BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

កីឡាការិនីនីហ្សេរីយ៉ា Tobi Amusan បំបែកកំណត់ត្រាពិភពលោករត់ផ្លោះរបង

រត់ផ្លោះរបង៖ កីឡាការិនីនីហ្សេរីយ៉ា Tobi Amusan បានបំបែកកំណត់ត្រាពិភពលោករត់ផ្លោះរបង ១០០ម៉ែត្រក្នុងការប្រកួតវគ្គពាក់កណ្តាលផ្តាច់ព្រ័ត្រ នៃព្រឹត្តិការណ៍កីឡាអត្តពលកម្មពិភពលោកនៅសហរដ្ឋអាមេរិក។ កីឡាការិនីនីហ្សេរីយ៉ាវ័យ ២៥ឆ្នាំរូបនេះធ្វើបានក្នុងថេរវេលា ១២.១២វិនាទី មុនពេលយកឈ្នះមេដាយមាសនៅវគ្គផ្តាច់ព្រ័ត្រ។ កំណត់ត្រាចាស់នៃវិញ្ញាសារត់ ១០០ម៉ែត្រផ្លោះរបងនេះគឺ ១២.២០វិនាទីដែលធ្វើបានកាលពីឆ្នាំ២០១៦ ដោយកីឡាការិនីអាមេរិក Kendra Harrison។ វិញ្ញាសានេះកីឡាការិនីមកពីចាម៉ៃកា Britany Anderson ទទួលបានមេដាយប្រាក់ និងមេដាយសំរឹទ្ធបានទៅកីឡាការិនីព័រតូរីកូជើងឯកអូឡាំពិក Jasmine Camacho Quinn។ មុនព្រឹត្តិការណ៍ពិភពលោកនេះ Tobi Amusan ក៏ទើបតែបំបែកកំណត់ត្រាទ្វីបអាហ្វ្រិកដែរក្នុងថេរវេលា ១២.៤០វិនាទីកាលពីថ្ងៃសៅរ៍៕អត្ថបទ៖នាង សុភាវុធ

Carlos Alcaraz ក្លាយជាកីឡាករវ័យក្មេងទី២ បន្ទាប់ពី Nadal ដែលហក់ចូលក្នុងលំដាប់ Top5

វាយកូនបាល់៖ កីឡាករវាយកូនបាល់អេស្ប៉ាញ Carlos Alcaraz បានក្លាយជាកីឡាករវ័យក្មេងបំផុតដែលឈរក្នុងលំដាប់ Top5 នៃតារាងចំណាត់ថ្នាក់ពិភពលោករបស់ ATP តាំងពី Rafael Nadal ដែលធ្លាប់ធ្វើបានដូចគ្នានេះកាលពីឆ្នាំ២០០៥។ កីឡាករវ័យ ១៩ឆ្នាំ Carlos Alcaraz បានយកឈ្នះកីឡាករស្លូវ៉ាគី Alex Molcan ៧-៦(៧-២) និង ៦-១ នៅវគ្គពាក់កណ្តាលផ្តាច់ព្រ័ត្រ តែចាញ់កីឡាករអ៊ីតាលី Lorenzo Musetti នៅវគ្គផ្តាច់ព្រ័ត្រកាលពីថ្ងៃអាទិត្យនៃការប្រកួតកម្មវិធី Hamburg Open នៅអាល្លឺម៉ង់។ Carlos Alcaraz មកដល់ Hamburg Open នេះបានគ្រងជើងឯកវគ្គផ្តាច់ព្រ័ត្រកម្មវិធី Tour ចំនួនប្រាំកម្មវិធីរួចមកហើយបូករួមទាំង Miami Open និង Madrid Open។Carlos Alcaraz បានទទួលការកោតសរសើរជាច្រើនពីរៀមច្បង Rafael Nadal តាមរយៈទេពកោសល្យរបស់គេដែលបានឈានឡើងមកឈរលំដាប់លេខ ៥ពិភពលោកបែបនេះ។ ថ្វីបើចាញ់នៅវគ្គផ្តាច់ព្រ័ត្រ Hamburg Open, Alcaraz បានទម្លាក់កីឡាករណ័រវេយ Casper Ruud មកឈរលេខ៦ វិញក្នុងតារាងចំណាត់ថ្នាក់ពិភពលោករបស់ ATP World Ranking៕អត្ថបទ៖នាង សុភាវុធ

