BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

Spurs ទិញបានខ្សែការពារអង់គ្លេស Djed Spence ពី Middlesbrough តម្លៃ ២០លានផោន

បាល់ទាត់៖ ក្លិបបាល់ទាត់ Tottenham Hotspur បានសំរេចក្នុងការនាំយកខ្សែការពារក្រុមជំរើសជាតិអង់គ្លេសអាយុក្រោម ២១ ឆ្នាំ Djed Spence ពី Middlesbrough តម្លៃ ២០ លានផោន។ កីឡាករវ័យ ២១ ឆ្នាំរូបនេះបានចំណាយពេលពេញ ១ រដូវកាលមុនក្នុងលក្ខខណ្ឌខ្ចីជើងនៅ Nottingham Forest ដែលឡើងមកកាន់ក្របខណ្ឌកំពូល English Premier League លើកដំបូងក្រោយអវត្តមានតាំងពីឆ្នាំ ១៩៩៩។ Djed Spence បានចុះហត្ថលេខារយៈពេល ៥ ឆ្នាំក្នុងតម្លៃផ្ទេរ ១២.៥ និងប្រាក់បន្ថែមផ្សេងៗ ៧.៥ លានផោនផ្សេងទៀតសរុប ២០ លានផោន។ Djed Spence គឺជាកីឡាករទី ៦ ហើយដែលមកកាន់ Spurs មុនរដូវកាលថ្មីចាប់ផ្តើមខាងមុខនេះ បន្ទាប់ពីអ្នកចាំទី Fraser Forster, ខ្សែការពារ Clement Lenglet, ខ្សែបម្រើ Yves Bissouma, ខ្សែប្រយុទ្ធ Ivan Perisic និង Richarlison។ Djed Spence ដែលជាកីឡាករចេញពីយុវជនថ្នាលរបស់ Fulham នៅឆ្នាំ ២០១៨ នោះបានស៊ុតបញ្ចូលទី ៣ គ្រាប់ក្នុងការបង្ហាញខ្លួនឱ្យ Nottingham Forest ៤៦ ប្រកួតរដូវកាលមុន៕អត្ថបទ៖នាង សុភាវុធ

ចិននៅតែជាម្ចាស់ផ្ទះរៀបចំកីឡាអាស៊ី ២០២២ ដដែលតែត្រូវលើកទៅឆ្នាំ២០២៣

កីឡាអាស៊ី៖ សាធារណរដ្ឋប្រជាមានិតចិននឹងនៅតែជាម្ចាស់រៀបចំព្រឹត្តិការណ៍កីឡាអាស៊ី Asian Games ឆ្នាំ២០២២ ដដែលតែត្រូវលើកទៅឆ្នាំ២០២៣ វិញបន្ទាប់ពីត្រូវបានប្រកាសផ្អាកការប្រកួតដោយសារវិបត្តិកូវីដ-១៩។ ព្រឹត្តិការណ៍កីឡាអាស៊ីនៅចិនគ្រោងរៀបចំនៅនៅទីក្រុងហាន់ចូវ តែនៅពេលនេះក្រុមប្រឹក្សាកីឡាអាស៊ីបានបញ្ជាក់ថា ព្រឹត្តិការណ៍កីឡាបួនឆ្នាំម្តងនេះនឹងត្រូវលើកទៅរៀបចំនៅឆ្នាំ២០២៣ វិញពីថ្ងៃទី២៣ ខែកញ្ញាដល់ថ្ងៃទី៨ ខែតុលា។ ព្រឹត្តិការណ៍នេះតាមកាលវិភាគចាស់ត្រូវធ្វើនៅខែកញ្ញាខាងមុខ តែកាលពីខែឧសភាកន្លងទៅចិនបានប្រកាសថា មិនអាចរៀបចំបានដោយសារគោលនយោបាយ Zero-Covid របស់ចិន។ ទីក្រុងហាន់ចូវមានចំងាយជាង ២០០គីឡូម៉ែត្រពីទីក្រុងសៀងហៃ ដែលធ្លាប់ស្ថិតក្នុងស្ថានភាពបិទខ្ទប់កាលពីដើមឆ្នាំដោយសារផ្ទុះឆ្លងកូវីដ-១៩ ឡើងវិញ។ ព្រឹត្តិការណ៍កីឡាអាស៊ីមានការចូលរួមពីអត្តពលិកប្រមាណជាង ១ម៉ឺននាក់ពីបណ្តាប្រទេសក្នុងតំបន់អាស៊ី។ ក្រៅពីកីឡាអាស៊ី ចិនក៏បានលើកពេលរៀបចំការប្រកួតកីឡាសកលវិទ្យាពិភពលោកនៅទីក្រុងឆឹងទូ ដែលដំបូងគ្រោងធ្វើនៅខែមិថុនាកន្លងទៅនោះត្រូវលើកទៅឆ្នាំ២០២៣ វិញ៕អត្ថបទ៖នាង សុភាវុធ

