BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

Cesc Fabregas មិនទាន់ចូលនិវត្តន៍ទេ នឹងផ្លាស់ទៅកាន់ក្លិបលីគទី២ អ៊ីតាលី Como

បាល់ទាត់៖ អតីតខ្សែបម្រើក្រុមជំរើសជាតិអេស្ប៉ាញ Cesc Fabregas នឹងផ្លាស់ទៅកាន់ក្លិបនៅលីគទី២ អ៊ីតាលី Serie B, Como និងមិនទាន់គិតគូររឿងចូលនិវត្តន៍ឡើយ។ បើតាមការចុះផ្សាយរបស់សារព័ត៌មានអ៊ីតាលីឱ្យដឹងថា កីឡាករវ័យ ៣៥ឆ្នាំអតីតខ្សែបម្រើ Arsenal និង Chelsea រូបនេះនឹងចុះហត្ថលេខារយៈពេល ២ឆ្នាំនៅក្លិប Serie B មួយនេះ។ Cesc Fabregas ថ្មីៗនេះទើបតែផុតសុពលភាពកិច្ចសន្យាជាមួយ AS Monaco ហើយក៏មានក្លិបនៅលីគទី២ អេស្ប៉ាញ Las Palmas ចង់បានផងដែរ។ រំលឹកថា Cesc Fabregas ធ្លាប់មានប្រវត្តិជោគជ័យជាច្រើននៅអឺរ៉ុប ដោយរូបគេគឺជាសមាជិកក្រុមអេស្ប៉ាញដែលឈ្នះជើងឯក World Cup ២០១០ នៅអាហ្វ្រិកខាងត្បូង និងធ្លាប់ឈ្នះជើងឯក English Premier League ពីរលើក និង Europa League មួយលើក FA Cup មួយលើកនៅ Chelsea បូករួមទាំង La Liga មួយលើក Copa del Rey មួយលើកនៅ FC Barcelona ជាដើម។ ចំណែកក្លិបអ៊ីតាលី Como បច្ចុប្បន្នមានអតីតកីឡាករ Chelsea លោក Dennis Wise ជានាយកបច្ចេកទេស បានបញ្ចប់រដូវកាលមុននៅចំនាត់ថ្នាក់លេខ ១៣ ក្របខណ្ឌអ៊ីតាលី Serie B៕អត្ថបទ៖នាង សុភាវុធ

ឯកឧត្តម ហ៊ុន ម៉ានី ដឹកនាំប្រតិភូកីឡាចាក់វ៉ាក់សាំង មុនចេញទៅប្រកួតអាស៊ានប៉ារ៉ាហ្គេម នៅឥណ្ឌូនេស៊ី

