BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

ចាកចេញពី Barcelona ជាលើកទី២ Dani Alves ទៅចូលរួមជាមួយក្លិបម៉ិកស៊ិក Pumas UNAM

បាល់ទាត់៖ ខ្សែការពារវ័យចំណាស់ប្រេស៊ីល Dani Alves បានចាកចេញពី Barcelona ជាលើកទី ២ ដោយលើកនេះបានផ្លាស់ទៅចូលរួមជាមួយក្លិបម៉ិកស៊ិក Pumas UNAM។ ខ្សែការពារវ័យ ៣៩ ឆ្នាំរូបនេះបានចូលរួមជាមួយ Barcelona ជាលើកទី ២ កាលពីខែវិច្ឆិកា ឆ្នាំ២០២១ ក្រោយចាកចេញអស់រយៈពេល ៥ ឆ្នាំ។ Alves ធ្លាប់បានបញ្ជាក់កាលពីខែមុនថា នឹងមិនបន្តកិច្ចសន្យាជាមួយ Barcelona ដែលធ្លាប់បង្ហាញខ្លួនសរុបជាង ៤០០ ប្រកួត។ រំលឹកថា Dani Alves ធ្លាប់ចំណាយពេល ៨ ឆ្នាំលើកទី ១ ជាមួយ Barcelona ឈ្នះជើងឯក La Liga ៦ លើក និង UEFA Champions League ៣ លើក។ ជាមួយក្រុមជំរើសជាតិ Alves បានបង្ហាញខ្លួនសរុប ១២៥ ប្រកួតឱ្យប្រេស៊ីល និងសង្ឃឹមថាត្រូវបានកោះហៅម្តងទៀតសំរាប់ World Cup ២០២២ នៅកាតាឆ្នាំនេះ។ ចំណែកក្លិបបាល់ទាត់ Pumas UNAM បានខកខានឈ្នះជើងឯកលីគកំពូលម៉ិកស៊ិកតាំងពីឆ្នាំ២០១១ និងបានបញ្ចប់រដូវកាល ២០២១-២២ កន្លងទៅនៅចំនាត់ថ្នាក់លេខ ១១៕អត្ថបទ៖នាង សុភាវុធ

កីឡាករដាណឺម៉ាក Jonas Vingegaard គ្រងជើងឯកប្រណាំងកង់ Tour de France លើកដំបូងក្នុងអាជីព

ប្រណាំងកង់៖ កីឡាករដាណឺម៉ាក Jonas Vingegaard ទីបំផុតបានក្លាយជាជើងឯកនៃព្រឹត្តិការណ៍ប្រណាំងកង់លំដាប់ Grand Tour, Tour de France បើទោះជាដំណាក់កាលចុងក្រោយបញ្ចប់នៅទីក្រុងប៉ារីស កីឡាករប៊ែលហ្ស៊ិក Jasper Philipsen ជាអ្នកទទួលបានជ័យជំនះ។ ដំណាក់កាលទី ២១ ចុងក្រោយដែលមានចំងាយផ្លូវ ១១៦គីឡូម៉ែត្រ កីឡាករប្រណាំងឱ្យក្រុម Alpecin-Deceunick, Jasper Philipsen បានមកដល់ទីព្រ័ត្រមុនគេប្រើពេល ២ ម៉ោង ៥៨ នាទី ៣២ វិនាទី តាមដោយកីឡាករហូឡង់ Dylan Groenewegen លេខ ២ និងលេខ ៣ កីឡាករណ័រវេយ Alexander Kristoff ស្ថិតក្នុងថេរវេលាដូចគ្នា។ ចំណែកឯកីឡាកររបស់ក្រុមប្រណាំង Jumbo-Visma, Jonas Vingegaard ដែលកាន់វេលាចំណេញជាង ២ នាទីមុនដំណាក់ចុងក្រោយលើអ្នកការពារតំណែងជើងឯកកីឡាករស្លូវេនី Tadej Pogacar នោះបានរក្សាថេរលារបស់ខ្លួនពីលើគូជែង Pogacar ២ នាទី ៤៣ វិនាទីដើម្បីគ្រងជើងឯក Tour de France ជាលើកដំបូងក្នុងអាជីព។Jonas Vingegaard ដែលជាជើងឯករងឆ្នាំមុនបានក្លាយជាកីឡាករដាណឺម៉ាកទី២ ប៉ុណ្ណោះដែលឈ្នះជើងឯក Tour de France នេះបន្ទាប់ពីកីឡាករ Bjarne Riis ឈ្នះចុងក្រោយបំផុតនៅឆ្នាំ១៩៩៦។ ដោយឡែកសំរាប់ការបែងចែកចំណាត់ថ្នាក់ផ្សេងៗទៀតរួមមាន Jonas Vingegaard ដដែលទទួលបានជ័យលាភីលេខ ១ និយាយលើដំណាក់កាលផ្លូវឡើងចុះភ្នំ។ កីឡាករប៊ែលហ្ស៊ិក Wout van Aert ឈ្នះជ័យលាភីគិតជាពិន្ទុមិនមែនថេរវេលា។ អ្នកការពារតំណែងជើងឯក Tadej Pogacar ឈ្នះជ័យលាភីកីឡាករវ័យក្មេងបំផុតដែលធ្វើបានល្អជាងគេ និងក្រុមប្រណាំង Ineos Grenadiers ឈ្នះជ័យលាភីក្រុមលេខ ១ ដែលប្រើថេរវេលាតិចជាងគេ៕អត្ថបទ៖នាង សុភាវុធ

