BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

PSG ចាប់ផ្តើម Pre-Season នៅជប៉ុនយកឈ្នះ Kawasaki Frontale ២-១

បាល់ទាត់៖ ក្រុមជើងឯកបារាំង Paris Saint Germain បានចាប់ផ្តើមការប្រកួតកំដៅសាច់ដុំត្រៀមរដូវកាលថ្មីហើយនៅលើទឹកដីជប៉ុន ដោយប្រកួតដំបូងនេះយកឈ្នះក្រុមជើងឯកជប៉ុនឆ្នាំមុន Kawasaki Frontale ២-១។ Super Star របស់ PSG សុទ្ធតែមានវត្តមាននៅលើទីលានប្រកួតរួមមាន Lionel Messi, Kylian Mbappe និង Neymar។ PSG រកបានគ្រាប់នាំមុខមុនពីរគ្រាប់ដោយ Lionel Messi និង Arnaud Kalimuendo ខណៈក្រុមម្ចាស់ផ្ទះ Kawasaki ក៏តបបានមួយគ្រាប់ដែរនៅចុងម៉ោងនាទីទី ៨៤ ដោយ Kazuya Yamamura។ PSG មានការប្រកួតចំនួន ៣ ប្រកួតនៅទឹកដីជប៉ុននេះក្នុងរយៈពេល ១០ថ្ងៃដែលរួមមានជួបជាមួយក្លិបនៅក្របខណ្ឌ J-League រួមមានបន្ទាប់ពី Kawasaki Frontale នេះនឹងត្រូវជួប Urawa Reds និង Gamba Osaka។ នេះជាការមកកាន់ទឹកដីជប៉ុនលើកដំបូងរបស់ PSG តាំងពីក្លិបបារាំងមួយនេះចាប់ផ្តើមវិនិយោគដោយកាតានៅឆ្នាំ២០១១ និងជាប្រទេសអាស៊ីទី ៣ បន្ទាប់ពីចិននៅឆ្នាំ ២០១៨ និងសិង្ហបុរីនៅឆ្នាំ២០១៩។បន្ទាប់ពីជប៉ុន PSG នឹងបន្តដំណើរទៅទឹកដីអ៊ីស្រាអែលដើម្បីធ្វើការប្រកួត French Super Cup ជួបជាមួយ Nantes នៅថ្ងៃទី៣១ ខែកក្កដានេះនាទីក្រុង Tel Aviv។ PSG នឹងចាប់ផ្តើមរដូវកាលថ្មីក្របខណ្ឌបារាំង Ligue 1 ជួបជាមួយម្ចាស់ផ្ទះ Clement នៅថ្ងៃទី៧ ខែសីហា៕អត្ថបទ៖នាង សុភាវុធ

លក់ De Ligt បាន ៦៥លានអឺរ៉ូភ្លាម Juventus ទិញបានខ្សែការពារប្រេស៊ីល Gleison Bremer ពី Torino ៤១លានអឺរ៉ូ

បាល់ទាត់៖ ក្រុមសេះបង្កង់ Juventus បានសំរេចក្នុងការនាំយកខ្សែការពារកណ្តាលសញ្ជាតិប្រេស៊ីល Gleison Bremer ពីក្លិបរួមទីក្រុង Turin, Torino ក្នុងតម្លៃ ៤១លានអឺរ៉ូ។ កីឡាករវ័យ ២៥ ឆ្នាំរូបនេះបានចុះហត្ថលេខារយៈពេល ៥ ឆ្នាំជាមួយ Juventus និងចូលមកជំនួសតំណែងខ្សែការពារហូឡង់ Matthijs de Ligt ដែលចាកចេញទៅកាន់ Bayern Munich ក្នុងតម្លៃ ៦៥.៥ លានអឺរ៉ូថ្មីៗនេះ។ Gleison Bremer ជាសមាជិករបស់ Torino តាំងពីឆ្នាំ ២០១៨ ដោយផ្ទេរពីក្លិបប្រេស៊ីល Atletico Mineiro និងបានបង្ហាញខ្លួនតាំងពីឆ្នាំ ២០១៨ មកដល់ពេលនេះបាន ១១០ ប្រកួតនៅ Torino។ រដូវកាលមុន Bremer ចាប់ផ្តើម ១១ នាក់ដំបូង ៣៣ លើកក្នុងចំណោម ៣៨ ប្រកួតក្នុងលីគ និងត្រូវបានជ្រើសរើសក្នុងចំណោមខ្សែការពារឆ្នើមបំផុតប្រចាំរដូវកាលនៃក្របខណ្ឌអ៊ីតាលី Serie A ផងដែរ។ Juventus ត្រូវមានការប្រកួតមិត្តភាពមួយទល់នឹង Guadalajara នៅថ្ងៃសៅរ៍ចុងសប្តាហ៍នេះ មុនពេលជួប Barcelona នៅថ្ងៃទី ២៧ ខែកក្កដា និងជួប Real Madrid ថ្ងៃទី ៣១ ខែកក្កដាដដែល ជួបជាមួយ Ateltico Madrid ថ្ងៃទី ៨ ខែសីហា មុនពេលបើករដូវកាលថ្មីនៅថ្ងៃទី ១៦ ខែសីហាជួបជាមួយ Sassuolo៕អត្ថបទ៖នាង សុភាវុធ

