BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

Brighton បដិសេធសំណើ ៣០លានផោនពី Manchester City ទិញខ្សែការពារ Marc Cucurella

បាល់ទាត់៖ ក្លិបបាល់ទាត់ Brighton Hove & Albion បានបដិសេធសំណើតម្លៃ ៣០លានផោនរបស់ Manchester City ដែលចង់បានខ្សែការពារ Marc Cucurella ទៅកាន់កីឡដ្ឋាន Etihad។ ទំរង់លេងដ៏ល្អរបស់កីឡាករវ័យ ២៣ឆ្នាំរូបនេះកាលពីរដូវកាលមុនបានទាក់ចិត្តក្រុមជើងឯក English Premier League មួយនេះ។ បើតាមរបាយការណ៍ព័ត៌មាននៅអង់គ្លេសឱ្យដឹងថា Brighton នឹងមិនលក់កីឡាករអេស្ប៉ាញរូបនេះនៅក្រោមតម្លៃ ៥០លានផោនឡើយ។ ក្រុមរបស់លោក Pep Guardiola កំពុងត្រូវការកីឡាករវ័យ ២៣ឆ្នាំរូបនេះដើម្បីបំពេញចន្លោះប្រហោងខ្សែការពារស្លាបខាងឆ្វេងរបស់ Oleksandr Zinchenko ដែលចាកចេញទៅកាន់ Arsenal។ ថ្វីបើ Joao Cancelo ជាអ្នករ៉ាប់រងតំណែងខ្សែការពារឆ្វេងរដូវកាលមុន Manchester City ត្រូវការកីឡាករជំនាញជើងឆ្វេងមួយរូបនេះ ដើម្បីជាជម្រើសសំរាប់ការប្រកួតដ៏មមារញឹករដូវកាលក្រោយនេះ។ ប្រសិនបើការចរចាបានសំរេច Marc Cucurella នឹងជាកីឡាករទី ៤ ដែលមកកាន់ Manchester City មុនរដូវកាលថ្មីចាប់ផ្តើមបន្ទាប់ពី Erling Haaland, Kalvin Philipps និង Stefano Ortega៕អត្ថបទ៖នាង សុភាវុធ

អាល្លឺម៉ង់យកឈ្នះអូទ្រីសឡើងវគ្គពាក់កណ្តាលផ្តាច់ព្រ័ត្របាល់ទាត់ស្ត្រីជើងឯកអឺរ៉ុប

បាល់ទាត់៖ ក្រុមជើងឯក ៨ សម័យអាល្លឺម៉ង់បានកក់កៅអីនៅវគ្គពាក់កណ្តាលផ្តាច់ព្រ័ត្រ នៃការប្រកួតបាល់ទាត់ស្ត្រីជើងឯកពិភពលោកក្រោយយកឈ្នះអូទ្រីស ២-០។ ការប្រកួតនៅកីឡដ្ឋាន Community Stadium របស់ក្លិបបាល់ទាត់ Brentford កីឡាការិនី Lina Magull ជាអ្នករកបានគ្រាប់នាំមុខ និងកីឡាការិនី Alexandra Popp ជាអ្នកបង្ហើយគ្រាប់ធានាជ័យជំនះឱ្យអាល្លឺម៉ង់យកឈ្នះអូទ្រីស ២-០។ Alexandra Popp ដែលជាខ្សែប្រយុទ្ធក្លិបអាល្លឺម៉ង់ Wolfsburg នៅពេលនេះបានស៊ុតបញ្ចូលទី ៤ ព្រឹត្តិការណ៍ជាប់គ្នាហើយនៃការប្រកួតបាល់ទាត់ស្ត្រីជើងឯកអឺរ៉ុប តាមស្មើនឹងកំណត់ត្រារបស់កីឡាការិនី Heidi Mohr ដែលធ្វើបានដូចគ្នានេះក្នុងចន្លោះឆ្នាំ១៩៨៩ ដល់ ១៩៩៣។Alexandra Popp បានបង្ហាញខ្លួនសរុបឱ្យក្រុមស្ត្រីអាល្លឺម៉ង់ ១១៧ ប្រកួតរួចមកហើយ ខណៈដែលនៅ Euro 2022 នេះស៊ុតបញ្ចូលទីបាន ៤ គ្រាប់តាមពីក្រោយកីឡាការិនីអង់គ្លេស Bert Mead ដែលមានសរុប ៥ គ្រាប់ក្នុងការប្រជែងជ័យលាភីស្បែកជើងមាស។ ជំនួបវគ្គ ៨ ក្រុមចុងក្រោយនៅសល់ពីរគូទៀតរួមមាន ស៊ុយអែតជួបប៊ែលហ្ស៊ិកយប់នេះ និងបារាំងជួបហូឡង់យប់ស្អែក៕អត្ថបទ៖នាង សុភាវុធ

