BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

CAMSOC កោះប្រជុំសហព័ន្ធកីឡាជាតិ ក្រោយ SEAGF អនុម័តប្រភេទកីឡាត្រៀមស៊ីហ្គេម ២០២៣

ស៊ីហ្គេម៖ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) កាលពីល្ងាចថ្ងៃទី១៩ ខែកក្កដា ឆ្នាំ២០២២ បានកោះប្រជុំជាមួយសហព័ន្ធកីឡាជាតិ ដើម្បីជូនដំណឹងអំពីប្រភេទកីឡាដែលត្រូវបានសម្រេច ក្នុងកិច្ចប្រជុំក្រុមប្រឹក្សាសហព័ន្ធកីឡាអាស៊ីអាគ្នេយ៍ (SEAGF) កាលពីសប្ដាហ៍មុន។ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិ CAMSOC មានប្រសាសន៍ថា កិច្ចប្រជុំនេះផ្ដោតសំខាន់លើការជូនដំណឹងអំពីភាពច្បាស់លាស់ បន្ទាប់ពីក្រុមប្រឹក្សាសហព័ន្ធកីឡាអាស៊ីអាគ្នេយ៍ បានអនុម័តប្រភេទកីឡាសម្រាប់ត្រៀមការប្រកួតកីឡាស៊ីហ្គេមឆ្នាំ២០២៣ នៅកម្ពុជា ពិសេសការបែងចែកតួនាទីភារកិច្ចដល់សហព័ន្ធកីឡាជាតិ ក៏ដូចជាការរៀបចំយុទ្ធសាស្ដ្រដើម្បីធានាបានជោគជ័យ ក្នុងព្រឹត្តិការណ៍ជាប្រវត្តិសាស្ដ្រនៅកម្ពុជានេះ។ គួរដឹងថា កិច្ចប្រជុំក្រុមប្រឹក្សាសហព័ន្ធកីឡាអាស៊ីអាគ្នេយ៍លើកទី២ ដែលធ្វើឡើងរយៈពេល ៣ថ្ងៃនៅកម្ពុជាកាលពីសប្ដាហ៍មុនគឺបានអនុម័តលើកីឡា ៣៩ប្រភេទបូកជាមួយកីឡាសម្ដែង ១ប្រភេទដែលត្រូវដាក់ក្នុងការប្រកួតកីឡាស៊ីហ្គេមលើកទី៣២ ដែលនឹងត្រូវចាប់ផ្ដើមការប្រកួតពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣ ខាងមុខ។ចំពោះកីឡាទាំង ៣៩ប្រភេទរួមមានកីឡាអត្តពលកម្ម ហែលទឹក វាយសី, បាល់បោះ, ប៊ីយ៉ា ស្នូកឃ័រ, ប្រដាល់សកល, ប្រណាំងទូកប្រពៃណី, កីឡាអុក, គ្រីឃីត, ទោចក្រយាន, កីឡារាំ, បាល់ទាត់, គុនដាវ, ហែលទឹកជើងទា, វាយកូនគោល, កាយសម្ព័ន្ធ, ហុកគី, យូដូ, ការ៉ាតេ, គុនខ្មែរ, ប៉េតង់, ទូកក្ដោង, សីដក់, បញ្ចសីលា, សូហ្វតេន្នីស, វាយកូនឃ្លីលើតុ, តេក្វាន់ដូ WT, វាយកូនបាល់, ទ្រីយ៉ាត្លុង, បាល់ទះ, លើកទម្ងន់, ចំបាប់, វ៉ូស៊ូ, កាយវប្បកម្ម, E-Sports, កីឡា Floorball, ម៉ូតូទឹក, កីឡាឧបសគ្គ និងកីឡាយុទ្ធគុនចម្រុះ ដែលរួមបញ្ចូលគ្នានៃប្រភេទកីឡាគុនល្បុក្កតោ, Arnis, ជឺជីតស៊ូ, ឃីកបុកសីង, តេក្វាន់ដូ ITF និងវ៉ូវីណាម។ រីឯកីឡាសម្ដែង ១ប្រភេទដែលត្រូវបានបញ្ចូលដែរគឺប្រភេទកីឡាសម្ដែង Demonstration Sport ដែលជាប្រភេទកីឡាមិនស្ថិតក្នុងការប្រកួតប្រជែងដណ្ដើមមេដាយ។ Demonstration Sport ដែលត្រូវបានដាក់លើកដំបូងគឺកីឡា Teqball ជាកីឡាបាល់មួយដែលត្រូវបានលេងនៅលើតុកោង ដោយរួមបញ្ចូលគ្នានូវរបៀបលេងកីឡាបាល់ទាត់ និងវាយកូនឃ្លីលើតុ៕អត្ថបទ៖ លី ឈុនឡា