ប្រធានក្រុមកីឡាវាយកូនឃ្លីលើតុត្រៀមខ្លួនរួចរាល់ សម្រាប់ការប្រកួតអាស៊ានប៉ារ៉ាហ្គេមនៅឥណ្ឌូនេស៊ី

វាយកូនឃ្លីលើតុ៖ កីឡាករ យ៉ុយ កុសល ប្រធានក្រុមកីឡាវាយកូនឃ្លីលើតុជនពិការជម្រើសជាតិកម្ពុជាកម្ពុជា បានបង្ហាញការត្រៀមខ្លួនរួចរាល់ដើម្បីចូលរួមប្រកួតកីឡាអាស៊ានប៉ារ៉ាហ្គេមលើកទី១១ នៅប្រទេសឥណ្ឌូនេស៊ីចាប់ពីថ្ងៃទី៣០ ខែកក្កដាដល់ថ្ងៃទី០៦ ខែសីហា ឆ្នាំ២០២២ ខាងមុខ។ កុសល លើកឡើងថា ឆ្លងកាត់ការប្រមូលផ្ដុំហ្វឹកហាត់ជាច្រើនខែកន្លងមក ក្រុមកីឡាវាយកូនឃ្លីលើតុជនពិការកម្ពុជា បានវិឌ្ឍន៍សមត្ថភាពយ៉ាងល្អប្រសើរ ដែលប្រហាក់ប្រហែលនឹងបណ្ដាប្រទេសភាគច្រើន លើកលែងតែថៃ និងឥណ្ឌូនេស៊ីប៉ុណ្ណោះ ដែលខ្លួនមើលឃើញមានភាពលេចធ្លោរជាងកម្ពុជា។ យ៉ាងណាក្ដីប្រធានក្រុមរូបនេះបានប្ដេជ្ញានឹងខិតខំឲ្យអស់ពីសមត្ថភាពដើម្បីស្វែងរកមេដាយ និងលទ្ធផលល្អជូនជាតិ។ គួរដឹងថា កីឡាវាយកូនឃ្លីលើតុគឺជាប្រភេទកីឡាមួយក្នុងចំណោម ១១ប្រភេទកីឡាដែលកម្ពុជានឹងត្រូវបញ្ជូនចូលរួមការប្រកួតកីឡាអាស៊ានប៉ារ៉ាហ្គេម ឬកីឡាជនពិការប្រចាំតំបន់អាស៊ីអាគ្នេយ៍លើកទី១១ នៅប្រទេសឥណ្ឌូនេស៊ីនាចុងខែនេះ ដែលមានប្រតិភូ គ្រូបង្វឹក និងកីឡាករ-កីឡាការិនីសរុបចំនួន ១៦៦នាក់។តាមគម្រោងប្រតិភូ និងកីឡាករ-កីឡាការិនីជនពិការកម្ពុជានឹងត្រូវចាកចេញពីមាតុភូមិនាថ្ងៃទី២៦ ខែកក្កដាខាងមុខនេះក្រោមការដឹកនាំផ្ទាល់របស់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងប្រធានប្រតិភូកីឡាប៉ារ៉ាឡាំពិកកម្ពុជា តំណាងដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងជាប្រធានគណៈកម្មាធិការជាតិប៉ារ៉ាឡាំពិកកម្ពុជា៕អត្ថបទ៖ លី ឈុនឡា

