក្នុងនោះកម្ពុជាបានបញ្ជូនអត្តពលិកសរុបចំនួន ១១៥នាក់លើ ១១ប្រភេទកីឡាចូលរួមគឺមានកីឡាអត្តពលកម្ម ហែលទឹក បាល់ទះអង្គុយបុរស និងនារី បាល់បោះរទេះបុរស និងនារី បាល់បោះជនពិការភ្នែក បាល់ទាត់ ៧ម្ខាង (ចលករខួរក្បាល) វាយកូនឃ្លីលើតុ វាយសី លើកទម្ងន់ អុក និងប៊ូស្យា៕ អត្ថបទ៖ លី ឈុនឡា

កីឡាការិនីដាណឺម៉ាក Cecilie Ludwig ឈ្នះការប្រកួតដំណាក់កាលទី៣ Tour de France នារី

ប្រណាំងកង់៖ កីឡាការិនីដាណឺម៉ាក Cecilie Uttrup Ludwig បានប្រជែងឈ្នះដំណាក់កាលទី៣ នៃព្រឹត្តិការណ៍ប្រណាំងកង់ Tour de France នារីជាលើកដំបូង តែកីឡាការិនីហូឡង់ Marianne Vos បន្តនាំមុខរួម។ ដំណាក់កាលទី៣ ដែលមានចំងាយផ្លូវ ១៣៣.៦គីឡូម៉ែត្រ កីឡាការិនីដែលវ័យ ២៦ឆ្នាំដាណឺម៉ាករូបនេះបានមកដល់ទីព្រ័ត្រមុនគេប្រើពេល ៣ម៉ោង ២២នាទី ៥៤វិនាទី។ កីឡាការិនីហូឡង់ Marianne Vos ដែលឈ្នះដំណាក់កាលទី២ នោះបានមកដល់ទីព្រ័ត្រចំណាត់ថ្នាក់លេខ២ យឺតជាងអ្នកឈ្នះ ២វិនាទី និងលេខ៣ កីឡាការិនីអាហ្វ្រិកខាងត្បូង Ashleigh Moolman-Pasio។ ក្រោយ ៣ដំណាក់កាលនេះ Marianne Vos ដែលជិះឱ្យក្រុមប្រណាំង Jumbo-Visma នៅតែបន្តនាំមុខគេដដែលក្នុងតារាងរួមដោយមានវេលាចំណេញ ១៦វិនាទីពីលើអ្នកលេខ២ កីឡាការិនីអ៊ីតាលី Silvia Persico និងលេខ៣ កីឡាការិនីប៉ូឡូញ Katarzyna Niewiadoma។ សំរាប់ដំណាក់កាលទី៤ ថ្ងៃពុធនេះមានចំងាយផ្លូវ ១២៦.៨គីឡូម៉ែត្រឆ្លងកាត់ស្ថានភាពផ្លូវឡើងចុះភ្នំ៕អត្ថបទ៖នាង សុភាវុធ