វគ្គបណ្ដុះបណ្ដាលស្ដីពីការប្រើប្រាស់ព័ត៌មានវិទ្យាកម្រិត១ ក្នុងវិស័យកីឡាបញ្ចប់ដោយជោគជ័យ

កីឡា៖ វគ្គបណ្តុះបណ្តាលស្តីពីការប្រើប្រាស់ព័ត៌មានវិទ្យាកម្រិត១ សម្រាប់ការស្រង់ទិន្នន័យ និងស្ថិតិកីឡាបានបញ្ចប់ដោយជោគជ័យ និងទទួលបានការវាយតម្លៃខ្ពស់ពីមន្ដ្រីជំនាញ បន្ទាប់ពីរៀបចំរយៈពេល ៥ថ្ងៃកន្លងទៅនៅសាលប្រជុំនាយកដ្ឋានអប់រំកាយ និងកីឡា។ តាមការបញ្ជាក់របស់ប្រធានគ្រប់គ្រងវគ្គបានឲ្យដឹងថា វគ្គនេះទទួលបានការគាំទ្រដោយក្រសួងអប់រំ យុវជន និងកីឡា ដែលរៀបចំឡើងក្នុងគោលបំណងបណ្ដុះពុទ្ធិ និងជំនាញឌីជីថលជូនដល់មន្ដ្រីពាក់ព័ន្ធតាមអង្គភាពនីមួយៗ ដែលស្ថិតក្រោមនាយកដ្ឋានកីឡា។ ដូច្នេះក្រោយបញ្ចប់វគ្គនេះ មន្ដ្រីមជ្ឈមណ្ឌលជាតិព័ត៌មានវិទ្យា និងស្ថិតិកីឡានៃក្រសួងអប់រំ យុវជន និងកីឡាសង្ឃឹមថា សិក្ខាកាមទាំងអស់នឹងទទួលបាននូវចំណេះដឹងថ្មីៗបន្ថែម សម្រាប់ជាគុណតម្លៃនៃការប្រើបច្ចេកវិទ្យាទំនើបក្នុងប្រតិបត្តិការការងារ ឲ្យកាន់តែមានប្រសិទ្ធភាពបន្ថែមទៀតពិសេសក្នុងបរិបទកូវីដ-១៩ នេះតែម្ដង៕អត្ថបទ៖ លី ឈុនឡា

ពេជ្រ សម្បត្តិ និងទួនប៉េទទួលបានបីពិន្ទុពីការប្រកួតជុំទី២ ប្រដាល់គុនខ្មែរម្ចាស់ជើងឯកខ្សែក្រវាត់ខារ៉ាបាវ