Arsenal ឈានដល់កិច្ចព្រមព្រៀងទិញ Zinchenko ពី Manchester City តម្លៃ ៣០លានផោន

បាល់ទាត់៖ ក្រុមកាំភ្លើងធំ Arsenal បានឈានដល់កិច្ចព្រមព្រៀងហើយ ក្នុងការនាំយកខ្សែការពារអ៊ុយក្រែន Oleksandr Zinchenko ពី Manchester City ក្នុងតម្លៃ ៣០លានផោន។ តួនាទីដើមជាខ្សែបម្រើ តែកីឡាករវ័យ ២៥ឆ្នាំរូបនេះត្រូវបានអ្នកចាត់ការ Pep Guardiola ឱ្យលេងតំណែងការពារភាគច្រើន។ បច្ចុប្បន្នកំពុងនៅទឹកដីសហរដ្ឋអាមេរិកត្រៀមការប្រកួត Pre-Season ជាមួយ Manchester City, Oleksandr Zinchenko ត្រូវបានគេរំពឹងថានឹងហោះត្រលប់មកកាន់ចក្រភពអង់គ្លេសវិញ ដើម្បីបំពេញឱ្យរួចរាល់ការផ្ទេរនេះ។ Oleksandr Zinchenko គឺជាកីឡាករម្នាក់ក្នុងចំណោមកីឡាករមួយចំនួនទៀតដែលមកដល់ Manchester City នៅពេល Pep Guardiola ត្រូវបានតែងតាំងដំបូងកាលពីឆ្នាំ២០១៦។មកដល់ពេលនេះកីឡាករជំរើសជាតិអ៊ុយក្រែនរូបនេះបានឈ្នះពាន English Premier League បួនលើកហើយជាមួយ Manchester City បូករួមទាំង League Cup បួនលើកផងដែរក្នុងចំណោមការបង្ហាញខ្លួនសរុប ១២៨លើក។ Zinchenko ជាកីឡាករម្នាក់ទៀតដែលចាកចេញពី Manchester City ទៅកាន់ Arsenal បន្ទាប់ពីខ្សែប្រយុទ្ធប្រេស៊ីល Gabriel Jesus ដែលផ្លាស់ទៅ Arsenal កាលពីដើមខែក្នុងតម្លៃ ៤៥លានផោន៕អត្ថបទ៖នាង សុភាវុធ

Zlatan Ibrahimovic បន្តកិច្ចសន្យា ១ឆ្នាំជាមួយ AC Milan បីខែមុនឈានចូលវ័យ ៤១ឆ្នាំ

បាល់ទាត់៖ ខ្សែប្រយុទ្ធវ័យចំណាស់ស៊ុយអែត Zlatan Ibrahimovic បានបន្តកិច្ចសន្យាមួយឆ្នាំទៀតជាមួយក្លិបជើងឯកអ៊ីតាលី AC Milan បីខែមុនឈានចូលវ័យ ៤១ឆ្នាំ។ កិច្ចសន្យាថ្មីនេះនឹងរក្សាអតីតខ្សែប្រយុទ្ធក្លិបកំពូលៗនៅអឺរ៉ុបមួយនេះស្នាក់នៅកីឡដ្ឋាន San Siro រហូតបញ្ចប់រដូវកាលថ្មីខាងមុខជាមួយនឹងថ្លៃឈ្នួល ១៥០០០ផោនក្នុងមួយសប្តាហ៍។ ថ្វីបើឈានដល់វ័យ ៤០ឆ្នាំក្តី Zlatan Ibrahimovic មិនដែលបង្ហើបពីគំរោងចូលនិវត្តន៍របស់ខ្លួនឡើយ ស្របពេលទំរង់មិនទាន់ធ្លាក់ចុះបើទោះជាមួយរបួសញាំញីបន្តិចបន្តួចក្តី។ មកកាន់ AC Milan ជាលើកទី២ ក្នុងអាជីព Zlatan បានជួយក្រុមដែលគេចាត់ទុកជាក្រុមសំណព្វចិត្តរបស់ខ្លួនឈ្នះជើងឯកអ៊ីតាលី Serie A ជាលើកដំបូងក្នុងរយៈពេល ១១ឆ្នាំ។ រដូវកាលកន្លងមកនេះ Zlatan បង្ហាញខ្លួនក្នុងលីគឱ្យ AC Milan បាន ២៣លើកស៊ុតបញ្ចូលទីបាន ៨គ្រាប់។ជោគជ័យរាប់មិនអស់ទេសំរាប់កីឡាករស៊ុយអែតរូបនេះ ដែលរួមមានដូចជាជើងឯកលីគហូឡង់ជាមួយ Ajax ២លើក ឈ្នះជើងឯកអ៊ីតាលី Serie A ៧លើកជាមួយ Juventus ពីរលើក Inter Milan បីលើក និង AC Milan។ ក្រៅពីនោះ Zlatan Ibrahimovic ក៏ធ្លាប់ឈ្នះជើងឯកលីគកំពូលបារាំង ៤លើកផងដែរជាមួយ Paris Saint Germain និង UEFA Europa League មួយលើកជាមួយ Manchester United ពោលគឺមានតែ UEFA Champions League ប៉ុណ្ណោះដែលបុរសវ័យ ៤០ឆ្នាំរូបនេះមិនដែលឈ្នះ៕អត្ថបទ៖នាង សុភាវុធ