Luis Suarez ឈានដល់កិច្ចព្រមព្រៀងវិលត្រលប់ទៅក្លិបដើមនៅអ៊ុយរូហ្កាយវិញ

បាល់ទាត់៖ ខ្សែប្រយុទ្ធវ័យចំណាស់ Luis Suarez បានឈានដល់កិច្ចព្រមព្រៀងហើយ ក្នុងការវិលត្រលប់ទៅកាន់ក្លិបដើមនៅប្រទេសកំណើតអ៊ុយរូហ្កាយវិញ។ កីឡាករវ័យ ៣៥ឆ្នាំរូបនេះបានចាកចេញពី Atletico Madrid ក្រោយផុតកិច្ចសន្យា និងត្រលប់ទៅកាន់ក្លិប Nacional។ អ្នកគាំទ្រប្រមាណ ២ម៉ឺននាក់បានពាក់ស្រោមមុខរូប Suarez អំឡុងការប្រកួតរបស់ Nacional កាលពីចុងសប្តាហ៍កន្លងទៅ ក្រោយដឹងដំណឹងថាអតីតខ្សែប្រយុទ្ធ Barcelona រូបនេះត្រលប់មកវិញ។ មុនឈានដល់កិច្ចព្រមព្រៀងនេះ Suarez ក៏មានទំនាក់ទំនងផ្ទេរទៅកាន់ក្លិបអាល្លឺម៉ង់ Borussia Dortmund ផងដែរតែការចរចាមិនត្រូវរ៉ូវគ្នា។ រំលឹកថា Luis Suarez បានចាប់ផ្តើមអាជីពបាល់ទាត់ដំបូងនៅឆ្នាំ២០០៥ ជាមួយក្លិបអ៊ុយរូហ្កាយ Nacional នេះឈ្នះជើងឯកលីគកំពូលអ៊ុយរូហ្កាយ មុនពេលផ្លាស់ទៅកាន់ក្លិបហូឡង់ Groningen។ ក្រោយទំរង់លេងល្អក្នុងរដូវកាលដំបូង Ajax ក៏ទិញពី Groningen ក្នុងតម្លៃ ៧លានអឺរ៉ូរហូតឈ្នះជើងឯកហូឡង់ជាមួយ Ajax ក្រោយស៊ុតបញ្ចូលទីសរុប ៨១គ្រាប់ក្នុងការបង្ហាញខ្លួន ១១០ប្រកួត។ឆ្នាំ២០១១ Luis Suarez បានផ្លាស់ទៅកាន់ Liverpool ក្នុងតម្លៃផ្ទេរ ២៣លានផោនស៊ុតបញ្ចូលទីបាន ៦៩គ្រាប់ក្នុងការបង្ហាញខ្លួន ១១០ប្រកួត មុនពេលផ្លាស់ទៅកាន់ Barcelona នៅឆ្នាំ២០១៤ ក្នុងតម្លៃផ្ទេរ ៦៥លានផោន។ Suarez បានចាប់ដៃគូប្រយុទ្ធជាមួយ Lionel Messi និង Neymar នៅ Barcelona ក្នុងរយៈពេល ៦ឆ្នាំបង្ហាញខ្លួនសរុប ១៩១ប្រកួតរកបាន ១៤៧គ្រាប់ឈ្នះជើងឯក La Liga បួនលើក Copa del Rey បួនលើក និង UEFA Champions League ១លើក មុនពេលផ្លាស់មកកាន់ Atletico Madrid ឈ្នះជើងឯក La Liga ម្តងទៀត៕អត្ថបទ៖នាង សុភាវុធ

ផ្លូវការ Paul Pogba ត្រូវអវត្តមាន ៣ខែដោយសាររបួសជង្គង់

បាល់ទាត់៖ ខ្សែបម្រើបារាំង Paul Pogba នឹងត្រូវអវត្តមានពីការប្រកួតយ៉ាងហោចណាស់ ៣ខែដោយសាររបួសជង្គង់។ សារព័ត៌មានអ៊ីតាលីមួយបានចុះផ្សាយថា របួសជង្គង់ខាងស្តាំរបស់ខ្សែបម្រើវ័យ ២៩ឆ្នាំរូបនេះត្រូវទទួលការវះកាត់ជាចាំបាច់។ របួសនេះបានធ្វើឱ្យ Pogba អវត្តមានពីការប្រកួតមិត្តភាព Pre-Season ជាមួយ Juventus ពេលជួប Barcelona, Real Madrid និង Atletico Madrid នៅសហរដ្ឋអាមេរិក ក៏ដូចជាការប្រកួតបើករដូវកាលថ្មី Italy Serie A ខែសីហាខាងមុខ និងបន្តអវត្តមាន ២ប្រកួតទៀតក្នុងវគ្គចែកពូល UEFA Champions League ផងដែរ។ របួសជង្គង់របស់ Pogba មិនមែនទើបតែថ្មីៗនេះនៅ Juventus ឡើយ ពោលគឺមានបញ្ហាបែបនេះតាំងពីពេលនៅ Manchester United ម្ល៉េះដែលធ្វើឱ្យអាជីពនៅ Old Trafford មិនសូវជាជោគជ័យ។រំលឹកថា Paul Pogba បានចូលរួមជាមួយ Manchester United ដំបូងនៅឆ្នាំ២០០៩ ផ្ទេរពីក្លិបបារាំង Le Havre ក្នុងវ័យត្រឹម ១៦ឆ្នាំ។ តែនៅឆ្នាំ២០១២ Pogba បានចាកចេញនៅពេលកិច្ចសន្យាអស់សុពលភាពនៅខែកក្កដា ឆ្នាំ២០១២ ក្រោយបង្ហាញខ្លួនឱ្យ Manchester United ត្រឹម ៧ប្រកួតប៉ុណ្ណោះ។ ទៅដល់ Juventus, Paul Pogba បានឈ្នះពានសំខាន់ចំនួន ៨ នៅទីក្រុង Turin បូករួមទាំងពាន Serie A បួនរដូវកាលជាប់គ្នា។ ត្រលប់មកកាន់ Manchester United, Paul Pogba បានឈ្នះពាន EFL Cup និង UEFA Europa League ក្នុងរដូវកាលដំបូងនៃការវិលត្រលប់របស់ខ្លួន៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ទង់ជាតិកម្ពុជា និងបណ្ដាប្រទេសអាស៊ានត្រូវបានបង្ហូតឡើង មុនពិធីបើកអាស៊ានប៉ារ៉ាហ្គេមចុងសប្ដាហ៍នេះ