កីឡាករវាយកូនគោល Cameron Smith គ្រងជើងឯកកម្មវិធីធំលើកដំបូងក្នុងអាជីពនៅកម្មវិធី Open Championship

វាយកូនគោល៖ កីឡាករវាយកូនគោលអូស្ត្រាលី Cameron Smith បានក្លាយជាជើងឯកការប្រកួតកម្មវិធី Open Championship ដែលជាកម្មវិធីធំលើកទី១ ក្នុងអាជីព ក្រោយឈ្នះគូប្រកួតស្វិតស្វាញនៅថ្ងៃចុងក្រោយ។ កីឡាករវ័យ ២៨ឆ្នាំរូបនេះធ្វើបាននៅថ្ងៃចុងក្រោយ ៨អាន់ឌើផាន ៦៤ ដែលបូកបញ្ចូលទាំង ៥ប៊ើឌីផ្ទួនៗដើម្បីបញ្ចប់ការប្រកួតទាំងស្រុងជាមួយនឹងលទ្ធផលសរុប ២០អាន់ឌើផា។ ២០អាន់ឌើផានេះមានការតាមប្រកៀកប្រកិតពីកីឡាករអាមេរិក Cameron Young ដែលធ្វើបាននៅទីបញ្ចប់សរុប ១៩ អាន់ឌើផា និងលេខ៣ ជើងឯកកម្មវិធីធំបួនលើកកីឡាករអៀកឡង់ខាងជើង Rory McIlroy ធ្វើបានសរុប ១៨ អាន់ឌើផា។ Cameron Smith បានក្លាយជាកីឡាករអូស្ត្រាលីទី ១ ដែលឈ្នះជើងឯក Open Championship នេះរាប់តាំងពីឆ្នាំ ១៩៩៣ ដែលធ្វើបានដោយ Greg Norman៕អត្ថបទ៖នាង សុភាវុធ