កីឡាការិនីហូឡង់ Marianne Vos ឈ្នះដំណាក់កាលទី២ ប្រណាំងកង់ Tour de France នារី

ប្រណាំងកង់៖ កីឡាការិនីហូឡង់ Marianne Vos បានប្រជែងឈ្នះដំណាក់កាលទី២ នៃព្រឹត្តិការណ៍ប្រណាំងកង់ Tour de France ផ្នែកនារីថ្ងៃចន្ទម្សិលមិញ។ នេះជាឆ្នាំដំបូងដែល Tour de France រៀបចំឱ្យការប្រកួតផ្នែកនារីនេះ បន្ទាប់ពីការប្រកួតផ្នែកបុរសបានបញ្ចប់ដោយកីឡាករដាណឺម៉ាក Jonas Vingegaard គ្រងជើងឯក។ សំរាប់ផ្នែកនារីដំណាក់កាលទី២ ម្សិលមិញមានចម្ងាយផ្លូវ ១៣៦.៤គីឡូម៉ែត្រ Marianne Vos ដែលជិះឱ្យក្រុមប្រណាំង Jumbo-Visma បានមកដល់ទីព្រ័ត្រមុនគេប្រើពេល ៣ម៉ោង ១៤នាទី ២វិនាទី តាមពីក្រោយដោយកីឡាការិនីអ៊ីតាលី Silvia Persico និងលេខ៣ កីឡាការិនីប៉ូឡូញ Katarzyna Niewiadoma ស្ថិតក្នុងថេរវេលាដូចគ្នា។ ជ័យជំនះនេះដែរក៏បានធ្វើឱ្យកីឡាការិនីវ័យ ៣៥ឆ្នាំ Marianne Vos ឡើងមកនាំមុខគេក្នុងតារាងរួមផងដែរមានវេលាចំនេញ ១០វិនាទីលើអ្នកលេខ២ កីឡាការិនីអ៊ីតាលី Silvia Persico និងលេខ៣ កីឡាការិនី Katarzyna Niewiadoma យឺតជាង ១២វិនាទី។ សំរាប់ដំណាក់កាលទី៣ ថ្ងៃអង្គារនេះមានចម្ងាយផ្លូវ ១៣៣.៦គីឡូម៉ែត្រឆ្លងកាត់ស្ថានភាពផ្លូវឡើងចុះភ្នំ៕អត្ថបទ៖នាង សុភាវុធ

World Cup នៅកាតានឹងប្រើប្រាស់ឧបករណ៍ដ្រូនជាផ្នែកមួយនៃប្រព័ន្ធការពារកីឡដ្ឋាន

បាល់ទាត់៖ ព្រឹត្តិការណ៍បាល់ទាត់ពិភពលោក FIFA World Cup 2022 នៅកាតាឆ្នាំនេះ ក្រៅពីការការពារសន្តិសុខដោយមនុស្ស និងឧបករណ៍ផ្សេងៗ ឧបករណ៍ដ្រូននឹងដើរតួជាផ្នែកមួយនៃប្រព័ន្ធការពារសន្តិសុខរបស់កីឡដ្ឋាននីមួយៗ។ ឧបករណ៍ដ្រូនកន្លងមកមិនត្រូវបានអនុញ្ញាតឱ្យប្រើប្រាស់ នៅកីឡដ្ឋានបាល់ទាត់អំឡុងការប្រកួតឡើយ តែនៅពេលនេះ FIFA រួមជាមួយកាតាបានព្រមព្រៀងគ្នាក្នុងអនុញ្ញាតឱ្យប្រើប្រាស់ដ្រូន ដើម្បីការពារប្រសិនបើមិនឧបករណ៍ដ្រូន អនាមិកណាមួយចូលមកកាន់ទីលាន តាមរយៈការប៉ុនប៉ងបំផ្ទុះគ្រាប់បែក រឺការសរសេរពាក្យតវ៉ាណាមួយ។ ក្រុមហ៊ុនទទួលបន្ទុកលើការគ្រប់គ្រងដ្រូននេះគឺ Fortem Technologies ពោលគឺឧបករណ៍ដ្រូននៃការគ្រប់គ្រងរបស់ Fortem និងបាញ់ទំលាក់ដ្រូនអនាមិកភ្លាមៗមិនឱ្យទៅក្បែទីលានប្រកួត រឺកីឡដ្ឋានបានឡើយ។យ៉ាងណាក្តី Fortem Technologies បានបញ្ជាក់ថា នេះជាផ្នែកមួយនៃការពារប្រព័ន្ធសន្តិសុខតាមដែលអាចធ្វើទៅបាន តែមិនមែនបានន័យថា អាចទប់ស្កាត់ការប៉ុនប៉ងរបស់ក្រុមភេវរជនបានទាំងស្រុងនោះទេ។ សូមបញ្ជាក់ថា ព្រឹត្តិការណ៍បាល់ទាត់ពិភពលោក FIFA World Cup 2022 នៅទឹកដីកាតាដែលជាលើកដំបូងនៅលើទឹកដីមជ្ឈិមបូព៌ា នឹងចាប់ផ្តើមនៅអំឡុងខែវិច្ឆិកាដល់ខែធ្នូចុងឆ្នាំនេះ៕អត្ថបទ៖នាង សុភាវុធ