ភ្នំពេញ៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានប្រតិភូដឹកនាំអត្តពលិក កីឡាប៉ារ៉ាឡាំពិកកម្ពុជា ចូលរួមប្រកួតកីឡាអាស៊ានប៉ារ៉ាហ្គេម លើកទី១១ នៅប្រទេសឥណ្ឌូនេស៊ី នៅព្រឹកថ្ងៃទី១៥ ខែកក្កដា នេះ បានដឹកនាំប្រតិភូ គ្រូបង្វឹក និងកីឡាករ-កីឡាការិនីជនពិការជម្រើសជាតិទាំងអស់ ចូលរួមចាក់វ៉ាក់សាំងបង្ការជំងឺកូវីដ-១៩ ដូសជំរុញ រួមមាន ដូសទី៤ និងដូសទី៥ នៅមជ្ឈមណ្ឌលកីឡា Premium Sport Club ។ឯកឧត្តម ហ៊ុន ម៉ានី ក្នុងនាមប្រតិភូ និអត្តពលិកកីឡាជនពិការកម្ពុជា បានថ្លែងអំណរគុណជាថ្មី ដល់ប្រមុខរាជរដ្ឋាភិបាល ពិសេសសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលបានយកចិត្ត ទុកដាក់ដ៏ខ្ពង់ខ្ពស់ចំពោះសុខភាពសាធារណៈដល់ប្រជាពលរដ្ឋទូទៅ ពិសេសក្រុមកីឡាករ-កីឡាការិនីជន ពិការកម្ពុជា ដែលត្រៀមចេញទៅប្រកួតកីឡាប្រចាំតំបន់ នាពេលខាងមុខ ឲ្យទទួលបាននូវវ៉ាក់សាំងដូស ជំរុញបន្ថែម ។យ៉ាងណាក្ដី ឯកឧត្តម បានសំណូមរដល់ប្រតិភូ និងកីឡាករ-កីឡាការិនីទាំងអស់ ទោះបីទទួល បានវ៉ាក់សាំងដូសជំរុញបន្ថែមក្ដី តែត្រូវអនុវត្តឲ្យបានជានិច្ចនូវវិធានាការ ៣ការពារ និង ៣កុំ ពិសេសអំឡុង ពេលបំពេញបេសកកម្មចូលរួមការប្រកួតកីឡាអាស៊ានប៉ារ៉ាហ្គេម នាពេលខាងមុខ ចៀសវាងនូវការឆ្លងជំងឺ កូវីដ-១៩ ធ្វើឲ្យប៉ះពាល់ដល់ការប្រកួត។ ឯកឧត្តម សង្ឃឹមយ៉ាងមុតមាំថា ការទទួលបាននូវវ៉ាក់សាំងនេះ នឹងបង្កើនភាពស៊ាំ និងក្លាយជាកម្លាំងចលករមួយដ៏សំខាន់ ដើម្បីលើកទឹកចិត្តអត្តពលិកជនពិការកម្ពុជា ឆ្ពោះទៅដណ្ដើមមេដាយ និងឧត្តមភាពជូនជាតិ ។កីឡាករ អាន ស៊ីណែត ប្រធានក្រុមបាល់បោះនារីរទេះជនពិការជម្រើសជាតិកម្ពុជា បានសម្ដែងនូវ សេចក្ដីត្រេកអរជាខ្លាំង ដែលរាជរដ្ឋាភិបាល ក្រោមការដឹកនាំរបស់សម្ដេចតេជោ នាយករដ្ឋមន្ដ្រី បានរៀបចំ នូវយុទ្ធនាការចាក់វ៉ាក់សាំងដល់កីឡាករ-កីឡាការិនីគ្រប់រូប។ ការទទួលនូវវ៉ាក់សាំងនេះ ជាកម្លាំងចលករដ៏សំខាន់ លើកទឹកចិត្តពួកខ្លួនឲ្យកាន់តែខិតខំប្រឹងប្រែងប្រកួតប្រជែងដណ្ដើមមេដាយជូនជាតិ។តាមគម្រោងប្រតិភូ និងអត្តពលិកកីឡាប៉ារ៉ាឡាំពិកកម្ពុជា នឹងចាកចេញពីមាតុភូមិ នាថ្ងៃទី២៦ ខែកក្កដា នេះ ខណៈការប្រកួត នឹងត្រូវចាប់ផ្ដើមពីថ្ងៃទី៣០ ខែកក្កដា និងបញ្ចប់នាថ្ងៃទី០៦ ខែសីហា ឆ្នាំ២០២២ នៅទីក្រុងសូឡា ។ បេសកកម្មដឹកនាំដោយឯកឧត្តម ហ៊ុន ម៉ានី នេះ កម្ពុជា បានបញ្ចូនប្រតិភូ និងអត្តពលិក សរុប ១៦៦នាក់ ក្នុងនោះមានកីឡាករ-កីឡាការិនី ចំនួន១៦៦នាក់ ៕អត្ថបទ៖ លី ឈុនឡា

Erik ten Hag សម្រេចថា Harry Maguire នឹងបន្តតំណែងប្រធានក្រុម Manchester United

បាល់ទាត់៖ អ្នកចាត់ការថ្មីរបស់ក្រុមបិសាចក្រហម Manchester United លោក Erik ten Hag បានសម្រេចច្បាស់ថា ខ្សែការពារអង់គ្លេស Harry Maguire នឹងនៅបន្តកាន់តំណែងប្រធានក្រុមដដែលសំរាប់រដូវកាលថ្មីខាងមុខនេះ។ អ្នកចាត់ការសញ្ជាតិហូឡង់រូបនេះបាននិយាយក្នុងសន្និសីទសារព័ត៌មាននៅទឹកដីអូស្ត្រាលីថា គ្មានអ្វីដែលត្រូវពិបាកឡើយ ហើយក៏គ្មានបញ្ហាអ្វីដែលធ្វើឱ្យមានការលំបាកក្នុងការសម្រេចចិត្តនោះឡើយ Harry Maguire នឹងនៅតែជាប្រធានក្រុមដដែល។ Harry Maguire ដែលរងការរិះគន់ជាច្រើនជុំវិញទម្រង់លេងរបស់ខ្លួននោះ ហាក់មានភាពកក់ក្តៅឡើយវិញក្រោយដំណឹងនេះ ដែលមានន័យថាកីឡាករវ័យ ២៩ឆ្នាំរូបនេះនៅតែជាជម្រើសដំបូងក្រោមការដឹកនាំរបស់អ្នកចាត់ការថ្មី។រំលឹកថា Harry Maguire បានមកកាន់ Manchester United កាលពីឆ្នាំ២០១៩ ផ្ទេរពី Leicester City ក្នុងតម្លៃ ៨០លានផោនបំបែកកំណត់ត្រាខ្សែការពារដែលមានតម្លៃផ្ទេរថ្លៃបំផុតលើលោករបស់ Virjil van Dijk ដែលផ្លាស់ពី Southampton ទៅ Liverpool កាលពីឆ្នាំ២០១៨ តម្លៃ ៧៥លានផោន៕អត្ថបទ៖នាង សុភាវុធ