Jonas Vingegaard ខិតជិតគ្រងជើងឯក Tour de France ក្រោយឈ្នះដំណាក់កាលទី១៨

ប្រណាំងកង់៖ កីឡាករដាណឺម៉ាក Jonas Vingegaard កាន់តែកៀកក្នុងការគ្រងជើងឯកប្រណាំងកង់ Tour de France ហើយក្រោយប្រជែងឈ្នះដំណាក់កាលទី១៨ ថ្ងៃព្រហស្បតិ៍ម្សិលមិញ ជាមួយនឹងវត្តមានជាកិត្តិយសរបស់ប្រធានាធិបតីបារាំងលោក Emmanuel Macron។ ដំណាក់កាលទី១៨ ដែលមានចំងាយផ្លូវ ១៤៣.៥គីឡូម៉ែត្រ កីឡាកររបស់ក្រុមប្រណាំង Jumbo-Visma រូបនេះបានមកដល់ទីព្រ័ត្រមុនគេចំណាយពេល ៣ ម៉ោង ៥៩ វិនាទី ៥០ វិនាទី តាមពីក្រោយដោយអ្នកការពារតំណែងជើងឯកសញ្ជាតិស្លូវេនី Tadej Pogacar យឺតជាង ១ នាទី ៤ វិនាទី និងលេខ ៣ កីឡាករប៊ែលហ្ស៊ិក Wout van Aert យឺតជាង ២ នាទី ១០ វិនាទី។ ឈ្នះដាច់ដល់ទៅ ១ នាទី ៤ វិនាទីពីលើ Tadej Pogacar នៅពេលនេះ Jonas Vingegaard បានពន្លាត់ថេរវេលានាំមុខក្នុងតារាងរួមដល់ទៅ ៣ នាទី ២៦ វិនាទីពីលើកីឡាករស្លូវេនីរបស់ក្រុម UAE Team Emirate និងកាន់តែកៀកក្នុងការគ្រងជើងឯក Tour de France ឆ្នាំនេះ។អ្នកលេខ ៣ ក្នុងតារាងរួមនៅតែជាកីឡាករអង់គ្លេស Geraint Thomas តែថេរវេលាតាមពីក្រោយកើនឡើងដល់ទៅ ៨ នាទីពីក្រោយ Vingegaard។ សំរាប់ដំណាក់កាលទី១៩ ថ្ងៃសុក្រនេះមានចំងាយផ្លូវ ១៨៨.៥គីឡូម៉ែត្រ ដំណាក់កាលទី២០ ស្អែកជាការប្រណាំងយកថេរវេលាផ្ទាល់ខ្លួន និងដំណាក់កាលទី២១ ចុងក្រោយនៅថ្ងៃអាទិត្យមានចំងាយផ្លូវ ១១៦គីឡូម៉ែត្របញ្ចប់នៅទីក្រុងប៉ារីស៕អត្ថបទ៖នាង សុភាវុធ