កីឡាប៉ារ៉ាឡាំពិកកម្ពុជាចេញទៅចូលរួមការប្រកួតអាស៊ានប៉ារ៉ាហ្គេមលើកទី១១

ប៉ារ៉ាឡាំពិក៖ ព្រឹកថ្ងៃទី២៦ ខែកក្កដា ឆ្នាំ២០២២នេះ ប្រតិភូកីឡាករ-កីឡាការិនីប៉ារ៉ាឡាំពិកកម្ពុជា បានចាកចេញទៅចូលរួមការប្រកួតកីឡាអាស៊ានប៉ារ៉ាហ្គេម ២០២២ នៅទីក្រុងសូឡូ ខេត្តជ្វាកណ្តាល ប្រទេសឥណ្ឌូនេស៊ី តាមជើងយន្តហោះពិសេស Sky Angkor Airlines។ គណៈប្រតិភូដែលមានសមាជិក ១៦៦នាក់ដែលជាថ្នាក់ដឹកនាំ គ្រូបង្វឹក គ្រូជំនួយ មន្ត្រីជំនាញមកពី CAMSCO និងកីឡាករ-កីឡាការិនី ដឹកនាំដោយឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាតំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានគណៈកម្មាធិការជាតិប៉ារ៉ាឡាំពិកកម្ពុជា។ ឯកឧត្តម យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា និងជានាយបេសកកម្មអាស៊ានប៉ារ៉ាហ្គេមកម្ពុជាបានបង្ហាញក្ដីរំពឹងថា ក្នុងការប្រកួតកីឡាអាស៊ានប៉ារ៉ាហ្គេម លើកទី១១ នៅប្រទេសឥណ្ឌូនេស៊ីដែលនឹងបើកការប្រកួតនាចុងសប្ដាហ៍នេះ ក្រុមអត្តពលិកជនពិការកម្ពុជាអាចដណ្ដើមបានមេដាយមាសយ៉ាងតិច ៣គ្រឿង។ នាយបេសកកម្មដដែលរំពឹងថា កម្ពុជានឹងអាចបំបែកឯតទគ្គកម្មមេដាយ សម្រាប់ការប្រកួតកីឡាអាស៊ានប៉ារ៉ាហ្គេម លើកទី៩ ឆ្នាំ២០១៧ នៅម៉ាឡេស៊ី ដែលកាលនោះកម្ពុជាដណ្ដើមបានត្រឹមមេដាយប្រាក់ ៥ និងសំរឹទ្ធ ៥គ្រឿងប៉ុណ្ណោះ។ប៉ុន្ដែផ្អែកលើការខំប្រឹង និងការប្ដេជ្ញាចិត្តរបស់កីឡាករ-កីឡាការិនីជនពិការកម្ពុជាឆ្នាំនេះ ឯកឧត្តមជឿជាក់កម្ពុជានឹងអាចឈ្នះមេដាយមាសយ៉ាងតិច ៣គ្រឿង ខណៈមេដាយប្រាក់យ៉ាងហោច ១០ និងមេដាយសំរឹទ្ធយ៉ាងហោច ១៥គ្រឿងផងដែរ។ សូមបញ្ជាក់ថា ប្រតិភូកីឡាប៉ារ៉ាឡាំពិកកម្ពុជាដែលនឹងចូលរួមប្រកួតកីឡាអាស៊ានប៉ារ៉ាហ្គេមលើកទី១១ នៅទីក្រុងសូឡូនាចុងសប្ដាហ៍នេះគឺមានចំនួន ១៦៦នាក់ក្នុងនោះមានកីឡាករ-កីឡាការិនីចំនួន ១១៥នាក់លើ ១១ប្រភេទកីឡារួមមានកីឡាអត្តពលកម្ម ហែលទឹក បាល់ទះបុរស និងនារី បាល់បោះរទេះបុរស និងនារី បាល់បោះជនពិការ បាល់ទាត់ម្ខាង ៧នាក់ វាយកូនឃ្លីលើតុ វាយសី លើកទម្ងន់ អុក និងបូស្យា។ ការប្រកួតដំណើរការពីថ្ងៃទី៣០ ខែកក្កដាដល់ថ្ងៃទី០៦ ខែសីហា ឆ្នាំ២០២២។ ជាមួយគ្នានោះក៏នឹងមានមន្ដ្រីគណៈកម្មាធិការជាតិរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ ជាច្រើនរូបនឹងចូលរួមសិក្សារៀនសូត្រ ដើម្បីដកស្រង់បទពិសោធន៍ពីការរៀបចំព្រឹត្តិការណ៍កីឡាអាស៊ានប៉ារ៉ាហ្គេម សម្រាប់យកមកត្រៀមរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ នៅកម្ពុជាផងដែរ៕ អត្ថបទ៖ គង់ ហួន

ប្រធានសហព័ន្ធហាប់គីដូជំរុញការចងសម្ព័ន្ធជាមួយកីឡាផ្សេង ដើម្បីផ្លាស់ប្ដូរបច្ចេកទេស និងការអភិវឌ្ឍ