កីឡាករប៊ែលហ្ស៊ិក Jasper Philipsen ឈ្នះដំណាក់កាលទី១៥ ប្រណាំងកង់ Tour de France

ប្រណាំងកង់៖ កីឡាករប៊ែលហ្ស៊ិក Jasper Philipsen បានប្រជែងឈ្នះដំណាក់កាលទី១៥ នៃព្រឹត្តិការណ៍ប្រណាំងកង់ Tour de France ខណៈកីឡាករដាណឺម៉ាក Jonas Vingegaard នៅតែបន្តនាំមុខរួមដដែល។ ដំណាក់កាលទី១៥ ដែលមានចំងាយផ្លូវ ២០២.៥គីឡូម៉ែត្រ កីឡាកររបស់ក្រុមប្រណាំងរបស់ក្រុម Alpecin-Deceunick, Jasper Philipsen បានមកដល់ទីព្រ័ត្រមុនគេប្រើពេល ៤ម៉ោង ២៧នាទី ២៧វិនាទីតាមពីក្រោយដោយមិត្តរួមជាតិប៊ែលហ្ស៊ិក Wout van Aert និងកីឡាករដាណឺម៉ាក Mads Pedersen ស្ថិតក្នុងថេរវេលាដូចគ្នា។ ការប្រកួតនេះក៏មានការប៉ះទង្គិចទ្រង់ទ្រាយធំមួយដែរនៅចំនុច ៦៥គីឡូម៉ែត្រទៀតដល់ទីព្រ័ត្រ ដែលក្នុងនោះក៏មានវត្តមានកីឡាករដាណឺម៉ាក Jonas Vingegaard ផងដែរ តែក៏បានគេចចេញទាល់ពេលវេលាដើម្បីមកដល់ទីព្រ័ត្រទាន់ពេល និងរក្សាការនាំមុខក្នុងតារាងរួមដដែល។Jonas Vingegaard នៅពេលនេះរក្សាការនាំមុខចំនួន ២នាទី ២២វិនាទីពីលើអ្នកលេខ២ កីឡាករស្លូវេនី Tadej Pogacar និងលេខ៣ កីឡាករអង់គ្លេស Geraint Thomas យឺតជាង ២នាទី ៤៣វិនាទី។ មិនមានការប្រកួតទេក្នុងថ្ងៃចន្ទនេះ ខណៈថ្ងៃអង្គារស្អែកចាប់ផ្តើមដំណាក់កាលទី១៦ ដែលមានចំងាយផ្លូវ ១៧៨.៥គីឡូម៉ែត្រ។ ការប្រកួតប្រណាំងកង់លំដាប់ Grand Tour, Tour de France នឹងបញ្ចប់ទាំងស្រុងនៅថ្ងៃទី២៤ ចុងសប្តាហ៍នេះនៅដំណាក់កាលទី២១ ដែលបញ្ចប់នៅទីក្រុងប៉ារីស៕អត្ថបទ៖នាង សុភាវុធ

Bayern Munich ឈានដល់កិច្ចព្រមព្រៀង ៨០លានអឺរ៉ូនាំយក Matthijs de Ligt ពី Juventus

បាល់ទាត់៖ ក្រុមជើងឯកអាល្លឺម៉ង់ Bayern Munich ត្រូវបានគេដឹងថា ឈានដល់កិច្ចព្រមព្រៀងក្នុងការនាំយកខ្សែបម្រើហូឡង់ Matthijs de Ligt ហើយក្នុងតម្លៃ ៨០លានផោនផ្ទេរពីសេះបង្កង់ Juventus។ កីឡាករវ័យ ២២ឆ្នាំរូបនេះបានផ្ទេរមកកាន់ Juventus កាលពីឆ្នាំ២០១៩ បន្ទាប់ពីជួយ Ajax ឡើងវគ្គពាក់កណ្តាលផ្តាច់ព្រ័ត្រ UEFA Champions League។ យ៉ាងណាក្តីការទៅដល់ទីក្រុង Turin កីឡាករវ័យក្មេងរូបនេះតែងតែស្ថិតនៅពីក្រោមជម្រើសរបស់ខ្សែការពារជើងចាស់ទាំងពីរ Giorgio Chiellini និង Leonardo Bonucci។ សារព័ត៌មាន 90min បានចុះផ្សាយថា Bayern Munich បានឈានដល់កិច្ចព្រមព្រៀងហើយក្នុងតម្លៃ ៨០លានអឺរ៉ូនេះជាមួយនឹងកិច្ចសន្យា ៥ឆ្នាំរង់ចាំតែការពិនិត្យសុខភាពប៉ុណ្ណោះ។ កីឡាករជំរើសជាតិហូឡង់រូបនេះត្រូវបានតោខៀវ Chelsea ទាក់ទង់ច្រើនខែមកហើយ តែក្លិបនៅទីក្រុងឡុងដ៍ជំនួសវិញដោយការនាំយកខ្សែការពារ Kalidou Koulibaly ពី Napoli ទៅវិញ៕អត្ថបទ៖នាង សុភាវុធ

ផ្លូវការ Manchester United ទិញបានខ្សែការពារ Ajax, Lisandro Martinez តម្លៃ ៥៧លានផោន