Roma ប្រកាសពីការនាំយក Paulo Dybala ផ្លូវការដោយគ្មានតម្លៃផ្ទេរ

បាល់ទាត់៖ ក្លិបបាល់ទាត់អ៊ីតាលី AS Roma បានប្រកាសផ្លូវការហើយពីការនាំយកខ្សែប្រយុទ្ធអាហ្សង់ទីន Paulo Dybala ពីសេះបង្កង់ Juventus ដោយគ្មានតម្លៃផ្ទេរ។ កីឡាករវ័យ ២៨ ឆ្នាំរូបនេះបានចុះហត្ថលេខារយៈពេល ៣ ឆ្នាំជាមួយ Roma ដែលដឹកនាំដោយ Jose Mourinho។ ផ្ទេរពី Palermo នៅឆ្នាំ ២០១៥ Paulo Dybala បង្ហាញខ្លួននៅ Juventus សរុបបាន ២៩៣ ប្រកួតរកបាន ១១៥ គ្រាប់ឈ្នះជើងឯកអ៊ីតាលី Serie A ប្រាំលើក។ មុនចុះហត្ថលេខាលេងឱ្យ Roma នេះ Paulo Dybala ក៏មានទំនាក់ទំនងផ្ទេរទៅកាន់ទឹកដីអង់គ្លេសដែររួមមាន Manchester United និង Tottenham Hotspur កាលពីឆ្នាំ ២០១៩ តែមិនបានសំរេច។ Paulo Dybala បង្ហាញខ្លួនឱ្យក្រុមជំរើសជាតិអាហ្សង់ទីន ៣៤ លើករកបាន ៣ គ្រាប់ និងរកបានមួយគ្រាប់ដែរនៅពេលអាហ្សង់ទីនយកឈ្នះអ៊ីតាលីកាលពីខែមិថុនានៅកីឡដ្ឋាន Wembley ដែលជាជំនួបរវាងជើងឯកអាមេរិកខាងត្បូង និងជើងឯកអឺរ៉ុប។ AS Roma បញ្ចប់រដូវកាលមុននៅចំណាត់ថ្នាក់លេខ ៦ ក្របខណ្ឌអ៊ីតាលី Serie A និងឈ្នះពានក្របខណ្ឌអឺរ៉ុបទី ៣ UEFA Europa Conference League ក្នុងរដូវកាលដំបូងរបស់លោក Jose Mourinho៕អត្ថបទ៖នាង សុភាវុធ

ទីភ្នាក់ងារប្រឆាំងដូប៉ាកម្ពុជាបើកវគ្គបំប៉នមន្ត្រីត្រួតពិនិត្យដូប៉ាត្រៀមស៊ីហ្គេម ២០២៣