ហាប់គីដូ៖ លោក សៅ សេងហាក់ ប្រធានសហព័ន្ធខ្មែរកីឡាហាប់គីដូ បានលើកទឹកចិត្តឲ្យមន្ដ្រីបច្ចេកទេសសហព័ន្ធ ធ្វើការចងសម្ព័ន្ធជាមួយប្រភេទកីឡាផ្សេងៗ ដែលមានមូលដ្ឋានក្បាច់គុនត្រដៀងគ្នាដើម្បីផ្លាស់ប្ដូរបច្ចេកទេស និងជំរុញការអភិវឌ្ឍឲ្យកាន់តែរីកចម្រើន។ ការលើកឡើងដូច្នេះធ្វើឡើងក្នុងកិច្ចប្រជុំបូកសរុបការងារប្រចាំត្រីមាស និងលើកទិសដៅអនុវត្តបន្ដរបស់សហព័ន្ធ ក្នុងអាណត្តិទី៧ កាលពីចុងសប្ដាហ៍កន្លងទៅ ក្រោមការដឹកនាំរបស់ប្រធានសហព័ន្ធថ្មី បន្ទាប់ពីលោក សៅ សេងហាក់ ទទួលបានការគាំទ្រពីអង្គមហាសន្និបាតបញ្ចប់អាណត្តិទី៦ បន្ដអាណត្ដិថ្មីកាលពីខែមេសាកន្លងទៅ។ លោកថា ប្រភេទកីឡាក្បាច់គុនភាគច្រើនគឺជ្រលិះៗគ្នា មិនខុសគ្នាឆ្ងាយប៉ុន្មានទេ អ្វីដែលសំខាន់គឺមានគោលដៅតែមួយគឺការផ្ដួលគូប្រកួតប្រជែង។ ដូច្នេះលោកលើកទឹកចិត្តឲ្យកីឡាហាប់គីដូចងសម្ព័ន្ធជាមួយកីឡាផ្សេងៗ ដើម្បីផ្លាស់ប្ដូរបច្ចេកទេស ក៏ដូចជាជំរុញការផ្សព្វផ្សាយវិស័យកីឡាមួយនេះឲ្យកាន់តែទូលំទូលាយ និងរីកចម្រើនបន្ថែមទៀត។លើសពីនេះក្នុងនាមប្រធានសហព័ន្ធថ្មី លោកបានធ្វើការជំរុញឲ្យកីឡាករ-កីឡាការិនីទាំងអស់ត្រូវខិតខំប្រឹងប្រែងហ្វឹកហាត់បង្កើនបច្ចេកទេស ដើម្បីអភិវឌ្ឍន៍សមត្ថភាពឲ្យកាន់តែល្អប្រសើរ ក្នុងការទទួលបានឱកាសក្លាយជាគ្រូបង្គោលនាថ្ងៃអនាគត ហើយឈានទៅសាបព្រោះវិស័យកីឡាហាប់គីដូកម្ពុជាឲ្យកាន់តែទូលំទូលាយ នៅក្នុងប្រទេសកម្ពុជាផងដែរ។លោក គង់ ចាន់ធីណា បានបញ្ជាក់ថា រយៈពេល ៣ខែចុងក្រោយនេះ សហព័ន្ធបានសម្រេចសកម្មភាពការងារជាច្រើន ដូចជាការបើកវគ្គបណ្ដុះបណ្ដាល និងបង្ហាត់ស្នៀតជំនាញបច្ចេកទេស ដើម្បីការពារសន្ដិសុខដល់ក្រុមគ្រូបង្គោលមកពីពីសាលាបណ្ឌិតសភានគរបាលជាតិ ក្រុមកងកម្លាំងបញ្ជាការដ្ឋានកងអង្គរក្សសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា និងបើកវគ្គបណ្ដុះបណ្ដាលដល់ក្លិបសមាជិក។ លោកថា បច្ចុប្បន្នសហព័ន្ធមានក្លិបសមាជិកចំនួន ៤ ដែលមានសិស្សគុនសរុបប្រមាណ ៧២នាក់។ បន្ទាប់ពីសហព័ន្ធបានបោះឆ្នោតជ្រើសរើសប្រធានថ្មី លោកបានចាត់ចែងដឹកនាំកិច្ចប្រជុំរៀបចំឯកសារពាក់ព័ន្ធ និងដាក់ទិសដៅការងារជាបន្តបន្ទាប់ដោយមានកិច្ចសហការផ្ទៃក្នុងល្អ ប្រកបដោយសុខដុមនីយកម្មរហូតទទួលបានការគាំទ្រ និងទទួលស្គាល់សមាជិកភាពពីក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជាទៀតផង៕អត្ថបទ៖ លី ឈុនឡា