ប្រដាល់គុនខ្មែរ៖ ព្រឹត្តិការណ៍ប្រកួតកីឡាប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី ៨ ក្នុងប្រភេទទំងន់ ៦០ គីឡូក្រាមបានឈានដល់សប្តាហទី ៣ ជុំទី ២ ហើយនៅយប់ថ្ងៃអាទិត្យម្សិលមិញ។ ការប្រកួតដែលមានការចូលរួមទស្សនាច្រើនកុះករពេញ ស្ទូឌីយោស្ទឹងមានជ័យរបស់អគ្គនាយកដ្ឋានវិទ្យុ និងទូរទស្សន៍បាយ័ន ការប្រកួតគូដណ្តើមខ្សែក្រវាត់គូទី ១ បានបញ្ចប់ទៅដោយកីឡាករថៃ ទួនប៉េស៊ីតសាមផាយ៉ាក ទទួលបានបីពិន្ទុជាលើកទី ២ របស់ខ្លួនក្រោយយកឈ្នះកីឡាករកម្ពុជា ផាន ផាន់ណាត ក្រោយអាជ្ញាកណ្តាលបញ្ឈប់ផាន ផាន់ណាត់នៅទឹកទី ៤។ កីឡាករចាស់វស្សាស្បែកតាន់វាយមិនចេះឈឺ ទួនប៉េបានវាយឱ្យផាន ផាន់ណាត់រាប់ពីរលើកនៅទឹកទី ៣ និងរាប់ម្តងទៀតនៅទឹកទី ៤ មុនពេលអាជ្ញាកណ្តាលបញ្ឈប់។ នេះជាបីពិន្ទុទី ២ សំរាប់កីឡាករថៃទួនប៉េក្នុងការប្រកួតដណ្តើមខ្សែក្រវាត់ខារ៉ាបាវរដូវកាលនេះមាន ៦ ពិន្ទុពេញ។ចំណែកឯមួយគូទៀតជំនួបរវាងកីឡាករកម្ពុជា ពេជ្រ សម្បត្តិ និងកីឡាករថៃរ៉ាក់ថេ ស៊ីតអាចានបៀរ បញ្ចប់ទៅដោយកូនសិស្សអតីតកំពូលកីឡាករប្រដាល់គុនខ្មែរ ពេជ្រ សុផាន់ ទទួលបានបីពិន្ទុបន្ទាប់ពីផ្តួលកីឡាករថៃ រ៉ាក់ថែត្រឹមទឹកទី ២។ ពេជ្រ សម្បត្តិដែលបាត់បង់បីពិន្ទុនៅសប្តាហ៍ដំបូងនោះ ចូលទឹកទី ១ ភ្លាមសម្រុកមិនបង្អង់ដៃលើកីឡាករថៃ ខណៈទឹកទីពីរសម្បត្តិក៏ផ្តាច់រ៉ាក់ថែឱ្យសន្លប់តែម្តង។ ជ័យជំនះនេះធ្វើឱ្យពេជ្រ សម្បត្តិទទួលបានបីពិន្ទុបន្ថែមសរុប ៤ ពិន្ទុបន្តក្តីសង្ឃឹមឈានទៅវគ្គពាក់កណ្តាលផ្តាច់ព្រ័ត្រ។ សំរាប់សប្តាហ៍ទី ៤ នៅថ្ងៃអាទិត្យទី ៣១ខែកក្កដានេះ ជំនួបពីរគូទៀតគឺ ជ័រ ពៅ ជួបជាមួយជើងខ្លាំង ផាត់ថាណា ស៊ីតអាចានវីន និង ធន់ ផានិតជួបជាមួយផេតម៉េតម៉ៃ ស៊ីតណងឡេក៕អត្ថបទ៖នាង សុភាវុធ

West Ham ព្រមព្រៀងតម្លៃ ៣០.៥លានផោនទិញខ្សែប្រយុទ្ធអ៊ីតាលី Gianluca Scamacca ពី Sassuolo

បាល់ទាត់៖ ក្រុមញញួរធំ West Ham បានឈានដល់កិច្ចព្រមព្រៀងហើយក្នុងតម្លៃ ៣០.៥ លានផោននាំយកខ្សែប្រយុទ្ធអ៊ីតាលី Gianlucu Scamacca ពីក្លិបអ៊ីតាលី Sassuolo។ កីឡាករវ័យ ២៣ ឆ្នាំរូបនេះនឹងក្លាយជាកីឡាករទី ៤ ដែលផ្ទេរមកកាន់ West Ham រដូវកាលនេះ ខណៈក្លិបនៅទីក្រុងឡុងដ៍មួយនេះនឹងប្រកាសពីការចុះហត្ថលេខាផ្លូវការក្នុងសប្តាហ៍នេះ។ Gianluca Scamacca គឺជាអ្នកស៊ុតបញ្ចូលទីច្រើនបំផុតទី ២ នៅ Serie A រដូវកាលមុនដោយមានសរុប ១៦ គ្រាប់ពីការប្រកួតចំនួន ៣៦ ប្រកួត។ Scamacca ក៏ត្រូវបានកោះហៅចូលក្រុមជំរើសជាតិអ៊ីតាលីផងដែរកាលពីខែកញ្ញាឆ្នាំមុន និងបង្ហាញខ្លួនបាន ៧ ប្រកួតហើយតែមិនទាន់រកបានគ្រាប់បាល់នៅឡើយ។ West Ham មកទល់ពេលនេះបានយកកីឡាករចំនូលថ្មីបីរូបរួចហើយរួមមានខ្សែការពារ Nayef Aguerd ពីក្លិបបារាំង Rennes តម្លៃ ៣០ លានផោន, អ្នកចាំទី Alphonse Areola ទិញផ្តាច់ពី PSG និងខ្សែបម្រើ Flynn Downes ពី Swansea តម្លៃ ១២ លានផោន។ West Ham នឹងត្រូវបើករដូវកាល English Premier League នៅថ្ងៃទី ៧ ខែសីហាខាងមុខទទួលក្រុមការពារតំណែងជើងឯក Manchester City៕អត្ថបទ៖នាង សុភាវុធ

ប្រមុខកីឡាវាយកូនឃ្លីលើតុជំរុញកីឡាករ-កីឡាការិនី និងមន្ត្រីបច្ចេកទេសឲ្យបន្ដការខំប្រឹងត្រៀមស៊ីហ្គេមឆ្នាំ២០២៣