ស៊ីហ្គេម៖ ទីភ្នាក់ងារប្រឆាំងដូប៉ាកម្ពុជាបានសហការ ជាមួយក្រុមគ្រូពេទ្យស្ម័គ្រចិត្តសមេ្តចពិជ័យសេនា ទៀ បាញ់ រៀបចំសិក្ខាសាលាស្ដីពី “ការបំប៉នសមត្ថភាពមន្ត្រីត្រួតពិនិត្យ ដូប៉ា" ដើម្បីពង្រឹងសមត្ថភាពមន្ដ្រីជំនាញត្រៀមចូលរួមក្នុងព្រឹត្តិការណ៍កីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នៅកម្ពុជា។ លោក អ៊ិត ឡេង ប្រធានទីភ្នាក់ងារប្រឆាំងដូប៉ាកម្ពុជាបានបញ្ជាក់ថា សិក្ខាសាលានេះមានរយៈពេល ៣ថ្ងៃចាប់ពីថ្ងៃទី២០ ដល់ថ្ងៃទី២២ ខែកក្កដា ដោយមានសិក្ខាសាកាមជាក្រុមគ្រូពេទ្យស្ម័គ្រចិត្តសម្ដេចពិជ័យសេនាចំនួន ៧០នាក់ សម្រាប់វគ្គទី១ ខណៈនឹងមានសិក្ខាកាម ៧០នាក់ទៀតចូលរួមវគ្គទី២ នាពេលឆាប់ៗខាងមុខ។ លោកបានបញ្ជាក់ថា វគ្គនេះពិតជាមានសារៈសំខាន់ដើម្បីពង្រឹងសមត្ថភាពមន្ដ្រីជំនាញ ពិសេសមន្ដ្រីត្រួតពិនិត្យសារធាតុហាមឃាត់ក្នុងវិស័យកីឡា ឬដូប៉ាឲ្យមានភាពច្បាស់លាស់ ដើម្បីចូលបម្រើការងារក្នុងព្រឹត្តិការណ៍ស៊ីហ្គេមឆ្នាំ២០២៣ ក្នុងការយកសំណាកអត្តពលិករាប់ពាន់នាក់ ដែលនឹងមកចូលរួមប្រកួតក្នុងព្រឹត្តិការណ៍ជាប្រវត្តិសាស្ដ្រនៅកម្ពុជានាឆ្នាំក្រោយ។សម្រាប់ពិធីបើកសិក្ខាសាលានេះក៏មានការចូលរួមពីសំណាក់ឯកឧត្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡា នៃក្រសួងអប់រំ យុវជន និងកីឡាផងដែរ។ ចំពោះគ្រូឧទ្ទេសប្រចាំវគ្គនេះគឺមានលោក ព្រំ វណ្ណារឿន អ្នកស្រី លឿង សុផាណារ៉េត និងលោក អន វីរវុឌ្ឍន៍ ដែលនឹងត្រូវសិក្សាលម្អិតអំពីទិដ្ឋភាពទូទៅនៃដូប៉ា របៀបធ្វើតេស្ដ និងការកំណត់យកសំណាកអត្តពលិកជាដើម៕អត្ថបទ៖ លី ឈុនឡា