Ajax ព្រមព្រៀងសំណើរបស់ Manchester United ៤៦លានផោនលើខ្សែការពារ Lisandro Martinez

បាល់ទាត់៖ ក្លិបបាល់ទាត់ហូឡង់ Ajax Amsterdam បានយល់ព្រមសំណើ ៤៦លានផោនរបស់ Manchester United ក្នុងការផ្ទេរខ្សែការពារកណ្តាល Lisandro Martinez។ ការផ្ទេររបស់កីឡាករជំរើសជាតិអាហ្សង់ទីនវ័យ ២៤ឆ្នាំរូបនេះ ត្រូវបានគេដឹងថានឹងសំរេចមិនលើសពីសប្តាហ៍នេះឡើយ។ Martinez ក៏មានការចាប់អារម្មណ៍ខ្លាំងផងដែរពីក្រុមកាំភ្លើងធំ Arsenal។ Lisandro Martinez អាចនឹងក្លាយជាកីឡាករទី ២ ដែលផ្លាស់មកកាន់ Manchester United ក្រោមការដឹកនាំរបស់អ្នកចាត់ការថ្មី Erik ten Hag បន្ទាប់ពីខ្សែការពារហូឡង់ Tyrell Malacia ផ្ទេរពី Ajax ផងដែរក្នុងតម្លៃ ១៣លានផោន។ សូមបញ្ជាក់ថា Lisandro Martinez ធ្លាប់បង្ហាញខ្លួនឱ្យក្រុមជំរើសជាតិអាហ្សង់ទីន ៧លើក និងបានផ្លាស់មកកាន់ Ajax កាលពីឆ្នាំ២០១៩ បង្ហាញខ្លួនបាន ១២០ប្រកួត៕អត្ថបទ៖នាង សុភាវុធ

Mesut Ozil ផ្លាស់ពី Fenerbahce ទៅក្លិបក្បែររបង Istanbul Basaksehir

បាល់ទាត់៖ ខ្សែបម្រើអាល្លឺម៉ង់ Mesut Ozil បានផ្លាស់ទៅកាន់ក្លិបទួកគី Istanbul Basaksehir ហើយក្រោយក្លិបក្បែររបង Fenerbahce រំលាយកិច្ចសន្យា។ កីឡាករវ័យ ៣៣ ឆ្នាំរូបនេះបានចុះហត្ថលេខារយៈពេល ១ ឆ្នាំលេងឱ្យ Istanbul Basaksehir អមជាមួយនឹងលក្ខខណ្ឌបន្ដបន្ថែម ១២ ខែទៀត។ Mesut Ozil បានផ្លាស់ទៅកាន់ Fenerbahce កាលពីខែមករាឆ្នាំ ២០២១ ជាមួយនឹងកិច្ចសន្យាដល់ឆ្នាំ ២០២៤។ តែអតីតកីឡាករជំរើសជាតិអាល្លឺម៉ង់រូបនេះមិនមានសកម្មភាពបាល់ទាត់ឡើយ តាំងពីត្រូវកាត់ឈ្មោះចេញពីបញ្ជីក្រុមនៅខែមិនា។ Mesut Ozil បានចំណាយពេល ១ ឆ្នាំកន្លះនៅ Fenerbahce បង្ហាញខ្លួនបាន ៣៧ ប្រកួតរកបាន ៩ គ្រាប់ បន្ទាប់ពីចាកចេញពី Arsenal មុនកិច្ចសន្យាបញ្ចប់ ៦ ខែ។ សូមបញ្ជាក់ថា ការចាកចេញរបស់ Mesut Ozil ពី Fenerbahce ក៏ស្របពេលនៃការមកដល់របស់គ្រូបង្វឹកព័រទុយហ្កាល់លោក Jorge Jesus ដែលធ្លាប់និយាយក្នុងសន្និសីទសារព័ត៌មានដំបូងរបស់លោកនៅទួកគីថា នេះទីបញ្ចប់នៃរជ្ជកាលបាល់របស់ Ozil៕អត្ថបទ៖នាង សុភាវុធ