ទើបត្រលប់ទៅ Juventus, Pogba របួសជង្គង់ប្រឈមការវះកាត់

បាល់ទាត់៖ ក្លិបសេះបង្កង់ Juventus បានបញ្ជាក់ថា ខ្សែបម្រើបារាំង Paul Pogba រងរបួសជង្គង់ប្រឈមនឹងការវះកាត់។ របួសនេះបានធ្វើឱ្យកីឡាករវ័យ ២៩ឆ្នាំរូបនេះអវត្តមានពីការប្រកួតមិត្តភាពរបស់ Juventus ទល់នឹង Barcelona នៅទីក្រុង Dallas សហរដ្ឋអាមេរិក។ Paul Pogba បានចាកចេញពី Juventus មកកាន់ Manchester United កាលពីឆ្នាំ២០១៦ ក្នុងតម្លៃបំបែកកំណត់ត្រាពិភពលោកពេលនោះ មុនពេលចាកចេញត្រលប់មកអ៊ីតាលីវិញក្រោយផុតសុពលភាពកិច្ចសន្យា។ របួសជង្គង់របស់ Pogba មិនមែនទើបតែថ្មីៗនេះនៅ Juventus ឡើយ ពោលគឺមានបញ្ហាបែបនេះតាំងពីពេលនៅ Manchester United ម្ល៉េះដែលធ្វើឱ្យអាជីពនៅ Old Trafford មិនសូវជាជោគជ័យ។ រំលឹកថា Paul Pogba បានចូលរួមជាមួយ Manchester United ដំបូងនៅឆ្នាំ២០០៩ ផ្ទេរពីក្លិបបារាំង Le Havre ក្នុងវ័យត្រឹម ១៦ឆ្នាំ។តែនៅឆ្នាំ២០១២ Pogba បានចាកចេញនៅពេលកិច្ចសន្យាអស់សុពលភាពនៅខែកក្កដា ឆ្នាំ២០១២ ក្រោយបង្ហាញខ្លួនឱ្យ Manchester United ត្រឹម ៧ប្រកួតប៉ុណ្ណោះ។ ទៅដល់ Juventus, Paul Pogba បានឈ្នះពានសំខាន់ចំនួន ៨ នៅទីក្រុង Turin បូករួមទាំងពាន Serie A បួនរដូវកាលជាប់គ្នា។ ត្រលប់មកកាន់ Manchester United, Paul Pogba បានឈ្នះពាន EFL Cup និង UEFA Europa League ក្នុងរដូវកាលដំបូងនៃការវិលត្រលប់របស់ខ្លួន៕អត្ថបទ៖នាង សុភាវុធ