ប្រធានសហព័ន្ធកីឡាប៉េតង់ថ្មីប្ដេជ្ញាបន្ដស្វែងរកជោគជ័យ និងរក្សាកិត្យានុភាពជូនជាតិ

ប៉េតង់ថ្មី៖ ឯកឧត្តម សុខ សូកាន រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់បានប្ដេជ្ញានឹងខិតខំឲ្យអស់ពីសមត្ថភាព ដើម្បីដឹកនាំសហព័ន្ធកីឡាប៊ូល និងប៉េតង់កម្ពុជាបន្ដស្វែងរកជោគជ័យថ្មីៗ និងរក្សានូវកិត្យានុភាពជូនជាតិបន្ថែមទៀត បន្ទាប់ពីឯកឧត្តមទទួលបានការគាំទ្រធ្វើជាប្រធានសហព័ន្ធអាណត្តិទី៧ ឆ្នាំ២០២១-២០២៥។ ថ្លែងក្រោយបញ្ចប់មហាសន្និបាតវិសាមញ្ញអាណត្តិទី៧ និងការបោះឆ្នោតប្រធាន និងសមាជិកគណៈកម្មាធិការប្រតិបត្តិ នៅមជ្ឈមណ្ឌលជាតិហ្វឹកហ្វឺនកីឡាកាលពីល្ងាចថ្ងៃទី២០ ខែកក្កដា ឯកឧត្តម សុខ សូកាន បានសម្ដែងនូវសេចក្ដីរីករាយ សម្រាប់ការទទួលតំណែងជាប្រធានសហព័ន្ធកីឡាប៉េតង់ ដើម្បីផ្ដល់ឱកាសឲ្យឯកឧត្តមបាននឹករឭកដល់ការកើតសហព័ន្ធតាំងពីបាតដៃទទេ ក្រោមការដឹកនាំរបស់សម្ដេចក្រឡាហោម ស ខេង ជាប្រធានកិត្តិយស និងសម្ដេចវិបុលបញ្ញា សុខ អាន ជាប្រធានសហព័ន្ធ ដែលថ្នាក់ដឹកនាំទាំងពីរបានខិតខំ និងជម្នះគ្រប់ឧបសគ្គធ្វើឲ្យវិស័យកីឡានេះមានការអភិវឌ្ឍ និងរីកចម្រើនមកទល់សព្វថ្ងៃ។ កូនបង្កើតរបស់សម្ដេចវិបុលបញ្ញា សុខ អាន ដដែលបានគូសបញ្ជាក់ថា ដោយមានការយកចិត្តទុកដាក់ពីថ្នាក់ដឹកនាំសហព័ន្ធមុនៗ ក៏ដូចជាសមាជិកគណៈកម្មាធិការប្រតិបត្តិសហព័ន្ធបច្ចុប្បន្ន ទើបធ្វើឲ្យវិស័យកីឡាប៉េតង់កម្ពុជាទទួលបានជោគជ័យយ៉ាងត្រចះត្រចង់ ទាំងលើឆាកជាតិ និងអន្ដរជាតិ ជាក់ស្ដែងចាប់តាំងពីឆ្នាំ១៩៩២ មកទល់បច្ចុប្បន្នប៉េតង់កម្ពុជាដណ្ដើមបានមេដាយសរុប ៣៩១គ្រឿង ដែលជាសមិទ្ធផលមួយដ៏អស្ចារ្យសម្រាប់ជាតិមាតុភូមិ។តាមរយៈនេះក្នុងនាមប្រធានសហព័ន្ធថ្មី ឯកឧត្តមរួមជាមួយសមាជិកគណៈកម្មាធិការប្រតិបត្តិ បានប្ដេជ្ញានឹងបន្ដស្វែងរកជោគជ័យ និងរក្សានូវកិត្យានុភាពជូនជាតិបន្ថែមទៀត ពិសេសត្រៀមទទួលរៀបចំឲ្យទទួលបានជោគជ័យ ក្នុងនាមម្ចាស់ផ្ទះ នៃការប្រកួតកីឡាស៊ីហ្គេមឆ្នាំ២០២៣ ខាងមុខ។ សម្រាប់សមាជិកគណៈកម្មាធិការប្រតិបត្តិសហព័ន្ធអាណត្តិទី៧ ដែលទើបផ្លាស់ប្ដូរក្បាលម៉ាស៊ីនសហព័ន្ធថ្មីពេលនេះគឺមានឯកឧត្តម សុខ សូកាន ជាប្រធាន, ឯកឧត្តម ប៊ូ ជុំសេរី អនុប្រធានទី១, ឯកឧត្តម អ៊ុក សិទ្ធិជាតិ, ឯកឧត្តម ស៊ុម សុជាតិ, លោកឧកញ៉ា លាង ឃុន និងលោកឧកញ៉ា សុខ ហុង ជាអនុប្រធាន។ ឯកឧត្តម សុខ សប្បាយណា ជាអគ្គលេខាធិការ ខណៈកញ្ញា គីម ម៉ារីយ៉ាន ត្រូវបានបោះឆ្នោតជាអគ្គហេរញ្ញិកជំនួសឯកឧត្តម ណុប ដារ៉ា។ ឯកឧត្តម ព្រំ ប៊ុណ្ណយី និងកញ្ញា គីន សំណាង ជាអគ្គលេខាធិការរងរួមជាមួយសមាជិក ៤រូប និងទីប្រឹក្សាសហព័ន្ធ ២រូបទៀតគឺមានលោក អ៊ិន គឹមស្រ៊ុន និងលោកស្រី កែ ឡេង៕អត្ថបទ៖ លី ឈុនឡា

អាស៊ីអឺរ៉ុបឡើងជួបណាហ្គានៃពានសម្ដេចតេជោ-ថ្នាក់ជាតិ ក្រោយយកឈ្នះភ្នំពេញហ្គាឡាក់ស៊ីវិញ ៣-០