បាល់ទាត់៖ ក្រុមបិសាចក្រហមបានសំរេចក្នុងការនាំយកខ្សែការពារអាហ្សង់ទីន Lisandro Martinez ក្នុងតម្លៃ ៥៧លានផោនពីក្លិបហូឡង់ Ajax Amsterdam។ កីឡាករវ័យ ២៤ឆ្នាំរូបនេះបានចុះហត្ថលេខាលើកិច្ចសន្យារយៈពេល ៥ ដែលនឹងរក្សារូបគេនៅ Old Trafford ដល់ឆ្នាំ២០២៧។ នេះជាការរួបរួមជាមួយនឹងអ្នកចាត់ការ Erik ten Hag ដែលបាននាំយក Martinez ទៅកាន់ Ajax កាលពីឆ្នាំ២០១៩។ Lisandro Martinez បានក្លាយជាកីឡាករទី៣ ដែលផ្លាស់មកកាន់ Manchester United ក្រោមការដឹកនាំរបស់អ្នកចាត់ការថ្មី Erik ten Hag បន្ទាប់ពីខ្សែការពារហូឡង់ Tyrell Malacia ផ្ទេរពី Ajax ផងដែរក្នុងតម្លៃ ១៣លានផោន និងខ្សែបម្រើដាណឺម៉ាក Christian Eriksen។ សូមបញ្ជាក់ថា Lisandro Martinez ធ្លាប់បង្ហាញខ្លួនឱ្យក្រុមជំរើសជាតិអាហ្សង់ទីន ៧លើក និងបានផ្លាស់មកកាន់ Ajax កាលពីឆ្នាំ២០១៩ បង្ហាញខ្លួនបាន ១២០ប្រកួត៕អត្ថបទ៖នាង សុភាវុធ

Riyad Mahrez បន្តកិច្ចសន្យាជាមួយ Manchester City ពីរឆ្នាំបន្ថែម

បាល់ទាត់៖ ខ្សែបម្រើប្រយុទ្ធអាល់ហ្ស៊េរី Riyad Mahrez បានសំរេចបន្តកិច្ចសន្យាជាមួយ Manchester City ២ឆ្នាំបន្ថែមដែលនឹងរក្សារូបគេនៅ Etihad Stadium ដល់ឆ្នាំ២០២៥។ កិច្ចសន្យាចាស់របស់កីឡាករវ័យ ៣១ឆ្នាំរូបនេះគ្រោងនឹងអស់សុពលភាពនៅឆ្នាំ២០២៣ តែនៅពេលនេះ Mahrez បានសំរេចប្តេជ្ញាចិត្តនៅជាមួយក្រុមជើងឯក English Premier League មួយនេះបន្តទៀតបន្ទាប់ពីមកដល់ Manchester City កាលពីឆ្នាំ២០១៨ ផ្ទេរពី Leicester City តម្លៃ ៦០លានផោន។ Riyad Mahrez បានបង្ហាញខ្លួនសរុប ២៥៤ប្រកួតហើយនៅ English Premier League ឱ្យ Leicester City និង Manchester City ស៊ុតបញ្ចូលទីសរុប ៧៧គ្រាប់។Mahrez ធ្លាប់ឈ្នះពាន Premier League សរុប ៤លើកដែលក្នុងនោះមានមួយលើកជាមួយ Leicester City កាលពីឆ្នាំ២០១៦។ សំរាប់រដូវកាលថ្មីខាងមុខនេះ Manchester City បាននាំយកខ្សែប្រយុទ្ធណ័រវេយ Erling Haaland ពី Dortmund នាំយកខ្សែបម្រើអង់គ្លេស Kalvin Philipps ពី Leeds United និងអ្នកចាំទីអាល្លឺម៉ង់ Stefan Ortega។ តែក៏មានកីឡាករពីរនាក់ចាកចេញដែររួមមានខ្សែប្រយុទ្ធប្រេស៊ីល Gabriel Jesus ទៅកាន់ Arsenal និង Raheem Sterling ទៅកាន់ Chelsea។ Manchester City នឹងចាប់ផ្តើមរដូវកាលថ្មី English Premier League នៅទឹកដី West Ham ថ្ងៃទី៧ ខែសីហាខាងមុខ៕អត្ថបទ៖នាង សុភាវុធ