ប្រធានសហព័ន្ធថា កីឡាគុនដាវមានការទទួលស្គាល់ និងរីកចម្រើនច្រើនជាងមុន

គុនដាវ៖ ឯកឧត្តម តែ ឡូរិន ប្រធានសហព័ន្ធកីឡាគុនដាវកម្ពុជា បានមើលឃើញវិស័យកីឡាមួយនេះកំពុងមានភាពរីកចម្រើន និងការទទួលស្គាល់កាន់តែទូលំទូលាយជាងមុន បន្ទាប់ពីបញ្ចប់ការប្រកួតជើងឯកថ្នាក់ជាតិប្រចាំឆ្នាំ២០២២ កាលពីចុងសប្ដាហ៍កន្លងទៅ នៅសាលដំបូងទូកនៃសាកលវិទ្យាល័យភូមិន្ទភ្នំពេញ។ ប្រធានសហព័ន្ធដដែលបានគូសបញ្ជាក់ថា ការប្រកួតឆ្នាំនេះមានកីឡាករ-កីឡាការិនីចូលរួមសរុប ៥៥នាក់មកពី ១១ក្លិបតាមរាជធានី-ខេត្តមួយចំនួន។ ប៉ុន្ដែចំនួននេះមានកើនគួរឲ្យកត់សម្គាល់ពិសេសក្លិបចូលរួម បើធៀបកាលពីសហព័ន្ធទើបកកើតដំបូងមានក្លិបចូលរួមប្រមាណ ២ ឬ ៣ក្លិបប៉ុណ្ណោះ។ តាមរយៈនេះ ឯកឧត្តមបានចាត់ទុកជាសញ្ញាវិជ្ជមានមួយ នៃភាពរីកចម្រើនរបស់វិស័យកីឡាគុនដាវកម្ពុជានាពេលបច្ចុប្បន្ន ហើយឯកឧត្តមសង្ឃឹមថា ទៅថ្ងៃអនាគត វិស័យកីឡាមួយនេះនឹងកាន់តែផុលផុសនៅទូទាំងប្រទេស ដើម្បីលុបបំបាត់ការយល់ខុសរបស់អាណាព្យាបាលមួយចំនួនមកលើសហព័ន្ធ ក៏ដូចជាកីឡាគុនដាវ។ ទន្ទឹមជាមួយគ្នា ឯកឧត្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡាបានកោតសរសើរ និងវាយតម្លៃខ្ពស់ចំពោះសហព័ន្ធ និងដៃគូសហការដែលបានខិតខំរៀបចំ និងគាំទ្រព្រឹត្តិការណ៍ថ្នាក់ជាតិនេះ ពិសេសជំរុញការអភិវឌ្ឍន៍ក្នុងស្មារតីទទួលខុសត្រូវខ្ពស់ ចំពោះមុខរាជរដ្ឋាភិបាល ដើម្បីត្រៀមលក្ខណៈធ្វើម្ចាស់ផ្ទះស៊ីហ្គេមឆ្នាំ២០២៣ ខាងមុខ។ក្នុងនាមក្រសួងអប់រំ យុវជន និងកីឡា ឯកឧត្តមបានជំរុញ និងលើកទឹកចិត្តឲ្យសហព័ន្ធបន្ដការខំប្រឹងបន្ថែមទៀត ទាំងគណៈកម្មាធិការប្រតិបត្តិសហព័ន្ធ ពិសេសមន្ដ្រីបច្ចេកទេស និងកីឡាករ-កីឡាការិនីដើម្បីត្រៀមទទួលរៀបចំព្រឹត្តិការណ៍ជាប្រវត្តិសាស្ដ្រប្រកបដោយភាពជោគជ័យនាឆ្នាំក្រោយ។ សម្រាប់ការប្រកួតកីឡាគុនដាវជើងឯកថ្នាក់ជាតិឆ្នាំនេះ បានប្រព្រឹត្តទៅរយៈពេល ២ថ្ងៃដែលប្រកួតលើ ៦វិញ្ញាសា។ ជាលទ្ធផលក្លិបហូសាណាដណ្ដើមបានមេដាយច្រើនជាងគេរួមមានមេដាយមាស ៤ ប្រាក់ ១ និងសំរឹទ្ធ ៤ ខណៈក្លិបសន្ធរម៉ុកឈរលេខ២ ដណ្ដើមបានមេដាយមាស ១ ប្រាក់ ១ និងសំរឹទ្ធ ២ និងក្លិបផេនដាឈរលេខ៣ ដណ្ដើមបានមេដាយមាស ១ និងប្រាក់ ១គ្រឿង៕អត្ថបទ៖ លី ឈុនឡា

