BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

ក្លិបទួកគី Fenerbahce ប្រកាសចែកផ្លូវគ្នាជាមួយ Mesut Ozil

បាល់ទាត់៖ ក្លិបទួកគី Fenerbahce បានប្រកាសពីការចែកផ្លូវគ្នាជាមួយអតីតខ្សែបម្រើ Arsenal, Mesut Ozil ហើយពីរឆ្នាំមុនផុតកិច្ចសន្យា។ កីឡាករវ័យ ៣៣ឆ្នាំរូបនេះបានផ្លាស់ទៅកាន់ទឹកដីទួកគីឆ្នាំមុន នៅពេលចាកចេញពី Arsenal ក្រោយចំណាយពេល ៨ឆ្នាំនៅទីក្រុងឡុងដ៍។មួយរយៈជាមួយ Fenerbahce, Ozil ក៏មានដើមរដូវកាលដ៏ល្អមួយនៅទីក្រុង Istanbul ផងដែរដោយស៊ុតបញ្ចូលទីបាន ៨គ្រាប់បូករួមទាំងមួយគ្រាប់ពេលយកឈ្នះគូប្រជែង Galatasaray។ យ៉ាងណាក្តីកាលពីដើមឆ្នាំនេះស្រាប់តែក្លិបដកឈ្មោះ Ozil ចេញពីបញ្ជីដោយមិនដឹងមូលហេតុ និងមិនមានការឆ្លើយតបទៅកាន់អ្នកសារព័ត៌មានអ្វីដែរ មុនពេលប្រកាសចែកផ្លូវនៅពេលនេះ។ សារព័ត៌មាននៅប្រទេសទួកគីឱ្យដឹងថា អតីតខ្សែបម្រើក្រុមជំរើសជាតិអាល្លឺម៉ង់រូបនេះ ទំនងជានឹងផ្លាស់ទៅកាន់ក្លិបគូប្រជែងក្នុងលីគកំពូលទួកគីមួយទៀតគឺ Istanbul Basaksehir៕អត្ថបទ៖នាង សុភាវុធ

AFF Women’s៖ ក្រុមបាល់ទាត់នារីកម្ពុជាយកឈ្នះទីម័រ ៣-១ មុនត្រឡប់មកមាតុភូមិវិញ

បាល់ទាត់៖ ក្រុមបាល់ទាត់នារីជម្រើសជាតិកម្ពុជា បានយកឈ្នះក្រុមបាល់ទាត់នារីទីម័រខាងកើតដោយលទ្ធផល ៣-១ ក្នុងជំនួបបញ្ចប់ពូល B នៃពានរង្វាន់បាល់ទាត់នារីជើងឯកអាស៊ីអាគ្នេយ៍ឆ្នាំ២០២២ AFF Women’s Championship 2022 នៅប្រទេសហ្វីលីពីន។ ជំនួបបង្គ្រប់កិច្ចកាលពីល្ងាចថ្ងៃទី១៣ ខែកក្កដានេះ វគ្គទី១ ក្រុមបាល់ទាត់នារីកម្ពុជាបានបើកការនាំមុខ ៣គ្រាប់មុនដែលធ្វើសម្រេចដោយកីឡាការិនី ភឿង ស្រីភ័ស្ដ, កីឡាការិនី សឿន វិផា និងកីឡាការិនី គាត សៀវហ័ង មុនក្រុមទីម័រខាងកើតវាយបកបាន ១គ្រាប់វិញនៅវគ្គទី២ ហើយក៏បានរក្សាលទ្ធផលនេះរហូតដល់ចប់ការប្រកួត។ នេះគឺជាជ័យជម្នះលើកដំបូងរបស់ក្រុមបាល់ទាត់នារីកម្ពុជា បន្ទាប់ពីប្រកួតបើកឆាកស្មើឡាវ ១-១ ហើយប្រកួតបន្ទាប់ចាញ់វៀតណាម និងមីយ៉ាន់ម៉ាដោយលទ្ធផល ៣-០ ដូចគ្នា នាំឲ្យក្រុមបាល់ទាត់នារីកម្ពុជាបញ្ចប់យុទ្ធនាការប្រកួត ពានរង្វាន់បាល់ទាត់នារីជើងឯកអាស៊ាននេះដោយឈរលេខ៣ ក្នុងពូល B និងរកបាន ៤ពិន្ទុប៉ុណ្ណោះមុនត្រឡប់មកមាតុភូមិវិញ៕អត្ថបទ៖ លី ឈុនឡា