ក្រុម U18 នារីកម្ពុជាចេញទៅប្រកួតជើងឯកអាស៊ាននៅឥណ្ឌូនេស៊ី

បាល់ទាត់៖ ក្រុមបាល់ទាត់នារីជម្រើសជាតិអាយុក្រោម ១៨ឆ្នាំកម្ពុជាបានចាកចេញពីមាតុភូមិទៅប្រទេសឥណ្ឌូនេស៊ីហើយនៅព្រឹកព្រលឹមថ្ងៃទី១៨ ខែកក្កដា ឆ្នាំ២០២២ នេះ ដើម្បីចូលរួមការប្រកួតពានរង្វាន់បាល់ទាត់នារីអាយុក្រោម ១៨ឆ្នាំជើងឯកអាស៊ីអាគ្នេយ៍ AFF U18 Women’s Championship ឆ្នាំ២០២២ នាចុងសប្ដាហ៍នេះ។ បេសកកម្មដឹកនាំដោយគ្រូបង្វឹកលោក ទុំ សារ៉ាយ នេះ ក្រុម U18 នារីកម្ពុជាស្ថិតក្នុងពូល A ជាមួយគូប្រជែងសុទ្ធតែជាក្រុមខ្លាំងៗប្រចាំតំបន់ដូចជាវៀតណាម ថៃ សិង្ហបុរី និងឥណ្ឌូនេស៊ី។ រីឯពូល B គឺមានក្រុម U18 នារីអូស្ដ្រាលី ម៉ាឡេស៊ី មីយ៉ាន់ម៉ា និងហ្វីលីពីន។ ព្រឹត្តិការណ៍នេះនឹងចាប់ផ្ដើមការប្រកួតពីថ្ងៃទី២២ ខែកក្កដារហូតដល់ថ្ងៃទី០៤ ខែសីហា ឆ្នាំ២០២២ ខាងមុខ គ្រាដែលការប្រកួតបើកឆាកក្រុមបាល់ទាត់នារីអាយុក្រោម ១៨ឆ្នាំកម្ពុជានឹងត្រូវជួបថៃ មុនគេនារសៀលថ្ងៃទី២២ ខែកក្កដា មុនជួបឥណ្ឌូនេស៊ីនាថ្ងៃទី២៤ ខែកក្កដា និងជួបវៀតណាមនាថ្ងៃទី២៨ ខែកក្កដា មុនប្រកួតបញ្ចប់ពូល A ជាមួយសិង្ហបុរីនាថ្ងៃទី៣០ ខែកក្កដាខាងមុខ៕អត្ថបទ៖ លី ឈុនឡា

ការប្រកួតតេក្វាន់ដូ WT ពានរង្វាន់ឯកអគ្គរដ្ឋទូតសាធារណរដ្ឋកូរ៉េឆ្នាំ២០២២ បញ្ចប់ដោយជោគជ័យ