បាល់ទាត់៖ ទីបំផុតក្រុមបាល់ទាត់អាស៊ីអឺរ៉ុបបានទទួលកៅអីវគ្គ ១៦ក្រុមចុងក្រោយសម្រាប់ពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) ឆ្នាំ២០២២ ដោយត្រូវជួបក្រុមណាហ្គាវើលដ៏ បន្ទាប់ពីក្រុមសមាជិកលីគទី២ មួយនេះ បានយកឈ្នះក្រុមភ្នំពេញហ្គាឡាក់ស៊ីវិញដោយលទ្ធផល ៣-០ ក្នុងជំនួបកាត់សេចក្ដីជើងទី១ វគ្គជម្រុះថ្នាក់ជាតិនៅកីឡដ្ឋាន AEU Sport Park កាលពីល្ងាចថ្ងៃទី២០ ខែកក្កដាម្សិលមិញ។ បន្ទាប់ពីរងបរាជ័យក្រៅដី ២-១ កាលពីជើងទី១ អាស៊ីអឺរ៉ុបធ្វើបានយ៉ាងល្អក្នុងជំនួបជើងទី២ លើទឹកដីរបស់ខ្លួនដោយការពារមិនឲ្យមានគ្រាប់បាល់របូតឡើយ។ លើសពីនេះ ពួកគេបានស៊ុតបំប៉ោងសំណាញ់ទីក្រុមភ្នំពេញហ្គាឡាក់ស៊ី ៣គ្រាប់ដោយកីឡាករ ម៉ន កក្កដា ២គ្រាប់ និង ប៉ុក រ៉ូហ្សា ១គ្រាប់ដើម្បីធានាកៅអីវគ្គ ១៦ក្រុមចុងក្រោយទៀតផង បន្ទាប់ពីសរុបលទ្ធផលទាំង ២ជើង អាស៊ីអឺរ៉ុបឈ្នះក្រុមភ្នំពេញហ្គាឡាក់ស៊ី ៤-២។សម្រាប់កការប្រកួតពានរង្វាន់សម្ដេចតេជោ-ថ្នាក់ជាតិ អាស៊ីអឺរ៉ុបនឹងត្រូវជួបជាមួយក្រុមឈរលេខរៀងទី៣ គិតត្រឹមសប្ដាហ៍ទី១១ នៃលីគកំពូលកម្ពុជាគឺក្រុមណាហ្គាវើលដ៏ដែលនឹងត្រូវជួបគ្នា ២ជើងដើម្បីស្វែងរកក្រុមខ្លាំងឡើងវគ្គបន្ដ ក្នុងនោះជើងទី១ គ្រោងប្រកួតនាថ្ងៃទី២៧ ខែកក្កដា ខណៈជើងទី២ ក្រុមទាំងពីរគ្រោងប្រកួតនាថ្ងៃទី២០ ខែសីហា ឆ្នាំ២០២២ ខាងមុខ៕អត្ថបទ៖ លី ឈុនឡា

កីឡាករកាណាដា Hugo Houle ឈ្នះដំណាក់កាលទី១៦ Tour de France តែអ្នកនាំមុខរួមមិនប្រែមុខ

ប្រណាំងកង់៖ កីឡាករប្រណាំងកង់កាណាដា Hugo Houle បានប្រជែងឈ្នះដំណាក់កាលទី១៦ នៃព្រឹត្តិការណ៍ប្រណាំងកង់ Grand Tour, Tour de France តែអ្នកនាំមុខរួមនៅតែជាកីឡាករដាណឺម៉ាក Jonas Vingegaard ដដែល។ ដំណាក់កាលទី១៦ ដែលមានចំងាយផ្លូវ ១៧៨.៥គីឡូម៉ែត្រ កីឡាកររបស់ក្រុមប្រណាំង Israel-Mremier Tech, Hugo Houle បានមកដល់ទីព្រ័ត្រមុនគេចំណាយពេល ៤ ម៉ោង ២៣ នាទី ៤៧ វិនាទី ដែលជាជ័យជំនះដំបូងក្នុងអាជីព។ លេខ២ ក្នុងដំណាក់កាលបានទៅកីឡាករម្ចាស់ផ្ទះបារាំង Valentin Madouas យឺតជាង ១នាទី ១០វិនាទី និងលេខ ៣ កីឡាករកាណាដា Michael Woods។ យ៉ាងណាក្តី កីឡាករដាណឺម៉ាក Jonas Vingegaard នៅតែរក្សាការនាំមុខរួមដដែល បន្ទាប់ពីរក្សាវេលាល្អជាងអ្នកលេខ Tadej Pogacar ក្នុងដំណាក់កាលទី ១៦ នេះ។ Vingegaard បន្តនាំមុខលើអ្នកការពារតំ ណែងជើងឯកកីឡាករស្លូវេនី Tadej Pogacar ២ នាទី ២២ វិនាទី និងលេខ ៣ កីឡាករអង់គ្លេស Geraint Thomas របស់ក្រុម Ineos យឺតជាង ២ នាទី ៤៣ វិនាទី។ សំរាប់ដំណាក់កាលទី១៧ ថ្ងៃពុធនេះមានចំងាយផ្លូវ ១៣០គីឡូម៉ែត្រ៕អត្ថបទ៖នាង សុភាវុធ