ប្រដាល់សកលទទួលបានគ្រូអន្ដរជាតិថ្មី ដើម្បីពង្រឹងការហ្វឹកហាត់ត្រៀមស៊ីហ្គេម ២០២៣

ប្រដាល់សកល៖ សហព័ន្ធកីឡាប្រដាល់សកលកម្ពុជា បានប្រកាសគ្រូបង្វឹកក្រុមជម្រើសជាតិថ្មីគឺលោក Kassymkhanov Berikbol Amantayevich ជនជាតិកាហ្សាក់ស្ថាន ដែលនឹងត្រូវដឹកនាំក្រុមកីឡាប្រដាល់សកលជម្រើសជាតិកម្ពុជា រហូតដល់ស៊ីហ្គេមឆ្នាំ២០២៣។ នេះបើតាមការបញ្ជាក់របស់លោក ប៊ុយ សុភ័ណ្ឌ អគ្គលេខាធិការសហព័ន្ធក្នុងពិធីណែនាំគ្រូបង្វឹកថ្មីកាលពីថ្ងៃទី២៥ ខែកក្កដា ឆ្នាំ២០២២ ម្សិលមិញ។លោកថា ការនាំយកគ្រូបង្វឹកកម្រិតអន្ដរជាតិមកពង្រឹងក្រុមជម្រើសជាតិកម្ពុជានេះ ក្រោមការឧបត្ថម្ភគាំទ្ររបស់គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) ហើយលោក Kassymkhanov Berikbol Amantayevich គឺជាគ្រូបង្វឹកមានបទពិសោធន៍ជោគជ័យក្នុងវិស័យកីឡានេះ ដែលធ្លាប់ដឹកនាំក្រុមជម្រើសជាតិវៀតណាម មីយ៉ាន់ម៉ា និងធ្លាប់ជាគ្រូបង្វឹកជម្រើសជាតិផ្នែកយោធាកាហ្សាក់ស្ថានទៀតផង។ អ្វីដែលពិសេសមុនធ្វើដំណើរមកកម្ពុជា គ្រូបង្វឹកជនជាតិកាហ្សាក់ស្ថានរូបនេះទើបបញ្ចប់ភារកិច្ចបង្ហាត់រយៈពេល ១ឆ្នាំនៅប្រទេសតួកគី។ ផ្អែកលើបទពិសោធន៍ទាំងអស់នេះ លោក ប៊ុយ សុភ័ណ្ឌ រំពឹងយ៉ាងមុតមាំថា លោកនឹងអាចជួយពង្រឹងសមត្ថភាពកីឡាករ-កីឡាការិនីប្រដាល់សកលកម្ពុជាកាន់តែរឹងមាំ ដើម្បីត្រៀមលក្ខណៈសម្បត្តិប្រកួតប្រជែង និងដណ្ដើមមេដាយជូនជាតិនៅក្នុងការប្រកួតកីឡាស៊ីហ្គេមឆ្នាំ២០២៣ ដែលកម្ពុជានឹងធ្វើជាម្ចាស់ផ្ទះ។ជាមួយគ្នានោះលោក Kassymkhanov Berikbol Amantayevich បានធ្វើការប្ដេជ្ញាចិត្តចំពោះថ្នាក់ដឹកនាំសហព័ន្ធ និងកីឡាករ-កីឡាការិនី ដោយលោកនឹងខិតខំប្រឹងប្រែងឲ្យអស់ពីសមត្ថភាព ដើម្បីដឹកនាំ និងបង្វឹកហាត់ដល់ក្រុមជម្រើសជាតិកម្ពុជាឆ្ពោះទៅរកគុណផលខ្ពស់។ មិនតែប៉ុណ្ណោះលោកក៏មានគម្រោងស្នើសុំគណៈកម្មាធិការជាតិ CAMSOC ដើម្បីបញ្ជូនក្រុមកីឡាប្រដាល់សកលកម្ពុជា ទៅបោះជុំរុំហ្វឹកហាត់នៅកាហ្សាក់ស្ថាន មុនការប្រកួតស៊ីហ្គេមមកដល់ទៀតផង។ សូមបញ្ជាក់ថា ក្នុងស៊ីហ្គេមលើកទី៣១ នៅប្រទេសវៀតណាមកាលពីថ្មីៗ កីឡាប្រដាល់សកលកម្ពុជាដណ្ដើមបានមេដាយសរុប ៤គ្រឿងរួមមានមេដាយប្រាក់ ១ និងសំរឹទ្ធ ៣។ ប៉ុន្ដែសម្រាប់បេសកកម្មស៊ីហ្គេមឆ្នាំ២០២៣ ក្នុងនាមម្ចាស់ផ្ទះ សហព័ន្ធបានកំណត់គោលដៅធ្វើបានឲ្យបានល្អប្រសើរជាងនេះ ពិសេសទិសដៅស្វែងរកមេដាយមាសតែម្ដង៕អត្ថបទ៖ លី ឈុនឡា

Gareth Bale ស៊ុតបញ្ចូលទីគ្រាប់ដំបូងឲ្យ Los Angeles FC

បាល់ទាត់៖ ខ្សែប្រយុទ្ធវែល Gareth Bale បានស៊ុតបញ្ចូលទីគ្រាប់ដំបូងជាមួយក្លិបថ្មី Los Angeles FC ក្នុងជ័យជំនះ ២-០ លើ Sporting Kansas City ថ្ងៃអាទិត្យម្សិលមិញនៃក្របខណ្ឌអាមេរិក Major League Soccer។ កីឡាករវ័យ ៣៣ ឆ្នាំដែលបានចូលលេងប្រកួតដំបូងសប្តាហ៍មុននោះ រកបានគ្រាប់ដំបូងរបស់ខ្លួននៅនាទីទី ៨៣ ក្រោយត្រូវប្តូរចូល។ Bale បាននិយាយថា នេះជាគ្រាប់ដ៏មានសារសំខាន់របស់គេក្នុងរបត់នៃអាជីពរបស់ខ្លួននៅលើទឹកដីអាមេរិកនេះ និងរីករាយដែលជួយ LAFC បានបីពិន្ទុ។ កីឡាករវ័យ ៣៣ ឆ្នាំរូបនេះបានផ្លាស់មកកាន់ទឹកដីអាមេរិកបន្ទាប់ពីផុតកិច្ចសន្យាជាមួយ Real Madrid និងបានចុះហត្ថលេខាលេងឲ្យ LAFC ដល់ឆ្នាំ២០២៤។ Los Angeles FC កំពុងនាំមុខគេក្នុងតារាងក្របខណ្ឌលីគកំពូលអាមេរិក Major League Soccer នៅភាគខាងលិច ខណៈប្រកួតបន្ទាប់របស់ពួកគេគឺត្រូវទទួល Seattle Sounders ថ្ងៃសៅរ៍ ទី៣០ ខែកក្កដានេះ។ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

កីឡាការិនីនីហ្សេរីយ៉ា Tobi Amusan បំបែកកំណត់ត្រាពិភពលោករត់ផ្លោះរបង

Carlos Alcaraz ក្លាយជាកីឡាករវ័យក្មេងទី២ បន្ទាប់ពី Nadal ដែលហក់ចូលក្នុងលំដាប់ Top5