Sadio Mane ឈ្នះជ័យលាភីកីឡាករឆ្នើមបំផុតប្រចាំទ្វីបអាហ្វ្រិក

បាល់ទាត់៖ ខ្សែប្រយុទ្ធចំនូលថ្មីរបស់ Bayern Munich, Sadio Mane បានក្លាយជាម្ចាស់ពានជ័យលាភីកីឡាករបាល់ទាត់ឆ្នើមបំផុតប្រចាំទ្វីបអាហ្វ្រិកជាលើកទី២ ក្នុងអាជីព។ ខ្សែប្រយុទ្ធក្រុមជំរើសជាតិសេណេហ្កាល់រូបនេះ ត្រូវបានប្រកាសឈ្មោះជ័យលាភីនេះក្នុងពិធីប្រគល់ពាន ដែលរៀបចំដោយសហព័ន្ធបាល់ទាត់ទ្វីបអាហ្វ្រិកនៅរដ្ឋធានី Rabat ប្រទេសម៉ារ៉ុក។ Sadio Mane បានជួយក្រុមជំរើសជាតិសេណេហ្កាល់យកឈ្នះអេស៊ីបដោយបាល់ ១១ម៉ែត្រកាត់សេចក្តីលើកពានបាល់ទាត់ជើងឯកទ្វីបអាហ្វ្រិកជាលើកដំបូងកាលពីដើមឆ្នាំ២០២២ នេះ។ Sadio Mane បានយកឈ្នះមិត្តរួមជាតិអ្នកចាំទី Chelsea, Edouard Mendy និងអតីតមិត្តរួមក្រុម Liverpool Mohamed Salah ក្នុងការបោះឆ្នោតជ្រើសរើសជាកីឡាករឆ្នើមប្រចាំឆ្នាំនេះ។សេណេហ្កាល់បានឈ្នះពានសរុបដល់ទៅ ៥ ក្នុងការប្រគល់ពានជ័យលាភីឆ្នាំនេះដោយក្រៅពី Sadio Mane រួមមានលោក Aliou Cisse ឈ្នះពានគ្រូបង្វឹកឆ្នើម, កីឡាករ Pape Sarr ឈ្នះពានកីឡាករវ័យក្មេងឆ្នើមបំផុតប្រចាំឆ្នាំ ហើយកីឡាករសេណេហ្កាល់មួយរូបទៀត Pape Ousmane ឈ្នះពានគ្រាប់បាល់ល្អបំផុត រួមទាំងក្រុមសេណេហ្កាល់ទាំងមូលឈ្នះពានក្រុមល្អបំផុតប្រចាំទ្វីបអាហ្វ្រិកផងដែរ។ សូមបញ្ជាក់ថា ពិធីប្រគល់ពានជ័យលាភីបាល់ទាត់ទ្វីបអាហ្វ្រិកនេះ បានអាក់ខានអស់រយៈពេល ២ឆ្នាំមកហើយដោយសារវិបត្តិនៃជំងឺរាតត្បាតសកលកូវីដ-១៩៕អត្ថបទ៖នាង សុភាវុធ

CAMSOC ណែនាំបន្ថែមដល់គណៈកម្មការជំនាញ ដើម្បីមានភាពជាក់លាក់ក្នុងការអនុវត្តតួនាទីភារកិច្ច