Bayern Munich ទិញបាន Matthijs de Ligt ផ្លូវការពី Juventus តម្លៃ ៧៧លានអឺរ៉ូ

បាល់ទាត់៖ ក្រុមជើងឯកអាល្លឺម៉ង់ Bayern Munich បានសំរេចហើយក្នុងការនាំយកខ្សែការពារហូឡង់ Matthijs de Ligt ពីក្រុមសេះបង្កង់ Juventus ក្នុងតម្លៃ ៧៧ លានអឺរ៉ូ។ កីឡាករវ័យ ២២ ឆ្នាំរូបនេះបានផ្ទេរមកកាន់ Juventus កាលពីឆ្នាំ ២០១៩ បន្ទាប់ពីជួយ Ajax ឡើងវគ្គពាក់កណ្តាលផ្តាច់ព្រ័ត្រ UEFA Champions League។ យ៉ាងណាក្តីការទៅដល់ទីក្រុង Turin កីឡាករវ័យក្មេងរូបនេះតែងតែស្ថិតនៅពីក្រោមជម្រើសរបស់ខ្សែការពារជើងចាស់ទាំងពីរ Giorgio Chiellini និង Leonardo Bonucci។ Matthijs de Ligt បានបង្ហាញខ្លួនសរុប ១១៧ ប្រកួតក្នុងរយៈពេល ៣ រដូវកាលកាលពីជាមួយ Juventus ឈ្នះពាន Italia Serie A និង Coppa Italia។ Matthijs de Ligt បានក្លាយជាកីឡាករហូឡង់ទី ២ ដែលផ្លាស់មកកាន់ Bayern Munich ក្នុងរដូវក្តៅនេះបន្ទាប់ពី Ryan Gravenberch៕ អត្ថបទ៖នាង សុភាវុធ

Fabio Silva បន្តកុងត្រាជាមួយ Wolves តែចេញទៅ Anderlecht ក្នុងលក្ខខណ្ឌខ្ចី

បាល់ទាត់៖ ខ្សែប្រយុទ្ធព័រទុយហ្កាល់ Fabio Silva ទើបតែបានចុះហត្ថលេខាបន្តកិច្ចសន្យាថ្មីបន្ថែម ១ឆ្នាំទៀតជាមួយ Wolverhampton តែត្រូវចាកចេញទៅក្លិបប៊ែលហ្ស៊ិក Anderlecht ក្នុងលក្ខខណ្ឌខ្ចីជើងពេញមួយរដូវកាល។ កីឡាករវ័យ ២០ ឆ្នាំរូបនេះបានផ្លាស់មកកាន់ Wolves កាលពីខែកញ្ញា ឆ្នាំ២០២០ ក្នុងតម្លៃផ្ទេរបំបែកកំណត់ត្រាក្លិប ៣៧ លានផោនពី FC Porto។ តែតាំងពីមកដល់ទឹកដីអង់គ្លេស Fabio Silva បង្ហាញខ្លួនបានត្រឹម ១៧ ប្រកួតប៉ុណ្ណោះនៅ Premier League រកបាន ៤ គ្រាប់។ កិច្ចសន្យាថ្មីរបស់ Fabio Silva នឹងរក្សារូបគេនៅកីឡដ្ឋាន Molineux ដល់ឆ្នាំ ២០២៦។ រំលឹកថា Fabio Silva ធ្លាប់ជាកីឡាករវ័យក្មេងបំផុតនៅ Porto ដែលលេងនៅក្របខណ្ឌកំពូលព័រទុយហ្កាល់ដំបូងត្រឹមវ័យ ១៧ ឆ្នាំ ២២ ថ្ងៃកាលពីខែសីហា ឆ្នាំ២០១៩៕អត្ថបទ៖នាង សុភាវុធ