Raheem Sterling ផ្លាស់មកកាន់តោខៀវ Chelsea ផ្លូវការតម្លៃ ៥០លានផោន

បាល់ទាត់៖ ក្លិបតោខៀវ Chelsea បានប្រកាសពីការមកដល់របស់ខ្សែប្រយុទ្ធអង់គ្លេស Raheem Sterling ផ្លូវការផ្ទេរពី Manchester City តម្លៃ ៥០លានផោន។ កីឡាករវ័យ ២៧ឆ្នាំរូបនេះបានចុះហត្ថលេខារយៈពេល ៥ឆ្នាំនៅ Stamford Bridge។ Raheem Sterling បានផ្លាស់ពី Liverpool ទៅ Manchester City កាលពីឆ្នាំ២០១៥ ក្នុងតម្លៃ ៤៩លានផោនដោយបង្ហាញខ្លួនសរុបបាន ៣៣៩ប្រកួតរកបាន ១៣១គ្រាប់ជួយ Manchester City ឈ្នះពាន English Premier League ៤លើក។ ក្រោមការដឹកនាំរបស់លោក Pep Guardiola នៅ Manchester City មានតែ Sergio Aguero ម្នាក់ប៉ុណ្ណោះដែលស៊ុតបញ្ចូលទីច្រើនជាង Sterling ពោលគឺ Aguero រកបាន ១២៤គ្រាប់ និង Sterling ១២០គ្រាប់។កីឡាករដែលបង្ហាញខ្លួនឱ្យក្រុមជំរើសជាតិអង់គ្លេស ៧៧លើករូបនេះគឺជាកីឡាករទិញចូលទីមួយតាំងពីក្លិប Chelsea ផ្លាស់ប្តូរម្ចាស់ពីថៅកែរុស្ស៊ី Romain Abramovich មកជាអ្នកជំនួយអាមេរិក Todd Boehly។ ជាមួយគ្នានោះដែរ Chelsea ក៏ខិតជិតឈានដល់កិច្ចព្រមព្រៀងនាំយកខ្សែការពារ Napoli, Kalidou Koulibaly និងខ្សែការពារ Manchester City ម្នាក់ទៀតគឺ Nathan Ake ផងដែរ៕អត្ថបទ៖នាង សុភាវុធ

Barcelona ប្រកាសពីការនាំយកកីឡាករប្រេស៊ីល Raphinha ពី Leeds

បាល់ទាត់៖ ក្លិប Barcelona បានប្រកាសពីការនាំយកខ្សែបម្រើស្លាបប្រេស៊ីល Raphinha ពី Leeds United ផ្លូវការហើយ។ ការផ្ទេរកីឡាករវ័យ ២៥ឆ្នាំរូបនេះត្រូវបានគេដឹងថា មានតម្លៃ ៤៩លានផោន ហើយក៏នឹងអាចកើនដល់ ៥៤.៧លានផោនដែលបូកបញ្ជូលទាំងកិច្ចសន្យាផ្សេងៗ បន្ទាប់ពីក្លិបទាំងពីរបានព្រមព្រៀងគ្នារួចរាល់ហើយ។ រយៈពេល ២រដូវកាលជាមួយ Leeds United, Raphinha បង្ហាញខ្លួនសរុប ៦៥ប្រកួតនៅ English Premier League រកបាន ១៧គ្រាប់ និង ១២បាល់បញ្ជូន។ កីឡាករប្រេស៊ីលរូបនេះបានទទួលការចាប់អារម្មណ៍ខ្លាំងមុន ចាប់ផ្តើមរដូវកាលថ្មីខាងមុខនេះ ស្របពេល Chelsea ក៏មានបំណងនាំយករូបគេទៅ Stamford Bridge ផងដែរ។ រំលឹកថា Raphinha បានផ្លាស់មកកាន់ Leeds កាលពីឆ្នាំ២០២០ ផ្ទេរពីក្លិបបារាំង Rennes ក្នុងតម្លៃ ១៧លានផោន។Leeds United ត្រូវមានកាលវិភាគប្រកួតមិត្តភាព Pre-Season នៅទឹកដីអូស្ត្រាលី ខណៈដែលអ្នកចាត់ការលោក Jesse March មិនបានដាក់បញ្ចូលឈ្មោះ Raphinha ក្នុងក្រុមឡើយ។ Leeds នឹងត្រូវបើករដូវកាលថ្មី English Premier League ដោយត្រូវធ្ចើដំណើរទៅទឹកដី Southampton៕អត្ថបទ៖នាង សុភាវុធ