វាយកូនឃ្លីលើតុ៖ ឯកឧត្តមនាយឧត្តមសេនីយ៍ គៀត ច័ន្ទថារិទ្ធ ប្រធានសហព័ន្ធកីឡាវាយកូនឃ្លីលើតុកម្ពុជាបានជំរុញកីឡាករ-កីឡាការិនីទាំងអស់ក៏ដូចជាមន្ដ្រីបច្ចេកទេសឲ្យខិតខំប្រឹងប្រែងអភិវឌ្ឍន៍សមត្ថភាពបន្ថែមទៀត ដើម្បីសម្រួចសមត្ថភាពត្រៀមស៊ីហ្គេមឆ្នាំ២០២៣។ ឯកឧត្តមបានលើកឡើងដូច្នេះនៅក្នុងពិធីបិទ ការប្រកួតកីឡាវាយកូនឃ្លីតុជ្រើសរើសជើងឯកថ្នាក់ជាតិឆ្នាំ២០២១ បន្ទាប់ពីដំណើរការប្រកួតអស់រយៈពេល ៤ថ្ងៃកាលពីចុងសប្ដាហ៍កន្លងទៅនៅសាលដំបូលទូក នៃពហុកីឡដ្ឋានជាតិអូឡាំពិក។ ក្នុងនាមប្រធានសហព័ន្ធ ឯកឧត្តមបានធ្វើការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់កីឡាករ-កីឡាការិនីម្នាក់ៗ ពិសេសការវិវឌ្ឍន៍សមត្ថភាពគួរឲ្យកត់សម្គាល់ ទោះបីខកខានការប្រកួតមួយរយៈពេលធំដោយសារជំងឺរាតត្បាតជាសកលកូវីដ-១៩ ក៏ដោយ។ តាមរយៈនេះ ឯកឧត្តមបានជំរុញ និងលើកទឹកចិត្តដល់កីឡាករ-កីឡាការិនីទាំងអ្នកដែលទទួលបានជ័យលាភី និងអ្នកមិនទទួលបានមេដាយត្រូវខិតខំប្រឹងប្រែងហ្វឹកហាត់ឲ្យកាន់តែខ្លាំង ដើម្បីពង្រឹងសមត្ថភាពឲ្យឈានដល់កម្រិតខ្ពស់ សម្រាប់ត្រៀមការប្រកួតប្រជែងក្នុងព្រឹត្តិការណ៍ស៊ីហ្គេមឆ្នាំ២០២៣ នៅកម្ពុជា។ទន្ទឹមជាមួយគ្នា ឯកឧត្តមនាយឧត្ដមសេនីយ៍ គៀត ច័ន្ទថារិទ្ធ ក៏បានជំរុញឲ្យមន្ដ្រីបច្ចេកទេស ទាំងអាជ្ញាកណ្ដាល-ចៅក្រមត្រូវខិតខំអភិវឌ្ឍន៍សមត្ថភាពខ្លួនឲ្យកាន់តែប្រសើរ ឈានទៅប្រឡងក្របខណ្ឌអាជ្ញាកណ្ដាល-ចៅក្រមអន្ដរជាតិ ដើម្បីទទួលបានឱកាសចូលរួមកាត់សេចក្ដី និងរៀបចំការប្រកួតក្នុងព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជា នាឆ្នាំក្រោយ បន្ទាប់ពីកម្ពុជាទន្ទឹងរង់ចាំអស់រយៈពេល ៦៤ឆ្នាំនេះផងដែរ។ សូមបញ្ជាក់ថា ការប្រកួតកីឡាវាយកូនឃ្លីលើតុជ្រើសរើសជើងឯកថ្នាក់ជាតិឆ្នាំ២០២១ ដែលលើកមករៀបចំក្នុងឆ្នាំ២០២២ នេះគឺមានកីឡាករ-កីឡាការិនីចូលរួមសរុប ៥៩នាក់មកពីសមាគម/ក្លិបចំនួន ១០ ដែលធ្វើការប្រកួតលើ ៤វិញ្ញាសា។ ជាលទ្ធផលមានកីឡាករ-កីឡាការិនី ២ក្រុមប៉ុណ្ណោះដែលដណ្ដើមបានមេដាយមាស គឺអង្គភាពក្រសួងមហាផ្ទៃឈរលេខ១ ឈ្នះមេដាយមាស ៣ ប្រាក់ ២ និងសំរឹទ្ធ ២ ខណៈក្លិបលីស៊ីងគ្រុបឈរលេខ២ ឈ្នះមេដាយមាស ១ ប្រាក់ ១ និងសំរឹទ្ធ ២៕អត្ថបទ៖ លី ឈុនឡា