Chelsea បញ្ចប់ចំណាប់អារម្មណ៍ចង់បាន Ronaldo ក្រោយការមកដល់របស់ Sterling

បាល់ទាត់៖ ក្លិបបាល់ទាត់តោខៀវ Chelsea បានបញ្ចប់ចំណាប់អារម្មណ៍ក្នុងការចង់បានខ្សែប្រយុទ្ធព័រទុយហ្កាល់ Cristiano Ronaldo ពី Manchester United ហើយក្រោយការមកដល់របស់ Raheem Sterling ពី Manchester City។ កីឡាករវ័យ ៣៧ឆ្នាំរូបនេះធ្លាប់បានបញ្ជាក់ហើយថា ចង់ចាកចេញពីក្លិបហើយចុងក្រោយនេះមានទំនាក់ទំនងផ្ទេរទៅកាន់ Stamford Bridge។ យ៉ាងណាក្តីក្រោយនាំយកខ្សែប្រយុទ្ធ Raheem Sterling ពី Manchester City កាលពីថ្ងៃពុធ អ្នកចាត់ការ Chelsea លោក Thomas Tuchel បាននិយាយថា អ្វីដែលផ្តោតសំខាន់នៅពេលនេះគឺតំបន់ការពារ។ អ្នកចាត់ការ Manchester United លោក Erik ten Hag ក៏បានបញ្ជាក់ដែរថា Ronaldo ស្ថិតក្នុងគំរោងរបស់ក្លិបសំរាប់រដូវកាលថ្មី ហើយក៏មិនមានគំរោងលក់ចេញដែរ។តែអតីតខ្សែប្រយុទ្ធ Real Madrid មិនឃើញមានវត្តមានជាមួយ Manchester United ឡើយក្នុងដំណើរប្រកួតមិត្តភាព Pre-Season មកកាន់ទឹកដីថៃ និងអូស្ត្រាលីដែលលោក Ten Hag និយាយថា ដោយសារមូលហេតុផ្ទាល់ខ្លួន។ Chelsea នៅពេលនេះកំពុងស្វែងរកខ្សែការពារមកប៉ះប៉ូវការចាកចេញរបស់ Antonio Rudiger និង Andreas Christensen ដោយនៅពេលនេះកំពុងខិតជិតសំរេចក្នុងការនាំយកខ្សែការពារ Khalidou Koulibaly ពី Napoli និង Nathan Ake ពី Manchester City៕អត្ថបទ៖នាង សុភាវុធ

កម្ពុជា និងឥណ្ឌូនេស៊ីបានកំណត់ពេលវេលាដើម្បីផ្លាស់ប្ដូរការហ្វឹកហាត់កីឡាគុនល្បុក្កតោ និងបញ្ចសិលា