ឡុង ភារ៉ាត់ ជួយព្រះខ័នរាជស្វាយរៀងយកឈ្នះសូលទីឡូ ១-០ នៃពានសម្ដេចតេជោ-ថ្នាក់ជាតិជើងទី១

Jermain Defoe និង Yaya Toure ចូលរួមជាមួយ Spurs ក្នុងក្រុមការងារគ្រូបង្វឹក

Juventus ប្រកាសបញ្ចប់កិច្ចសន្យាជាមួយខ្សែបម្រើវែល Aaron Ramsey

អង់គ្លេសឡើងវគ្គផ្តាច់ព្រ័ត្របាល់ទាត់ស្ត្រីជើងឯកអឺរ៉ុបលើកដំបូងតាំងពីឆ្នាំ២០០៩

West Ham ទិញបានខ្សែប្រយុទ្ធ Gianluca Scamacca ពី Sassuolo តម្លៃ ៣០.៥លានផោន

ប្រតិភូ និងអត្តពលិកជនពិការ ១៧៩នាក់ទៅដល់ប្រទេសឥណ្ឌូនេស៊ីចូលរួមការប្រកួតអាស៊ានប៉ារ៉ាហ្គេម

កីឡាការិនីដាណឺម៉ាក Cecilie Ludwig ឈ្នះការប្រកួតដំណាក់កាលទី៣ Tour de France នារី

Luis Suarez ឈានដល់កិច្ចព្រមព្រៀងវិលត្រលប់ទៅក្លិបដើមនៅអ៊ុយរូហ្កាយវិញ

ផ្លូវការ Paul Pogba ត្រូវអវត្តមាន ៣ខែដោយសាររបួសជង្គង់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ឡុង ភា​រ៉ាត់ ជួយ​ព្រះខ័ន​រាជ​ស្វាយរៀង​យកឈ្នះ​សូល​ទី​ឡូ ១-០ នៃ​ពាន​សម្ដេច​តេ​ជោ​-​ថ្នាក់ជាតិជើង​ទី​១

Jermain Defoe និង Yaya Toure ចូលរួម​ជាមួយ Spurs ក្នុង​ក្រុមការងារ​គ្រូបង្វឹក​

Juventus ប្រកាស​បញ្ចប់​កិច្ចសន្យា​ជាមួយ​ខ្សែបម្រើ​វែ​ល Aaron Ramsey

អង់គ្លេស​ឡើង​វគ្គ​ផ្តាច់ព្រ័ត្រ​បាល់ទាត់​ស្ត្រី​ជើងឯក​អឺរ៉ុប​លើកដំបូង​តាំងពី​ឆ្នាំ​២០០៩

West Ham ទិញ​បាន​ខ្សែប្រយុទ្ធ Gianluca Scamacca ពី Sassuolo តម្លៃ ៣០.៥​លាន​ផោន​

កីឡាការិនី​ដា​ណឺ​ម៉ាក Cecilie Ludwig ឈ្នះ​ការប្រកួត​ដំណាក់កាល​ទី​៣ Tour de France នារី

Luis Suarez ឈានដល់​កិច្ចព្រមព្រៀង​វិល​ត្រលប់​ទៅ​ក្លិប​ដើម​នៅ​អ៊ុយ​រូ​ហ្កា​យ​វិញ

ផ្លូវការ Paul Pogba ត្រូវ​អវត្តមាន ៣ខែ​ដោយសារ​របួស​ជង្គង់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ឡុង ភារ៉ាត់ ជួយព្រះខ័នរាជស្វាយរៀងយកឈ្នះសូលទីឡូ ១-០ នៃពានសម្ដេចតេជោ-ថ្នាក់ជាតិជើងទី១

Jermain Defoe និង Yaya Toure ចូលរួមជាមួយ Spurs ក្នុងក្រុមការងារគ្រូបង្វឹក

Juventus ប្រកាសបញ្ចប់កិច្ចសន្យាជាមួយខ្សែបម្រើវែល Aaron Ramsey

អង់គ្លេសឡើងវគ្គផ្តាច់ព្រ័ត្របាល់ទាត់ស្ត្រីជើងឯកអឺរ៉ុបលើកដំបូងតាំងពីឆ្នាំ២០០៩

West Ham ទិញបានខ្សែប្រយុទ្ធ Gianluca Scamacca ពី Sassuolo តម្លៃ ៣០.៥លានផោន

កីឡាការិនីដាណឺម៉ាក Cecilie Ludwig ឈ្នះការប្រកួតដំណាក់កាលទី៣ Tour de France នារី

Luis Suarez ឈានដល់កិច្ចព្រមព្រៀងវិលត្រលប់ទៅក្លិបដើមនៅអ៊ុយរូហ្កាយវិញ

ផ្លូវការ Paul Pogba ត្រូវអវត្តមាន ៣ខែដោយសាររបួសជង្គង់