ប្រធានសហព័ន្ធកីឡារាំបង្ហាញសុទិដ្ឋិនិយមចំពោះវគ្គបណ្ដុះបណ្ដាលចៅក្រមកម្រិតមូលដ្ឋាន

កីឡារាំ៖ លោកជំទាវ ញ៉ែម មរកត ប្រធានសហព័ន្ធកីឡារាំកម្ពុជា បានបង្ហាញសុទិដ្ឋិនិយមចំពោះការបើកវគ្គបណ្ដុះបណ្ដាលចៅក្រមកម្រិតមូលដ្ឋាន គឺជាវគ្គមួយដ៏មានសារៈសំខាន់ ដើម្បីផលិតធនធានមន្ដ្រីបច្ចេកទេសត្រៀមស៊ីហ្គេមឆ្នាំ២០២៣ នៅកម្ពុជា។ថ្លែងក្នុងពិធីបើកវគ្គបណ្ដុះបណ្ដាលកាលពីចុងសប្ដាហ៍កន្លងទៅ ប្រធានសហព័ន្ធដដែលបានអះអាងថា បន្ទាប់ពីបញ្ចប់វគ្គបណ្ដុះបណ្ដាលកម្រិតមូលដ្ឋាននេះ សហព័ន្ធនឹងរៀបចំវគ្គបណ្ដុះបណ្ដាលជាបន្ដបន្ទាប់ទៀត ដើម្បីជំរុញឲ្យចៅក្រមកម្ពុជាមានសមត្ថភាពខ្ពស់ ដែលអាចចូលរួមកាត់សេចក្ដីក្នុងការប្រកួតកីឡាស៊ីហ្គេមបាន។ ដូច្នេះលោកជំទាវ សង្ឃឹមថា សិក្ខាកាមទាំងអស់នឹងយកចិត្តទុកដាក់ខ្ពស់ ក្នុងការរៀនសូត្រពីគ្រូឧទ្ទេសកម្រិតអន្ដរជាតិ ដើម្បីអភិវឌ្ឍន៍សមត្ថភាពឲ្យឈានដល់កម្រិតខ្ពស់ដែរ។សូមបញ្ជាក់ថា វគ្គបណ្ដុះបណ្ដាលចៅក្រមកីឡារាំកម្រិតមូលដ្ឋាននេះ ធ្វើឡើងរយៈពេល ៥ថ្ងៃចាប់ពីថ្ងៃទី២៣ ដល់ថ្ងៃទី២៧ ខែកក្កដា ឆ្នាំ២០២២ នៅទីស្នាក់ការគណៈកម្មាធិការជាតិអូឡាំពិកកម្ពុជា(NOCC) ដោយមានសិក្ខាកាម ២៥រូបចូលរួមក្រោមការបង្ហាត់បង្រៀនរបស់គ្រូឧទ្ទេស ៣រូបគឺលោក ស៊ូវ តុង, អ្នកស្រី You Shu Jie និងលោក Royce Yeh ប្រធានសហព័ន្ធកីឡារាំកោះតៃវ៉ាន់ និងជាចៅក្រមអន្ដរជាតិដែលធ្វើការបង្រៀនតាមប្រព័ន្ធ Online៕អត្ថបទ៖ លី ឈុនឡា

ថ្នាក់ដឹកនាំកីឡាហែលទឹកមានការប្ដេជ្ញាចិត្តខ្ពស់ក្នុងអាណត្តិថ្មី ពិសេសការសម្រួចទិសដៅស៊ីហ្គេម ២០២៣