Gareth Bale បង្ហាញខ្លួនលើកដំបូងឱ្យ LAFC ជាកីឡាករបម្រុង

បាល់ទាត់៖ ខ្សែប្រយុទ្ធវែល Gareth Bale បានបង្ហាញខ្លួនជាលើកដំបូងជាមួយក្លិបអាមេរិក Los Angeles FC ក្នុងនាមជាកីឡាករបម្រុងផ្លាស់ប្តូរចូលនៅនាទីទី៧២ ស្របពេល LAFC យកឈ្នះនៅទឹកដី Nashville FC ២-១។ អតីតខ្សែប្រយុទ្ធ Real Madrid រូបនេះក៏បានធ្វើឱ្យមានការចាប់អារម្មណ៍ខ្លះដែរនៅ ១៨នាទីចុងក្រោយនៃការប្រកួត។ Gareth Bale ដែលឈានចូលវ័យ ៣៣ឆ្នាំកាលពីថ្ងៃសៅរ៍នោះបាននិយាយក្រោយចប់ការប្រកួតថា រូបគេមានអារម្មណ៍រំភើបចំពោះអាជីពថ្មីនៅទឹកដីអាមេរិកនេះ ហើយក៏ស្រែកឃ្លានជ័យជំនះប្រកួតបន្តបន្ទាប់ទៀតដែរឱ្យ Los Angeles FC។ ជាមួយគ្នានោះដែរសមាជិកថ្មីខ្សែការពារអ៊ីតាលី Giorgio Chiellini ក៏បានបង្ហាញខ្លួនលើកដំបូងឱ្យ LAFC ដែរក្រោយផ្លាស់ពី Juventus។ Los Angeles FC កំពុងនាំមុខគេក្នុងតារាងក្របខណ្ឌលីគកំពូលអាមេរិក Major League Soccer នៅភាគខាងលិច ខណៈប្រកួតបន្ទាប់របស់ពួកគេគឺត្រូវធ្វើដំណើរទៅទឹកដី Kansas City ថ្ងៃទី២៤ ចុងសប្តាហ៍នេះ មុនទទួល Seattle Sounders ថ្ងៃសៅរ៍ ទី៣០ ខែកក្កដាដដែល៕អត្ថបទ៖នាង សុភាវុធ

ដោយសារស្រឡាញ់ប្រទេសកំណើតសុខចិត្តជូនកូនមកហាត់ត្រៀមស៊ីហ្គេម២០២៣

វាយកូនឃ្លីលើតុ៖ ពេលនេះកីឡាករ-កីឡាការិនីវាយកូនឃ្លីលើតុកម្ពុជា កំពុងតែហ្វឹកហាត់នៅសាលាដំបូលទូកនៃពហុកីឡដ្ឋានជាតិត្រៀមសម្រាប់ស៊ីហ្គេម ២០២៣ នៅព្រះរាជាណាចក្រកម្ពុជាឆ្នាំក្រោយ។ក្នុងចំណោមនោះគេឃើញមានវត្តមានកីឡាការិនីវ័យក្មេងកូនខ្មែរនៅអាមេរិក ចិន អាន់នីកា មីឆែល ក៏កំពុងហ្វឹកហាត់ដែរ ហើយត្រូវបានសរសើរពីមិត្តរួមក្រុម គ្រូបង្វឹក និងថ្នាក់ដឹកនាំរបស់សហព័ន្ធ។ ប្រាប់ទូរទស្សន៍ ប៊ីធីវី កាលពីពេលថ្មីៗនេះ លោក ចិន ហង់រី ហៅហេងដែលត្រូវជាឪពុក និងបានចំណាយថវិកាផ្ទាល់ខ្លួនជូនកូនមកហ្វឹកហាត់ជាមួយជម្រើសជាតិកម្ពុជា បានបញ្ជាក់ពីមូលហេតុដែលសម្រេចបញ្ជូនកូនមកហ្វឹកហាត់ជាមួយជម្រើសជាតិកម្ពុជាថា ទោះបីយើងនៅអាមេរិក តែយើងជាជនជាតិខ្មែរ ហើយម្យ៉ាងទៀតដោយមើលឃើញថា កីឡាការិនីវាយកូនឃ្លីលើតុកម្ពុជាមិនមានច្រើននៅឡើយ។ ពាក់ព័ន្ធនឹងស៊ីហ្គេម ២០២៣ លោកបញ្ជាក់ថា ប្រជាជនខ្មែរទីនោះដឹងច្រើន និងគាំទ្រចំពោះការធ្វើម្ចាស់ផ្ទះស៊ីហ្គេម២០២៣ នេះ ហើយពូកគាត់ក៏គាំទ្រដែលលោកបញ្ជូនកូនស្រីមកប្រកួតតំណាងជាតិ ទោះបីជាត្រូវចំណាយថវិកាខ្លួនឯងក៏ដោយ។ចំនែកលោក ឃុន ផានិត គ្រូបង្គោលជម្រើសជាតិវាយកូនឃ្លីលើតុកម្ពុជាបានបញ្ជាក់ថា អាន់នីកា មកហ្វឹកហាត់នៅកម្ពុជាជាង ១០ថ្ងៃហើយឃើញថាល្អ ហើយគេអាចប្រកួតជាមួយកីឡាករបុរសៗបានយ៉ាងល្អ។ លោក ស៊ុន សុធារិទ្ធ អគ្គលេខាធិការសហព័ន្ធកីឡាវាយកូនឃ្លីលើតុកម្ពុជាបានបញ្ជាក់ថា ក្រៅពីកីឡាការិនីរូបនេះ សហព័ន្ធនឹងស្វែងរកកីឡាករ-កីឡាការិនីកូនខ្មែរកាត់បរទេស ដែលមានសមត្ថភាពជាច្រើនទៀតមកប្រកួតតំណាងកម្ពុជា៕អត្ថបទ៖ គង់ ហួន