កីឡាហែលទឹកបញ្ចប់វគ្គបណ្ដុះបណ្ដាលគ្រូកម្រិត២ ខណៈសិក្ខាកាម ៧០% ទទួលបាននិទ្ទេសល្អ

ហែលទឹក៖ វគ្គបណ្ដុះបណ្ដាលគ្រូបង្វឹកកីឡាហែលទឹកកម្រិត២ (FINA Swimming Coaches Certification Course -Coach Level2) ដែលរៀបចំដោយសហព័ន្ធខ្មែរកីឡាហែលទឹក ក្រោមការគាំទ្ររបស់សហព័ន្ធកីឡាហែលទឹកអន្ដរជាតិ បានបញ្ចប់ហើយក្រោយដំណើរការសិក្សាផ្ទាល់ និងតាម Online អស់រយៈពេលជាង ១ខែដោយមានសិក្ខាកាម ៧០% ទទួលបាននិទ្ទេសល្អ ក្នុងចំណោមសិក្ខាកាមសរុប ២២នាក់។ លោក ហែម គិរី អគ្គលេខាធិការសហព័ន្ធបានបញ្ជាក់ក្រោយពិធីបិទវគ្គកាលពីថ្ងៃទី១៣ ខែកក្កដាថា វគ្គនេះបែងចែកជា ២វគ្គ ទី១-វគ្គសិក្សាតាម Online ចាប់ពីថ្ងៃទី០៨ ខែមិថុនាដល់ថ្ងៃទី០៩ ខែកក្កដា ដែលសិក្ខាកាមចូលរួមទាំងអស់ ត្រូវបានជ្រើសរើសដោយសហព័ន្ធកីឡាហែលទឹកអន្តរជាតិ តាយរយៈការចុះឈ្មោះចូលរួមពីសហព័ន្ធខ្មែរកីឡាហែលទឹក ដោយត្រូវភ្ជាប់ជាមួយនូវឯកសារ និងការប្រឡងសមត្ថភាព។ វគ្គទី២ គឺជាការសិក្សាផ្ទាល់ជាមួយគ្រូឧទ្ទេស ចាប់ពីថ្ងៃទី០៩ ដល់ថ្ងៃទី១៣ ខែកក្កដា ឆ្នាំ២០២២ ដោយផ្តោតសំខាន់លើការត្រួតពិនិត្យ និងរៀបចំអំពីផែនការហ្វឹកហាត់ បញ្ជាក់អំពីកាលវិភាគនៃការសិក្សាវគ្គបណ្តុះបណ្តាល ការរៀបចំខ្លួនរបស់គ្រូបង្វឹក សិក្សាស្វែងយល់អំពីវិទ្យាសាស្ត្រកីឡានៅក្នុងប្រភេទកីឡាហែលទឹក, ការពិនិត្យទៅលើទីលានហ្វឹកហាត់ និងអាងហែលទឹក, ការប្រមូលទិន្នន័យឲ្យបានគ្រប់ជ្រុងជ្រោយ, ការពិនិត្យទៅលើការអភិវឌ្ឍរបស់កីឡាករ-កីឡាការិនីតាមកម្រិតអាយុជាដើម។អគ្គលេខាធិការសហព័ន្ធដដែលបានបន្ថែមថា ក្រោយឆ្លងកាត់សិក្សាជាង ១ខែតាមការវាយតម្លៃមានសិក្ខាកាមទទួលបាននិទ្ទេសល្អ ៧០%, និទ្ទេសល្អបង្គួរ ២០% និងនិទ្ទេសមធ្យម ១០%។ លោកបានចាត់ទុកនេះគឺជាផ្លែផ្កាថ្មីមួយទៀត សម្រាប់ការអភិវឌ្ឍធនធានគ្រូបង្វឹក ក្នុងន័យជំរុញការអភិវឌ្ឍវិស័យកីឡាហែលទឹកកម្ពុជានាថ្ងៃអនាគតឲ្យកាន់តែរីកចម្រើន ដ្បិតគ្រូបង្វឹកគឺជាគ្រឹះមួយដ៏សំខាន់ឆ្ពោះទៅផលិតធនធានកីឡាករ-កីឡាការិនីឆ្នើម។ សូមបញ្ជាក់ថា វគ្គបណ្តុះបណ្តាលនេះទទួលបានការឧបត្ថម្ភគាំទ្រពីក្រសួងអប់រំ យុវជន និងកីឡាតាមរយៈការផ្តល់នូវគម្រោងថវិកាប្រចាំឆ្នាំមកកាន់សហព័ន្ធខ្មែរកីឡាហែលទឹក ដើម្បីពន្លឿនការអភិវឌ្ឍសហព័ន្ធកីឡាជាតិឱ្យកាន់តែរីកចម្រើន និងទទួលបានការឯកភាពដ៏ខ្ពង់ខ្ពស់ពីឯកឧត្តមទេសរដ្ឋមន្ត្រី ស៊ុន ចាន់ថុល ប្រធានសហព័ន្ធ ក្នុងការចង្អុលបង្ហាញ ក៏ដូចជាលើកទឹកចិត្តក្នុងការបើកវគ្គនេះផងដែរ៕អត្ថបទ៖ លី ឈុនឡា