ហែលទឹក៖ ថ្នាក់ដឹកនាំសហព័ន្ធខ្មែរកីឡាហែលទឹកបានធ្វើការប្ដេជ្ញាចិត្តខ្ពស់ ក្នុងការរួមគ្នាជំរុញការអភិវឌ្ឍវិស័យកីឡាមួយនេះឲ្យកាន់តែរីកចម្រើននៅក្នុងអាណត្តិថ្មី ពិសេសការសម្រួចទិសដៅស៊ីហ្គេមឆ្នាំ២០២៣ ដើម្បីទទួលបានលទ្ធផលដ៏ល្អប្រសើរមួយក្នុងនាមម្ចាស់ផ្ទះព្រឹត្តិការណ៍ជាប្រវត្ដិសាស្ដ្រនេះ។ នេះបើតាមការលើកឡើងរបស់លោក ហែម គិរី អគ្គលេខាធិការសហព័ន្ធ ក្រោយទទួលបានអនុសាសន៍ណែនាំបន្ថែមពីឯកឧត្តម ស៊ុន ចាន់ថុល ទេសរដ្ឋមន្ដ្រី រដ្ឋមន្ដ្រីក្រសួងសាធារណការ និងដឹកជញ្ជូន និងជាប្រធានសហព័ន្ធ បន្ទាប់ពីសហព័ន្ធបានរៀបចំអង្គមហាសន្និបាតបញ្ចប់អាណត្តិទី៦ ដើម្បីបោះឆ្នោតជ្រើសរើសសមាសភាពសមាជិកគណៈកម្មាធិការប្រតិបត្តិសហព័ន្ធអាណត្តិទី៧ ឆ្នាំ២០២១-២០២៥ នៅទីស្ដីការក្រសួងសាធារណការ និងដឹកជញ្ជូនកាលពីចុងសប្ដាហ៍កន្លងទៅ។ លោក ហែម គិរី បានលើកឡើងថា ឆ្លងកាត់អាណត្តិចាស់កន្លងមកសហព័ន្ធបានសម្រេចលទ្ធផលជាច្រើន ទោះបីក្នុងបរិបទកូវីដ-១៩ ក្ដី តែជោគជ័យធំៗមួយចំនួនលេចរូបរាងជាបន្ដបន្ទាប់។ ដូច្នេះក្នុងអាណត្ដិថ្មីនេះ ក្នុងនាមមន្ដ្រីបច្ចេកទេសលោកប្ដេជ្ញាចិត្តនឹងអនុវត្តតាមអនុសាសន៍ ណែនាំរបស់ថ្នាក់ដឹកនាំសហព័ន្ធដើម្បីសម្រេចបាននូវយុទ្ធសាស្ដ្រក្នុងដំណើរឆ្ពោះទៅស៊ីហ្គេមឆ្នាំ២០២៣ តាមរយៈការយកចិត្តទុកដាក់ និងពង្រឹងការហ្វឹកហាត់ ក៏ដូចជាការប្រកួតឲ្យបានខ្លាំងដល់ក្រុមកីឡាករ-កីឡាការិនី។សម្រាប់លទ្ធផលនៃការបោះឆ្នោតក្នុងអង្គមហាសន្និបាតបន្ដអាណត្តិទី៧ វិញ គេឃើញសហព័ន្ធបានបន្ថែមនូវថ្នាក់ដឹកនាំថ្មីមួយចំនួនក្នុងនោះឯកឧត្តមទេសរដ្ឋមន្ដ្រី ស៊ុន ចាន់ថុល បន្ដធ្វើជាប្រធានសហព័ន្ធ, អ្នកឧកញ៉ា លាង ឃុន បន្ដធ្វើជាអនុប្រធានទី១ ខណៈអ្នកឧកញ៉ា ទ្រី ភាព បានសម្រេចចិត្តចូលរួមដឹកនាំសហព័ន្ធក្នុងតំណែងអនុប្រធានសហព័ន្ធ ជាមួយឯកឧត្តម សួង ហេង, ឯកឧត្តម បុង ប៊ុនហួន, ឯកឧត្តម ហឿន សំនៀង និងលោក ហែម ចាន់លី។ រីឯលោក ហែម គិរី បន្ដធ្វើជាអគ្គលេខាធិការ និងអគ្គលេខាធិការរងលោក នាង សូរិទ្ធិយ៉ា។ ចំណែកកញ្ញា ហែម ថុនវិទិនី បានទទួលតួនាទីជាអគ្គហេរញ្ញិក និងអគ្គហេរញ្ញិករងកញ្ញា ជា ពូលី និងសមាជិកម្នាក់គឺកញ្ញា ម៉ក់ គន្ធ៕អត្ថបទ៖ លី ឈុនឡា