AFC នឹងប្រកាសប្រទេសម្ចាស់ផ្ទះ AFC Asian Cup 2023 នៅខែតុលា

បាល់ទាត់៖ ប្រទេសចំនួនបួនរួមមានកូរ៉េ អូស្ត្រាលី ឥណ្ឌូនេស៊ី និងកាតាសុទ្ធបានដាក់ពាក្យរួចរាល់ក្នុងការស្នើសុំ ធ្វើជាម្ចាស់ផ្ទះព្រឹត្តិការណ៍បាល់ទាត់ជើងឯកអាស៊ី AFC Asian Cup 2023 ឆ្នាំក្រោយនេះ។ ថ្ងៃទី៣១ ខែសីហាជាកាលបរិច្ឆេទចុងក្រោយនៃការដាក់ពាក្យស្នើសុំធ្វើម្ចាស់ផ្ទះ ខណៈដែល AFC នឹងប្រកាសថាប្រទេសណាជាម្ចាស់ផ្ទះនៅថ្ងៃទី១៧ ខែតុលា។ ចិនដំបូងឡើយជាម្ចាស់ផ្ទះនៅឆ្នាំ២០២៣ ខាងមុខនេះ តែក៏បានដកខ្លួនវិញដោយសារបញ្ហាកូវីដ-១៩ តាមរយៈគោលនយោបាយ zero-Covid។ សំរាប់កូរ៉េដែលឈ្នះជើងឯក Asian Cup ដំបូងគេនៅឆ្នាំ១៩៥៦ និងការពារជើងឯកបានសំរេចនៅបួនឆ្នាំបន្ទាប់១៩៦០ នោះគឺជាឆ្នាំចុងក្រោយហើយដែលកូរ៉េធ្វើម្ចាស់ផ្ទះ ហើយមកដល់ឆ្នាំ២០០២ ទើបកូរ៉េមានឱកាសរៀបចំព្រឹត្តិការណ៍ធំម្តងទៀត។ចំណែកអូស្ត្រាលីជើងឯកឆ្នាំ២០១៥ ក៏នឹងត្រូវធ្វើម្ចាស់ផ្ទះបាល់ទាត់ស្ត្រីជើងឯកពិភពលោកដែរនៅឆ្នាំ២០២៣ ជាមួយនឹងនូវែលហ្សេឡង់។ រីឯកាតាដែលត្រូវធ្វើម្ចាស់ផ្ទះ World Cup ដែលនឹងចាប់ផ្តើមនៅថ្ងៃទី២១ ខែវិច្ឆិកាដល់ថ្ងៃទី១៨ ខែធ្នូនោះក៏ធ្លាប់រៀបចំ Asian Cup ដែរនៅឆ្នាំ១៩៨៨ និង ២០១១ និងឈ្នះជើងឯកនៅឆ្នាំ២០១៩។ សំរាប់ឥណ្ឌូនេស៊ីវិញមិនដែលមានប្រវត្តិរៀបចំព្រឹត្តិការណ៍បាល់ទាត់អាស៊ីនេះឡើយ៕អត្ថបទ៖នាង សុភាវុធ