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) នៅថ្ងៃទី២១ ខែកក្កដាម្សិលមិញ បានកោះប្រជុំជាមួយគណៈកម្មការជំនាញរបស់ខ្លួន ដើម្បីណែនាំបន្ថែម និងជំរុញភាពច្បាស់លាស់ក្នុងការអនុវត្ដតួនាទីភារកិច្ចឲ្យកាន់តែមានប្រសិទ្ធភាព ក្រោមយន្ដការរួម និងឯកភាពគ្នាតែមួយ។ ឯកឧត្តម វ៉ាត់ ចំរើន អគ្គលេខាធិការ CAMSOC បានគូសបញ្ជាក់ថា កិច្ចប្រជុំនេះផ្ដោតអំពីការធ្វើការដោយប្រទាក់ក្រឡាជាមួយគណៈកម្មការជំនាញទាំងអស់ ក៏ដូចជាការតាមដានវឌ្ឍនភាពការងាររបស់គណៈកម្មការជំនាញនីមួយៗ ថាកន្លងមកសម្រេចបានអ្វីខ្លះ ហើយមានឧបសគ្គអ្វីខ្លះ? ដើម្បីធានាបាននូវការត្រៀមលក្ខណៈគ្រប់ជ្រុងជ្រោយ សម្រាប់ដំណើរឆ្ពោះទៅព្រឹត្តិការណ៍ជាប្រវត្តិសាស្ដ្រលើកដំបូងនៅកម្ពុជានាឆ្នាំក្រោយ។សូមបញ្ជាក់ថា រាងរៀលសប្ដាហ៍ CAMSOC តែងបើកកិច្ចប្រជុំជាប្រចាំដើម្បីតាមដានវឌ្ឍនភាពការងារ ពិសេសដើម្បីពន្លឿនសកម្មភាពការងាររបស់គណៈកម្មការជំនាញនីមួយៗ ឲ្យបានរួចរាល់ត្រឹមឆមាសទី២ ឆ្នាំ២០២២ ស្របតាមអនុសាសន៍ណែនាំដ៏ខ្ពង់ខ្ពស់របស់សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធាន CAMSOC ដើម្បីត្រៀមលក្ខណៈទទួលរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមនាឆ្នាំ២០២៣ ខាងមុខ៕អត្ថបទ៖ លី ឈុនឡា

Jesse Lingard សំរេចផ្លាស់ទៅកាន់ Nottingham Forest ក្រោយចាកចេញពី Manchester United

បាល់ទាត់៖ អតីតខ្សែបម្រើប្រយុទ្ធរបស់ក្រុមបិសាចក្រហម Manchester United, Jesse Lingard ទីបំផុតរកទ្រនំថ្មីបានហើយគឺផ្លាស់ទៅកាន់ក្លិបឡើងថ្មី Nottingham Forest។ កីឡាករវ័យ ២៩ឆ្នាំរូបនេះបានក្លាយជាកីឡាករថ្មីទី១១ ដែលមកកាន់ Nottingham Forest ដែលឡើងមកកាន់ English Premier League ជាលើកដំបូងតាំងពីឆ្នាំ១៩៩៩។ Jesse Lingard បានចាកចេញពីក្រុមបិសាចក្រហម Manchester United ក្រោយចំណាយពេលជាង ២០ឆ្នាំតាំងពីវ័យកុមារភាពបន្ទាប់ពីផុតកិច្ចសន្យាកាលពីមិថុនាកន្លងទៅ។ Nottingham Forest មិនបានបង្ហាញលំអិតពីកិច្ចសន្យារបស់ Jesse Lingard ឡើយ។ មុនមកដល់ Forest, Lingard ត្រូវបាន West Ham ព្យាយាមទាក់ទងត្រលប់ទៅវិញដែរ បន្ទាប់ពីជោគជ័យក្នុងពេលជាកីឡាករខ្ចីជើងកាលពីរដូវកាល ២០២០-២១ ដោយរកបាន ៩គ្រាប់ក្នុងការបង្ហាញខ្លួន ១៦ប្រកួតនៅ Premier League។ Jesse Lingard នឹងចូលរួមជាមួយមិត្តរួមក្រុមនៅ Manchester United ម្នាក់នៅ Forest គឺអ្នកចាំទី Dean Henderson៕អត្ថបទ៖នាង សុភាវុធ

អគ្គលេខាធិការសហព័ន្ធរំពឹងវិញ្ញាសាថ្មី Finswimming អាចឈ្នះមេដាយមាសក្នុងស៊ីហ្គេមឆ្នាំ២០២៣