តេក្វាន់ដូ៖ ការប្រកួតកីឡាតេក្វាន់ដូដណ្ដើមពានរង្វាន់ ឯកអគ្គរដ្ឋទូតសាធារណរដ្ឋកូរ៉េប្រចាំឆ្នាំ២០២២ បានបញ្ចប់ហើយ ក្រោយដំណើរការប្រកួតរយៈពេល ២ថ្ងៃកាលពីចុងសប្ដាហ៍កន្លងទៅនៅពហុកីឡដ្ឋានជាតិអូឡាំពិក ក្រោមការរៀបចំរបស់ខេមរសហព័ន្ធតេក្វាន់ដូ WT សហការជាមួយស្ថានទូតសាធារណរដ្ឋកូរ៉េប្រចាំនៅកម្ពុជា។ គោលបំណងសំខាន់នៃការប្រកួតនេះ គឺដើម្បីជាការថ្លែងអំណរគុណដល់ឯកអគ្គរដ្ឋទូតសាធារណរដ្ឋកូរ៉េ ដែលបានបានផ្ដល់គ្រូបង្វឹកកម្រិតខ្ពស់លោក Choi Yong Sok មកជួយអភិវឌ្ឍន៍ប្រភេទកីឡាអូឡាំពិកមួយនេះនៅកម្ពុជា ឲ្យមានការរីកចម្រើន និងដណ្ដើមបានមេដាយដ៏ច្រើនជាបន្ដបន្ទាប់ ក្នុងព្រឹត្តិការណ៍ធំៗលើឆាកអន្ដរជាតិ ក៏ដូចជាដើម្បីជំរុញការអភិវឌ្ឍវិស័យកីឡាតេក្វាន់ដូ WT ឲ្យកាន់តែរីកចម្រើនបន្ថែមទៀត។ សម្រាប់ការត្រឡប់មករៀបចំការប្រកួតផ្ទាល់ បន្ទាប់ពីរៀបចំការប្រកួតតាម Online ដោយសារបញ្ហាកូវីដ-១៩ កាលពីឆ្នាំ២០២១ នេះគឺមានប្រតិភូ គ្រូបង្វឹក និងកីឡាករ-កីឡាការិនីសរុប ១៧៣នាក់មកពីក្រសួង និងសមាគម/ក្លិបចំនួន ២២ចូលរួមប្រកួត។ រីឯពិធីបិទក៏មានការអញ្ជើញចូលរួមពីឯកឧត្តមបណ្ឌិត Park Heung kyeong ឯកអគ្គរដ្ឋទូតសាធារណរដ្ឋកូរ៉េប្រចាំកម្ពុជា និងលោក ម៉ិល កាដូ អគ្គនាយករងអគ្គនាយកដ្ឋានកីឡាផងដែរ។ចំពោះលទ្ធផលនៃការប្រកួតគឺក្លិបកីឡាតេក្វាន់ដូ WT ពិភពថ្មីឈ្នះមេដាយច្រើនជាងគេ រួមមានមេដាយមាស៥ ប្រាក់២ និងសំរឹទ្ធ៤ ខណៈក្លិបកីឡាតេក្វាន់ដូ WT BT ដណ្តើមបានមេដាយមាស៤ និងសំរឹទ្ធ១ ឈរលេខរៀងទី២ និងក្លិបកីឡាតេក្វាន់ដូ WT មិត្តភាពឈរលេខរៀងទី៣ ដណ្តើមបានមេដាយមាស៣ ប្រាក់១ និងសំរឹទ្ធ ២គ្រឿង។ ក្រៅពីនេះក៏មានក្លិបមួយចំនួនធំទៀតដណ្ដើមបានមេដាយមាស ប្រាក់ និងសំរឹទ្ធជាច្រើនផងដែរ ដែលត្រូវបានសហព័ន្ធវាយតម្លៃថា ការប្រកួតឆ្នាំនេះទទួលបានជោគជ័យគួរឲ្យកត់សម្គាល់៕អត្ថបទ៖ លី ឈុនឡា

កីឡាករអង់គ្លេស Thomas Pidcock ឈ្នះដំណាក់កាលទី១២ Tour de France

ប្រណាំងកង់៖ កីឡាករអង់គ្លេស Thomas Pidcock ស្គាល់ជ័យជំនះក្នុងដំណាក់កាលលើកដំបូងនៃព្រឹត្តិការណ៍ប្រណាំងកង់ Grand Tour ក្រោយយកឈ្នះដំណាក់កាលទី១២ Tour de France ថ្ងៃព្រហស្បតិ៍ម្សិលមិញ។ ដំណាក់កាលទី១២ ដែលមានចំងាយផ្លូវ ១៦៥.៥គីឡូម៉ែត្រកីឡាកររបស់ក្រុមប្រណាំង Ineos Granadier រូបនេះបានមកដល់ទីព្រ័ត្រមុនគេប្រើពេល ៤ម៉ោង ៥៥នាទី ២៤វិនាទីតាមពីក្រោយដោយកីឡាករអាហ្វ្រិកខាងត្បូង Louis Meintjes យឺតជាង ៤៨វិនាទី និងលេខ៣ កីឡាករអង់គ្លេស Chris Froome យឺងជាង ២នាទី ៦វិនាទី។ ចំណែកឯកីឡាករដាណឺម៉ាក Jonas Vingegaard ដែលបញ្ចប់ដំណាក់កាលទី១២ នេះនៅចំណាត់ថ្នាក់លេខ៦ នោះនៅតែបន្តនាំមុខរួមដដែលដោយមានវេលាចំណេញលើអ្នកលេខ២ Tadej Pogacar ដែលជាអ្នកការពារតំណែងជើងឯក ២នាទី ២២វិនាទី និងលេខ៣ កីឡាករអង់គ្លេស Geraint Thomas យឺតជាង ២នាទី ២៦វិនាទី។ សំរាប់ដំណាក់កាលទី១៣ ថ្ងៃសុក្រនេះមានចំងាយផ្លូវ ១៩៣គីឡូម៉ែត្រ៕អត្ថបទ៖នាង សុភាវុធ