បេក្ខភាពប្រកួតពានសម្ដេចតេជោ ហ៊ុន សែន-ថ្នាក់ជាតិដែលនឹងចាប់ផ្ដើមនាសប្ដាហ៍ក្រោយ

បាល់ទាត់៖ ពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) នឹងត្រូវប្រកួតវគ្គ ១៦ក្រុមចុងក្រោយនាថ្ងៃទី២៧ ខែកក្កដាសប្ដាហ៍ក្រោយ បន្ទាប់ពីរកឃើញបេក្ខភាពក្រុមក្របខណ្ឌលីគកំពូលកម្ពុជា គិតត្រឹមសប្ដាហ៍ទី១១ និងក្រុមដែលឆ្លងកាត់ការប្រកួតជម្រុះថ្នាក់ជាតិកាលពីថ្មីៗ។ សម្រាប់បេក្ខភាពត្រូវជួបគ្នាដែលត្រូវជួបគ្នានៅវគ្គ ១៦ក្រុមចុងក្រោយក្នុងដំណាក់កាលទី៣ នៃពានថ្នាក់ជាតិនេះ រួមមានក្រុមសូលទីឡូអង្គរត្រូវជួបក្រុមព្រះខ័នរាជស្វាយរៀង, ក្រុមសៀមរាបអេហ្វស៊ីជួបក្រុមវិសាខា, ក្រុម ISI ដង្កោសែនជ័យជួបក្រុមបឹងកេត, ក្រុមកោះកុងអេហ្វស៊ីជួបក្រុមអង្គរថាយហ្គឺរ, ក្រុមព្រៃវែងអេហ្វស៊ីជួបក្រុមភ្នំពេញក្រោន, ក្រុមនគរបាលជាតិជួបក្រុមកងយោធពលខេមរភូមិន្ទ និងក្រុមអគ្គិសនីកម្ពុជាជួបក្រុមគិរីវង់សុខសែនជ័យ។ ចំណែក ១គូទៀតគឺក្រុមណាហ្គាវើលដ៏ត្រូវឈរចាំការប្រកួតកាត់សេចក្ដីជើងទី២ ក្នុងវគ្គជម្រុះថ្នាក់ជាតិរវាងក្រុមអាស៊ីអឺរ៉ុប និងក្រុមភ្នំពេញហ្គាឡាក់ស៊ីនាថ្ងៃទី២០ ខែកក្កដាខាងមុខ ដ្បិតក្រុមទាំងពីរនេះទើបប្រកួតបាន ១ជើងដោយក្រុមភ្នំពេញហ្គាឡាក់ស៊ីបានទទួលជ័យជម្នះក្នុងលទ្ធផល ២-១។ ដូច្នេះក្រុមដែលទទួលបានជ័យជម្នះរវាងក្រុមទាំងពីរនឹងត្រូវឡើងមកជួបក្រុមណាហ្គាវើលដ៏ ក្នុងពានថ្នាក់ជាតិនាសប្ដាហ៍ក្រោយ។សូមបញ្ជាក់ថា ពានសម្ដេចតេជោ ហ៊ុន សែន ឆ្នាំនេះគឺបែងចែកការប្រកួតជា ៣ដំណាក់កាលជាមួយការកែប្រែបទបញ្ជាការប្រកួតមួយចំនួន។ ដំណាក់កាលទី១ គឺជាការប្រកួតជម្រុះថ្នាក់ខេត្ត ដោយមានបេក្ខភាពក្រុមមកពីរាជធានី-ខេត្ត ១៧ក្រុមចូលរួម។ ដំណាក់កាលទី២ គឺជាកាបរ្រកួតរវាងក្រុមលេខ១ ដល់លេខ៤ នៃពានថ្នាក់ខេត្តជាមួយក្រុមក្របខណ្ឌលីកទី២ ដើម្បីចម្រាញ់បេក្ខភាព ៨ក្រុមឡើងបង្គ្រប់កៅអីវគ្គ ១៦ក្រុមចុងក្រោយនៃពានថ្នាក់ជាតិ ដែលមានសមាជិកក្រុមលីគកំពូល ៨ក្រុមឈរចាំ។ សម្រាប់ពានសម្ដេចតេជោ-ថ្នាក់ជាតិឆ្នាំនេះដែរ ទាំងការប្រកួតវគ្គ ១៦ក្រុមចុងក្រោយ វគ្គ ៨ក្រុមចុងក្រោយ និងវគ្គពាក់កណ្ដាលផ្ដាច់ព្រ័ត្រសុទ្ធតែត្រូវឆ្លងកាត់ការប្រកួត ២ជើង (ផ្លាស់ប្ដូរទឹកដីគ្នា) លើកលែងតែការប្រកួតវគ្គផ្ដាច់ព្រ័ត្រប៉ុណ្ណោះដែលត្រូវប្រកួតតែ ១ជើងដើម្បីកាត់សេចក្ដីរកក្រុមជើងឯកលើទឹកដីកណ្ដាល៕អត្ថបទ៖ លី ឈុនឡា

ប្រធានអង្គការផ្កាយសមុទ្ររំពឹងជុំផ្ដាច់ព្រ័ត្រពានកុមារ និងយុវជននឹងជំរុញស្មារតីស្រលាញ់កីឡាកាន់តែខ្លាំង