ហែលទឹក៖ លោក ហែម គិរី អគ្គលេខាធិការសហព័ន្ធខ្មែរកីឡាហែលទឹក បានបង្ហាញសុទិដ្ឋិនិយមចំពោះវិញ្ញាសាថ្មី Finswimming គឺជាក្ដីសង្ឃឹមមួយដ៏សំខាន់ក្នុងការប្រជែងមេដាយមាសស៊ីហ្គេមឆ្នាំ២០២៣ នៅកម្ពុជា។ ការលើកឡើងនេះ បន្ទាប់ពីលោកមើលឃើញសក្ដានុពលនៃធនធានកីឡាករ-កីឡាការិនីរបស់ខ្លួន ដ្បិតវិញ្ញាសាថ្មីនេះ ទើបបំបែកកំណត់ត្រាដណ្ដើមបានមេដាយសំរឹទ្ធ ១គ្រឿងសម្រាប់ការបង្ហាញខ្លួនលើកដំបូងក្នុងព្រឹត្តិការណ៍ស៊ីហ្គេម លើកទី៣១ នៅប្រទេសវៀតណាមកាលពីខែឧសភាកន្លងទៅ។ តាមការបញ្ជាក់របស់អគ្គលេខាធិការសហព័ន្ធដដែល ក្នុងនាមម្ចាស់ផ្ទះសហព័ន្ធខ្មែរកីឡាហែលទឹកគ្រោងដាក់វិញ្ញាសាធំៗចំនួន ៤ ក្នុងព្រឹត្តិការណ៍ស៊ីហ្គេមលើកទី៣២ រួមមានកីឡាហែលទឹក, Finswimming, លោតទឹក និងបាល់ទឹក ឬ Water Polo។ លោកថា បច្ចុប្បន្នសហព័ន្ធកំពុងផ្ដោតការយកចិត្តទុកដាក់ខ្ពស់លើការហ្វឹកហាត់របស់កីឡាករ-កីឡាការិនីដើម្បីត្រៀមលក្ខណៈចូលរួមប្រកួតក្នុងព្រឹត្តិការណ៍ជាប្រវត្តិសាស្ដ្រនៅកម្ពុជានេះ៕អត្ថបទ៖ លី ឈុនឡា

ប្រធានក្រុមបាល់ទះជនពិការជឿជាក់កម្ពុជាអាចឈ្នះមេដាយអាស៊ានប៉ារ៉ាហ្គេមឆ្នាំនេះ

បាល់ទះ៖ កីឡាករ អ៊ូ ផល្លា ប្រធានក្រុមកីឡាបាល់ទះជនពិការជម្រើសជាតិកម្ពុជាបានបង្ហាញភាពជឿជាក់ថា ក្រុមរបស់ខ្លួននឹងអាចដណ្ដើមបានមេដាយណាមួយ ក្នុងបេសកកម្មប្រកួតកីឡាអាស៊ានប៉ារ៉ាហ្គេមលើកទី១១ នៅប្រទេសឥណ្ឌូនេស៊ីនាពេលខាងមុខ។ កីឡាករមានដើមកំណើតពីខេត្តកំពង់ឆ្នាំងរូបនេះលើកឡើងថា ទោះបីខកខានចូលរួមប្រកួតកីឡាអាស៊ានប៉ារ៉ាហ្គេមឆ្នាំ២០១៩ ដោយសារម្ចាស់ផ្ទះហ្វីលីពីនបានលុបចោលព្រោះវិបត្តិកូវីដ-១៩ យ៉ាងណា តែក្រុមខ្លួនបានប្រមូលផ្ដុំ និងខិតខំប្រឹងប្រែងហ្វឹកហាត់រហូតមក ហើយបច្ចុប្បន្នមានសមាជិកថ្មីៗដែលនៅវ័យក្មេង មានកម្លាំង និងបច្ចេកទេសល្អ ។ ហេតុនេះខ្លួនរំពឹងថា អាស៊ានប៉ារ៉ាហ្គេមឆ្នាំនេះ ក្រុមបាល់ទះជនពិការកម្ពុជានឹងអាចស្វែងរកបានមេដាយណាមួយ ក្នុងព្រឹត្តិការណ៍នេះ។ គួរដឹងថា កីឡាបាល់ទះជនពិការគឺជាប្រភេទកីឡាមួយក្នុងចំណោម ១១ប្រភេទកីឡាដែលកម្ពុជាត្រូវបញ្ជូនទៅចូលរួមការប្រកួតកីឡាអាស៊ានប៉ារ៉ាហ្គេម ឬកីឡាជនពិការប្រចាំតំបន់អាស៊ីអាគ្នេយ៍លើកទី១១ នៅប្រទេសឥណ្ឌូនេស៊ីចាប់ពីថ្ងៃទី៣០ ខែកក្កដារហូតដល់ថ្ងៃទី៦ ខែសីហា ឆ្នាំ២០២២ ខាងមុខ ដែលមានប្រតិភូ គ្រូបង្វឹក និងកីឡាករ-កីឡាការិនីសរុបចំនួន ១៦៦នាក់។តាមគម្រោងប្រតិភូ និងកីឡាករ-កីឡាការិនីជនពិការកម្ពុជានឹងត្រូវចាកចេញពីមាតុភូមិនាថ្ងៃទី២៦ ខែកក្កដាខាងមុខនេះ តាមរយៈយន្ដហោះពិសេសដែលអនុញ្ញាតឲ្យរៀបចំដោយសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នឹងដឹកនាំផ្ទាល់ដោយឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងប្រធានប្រតិភូកីឡាប៉ារ៉ាឡាំពិកកម្ពុជា តំណាងដ៏ខ្ពង់ខ្ពស់របស់សម្ដេចតេជោនាយករដ្ឋមន្ដ្រី និងជាប្រធានគណៈកម្មាធិការជាតិប៉ារ៉ាឡាំពិកកម្ពុជា៕អត្ថបទ៖ លី ឈុនឡា