Ousmane Dembele បន្តកិច្ចសន្យាថ្មីនៅជាមួយ Barcelona ដល់ឆ្នាំ២០២៤

បាល់ទាត់៖ ខ្សែបម្រើប្រយុទ្ធបារាំង Ousmane Dembele និង Barcelona បានឈានដល់កិច្ចព្រមព្រៀងក្នុងការបន្តកិច្ចសន្យាថ្មី ២ឆ្នាំបន្ថែម។ កីឡាករវ័យ ២៥ឆ្នាំរូបនេះផុតសុពលភាពកិច្ចសន្យាចាស់ត្រឹមរដូវក្តៅនេះ តែនៅពេលនេះ Dembele នឹងបន្តនៅជាមួយ Barcelona នៅឆ្នាំ២០២៤។ Ousmane Dembele បានមកដល់ Barcelona កាលពីឆ្នាំ២០១៧ ផ្ទេរពីក្លិបអាល្លឺម៉ង់ Borussia Dortmund ក្នុងតម្លៃ ៩៦.៨លានផោន។ មកដល់ពេលនេះ Ousmane Dembele បង្ហាញខ្លួនសរុបបាន ១៥០ប្រកួតរកបាន ៣២គ្រាប់ និង ៣៤បាល់បញ្ជូន។ Dembele មិនសូវបានលេងជាប់លាប់ឡើយនៅ Barcelona ដោយសារបញ្ហារបួសញាំញី តែក៏បានចូលលេង ៣២ប្រកួតដែររដូវកាលមុននេះរកបាន ២គ្រាប់ ១៣បាល់បញ្ជូន។ សូមបញ្ជាក់ថា Dembele ត្រូវបានក្លិបនៅ Premier League តោខៀវ Chelsea តាមប្រមាញ់ ក៏ដូចជាក្លិបជើងឯកបារាំង Paris Saint Germain ផងដែរ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

CAMSOC កោះប្រជុំសហព័ន្ធកីឡាជាតិ ក្រោយ SEAGF អនុម័តប្រភេទកីឡាត្រៀមស៊ីហ្គេម ២០២៣

កីឡាករវាយកូនគោល Cameron Smith គ្រងជើងឯកកម្មវិធីធំលើកដំបូងក្នុងអាជីពនៅកម្មវិធី Open Championship

កីឡាករប៊ែលហ្ស៊ិក Jasper Philipsen ឈ្នះដំណាក់កាលទី១៥ ប្រណាំងកង់ Tour de France

Bayern Munich ឈានដល់កិច្ចព្រមព្រៀង ៨០លានអឺរ៉ូនាំយក Matthijs de Ligt ពី Juventus

ផ្លូវការ Manchester United ទិញបានខ្សែការពារ Ajax, Lisandro Martinez តម្លៃ ៥៧លានផោន

Riyad Mahrez បន្តកិច្ចសន្យាជាមួយ Manchester City ពីរឆ្នាំបន្ថែម

ក្រុម U18 នារីកម្ពុជាចេញទៅប្រកួតជើងឯកអាស៊ាននៅឥណ្ឌូនេស៊ី

ការប្រកួតតេក្វាន់ដូ WT ពានរង្វាន់ឯកអគ្គរដ្ឋទូតសាធារណរដ្ឋកូរ៉េឆ្នាំ២០២២ បញ្ចប់ដោយជោគជ័យ