បាល់ទាត់៖ អ្នកស្រី ជួប វិច្ឆិកា ប្រធានអង្គការផ្កាយសមុទ្របានបង្ហាញក្ដីរំពឹងយ៉ាងមុតមាំថា ការប្រកួតជុំផ្ដាច់ព្រ័ត្រនៃពានរង្វាន់បាល់ទាត់កុមារ និងយុវជន AIA - ISF Grand Championship League 2022 នឹងជំរុញស្មារតីស្រលាញ់កីឡាកាន់តែខ្លាំងដែលកីឡាករ-កីឡាការិនីចូលរួមព្រឹត្តិការណ៍នេះក៏ដូចជាប្រជាពលរដ្ឋ និងយុវជន-យុវនារីទូទាំងប្រទេសផងដែរ។ការបង្ហាញសុទិដ្ឋិនិយមបែបនេះ បន្ទាប់ពីការប្រកួតពានរង្វាន់បាលល់ទាត់កុមារ និងយុវជននេះបានបញ្ចប់ការប្រកួតជម្រុះតាមមណ្ឌល ពិសេសមណ្ឌលរាជធានីភ្នំពេញដែលទើបរកឃើញបេក្ខភាពក្រុមខ្លាំងៗ ៥ប្រភេទអាយុបន្ថែមទៀតកាលពីចុងសប្ដាហ៍កន្លងទៅ ដើម្បីបង្គ្រប់កៅអីជុំផ្ដាច់ព្រ័ត្រដែលគ្រោងនឹងរៀបចំការប្រកួតនាថ្ងៃទី១៤ ខែសីហា ឆ្នាំ២០២២ ខាងមុខនៅទីលានបាល់ទាត់អង្គការផ្កាយសមុទ្រ។ អ្នកស្រីបានគូសបញ្ជាក់ថា នេះគឺជាការប្រកួតបាល់ទាត់ថ្នាក់សហគមន៍មួយដែលរៀបចំឡើងក្នុងគោលបំណង ផ្ដល់ឱកាសស្មើគ្នាក្នុងការលេងបាល់ទាត់ដល់កុមារ និងយុវជនដែលរងផលប៉ះពាល់ដោយសារភាពក្រីក្រ ហើយលើកកម្ពស់សមភាពយេនឌ័រក្នុងសង្គម ក្នុងន័យរួមចំណែកកាត់បន្ថយភាពក្រីក្រតាមរយៈការអប់រំ សេវាថែទាំសុខភាព និងការលេងកីឡានេះតែម្ដង។តាមរយៈព្រឹត្តិការណ៍នេះ ពិសេសការប្រកួតជុំផ្ដាច់ព្រ័ត្រនាខែសីហាខាងមុខ អ្នកស្រីជឿជាក់ថា ការប្រកួតនេះនឹងរួមចំណែកដល់ការបង្កើតសហគមន៍កីឡាមួយដ៏ទូលំទូលាយ ពិសេសជំរុញស្មារតីស្រលាញ់កីឡា សាមគ្គីភាព និងការកំណត់គោលដៅមួយដ៏ល្អសម្រាប់កីឡាករ-កីឡាការិនីក្នុងការហ្វឹកហាត់ បង្ហាញសមត្ថភាព ទេពកោសល្យ ហើយមានឱកាសឈានទៅចាប់អាជីពកីឡានាថ្ងៃអនាគតទៀតផង។ សម្រាប់បេក្ខភាពក្រុមខ្លាំងៗទាំង ៥កម្រិតអាយុដែលទើបចម្រាញ់បានពីការប្រកួតមណ្ឌលភ្នំពេញកាលពីចុងសប្ដាហ៍កន្លង ហើយត្រៀមការប្រកួតជុំផ្ដាច់ព្រ័ត្រ AIA - ISF Grand Championship League 2022 នាពេលខាងមុខគឺមានក្រុមបាល់ទាត់នារីអាយុក្រោម ១៨ឆ្នាំលេខ១ បានទៅលើក្រុម PSE និងអាយុក្រោម ១៤ឆ្នាំនារីលេខ១ បានទៅក្រុម ISF SMC។ រីឯផ្នែកបុរសអាយុក្រោម ១៦ឆ្នាំលេខ១ បានទៅក្រុម ISF CA និងអាយុក្រោម ១៤ឆ្នាំបុរសលេខ១ បានទៅក្រុម PONHEAPON និងកុមារអាយុក្រោម ១០ឆ្នាំ លេខ១ បានទៅក្រុម ISF CA៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Spurs ទិញបានខ្សែការពារអង់គ្លេស Djed Spence ពី Middlesbrough តម្លៃ ២០លានផោន