គុនល្បុក្កតោ៖ គណៈកម្មាធិការជាតិអូឡាំពិកកម្ពុជា (NOCC) និងសមាគមកីឡាបញ្ចសិលាឥណ្ឌូនេស៊ីបានកំណត់ពេលវេលាដើម្បីបញ្ចូនកីឡាករ-កីឡាការិនី ក៏ដូចជាគ្រូបង្វឹកធ្វើការផ្លាស់ប្ដូរការហ្វឹកហាត់គ្នារវាងកីឡាគុនល្បុក្កតោ និងកីឡាបញ្ចសិលារួចហើយ ដោយគ្រោងនឹងចាប់ផ្ដើមនាខែសីហា ឆ្នាំ២០២២ ខាងមុខ។ នេះបើតាមការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា និងជាអគ្គលេខាធិការគណៈកម្មាធិការជាតិ CAMSOC បន្ទាប់ពីឯកឧត្តមបានជួយពិភាក្សា និងចុះហត្ថលេខាជាមួយតំណាងសមាគមកីឡាបញ្ចសិលាឥណ្ឌូណេស៊ី និងតំណាងស្ថានទូតឥណ្ឌូណេស៊ី លើកំណត់ត្រានៃដំណើរការផ្លាស់ប្តូរគ្នារវាងក្បាច់គុនល្បុក្កតោរបស់កម្ពុជា និងកីឡាបញ្ចសិលារបស់ឥណ្ឌូណេស៊ី នៅទីស្នាក់ការគណៈកម្មាធិការជាតិអូឡាំពិកកម្ពុជាកាលពីថ្ងៃទី១៤ ខែកក្កដា ឆ្នាំ២០២២។ ឯកឧត្តមបានគូសបញ្ជាក់ថា កីឡាគុនល្បុក្កតោ និងកីឡាបញ្ចសិលានឹងត្រូវរៀបចំការប្រកួតក្នុងចង្កោមនៃកីឡាយុទ្ធគុន សម្រាប់ព្រឹត្តិការណ៍ស៊ីហ្គេមឆ្នាំ២០២៣ នៅកម្ពុជា។ ដូច្នេះភាគីទាំងពីរបានឯកភាពគ្នាក្នុងការចាប់ផ្ដើមការផ្លាស់ប្ដូរ ការហ្វឹកហាត់រវាងកីឡាទាំងពីរនាដើមខែសីហាខាងមុខ ដោយកម្ពុជានឹងបញ្ជូនក្រុមកីឡាបញ្ចសិលា ៣០នាក់ទៅហ្វឹកហាត់នៅឥណ្ឌូនេស៊ីរហូតដល់ស៊ីហ្គេមតែម្ដង។ ទន្ទឹមជាមួយគ្នា កម្ពុជាក៏នឹងរៀបចំគ្រូបង្វឹកកីឡាគុនល្បុក្កតោរបស់កម្ពុជា ទៅបង្ហាត់ដល់កីឡាករ-កីឡាការិនីឥណ្ឌូនេស៊ី ដើម្បីត្រៀមចូលរួមប្រកួតក្នុងព្រឹត្តិការណ៍ជាប្រវត្តិសាស្ដ្រនៅកម្ពុជាផងដែរ។អគ្គលេខាធិការសហព័ន្ធកីឡាគុនល្បុក្កតោដដែលបន្ដថា នេះគឺជាអត្ថប្រយោជន៍ដ៏សំខាន់សម្រាប់កម្ពុជា ក្នុងការបញ្ជ្រាបក្បាច់គុនព្រលឹងជាតិមួយនេះទៅកាន់បណ្ដាប្រទេសក្នុងតំបន់ និងលើឆាកអន្ដរជាតិ ស្របតាមអនុសាសន៍ណែនាំដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ពិសេសប្រទេសឥណ្ឌូនេស៊ីដែលកាលពីថ្មីៗ សម្ដេចបានប្រកាសគាំទ្រលើការចុះអនុស្សរណៈយោគយល់គ្នា រវាងគណៈកម្មាធិការជាតិអូឡាំពិកកម្ពុជាជាមួយឯកឧត្តម ប្រាប៊ូវ៉ូ ស៊ូប៊ីយ៉ានតូ រដ្ឋមន្ត្រីក្រសួងការពារជាតិឥណ្ឌូនេស៊ី និងជាប្រធានសហព័ន្ធកីឡាបញ្ចសិលាអន្តរជាតិ លើការផ្តល់ការបង្ហាត់បង្រៀនក្បាច់គុនល្បុក្កតោ និងកីឡាបញ្ចសិលាឲ្យគ្នាទៅវិញទៅមកទៀតផង។ ឯកឧត្តម វ៉ាត់ ចំរើន បន្ថែមថា ភាគីទាំងពីរបានពិភាក្សាគ្នាយ៉ាងលម្អិត និងបានឯកភាពគ្នាក្នុងការត្រៀមរៀបចំការហ្វឹកហាត់របស់ក្រុមកីឡាករ-កីឡាការិនីកម្ពុជា អំឡុងពេលហ្វឹកហាត់នៅឥណ្ឌូណេស៊ី។ នេះជាលទ្ធផលផ្លែផ្កាដើម្បីគាំទ្រដល់ដំណើរការហ្វឹកហាត់ឲ្យរលូន បន្ទាប់ពីការចុះអនុស្សរណៈនៃការយោគយល់គ្នាកាលពីខែមុន រវាងកម្ពុជា និងឥណ្ឌូណេស៊ី។មិនតែប៉ុណ្ណោះ ឥណ្ឌូនេស៊ីក៏នឹងត្រៀមរៀបចំបង្កើតឲ្យមានសហព័ន្ធកីឡាគុនល្បុក្កតោឥណ្ឌូនេស៊ីទៀតផង។ ឯកឧត្តមបានចាត់ទុកនេះ គឺជាការពង្រីកសក្ដានុពលក្បាច់គុនព្រលឹងជាតិឲ្យកាន់ទូលំទូលាយ ដ្បិតរហូតមកទល់ពេលនេះគឺមាន ៦-៧ប្រទេសហើយ ដែលត្រៀមចូលរួមប្រកួតកីឡាគុនល្បុក្កតោ ក្នុងព្រឹត្តិការណ៍ស៊ីហ្គេម ឆ្នាំ២០២៣ នៅកម្ពុជា ។ គួរដឹងថា គុនល្បុក្កតោគឺជាសិល្បៈក្បាច់គុនប្រពៃណីជាតិខ្មែរ ហើយប្រភេទកីឡាអត្ដសញ្ញាណជាតិមួយនេះ ក៏ត្រូវបានអនុម័តដាក់បញ្ចូលក្នុងការប្រកួតកីឡាស៊ីហ្គេមឆ្នាំ២០២៣ រួចហើយដែរ ក្នុងចំណោមកីឡា ៣៩ប្រភេទ និងកីឡាសម្ដែង ១ប្រភេទដែលទទួលបានការគាំទ្រពីបណ្ដាប្រទេសមាជិកទាំងអស់ នៅក្នុងកិច្ចប្រជុំក្រុមប្រឹក្សាសហព័ន្ធកីឡាអាស៊ីអាគ្នេយ៍លើកទី២ នៅកម្ពុជាកាលពីដើមសប្ដាហ៍កន្លងទៅ៕អត្ថបទ៖ លី ឈុនឡា