កម្ពុជារំពឹងឈ្នះមេដាយមាសយ៉ាងតិច ៣គ្រឿងក្នុងការប្រកួតអាស៊ានប៉ារ៉ាហ្គេមឆ្នាំនេះ

អាស៊ានប៉ារ៉ាហ្គេម ៖ ឯកឧត្ដម យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជា និងជានាយបេសកកម្មអាស៊ានប៉ារ៉ាហ្គេមកម្ពុជាបានបង្ហាញក្ដីរំពឹងថា ក្នុងការប្រកួតកីឡាអាស៊ានប៉ារ៉ាហ្គេមលើកទី១១ នៅប្រទេសឥណ្ឌូនេស៊ីដែលនឹងបើកការប្រកួតនាចុងសប្ដាហ៍នេះ ក្រុមអត្តពលិកជនពិការកម្ពុជាអាចដណ្ដើមបានមេដាយមាសយ៉ាងតិច ៣គ្រឿង។ នេះបើតាមការលើកឡើងក្នុងសន្និសីទសារព័ត៌មាន ស្ដីពីការត្រៀមខ្លួនរួចរាល់របស់ប្រតិភូ គ្រូបង្វឹក និងកីឡាករ-កីឡាការិនីប៉ារ៉ាឡាំពិកកម្ពុជាទាំង ១១ប្រភេទកីឡាកាលពីចុងសប្ដាហ៍កន្លងទៅ ស្របអត្តពលិកជនពិការកម្ពុជានឹងត្រូវធ្វើដំណើរចាកចេញពីមាតុភូមិ តាមយន្ដហោះពិសេសដោយឥតគិតថ្លៃដែលត្រូវហោះត្រង់ពីរាជធានីភ្នំពេញទៅទីក្រុងសូឡូ នាថ្ងៃទី២៦ ខែកក្កដានេះតាមរយៈក្រុមហ៊ុនអាកាសចរណ៍ Sky Angkor Airlines។ នាយបេសកកម្មដដែលរំពឹងថា កម្ពុជានឹងអាចបំបែកឯតទគ្គកម្មមេដាយ សម្រាប់ការប្រកួតកីឡាអាស៊ានប៉ារ៉ាហ្គេមលើកទី៩ ឆ្នាំ២០១៧ នៅម៉ាឡេស៊ី ដែលកាលនោះកម្ពុជាដណ្ដើមបានត្រឹមមេដាយប្រាក់ ៥ និងសំរឹទ្ធ ៥គ្រឿងប៉ុណ្ណោះ។ ប៉ុន្ដែផ្អែកលើការខំប្រឹង និងការប្ដេជ្ញាចិត្តរបស់កីឡាករ-កីឡាការិនីជនពិការកម្ពុជាឆ្នាំនេះ ឯកឧត្តមជឿជាក់កម្ពុជានឹងអាចឈ្នះមេដាយមាសយ៉ាងតិច ៣គ្រឿង ខណៈមេដាយប្រាក់យ៉ាងហោច ១០ និងមេដាយសំរឹទ្ធយ៉ាងហោច ១៥គ្រឿង ផងដែរ។សូមបញ្ជាក់ថា ប្រតិភូកីឡាប៉ារ៉ាឡាំពិកកម្ពុជា ដែលនឹងចូលរួមប្រកួតកីឡាអាស៊ានប៉ារ៉ាហ្គេមលើកទី១១ នៅទីក្រុងសូឡូនាចុងសប្ដាហ៍នេះគឺមានចំនួន ១៦៦នាក់ក្នុងនោះមានកីឡាករ-កីឡាការិនីចំនួន ១១៥នាក់លើ ១១ប្រភេទកីឡា រួមមានកីឡាអត្តពលកម្ម ហែលទឹក បាល់ទះបុរស និងនារី បាល់បោះរទេះបុរស និងនារី បាល់បោះជនពិការ បាល់ទាត់ម្ខាង ៧នាក់ វាយកូនឃ្លីលើតុ វាយសី លើកទម្ងន់ អុក និងបូស្យា។ បេកសកម្មនេះដឹកនាំផ្ទាល់ដោយឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានប្រតិភូកីឡាប៉ារ៉ាឡាំពិកកម្ពុជា តំណាងដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា។ ជាមួយគ្នានោះក៏នឹងមានមន្ដ្រីគណៈកម្មាធិការជាតិរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ ជាច្រើនរូប នឹងចូលរួមសិក្សារៀនសូត្រ ដើម្បីដកស្រង់បទពិសោធន៍ពីការរៀបចំព្រឹត្តិការណ៍កីឡាអាស៊ានប៉ារ៉ាហ្គេមនៅទីក្រុងសូឡូ សម្រាប់យកមកត្រៀមរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ នៅកម្ពុជាផងដែរ៕អត្ថបទ៖ លី ឈុនឡា

មិនមានព្រឹត្តិការណ៍វាយកូនបាល់ណាមួយឡើយនៅលើទឹកដីចិនក្នុងឆ្នាំ២០២២ នេះដោយសារបញ្ហាកូវីដ-១៩

វាយកូនបាល់៖ ព្រឹត្តិការណ៍វាយកូនបាល់ Shanghai Masters ជាការប្រកួតវាយកូនបាល់ធំជាងគេ និងមានប្រជាប្រិយភាពមួយនៅទឹកដីចិន តែឆ្នាំ២០២២ នេះចិនប្រកាសមិនរៀបចំការប្រកួតវាយកូនបាល់ណាមួយឡើយដោយសារបញ្ហាជំងឺកូវីដ-១៩។ ចិនបានរៀបចំព្រឹត្តិការណ៍កីឡាអូឡាំពិករដូវរងាក្នុងឆ្នាំ២០២២ នេះកាលពីដើមខែកុម្ភៈ តែក្រោយមកព្រឹត្តិការណ៍កីឡាសំខាន់ៗត្រូវបានលុបចោលក្នុងឆ្នាំ២០២២ នេះ។ ដោយសារគោលនយោបាយ Zero-Covid របស់ចិន ATP បានប្រកាសថា រាល់កម្មវិធីវាយកូនបាល់របស់ ATP នៅទឹកដីចិនដែលជាធម្មតាធ្វើឡើងនៅខែកញ្ញា និងតុលានោះត្រូវលុបចោលឆ្នាំទី៣ ជាប់ៗគ្នា។ ក្រៅពីកម្មវិធីរបស់ ATP Masters កម្មវិធីផ្សេងទៀតដូចជា Chengdu Open, Zhuhai Championship និង China Open ក៏ត្រូវលុបចោលដែរ តែកម្មវិធីចំនួន ៦ របស់ ATP 250 នឹងត្រូវជំនួសកាលវិភាគនេះនៅប្រទេសផ្សេង៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ចាកចេញពី Barcelona ជាលើកទី២ Dani Alves ទៅចូលរួមជាមួយក្លិបម៉ិកស៊ិក Pumas UNAM