ចិននៅតែជាម្ចាស់ផ្ទះរៀបចំកីឡាអាស៊ី ២០២២ ដដែលតែត្រូវលើកទៅឆ្នាំ២០២៣

ប្រធានក្រុមកីឡាវាយកូនឃ្លីលើតុត្រៀមខ្លួនរួចរាល់ សម្រាប់ការប្រកួតអាស៊ានប៉ារ៉ាហ្គេមនៅឥណ្ឌូនេស៊ី

Arsenal ឈានដល់កិច្ចព្រមព្រៀងទិញ Zinchenko ពី Manchester City តម្លៃ ៣០លានផោន

Zlatan Ibrahimovic បន្តកិច្ចសន្យា ១ឆ្នាំជាមួយ AC Milan បីខែមុនឈានចូលវ័យ ៤១ឆ្នាំ

Gareth Bale បង្ហាញខ្លួនលើកដំបូងឱ្យ LAFC ជាកីឡាករបម្រុង

ដោយសារស្រឡាញ់ប្រទេសកំណើតសុខចិត្តជូនកូនមកហាត់ត្រៀមស៊ីហ្គេម២០២៣

AFC នឹងប្រកាសប្រទេសម្ចាស់ផ្ទះ AFC Asian Cup 2023 នៅខែតុលា

បេក្ខភាពប្រកួតពានសម្ដេចតេជោ ហ៊ុន សែន-ថ្នាក់ជាតិដែលនឹងចាប់ផ្ដើមនាសប្ដាហ៍ក្រោយ

ប្រធានអង្គការផ្កាយសមុទ្ររំពឹងជុំផ្ដាច់ព្រ័ត្រពានកុមារ និងយុវជននឹងជំរុញស្មារតីស្រលាញ់កីឡាកាន់តែខ្លាំង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Spurs ទិញ​បាន​ខ្សែការពារ​អង់គ្លេស Djed Spence ពី Middlesbrough តម្លៃ ២០លាន​ផោន

ចិន​នៅតែ​ជា​ម្ចាស់ផ្ទះ​រៀបចំ​កីឡា​អាស៊ី ២០២២ ដដែល​តែ​ត្រូវ​លើក​ទៅ​ឆ្នាំ​២០២៣

Arsenal ឈានដល់​កិច្ចព្រមព្រៀង​ទិញ Zinchenko ពី Manchester City តម្លៃ ៣០​លាន​ផោន​

Zlatan Ibrahimovic បន្ត​កិច្ចសន្យា ១ឆ្នាំ​ជាមួយ AC Milan បី​ខែ​មុន​ឈាន​ចូល​វ័យ ៤១​ឆ្នាំ​

Gareth Bale បង្ហាញខ្លួន​លើកដំបូង​ឱ្យ LAFC ជា​កីឡាករ​បម្រុង

ដោយសារ​ស្រឡាញ់​ប្រទេស​កំណើត​សុខចិត្ត​ជូន​កូន​មក​ហាត់​ត្រៀម​ស៊ី​ហ្គេម​២០២៣

AFC នឹង​ប្រកាស​ប្រទេស​ម្ចាស់ផ្ទះ AFC Asian Cup 2023 នៅ​ខែតុលា​

បេក្ខភាព​ប្រកួត​ពាន​សម្ដេច​តេ​ជោ ហ៊ុន សែន​-​ថ្នាក់​ជាតិ​ដែល​នឹង​ចាប់ផ្ដើម​នា​សប្ដាហ៍​ក្រោយ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Spurs ទិញបានខ្សែការពារអង់គ្លេស Djed Spence ពី Middlesbrough តម្លៃ ២០លានផោន

ចិននៅតែជាម្ចាស់ផ្ទះរៀបចំកីឡាអាស៊ី ២០២២ ដដែលតែត្រូវលើកទៅឆ្នាំ២០២៣

Arsenal ឈានដល់កិច្ចព្រមព្រៀងទិញ Zinchenko ពី Manchester City តម្លៃ ៣០លានផោន

Zlatan Ibrahimovic បន្តកិច្ចសន្យា ១ឆ្នាំជាមួយ AC Milan បីខែមុនឈានចូលវ័យ ៤១ឆ្នាំ

Gareth Bale បង្ហាញខ្លួនលើកដំបូងឱ្យ LAFC ជាកីឡាករបម្រុង

ដោយសារស្រឡាញ់ប្រទេសកំណើតសុខចិត្តជូនកូនមកហាត់ត្រៀមស៊ីហ្គេម២០២៣

AFC នឹងប្រកាសប្រទេសម្ចាស់ផ្ទះ AFC Asian Cup 2023 នៅខែតុលា

បេក្ខភាពប្រកួតពានសម្ដេចតេជោ ហ៊ុន សែន-ថ្នាក់ជាតិដែលនឹងចាប់ផ្ដើមនាសប្ដាហ៍ក្រោយ