Rangers លក់ខ្សែការពារនីហ្សេរីយ៉ាទៅឱ្យ Ajax ក្នុងតម្លៃលក់ចេញថ្លៃបំផុតបំបែកកំណត់ត្រាក្លិប

បាល់ទាត់៖ ខ្សែការពារនីហ្សេរីយ៉ា Calvin Bassey បានចាកចេញពីក្លិបស្កុតឡេន Glasgow Rangers ផ្ទេរទៅកាន់ក្លិបហូឡង់ Ajax Amsterdam ក្នុងតម្លៃផ្ទេរ ២០ លានផោន។ ខ្សែការពារកណ្តាលវ័យ ២២ ឆ្នាំរូបនេះបានចុះហត្ថលេខា ៥ ឆ្នាំនៅទឹកដីហូឡង់ ខណៈតម្លៃផ្ទេរ ២០ លានផោននេះជាតម្លៃលក់ចេញថ្លៃបំផុតបំបែកកំណត់ត្រារបស់ Rangers។ Rangers ធ្លាប់លក់កីឡាករចេញមានតម្លៃខ្ពស់បំផុតត្រឹម ១១.៥ លានផោនប៉ុណ្ណោះគឺកីឡាករ Nathan Patterson ទៅកាន់ Everton ថ្មីៗនេះ។ Calvin Bassey ជាសមាជិកសំខាន់របស់ Rangers រដូវកាលកន្លងមក បន្ទាប់ពីផ្ទេរពី Leicester City កាលពីឆ្នាំ ២០២០។ Calvin Bassey បានបង្ហាញខ្លួន ១៥ ប្រកួតក្នុងរដូវកាលដំបូងរបស់ខ្លួនដែលជួយឱ្យ Rangers ឈ្នះជើងឯកលីគស្កុតឡេនលើកដំបូងក្នុងរយៈពេល ១ ទសវត្សរ៍ និងបង្ហាញខ្លួនបាន ៥០ លើករដូវកាលមុនជួយ Rangers ឡើងវគ្គផ្តាច់ព្រ័ត្រ UEFA Europa League និងជាជើងឯក Scottish Cup៕អត្ថបទ៖នាង សុភាវុធ