Manchester United យកឈ្នះ Crystal Palace ៣-១ ក្នុងជំនួបមិត្តភាពនៅទឹកដីអូស្ត្រាលី

បាល់ទាត់៖ ក្រុមបិសាចក្រហម Manchester United បានបន្តជ័យជំនះរបស់ខ្លួនក្នុងការប្រកួតមិត្តភាព Pre-Season នៅទឹកដីអូស្ត្រាលីដោយយកឈ្នះ Crystal Palace ៣-១ នៅទីក្រុង Melbourne។ ប្រធានក្រុម Manchester United, Harry Maguire ត្រូវបានអ្នកគាំទ្រនៅទឹកដីអូស្ត្រាលីធ្វើសំឡេងបង្អាប់ រាល់ពេលបាល់ទៅដល់ជើងកីឡាករអង់គ្លេសរូបនេះ។ យ៉ាងណាក្តី ក្រៅពីបញ្ហារបស់ Harry Maguire គេសង្កេតឃើញភាពវិជ្ជមានច្រើនសំរាប់ក្រុម Manchester United ក្នុងការត្រៀមមុនរដូវកាលថ្មីខាងមុនេះ។ ខ្សែប្រយុទ្ធដែលបញ្ចេញឱ្យ Sevilla ខ្ចីជើងរដូវកាលមុន Anthony Martial បានស៊ុតបញ្ចូលរាល់ការប្រកួតមិត្តភាពបីប្រកួតកន្លងមក ក៏ដូចជាការសហការគ្នាបានល្អរវាង Jadon Sancho ក៏ដូចជា Marcus Rashford ដែលធ្លាប់ធ្លាក់ចុះទម្រង់លេងខ្លាំងចុងរដូវកាលមុន។Manchester United មិនទាន់អស់ការប្រកួតនៅទឹកដីអូស្ត្រាលីឡើយ ដោយក្រុមរបស់លោក Erik ten Hag ត្រូវធ្វើដំណើរទៅទីក្រុង Perth នៅថ្ងៃសៅរ៍នេះ មុនចាកចេញមកអឺរ៉ុបវិញទៅទីក្រុង Oslo ប្រទេសណ័រវេយ ហើយនឹងចាប់ផ្តើមរដូវកាលថ្មី English Premier League ទទួល Brighton នៅថ្ងៃទី ៧ ខែសីហាខាងមុខ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

PSG ចាប់ផ្តើម Pre-Season នៅជប៉ុនយកឈ្នះ Kawasaki Frontale ២-១

លក់ De Ligt បាន ៦៥លានអឺរ៉ូភ្លាម Juventus ទិញបានខ្សែការពារប្រេស៊ីល Gleison Bremer ពី Torino ៤១លានអឺរ៉ូ

Roma ប្រកាសពីការនាំយក Paulo Dybala ផ្លូវការដោយគ្មានតម្លៃផ្ទេរ

ទីភ្នាក់ងារប្រឆាំងដូប៉ាកម្ពុជាបើកវគ្គបំប៉នមន្ត្រីត្រួតពិនិត្យដូប៉ាត្រៀមស៊ីហ្គេម ២០២៣

ប្រធានសហព័ន្ធកីឡាប៉េតង់ថ្មីប្ដេជ្ញាបន្ដស្វែងរកជោគជ័យ និងរក្សាកិត្យានុភាពជូនជាតិ

អាស៊ីអឺរ៉ុបឡើងជួបណាហ្គានៃពានសម្ដេចតេជោ-ថ្នាក់ជាតិ ក្រោយយកឈ្នះភ្នំពេញហ្គាឡាក់ស៊ីវិញ ៣-០

កីឡាករកាណាដា Hugo Houle ឈ្នះដំណាក់កាលទី១៦ Tour de France តែអ្នកនាំមុខរួមមិនប្រែមុខ