កីឡាការិនីហូឡង់ Marianne Vos ឈ្នះដំណាក់កាលទី២ ប្រណាំងកង់ Tour de France នារី

World Cup នៅកាតានឹងប្រើប្រាស់ឧបករណ៍ដ្រូនជាផ្នែកមួយនៃប្រព័ន្ធការពារកីឡដ្ឋាន

កីឡាប៉ារ៉ាឡាំពិកកម្ពុជាចេញទៅចូលរួមការប្រកួតអាស៊ានប៉ារ៉ាហ្គេមលើកទី១១

ប្រធានសហព័ន្ធហាប់គីដូជំរុញការចងសម្ព័ន្ធជាមួយកីឡាផ្សេង ដើម្បីផ្លាស់ប្ដូរបច្ចេកទេស និងការអភិវឌ្ឍ

ទើបត្រលប់ទៅ Juventus, Pogba របួសជង្គង់ប្រឈមការវះកាត់

ប្រធានសហព័ន្ធថា កីឡាគុនដាវមានការទទួលស្គាល់ និងរីកចម្រើនច្រើនជាងមុន

ប្រដាល់សកលទទួលបានគ្រូអន្ដរជាតិថ្មី ដើម្បីពង្រឹងការហ្វឹកហាត់ត្រៀមស៊ីហ្គេម ២០២៣

Gareth Bale ស៊ុតបញ្ចូលទីគ្រាប់ដំបូងឲ្យ Los Angeles FC

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

កីឡាការិនី​នី​ហ្សេ​រី​យ៉ា Tobi Amusan បំបែក​កំណត់ត្រា​ពិភពលោក​រត់​ផ្លោះ​របង​

Carlos Alcaraz ក្លាយជា​កីឡាករ​វ័យក្មេង​ទី​២ បន្ទាប់ពី Nadal ដែល​ហក់​ចូលក្នុង​លំដាប់ Top5

កីឡាការិនី​ហូ​ឡង់ Marianne Vos ឈ្នះ​ដំណាក់កាល​ទី​២ ប្រណាំង​កង់ Tour de France នារី​

World Cup នៅ​កាតា​នឹង​ប្រើប្រាស់​ឧបករណ៍​ដ្រូ​ន​ជា​ផ្នែក​មួយ​នៃ​ប្រព័ន្ធ​ការពារ​កីឡដ្ឋាន

កីឡា​ប៉ា​រ៉ា​ឡាំ​ពិក​កម្ពុជា​ចេញទៅ​ចូលរួម​ការប្រកួត​អាស៊ាន​ប៉ា​រ៉ា​ហ្គេម​លើក​ទី​១១

ទើប​ត្រលប់​ទៅ Juventus, Pogba របួស​ជង្គង់​ប្រឈម​ការវះកាត់

ប្រធាន​សហព័ន្ធ​ថា កីឡា​គុន​ដាវ​មានការ​ទទួលស្គាល់ និង​រីកចម្រើន​ច្រើនជាង​មុន

ប្រដាល់​សកល​ទទួលបាន​គ្រូ​អន្ដរជាតិ​ថ្មី ដើម្បី​ពង្រឹង​ការហ្វឹកហាត់​ត្រៀម​ស៊ី​ហ្គេម ២០២៣

Gareth Bale ស៊ុត​បញ្ចូល​ទី​គ្រាប់​ដំបូង​ឲ្យ Los Angeles FC

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

កីឡាការិនីនីហ្សេរីយ៉ា Tobi Amusan បំបែកកំណត់ត្រាពិភពលោករត់ផ្លោះរបង

Carlos Alcaraz ក្លាយជាកីឡាករវ័យក្មេងទី២ បន្ទាប់ពី Nadal ដែលហក់ចូលក្នុងលំដាប់ Top5

កីឡាការិនីហូឡង់ Marianne Vos ឈ្នះដំណាក់កាលទី២ ប្រណាំងកង់ Tour de France នារី

World Cup នៅកាតានឹងប្រើប្រាស់ឧបករណ៍ដ្រូនជាផ្នែកមួយនៃប្រព័ន្ធការពារកីឡដ្ឋាន

កីឡាប៉ារ៉ាឡាំពិកកម្ពុជាចេញទៅចូលរួមការប្រកួតអាស៊ានប៉ារ៉ាហ្គេមលើកទី១១

ទើបត្រលប់ទៅ Juventus, Pogba របួសជង្គង់ប្រឈមការវះកាត់

ប្រធានសហព័ន្ធថា កីឡាគុនដាវមានការទទួលស្គាល់ និងរីកចម្រើនច្រើនជាងមុន

ប្រដាល់សកលទទួលបានគ្រូអន្ដរជាតិថ្មី ដើម្បីពង្រឹងការហ្វឹកហាត់ត្រៀមស៊ីហ្គេម ២០២៣

Gareth Bale ស៊ុតបញ្ចូលទីគ្រាប់ដំបូងឲ្យ Los Angeles FC