ខ្សែបម្រើប៊ែលហ្ស៊ិក Axel Witsel ផ្លាស់ទៅ Atletico Madrid ក្រោយផុតកុងត្រាជាមួយ Dortmund

បាល់ទាត់៖ ខ្សែបម្រើប៊ែលហ្ស៊ិក Axel Witsel ត្រូវបានបង្ហាញក្នុងសន្និសីទសារព័ត៌មានពីការផ្លាស់មកកាន់ក្លិបអេស្ប៉ាញ Atletico Madrid ផ្លូវការក្រោយផុតកិច្ចសន្យាចាកចេញពីក្លិបអាល្លឺម៉ង់ Borussia Dortmund។ កីឡាករវ័យ ៣៣ឆ្នាំរូបនេះបានចុះហត្ថលេខាលេងឱ្យ Atletico Madrid មួយរដូវកាលប៉ុណ្ណោះក្រោយចំណាយពេល ៤ឆ្នាំនៅអាល្លឺម៉ង់ស៊ុតបញ្ចូលទីបាន ១០គ្រាប់ឈ្នះពាន German Cup និង German Supercup។ Axel Witsel បានចាត់ទុក Atletico Madrid ថាប្រហែលជាក្លិបចុងក្រោយរបស់ខ្លួនមុនពេលចូលនិវត្តន៍ និងមានសំណាងដែលបានផ្លាស់មកកាន់ក្លិបកំពូលមួយនៅអេស្ប៉ាញ នៃអាជីពកីឡាករចុងក្រោយរបស់ខ្លួន។Witxel បានកោតសរសើរមិត្តរួមក្រុមថ្មីនៅ Atletico Madrid មានដូចជា Koke មិត្តរួមជាតិប៊ែលហ្ស៊ិក Yannick Carrasco, Joao Felix និង Antoine Griezmann ដែលសុទ្ធតែជាកីឡាករដែលមានសមត្ថភាពខ្ពស់។ រំលឹកថា Axel Witsel ធ្លាប់ចំណាយពេលនៅក្លិបជាច្រើនមុនមកដល់ Dortmund និង Atletico Madrid ចុងក្រោយនេះដូចជាក្លិបនៅស្រុកកំណើត Standard Liege, ក្លិបព័រទុយហ្កាល់ Benfica, ក្លិបរុស្ស៊ី Zenit St. Petersburg និងក្លិបចិន Tianjin Quanjian៕អត្ថបទ៖នាង សុភាវុធ