Bayern Munich ទិញបាន Matthijs de Ligt ផ្លូវការពី Juventus តម្លៃ ៧៧លានអឺរ៉ូ

Fabio Silva បន្តកុងត្រាជាមួយ Wolves តែចេញទៅ Anderlecht ក្នុងលក្ខខណ្ឌខ្ចី

Manchester United យកឈ្នះ Crystal Palace ៣-១ ក្នុងជំនួបមិត្តភាពនៅទឹកដីអូស្ត្រាលី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

PSG ចាប់ផ្តើម Pre-Season នៅ​ជប៉ុន​យកឈ្នះ Kawasaki Frontale ២-១

លក់ De Ligt បាន ៦៥​លាន​អឺរ៉ូ​ភ្លាម Juventus ទិញ​បាន​ខ្សែ​ការពារ​ប្រេ​ស៊ី​ល Gleison Bremer ពី Torino ៤១លាន​អឺរ៉ូ​

Roma ប្រកាស​ពី​ការនាំយក Paulo Dybala ផ្លូវការ​ដោយ​គ្មាន​តម្លៃ​ផ្ទេរ​

ទីភ្នាក់ងារ​ប្រឆាំង​ដូ​ប៉ា​កម្ពុជា​បើក​វគ្គ​បំប៉ន​មន្ត្រី​ត្រួតពិនិត្យ​ដូ​ប៉ា​ត្រៀម​ស៊ី​ហ្គេម ២០២៣

ប្រធាន​សហព័ន្ធ​កីឡា​ប៉េតង់​ថ្មី​ប្ដេជ្ញា​បន្ដ​ស្វែងរក​ជោគជ័យ និង​រក្សា​កិត្យានុភាព​ជូន​ជាតិ​

កីឡាករ​កាណាដា Hugo Houle ឈ្នះ​ដំណាក់កាល​ទី​១៦ Tour de France តែ​អ្នក​នាំមុខ​រួម​មិន​ប្រែ​មុខ​

Bayern Munich ទិញ​បាន Matthijs de Ligt ផ្លូវការ​ពី Juventus តម្លៃ ៧៧​លាន​អឺរ៉ូ

Fabio Silva បន្ត​កុងត្រា​ជាមួយ Wolves តែ​ចេញទៅ Anderlecht ក្នុង​លក្ខខណ្ឌ​ខ្ចី

Manchester United យកឈ្នះ Crystal Palace ៣-១ ក្នុងជំនួប​មិត្តភាព​នៅ​ទឹកដី​អូស្ត្រាលី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

PSG ចាប់ផ្តើម Pre-Season នៅជប៉ុនយកឈ្នះ Kawasaki Frontale ២-១

លក់ De Ligt បាន ៦៥លានអឺរ៉ូភ្លាម Juventus ទិញបានខ្សែការពារប្រេស៊ីល Gleison Bremer ពី Torino ៤១លានអឺរ៉ូ

Roma ប្រកាសពីការនាំយក Paulo Dybala ផ្លូវការដោយគ្មានតម្លៃផ្ទេរ

ទីភ្នាក់ងារប្រឆាំងដូប៉ាកម្ពុជាបើកវគ្គបំប៉នមន្ត្រីត្រួតពិនិត្យដូប៉ាត្រៀមស៊ីហ្គេម ២០២៣

ប្រធានសហព័ន្ធកីឡាប៉េតង់ថ្មីប្ដេជ្ញាបន្ដស្វែងរកជោគជ័យ និងរក្សាកិត្យានុភាពជូនជាតិ

កីឡាករកាណាដា Hugo Houle ឈ្នះដំណាក់កាលទី១៦ Tour de France តែអ្នកនាំមុខរួមមិនប្រែមុខ

Bayern Munich ទិញបាន Matthijs de Ligt ផ្លូវការពី Juventus តម្លៃ ៧៧លានអឺរ៉ូ

Fabio Silva បន្តកុងត្រាជាមួយ Wolves តែចេញទៅ Anderlecht ក្នុងលក្ខខណ្ឌខ្ចី

Manchester United យកឈ្នះ Crystal Palace ៣-១ ក្នុងជំនួបមិត្តភាពនៅទឹកដីអូស្ត្រាលី