កីឡាករអង់គ្លេស Thomas Pidcock ឈ្នះដំណាក់កាលទី១២ Tour de France

Ousmane Dembele បន្តកិច្ចសន្យាថ្មីនៅជាមួយ Barcelona ដល់ឆ្នាំ២០២៤

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

CAMSOC ​កោះប្រជុំ​សហព័ន្ធ​កីឡា​ជាតិ ក្រោយ​ SEAGF ​អនុម័ត​ប្រភេទ​កីឡា​ត្រៀម​ស៊ី​ហ្គេម ២០២៣

កីឡាករ​វាយកូនគោល Cameron Smith គ្រង​ជើងឯក​កម្មវិធី​ធំ​លើកដំបូង​ក្នុង​អាជីព​នៅ​កម្មវិធី Open Championship

កីឡាករ​ប៊ែ​ល​ហ្ស៊ិ​ក Jasper Philipsen ឈ្នះ​ដំណាក់កាល​ទី១៥ ប្រណាំង​កង់ Tour de France

Bayern Munich ឈានដល់​កិច្ចព្រមព្រៀង ៨០លាន​អឺរ៉ូ​នាំយក Matthijs de Ligt ពី Juventus

ផ្លូវការ Manchester United ទិញ​បាន​ខ្សែការពារ Ajax, Lisandro Martinez តម្លៃ ៥៧លាន​ផោន

Riyad Mahrez បន្ត​កិច្ចសន្យា​ជាមួយ Manchester City ពីរ​ឆ្នាំ​បន្ថែម

ក្រុម​ U18 ​នារី​កម្ពុជា​ចេញទៅ​ប្រកួត​ជើងឯក​អាស៊ាន​នៅ​ឥណ្ឌូនេស៊ី​

ការប្រកួត​តេ​ក្វាន់​ដូ​ WT ​ពានរង្វាន់​ឯកអគ្គរដ្ឋទូត​សាធារណរដ្ឋ​កូរ៉េ​ឆ្នាំ​២០២២ បញ្ចប់​ដោយ​ជោគជ័យ​

កីឡាករ​អង់គ្លេស Thomas Pidcock ឈ្នះ​ដំណាក់កាល​ទី​១២ Tour de France

Ousmane Dembele បន្ត​កិច្ចសន្យា​ថ្មី​នៅ​ជាមួយ Barcelona ដល់​ឆ្នាំ២០២៤

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

CAMSOC កោះប្រជុំសហព័ន្ធកីឡាជាតិ ក្រោយ SEAGF អនុម័តប្រភេទកីឡាត្រៀមស៊ីហ្គេម ២០២៣

កីឡាករវាយកូនគោល Cameron Smith គ្រងជើងឯកកម្មវិធីធំលើកដំបូងក្នុងអាជីពនៅកម្មវិធី Open Championship

កីឡាករប៊ែលហ្ស៊ិក Jasper Philipsen ឈ្នះដំណាក់កាលទី១៥ ប្រណាំងកង់ Tour de France

Bayern Munich ឈានដល់កិច្ចព្រមព្រៀង ៨០លានអឺរ៉ូនាំយក Matthijs de Ligt ពី Juventus

ផ្លូវការ Manchester United ទិញបានខ្សែការពារ Ajax, Lisandro Martinez តម្លៃ ៥៧លានផោន

Riyad Mahrez បន្តកិច្ចសន្យាជាមួយ Manchester City ពីរឆ្នាំបន្ថែម

ក្រុម U18 នារីកម្ពុជាចេញទៅប្រកួតជើងឯកអាស៊ាននៅឥណ្ឌូនេស៊ី

ការប្រកួតតេក្វាន់ដូ WT ពានរង្វាន់ឯកអគ្គរដ្ឋទូតសាធារណរដ្ឋកូរ៉េឆ្នាំ២០២២ បញ្ចប់ដោយជោគជ័យ

កីឡាករអង់គ្លេស Thomas Pidcock ឈ្នះដំណាក់កាលទី១២ Tour de France

Ousmane Dembele បន្តកិច្ចសន្យាថ្មីនៅជាមួយ Barcelona ដល់ឆ្នាំ២០២៤