Tadej Pogacar ឈ្នះដំណាក់កាលទី ១៧ តែ Jonas Vingegaard បន្តនាំមុខរួម

ប្រណាំងកង់៖ អ្នកការពារតំណែងជើងឯកកីឡាកររ៉ូម៉ានី Tadej Pogacar បានប្រជែងឈ្នះដំណាក់កាលទី ១៧ នៃព្រឹត្តិការណ៍ប្រណាំងកង់ Grand Tour, Tour de France នៅថ្ងៃពុធម្សិលមិញនេះ តែកីឡាករដាណឺម៉ាក Jonas Vingegaard នៅតែបន្តនាំមុខរួមដដែល។ ដំណាក់កាលទី ១៧ ដែលមានចំងាយផ្លូវ ១៣០គីឡូម៉ែត្រ កីឡាកររបស់ក្រុមប្រណាំង UAE Team Emirate, Tadej Pogacar បានមកដល់ទីព្រ័ត្រចំណាយពេល ៣ ម៉ោង ២៥ នាទី ៥១ វិនាទីតាមពីក្រោយដោយ Jonas Vingegaard របស់ក្រុម Jumbo-Visma ក្នុងថេរវេលាដូចគ្នា និងលេខ ៣ កីឡាករអាមេរិក Brandon McNulty យឺតជាង ៣២ វិនាទី។ យ៉ាងណាក្តីក្រោយប្រណាំងបាន ១៧ ដំណាក់កាលនេះ កីឡាករដាណឺម៉ាក Jonas Vingegaard នៅតែរក្សាការនាំមុខគេដដែលក្នុងតារាងវេលារួមចំណេញ ២ នាទី ១៨ វិនាទីពីលើអ្នកលេខ ២ Tadej Pogacar និងលេខ ៣ កីឡាករអង់គ្លេស Geraint Thomas យឺតជាងដល់ទៅ ៤ នាទី ៥៦ វិនាទី។ សំរាប់ដំណាក់កាលទី ១៨ ថ្ងៃព្រហស្បតិ៍នេះមានចំងាយផ្លូវ ១៤៣.៥គីឡូម៉ែត្រជាដំណាក់កាលដែលត្រូវឆ្លងកាត់ស្ថានភាពផ្លូវឡើងចុះភ្នំ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Brighton បដិសេធសំណើ ៣០លានផោនពី Manchester City ទិញខ្សែការពារ Marc Cucurella

អាល្លឺម៉ង់យកឈ្នះអូទ្រីសឡើងវគ្គពាក់កណ្តាលផ្តាច់ព្រ័ត្របាល់ទាត់ស្ត្រីជើងឯកអឺរ៉ុប

Jonas Vingegaard ខិតជិតគ្រងជើងឯក Tour de France ក្រោយឈ្នះដំណាក់កាលទី១៨

Sadio Mane ឈ្នះជ័យលាភីកីឡាករឆ្នើមបំផុតប្រចាំទ្វីបអាហ្វ្រិក

CAMSOC ណែនាំបន្ថែមដល់គណៈកម្មការជំនាញ ដើម្បីមានភាពជាក់លាក់ក្នុងការអនុវត្តតួនាទីភារកិច្ច

Jesse Lingard សំរេចផ្លាស់ទៅកាន់ Nottingham Forest ក្រោយចាកចេញពី Manchester United

អគ្គលេខាធិការសហព័ន្ធរំពឹងវិញ្ញាសាថ្មី Finswimming អាចឈ្នះមេដាយមាសក្នុងស៊ីហ្គេមឆ្នាំ២០២៣

ប្រធានក្រុមបាល់ទះជនពិការជឿជាក់កម្ពុជាអាចឈ្នះមេដាយអាស៊ានប៉ារ៉ាហ្គេមឆ្នាំនេះ

Rangers លក់ខ្សែការពារនីហ្សេរីយ៉ាទៅឱ្យ Ajax ក្នុងតម្លៃលក់ចេញថ្លៃបំផុតបំបែកកំណត់ត្រាក្លិប

Tadej Pogacar ឈ្នះដំណាក់កាលទី ១៧ តែ Jonas Vingegaard បន្តនាំមុខរួម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Brighton បដិសេធ​សំណើ ៣០លាន​ផោន​ពី Manchester City ទិញ​ខ្សែការពារ Marc Cucurella