កីឡាករដាណឺម៉ាក Jonas Vingegaard គ្រងជើងឯកប្រណាំងកង់ Tour de France លើកដំបូងក្នុងអាជីព

វគ្គបណ្ដុះបណ្ដាលស្ដីពីការប្រើប្រាស់ព័ត៌មានវិទ្យាកម្រិត១ ក្នុងវិស័យកីឡាបញ្ចប់ដោយជោគជ័យ

ពេជ្រ សម្បត្តិ និងទួនប៉េទទួលបានបីពិន្ទុពីការប្រកួតជុំទី២ ប្រដាល់គុនខ្មែរម្ចាស់ជើងឯកខ្សែក្រវាត់ខារ៉ាបាវ

West Ham ព្រមព្រៀងតម្លៃ ៣០.៥លានផោនទិញខ្សែប្រយុទ្ធអ៊ីតាលី Gianluca Scamacca ពី Sassuolo

ប្រធានសហព័ន្ធកីឡារាំបង្ហាញសុទិដ្ឋិនិយមចំពោះវគ្គបណ្ដុះបណ្ដាលចៅក្រមកម្រិតមូលដ្ឋាន

ថ្នាក់ដឹកនាំកីឡាហែលទឹកមានការប្ដេជ្ញាចិត្តខ្ពស់ក្នុងអាណត្តិថ្មី ពិសេសការសម្រួចទិសដៅស៊ីហ្គេម ២០២៣

កម្ពុជារំពឹងឈ្នះមេដាយមាសយ៉ាងតិច ៣គ្រឿងក្នុងការប្រកួតអាស៊ានប៉ារ៉ាហ្គេមឆ្នាំនេះ

មិនមានព្រឹត្តិការណ៍វាយកូនបាល់ណាមួយឡើយនៅលើទឹកដីចិនក្នុងឆ្នាំ២០២២ នេះដោយសារបញ្ហាកូវីដ-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ចាក​ចេញពី Barcelona ជា​លើក​ទី​២ Dani Alves ទៅ​ចូលរួម​ជាមួយ​ក្លិប​ម៉ិ​ក​ស៊ិ​ក Pumas UNAM

កីឡាករ​ដា​ណឺ​ម៉ាក Jonas Vingegaard គ្រង​ជើងឯក​ប្រណាំង​កង់ Tour de France លើកដំបូង​ក្នុង​អាជីព​

វគ្គ​បណ្ដុះបណ្ដាល​ស្ដីពី​ការប្រើប្រាស់​ព័ត៌មានវិទ្យា​កម្រិត​១ ក្នុង​វិស័យ​កីឡា​បញ្ចប់​ដោយ​ជោគជ័យ​

West Ham ព្រមព្រៀង​តម្លៃ ៣០.៥លាន​ផោន​ទិញ​ខ្សែប្រយុទ្ធ​អ៊ីតាលី Gianluca Scamacca ពី Sassuolo

ប្រធាន​សហព័ន្ធ​កីឡា​រាំ​បង្ហាញ​សុទិដ្ឋិនិយម​ចំពោះ​វគ្គ​បណ្ដុះបណ្ដាល​ចៅក្រម​កម្រិត​មូលដ្ឋាន​

កម្ពុជា​រំពឹង​ឈ្នះ​មេដាយ​មាស​យ៉ាងតិច ៣​គ្រឿង​ក្នុង​ការ​ប្រកួត​អាស៊ាន​ប៉ា​រ៉ា​ហ្គេម​ឆ្នាំនេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចាកចេញពី Barcelona ជាលើកទី២ Dani Alves ទៅចូលរួមជាមួយក្លិបម៉ិកស៊ិក Pumas UNAM

កីឡាករដាណឺម៉ាក Jonas Vingegaard គ្រងជើងឯកប្រណាំងកង់ Tour de France លើកដំបូងក្នុងអាជីព

វគ្គបណ្ដុះបណ្ដាលស្ដីពីការប្រើប្រាស់ព័ត៌មានវិទ្យាកម្រិត១ ក្នុងវិស័យកីឡាបញ្ចប់ដោយជោគជ័យ

West Ham ព្រមព្រៀងតម្លៃ ៣០.៥លានផោនទិញខ្សែប្រយុទ្ធអ៊ីតាលី Gianluca Scamacca ពី Sassuolo

ប្រធានសហព័ន្ធកីឡារាំបង្ហាញសុទិដ្ឋិនិយមចំពោះវគ្គបណ្ដុះបណ្ដាលចៅក្រមកម្រិតមូលដ្ឋាន

កម្ពុជារំពឹងឈ្នះមេដាយមាសយ៉ាងតិច ៣គ្រឿងក្នុងការប្រកួតអាស៊ានប៉ារ៉ាហ្គេមឆ្នាំនេះ