ខ្សែប្រយុទ្ធអ៊ុយក្រែន Andriy Yarmolenko ចេញពី West Ham ទៅក្លិបអារ៉ាប់រួម Al Ain

បាល់ទាត់៖ ខ្សែប្រយុទ្ធអ៊ុយក្រែន Andriy Yarmolenko បានផ្លាស់ទៅកាន់ទឹកដីអារ៉ាប់រួមចូលរួមជាមួយក្លិបបាល់ទាត់ Al Ain ក្រោយចាកចេញពីក្រុមញញួរធំ West Ham។ កីឡាករវ័យ ៣២ឆ្នាំរូបនេះបានចុះហត្ថលេខាជាមួយក្លិបនៅលីគកំពូលអារ៉ាប់រួមមួយនេះមួយរដូវកាល។ Andriy Yarmolenko បានផ្លាស់ពី Dortmund នៅឆ្នាំ២០១៨ មកកាន់ West Ham ដោយបង្ហាញខ្លួនសរុបនៅក្លិបនៅទីក្រុងឡុងដ៍មួយនេះ ៨៦លើករកបាន ១៣គ្រាប់។ គ្រាប់បាល់ចុងក្រោយរបស់ Yarmolenko គឺជាគ្រាប់ជ័យជំនះរបស់ West Ham លើ Aston Villa ២-១ កាលពីខែមិនា ជាមួយនឹងការអបអរសាទរគ្រាប់ដោយភាពស្រគត់ស្រគំ បន្ទាប់ពីប្រទេសជាតិរបស់ខ្លួនស្ថិតក្នុងភ្លើងសង្គ្រាមពីរុស្ស៊ីតាំងពីខែកុម្ភៈ។សូមបញ្ជាក់ថា Andriy Yarmolenko បង្ហាញខ្លួនសរុបឱ្យក្រុមជំរើសជាតិអ៊ុយក្រែន ១០៩លើករកបាន ៤៥គ្រាប់ឈរលេខ២ ក្នុងតារាងអ្នកស៊ុតបញ្ចូលទីច្រើនជាងគេឱ្យក្រុមជំរើសជាតិពីក្រោម Andriy Shevchenko ដែលមានសរុប ៤៨គ្រាប់។ ក្លិបអារ៉ាប់រួម Al Ain គឺជាជើងឯកលីគកំពូលអារ៉ាប់រួមរដូវកាលមុន ហើយនឹងបង្ហាញខ្លួននៅក្របខណ្ឌ AFC Champions League រដូវកាលក្រោយ៕អត្ថបទ៖នាង សុភាវុធ

Jonas Vingegaard ឈ្នះដំណាក់កាលទី១១ និងឡើងមកនាំមុខគេរួមនៅ Tour de France

ប្រណាំងកង់៖ កីឡាករប្រណាំងកង់ដាណឺម៉ាក Jonas Vingegaard បានប្រជែងឈ្នះដំណាក់កាលទី ១១ និងឡើងមកនាំមុខគេរួមផងដែរនៃព្រឹត្តិការណ៍ប្រណាំងកង់ Grand Tour, Tour de France។ ដំណាក់កាលទី១១ ដែលមានចំងាយផ្លូវ ១៥១.៧គីឡូម៉ែត្រកីឡាកររបស់ក្រុមប្រណាំង Jumbo-Visma រូបនេះមកដល់ទីព្រ័ត្រមុនគេចំណាយពេល ៤ម៉ោង ១៨នាទី ២វិនាទី តាមពីក្រោយដោយ Nairo Quintana របស់ក្រុម Arkea Samsic យឺតជាង ៥៩វិនាទី និងលេខ៣ ម្ចាស់ផ្ទះបារាំង Romain Bardet យឺតជាង ១នាទី ១០វិនាទី។ ចំណែកឯអ្នកនាំមុខរួមដំបូង និងជាអ្នកការពារតំណែងជើងឯកកីឡាករស្លូវេនី Tadej Pogacar បានបញ្ចប់ដំណាក់កាលទី១១ នៅចំណាតថ្នាក់លេខ៧ យឺតជាងអ្នកឈ្នះដល់ទៅ ២នាទី ៥១វិនាទី។លទ្ធផលនេះធ្វើឱ្យកីឡាករដាណឺម៉ាក Jonas Vingegaard ឡើងមកនាំមុខគេរួមដោយមានវេលាចំណេញលើអ្នកលេខ២ Romain Bardet ២នាទី ១៦វិនាទី ខណៈ Tadej Pogacar ធ្លាក់ទៅលេខ៣ យឺតជាងអ្នកនាំមុខ ២នាទី ២២វិនាទី។ សំរាប់ដំណាក់កាលទី១២ ថ្ងៃព្រហស្បតិ៍នេះមានចំងាយផ្លូវ ១៦៥.៥គីឡូម៉ែត្រឆ្លងកាត់តំបន់ភ្នំ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Cesc Fabregas មិនទាន់ចូលនិវត្តន៍ទេ នឹងផ្លាស់ទៅកាន់ក្លិបលីគទី២ អ៊ីតាលី Como

ឯកឧត្តម ហ៊ុន ម៉ានី ដឹកនាំប្រតិភូកីឡាចាក់វ៉ាក់សាំង មុនចេញទៅប្រកួតអាស៊ានប៉ារ៉ាហ្គេម នៅឥណ្ឌូនេស៊ី