អាល្លឺម៉ង់​យកឈ្នះ​អូទ្រីស​ឡើង​វគ្គ​ពាក់កណ្តាល​ផ្តាច់ព្រ័ត្រ​បាល់ទាត់​ស្ត្រី​ជើងឯក​អឺរ៉ុប​

Jonas Vingegaard ខិត​ជិត​គ្រង​ជើងឯក Tour de France ក្រោយ​ឈ្នះ​ដំណាក់កាល​ទី​១៨

Sadio Mane ឈ្នះ​ជ័យលាភី​កីឡាករ​ឆ្នើម​បំផុត​ប្រចាំ​ទ្វីបអាហ្វ្រិក

CAMSOC ណែនាំ​បន្ថែម​ដល់​គណៈកម្មការ​ជំនាញ ដើម្បី​មាន​ភាពជាក់លាក់​ក្នុងការ​អនុវត្ត​តួនាទី​ភារកិច្ច​

Jesse Lingard សំរេច​ផ្លាស់​ទៅកាន់ Nottingham Forest ក្រោយ​ចាក​ចេញពី Manchester United

អគ្គលេខាធិការ​សហព័ន្ធ​រំពឹង​វិញ្ញាសា​ថ្មី​ Finswimming ​អាច​ឈ្នះ​មេដាយ​មាស​ក្នុង​ស៊ី​ហ្គេម​ឆ្នាំ​២០២៣

ប្រធាន​ក្រុម​បាល់ទះ​ជនពិការជឿជាក់​កម្ពុជាអាច​ឈ្នះ​មេដាយ​អាស៊ាន​ប៉ា​រ៉ា​ហ្គេម​ឆ្នាំនេះ​

Rangers លក់​ខ្សែការពារ​នី​ហ្សេ​រី​យ៉ា​ទៅឱ្យ Ajax ក្នុងតម្លៃ​លក់​ចេញថ្លៃ​បំផុត​បំបែក​កំណត់ត្រា​ក្លិប​

Tadej Pogacar ឈ្នះ​ដំណាក់កាល​ទី ១៧ តែ Jonas Vingegaard បន្ត​នាំមុខ​រួម​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Brighton បដិសេធសំណើ ៣០លានផោនពី Manchester City ទិញខ្សែការពារ Marc Cucurella

អាល្លឺម៉ង់យកឈ្នះអូទ្រីសឡើងវគ្គពាក់កណ្តាលផ្តាច់ព្រ័ត្របាល់ទាត់ស្ត្រីជើងឯកអឺរ៉ុប

Jonas Vingegaard ខិតជិតគ្រងជើងឯក Tour de France ក្រោយឈ្នះដំណាក់កាលទី១៨

Sadio Mane ឈ្នះជ័យលាភីកីឡាករឆ្នើមបំផុតប្រចាំទ្វីបអាហ្វ្រិក

CAMSOC ណែនាំបន្ថែមដល់គណៈកម្មការជំនាញ ដើម្បីមានភាពជាក់លាក់ក្នុងការអនុវត្តតួនាទីភារកិច្ច

Jesse Lingard សំរេចផ្លាស់ទៅកាន់ Nottingham Forest ក្រោយចាកចេញពី Manchester United

អគ្គលេខាធិការសហព័ន្ធរំពឹងវិញ្ញាសាថ្មី Finswimming អាចឈ្នះមេដាយមាសក្នុងស៊ីហ្គេមឆ្នាំ២០២៣

ប្រធានក្រុមបាល់ទះជនពិការជឿជាក់កម្ពុជាអាចឈ្នះមេដាយអាស៊ានប៉ារ៉ាហ្គេមឆ្នាំនេះ

Rangers លក់ខ្សែការពារនីហ្សេរីយ៉ាទៅឱ្យ Ajax ក្នុងតម្លៃលក់ចេញថ្លៃបំផុតបំបែកកំណត់ត្រាក្លិប

Tadej Pogacar ឈ្នះដំណាក់កាលទី ១៧ តែ Jonas Vingegaard បន្តនាំមុខរួម