Erik ten Hag សម្រេចថា Harry Maguire នឹងបន្តតំណែងប្រធានក្រុម Manchester United

Ajax ព្រមព្រៀងសំណើរបស់ Manchester United ៤៦លានផោនលើខ្សែការពារ Lisandro Martinez

Mesut Ozil ផ្លាស់ពី Fenerbahce ទៅក្លិបក្បែររបង Istanbul Basaksehir

Chelsea បញ្ចប់ចំណាប់អារម្មណ៍ចង់បាន Ronaldo ក្រោយការមកដល់របស់ Sterling

កម្ពុជា និងឥណ្ឌូនេស៊ីបានកំណត់ពេលវេលាដើម្បីផ្លាស់ប្ដូរការហ្វឹកហាត់កីឡាគុនល្បុក្កតោ និងបញ្ចសិលា

ខ្សែបម្រើប៊ែលហ្ស៊ិក Axel Witsel ផ្លាស់ទៅ Atletico Madrid ក្រោយផុតកុងត្រាជាមួយ Dortmund

ខ្សែប្រយុទ្ធអ៊ុយក្រែន Andriy Yarmolenko ចេញពី West Ham ទៅក្លិបអារ៉ាប់រួម Al Ain

Jonas Vingegaard ឈ្នះដំណាក់កាលទី១១ និងឡើងមកនាំមុខគេរួមនៅ Tour de France

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Cesc Fabregas មិនទាន់​ចូលនិវត្តន៍​ទេ នឹង​ផ្លាស់​ទៅកាន់​ក្លិប​លី​គ​ទី២ អ៊ីតាលី Como

ឯកឧត្តម ហ៊ុន ម៉ានី ដឹកនាំប្រតិភូកីឡាចាក់វ៉ាក់សាំង មុនចេញទៅប្រកួតអាស៊ានប៉ារ៉ាហ្គេម នៅឥណ្ឌូនេស៊ី

Erik ten Hag សម្រេច​ថា Harry Maguire ​នឹងបន្ត​តំណែង​ប្រធាន​ក្រុម Manchester United

Ajax ព្រមព្រៀង​សំណើ​របស់ Manchester United ៤៦​លាន​ផោន​លើ​ខ្សែ​ការពារ Lisandro Martinez

Mesut Ozil ផ្លាស់​ពី Fenerbahce ទៅ​ក្លិប​ក្បែរ​របង Istanbul Basaksehir

Chelsea បញ្ចប់​ចំណាប់អារម្មណ៍​ចង់បាន Ronaldo ក្រោយ​ការមកដល់​របស់ Sterling

ខ្សែបម្រើ​ប៊ែ​ល​ហ្ស៊ិ​ក Axel Witsel ផ្លាស់​ទៅ Atletico Madrid ក្រោយ​ផុត​កុងត្រា​ជាមួយ Dortmund

ខ្សែប្រយុទ្ធ​អ៊ុយ​ក្រែ​ន Andriy Yarmolenko ចេញពី West Ham ទៅ​ក្លិប​អារ៉ាប់​រួម Al Ain

Jonas Vingegaard ឈ្នះ​ដំណាក់កាល​ទី​១១ និង​ឡើងមក​នាំមុខគេ​រួម​នៅ Tour de France

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Cesc Fabregas មិនទាន់ចូលនិវត្តន៍ទេ នឹងផ្លាស់ទៅកាន់ក្លិបលីគទី២ អ៊ីតាលី Como

Erik ten Hag សម្រេចថា Harry Maguire នឹងបន្តតំណែងប្រធានក្រុម Manchester United

Ajax ព្រមព្រៀងសំណើរបស់ Manchester United ៤៦លានផោនលើខ្សែការពារ Lisandro Martinez

Mesut Ozil ផ្លាស់ពី Fenerbahce ទៅក្លិបក្បែររបង Istanbul Basaksehir

Chelsea បញ្ចប់ចំណាប់អារម្មណ៍ចង់បាន Ronaldo ក្រោយការមកដល់របស់ Sterling

ខ្សែបម្រើប៊ែលហ្ស៊ិក Axel Witsel ផ្លាស់ទៅ Atletico Madrid ក្រោយផុតកុងត្រាជាមួយ Dortmund

ខ្សែប្រយុទ្ធអ៊ុយក្រែន Andriy Yarmolenko ចេញពី West Ham ទៅក្លិបអារ៉ាប់រួម Al Ain

Jonas Vingegaard ឈ្នះដំណាក់កាលទី១១ និងឡើងមកនាំមុខគេរួមនៅ Tour de France