ទង់ជាតិកម្ពុជាបន្ដបង្ហូតលើទឹកដីអាមេរិក ក្រោយក្រុមប៉េតង់កម្ពុជាឈ្នះមេដាយមាសទី២ នៃព្រឹត្តិការណ៍ World Games

ប៉េតង់៖ ក្រុមកីឡាការិនីប៉េតង់កម្ពុជាបានសាងភាពភ្ញាក់ផ្អើលជាថ្មី ក្នុងព្រឹត្តិការណ៍កីឡាពិភពលោក The World Games 2022 នៅទីក្រុង Birmingham សហរដ្ឋអាមេរិក បន្ទាប់ពីកីឡាការិនី អ៊ុក ស្រីមុំ និង អ៊ុន ស្រីយ៉ា បានពួតដៃគ្នាដណ្ដើមបានមេដាយមាស ១គ្រឿងទៀតលើវិញ្ញាសាវាយគូនារី ២នាក់ទល់ ២នាក់ ក្រោយវាយបកយកឈ្នះក្រុមកីឡាការិនីបារាំង Nadege BAUSSIAN និង Caroline Marie BOURRIAUD ដោយលទ្ធផល ៧-៥ពិន្ទុក្នុងវគ្គផ្ដាច់ព្រ័ត្រ នៅព្រឹកថ្ងៃទី១៤ ខែកក្កដា ឆ្នាំ២០២២ នេះ។ នេះគឺជាការបើកកំណត់ត្រាថ្មីរបស់កីឡាប៉េតង់កម្ពុជា សម្រាប់ការបង្ហាញខ្លួនលើកដំបូងក្នុងព្រឹត្តិការណ៍លំដាប់ពិភពលោកនេះ ពិសេសកីឡាការិនី អ៊ុក ស្រីមុំ ដែលក្រោយដណ្ដើមបានមេដាយមាសលើវិញ្ញាសាវាយយកពីន្ទុកាលពីម្សិលមិញ លោកស្រីបានបន្ដចាប់ដៃជាមួយសិស្សប្អូន អ៊ុន ស្រីយ៉ា ហើយធ្វើបានយ៉ាងល្អរហូតដណ្ដើមបានមេដាយមាស ១គ្រឿងទៀតលើវិញ្ញាសា ២នាក់ទល់ ២នាក់ ដែលនាំឲ្យទង់ជាតិកម្ពុជាត្រូវបានបង្ហូតឡើង ២ថ្ងៃជាប់គ្នាលើទឹកដីអាមេរិក។ ការប្រកួតដែលម្ចាស់ផ្ទះអាមេរិកបានអញ្ជើញសុទ្ធតែក្រុមខ្លាំងៗប្រចាំទ្វីប ចូលរួមព្រឹត្តិការណ៍នេះ ឃើញថា ការប្រកួតនីមួយៗសុទ្ធតែមានភាពស្វិតស្វាញ ពិសេសការវិញ្ញាសាវាយគូរបស់ក្រុមកីឡាការិនីកម្ពុជា។ សម្រាប់ការប្រកួតជម្រុះក្នុងពូល ប្រកួតទី១ កម្ពុជាបានយកឈ្នះក្រុមដាណឺម៉ាក ១៣-៥ពិន្ទុ មុនចាញ់បារាំង ៩-៧ នៅប្រកួតទី២។ ហេតុនេះកម្ពុជា និងដាណឺម៉ាកដែលឈរលេខ២ និងលេខ៣ ក្នុងពូលក៏បានជួបគ្នាម្ដងទៀតដើម្បីដណ្ដើមកៅអីវគ្គពាក់កណ្ដាលផ្ដាច់ព្រ័ត្រ។ជាលទ្ធផលការជួបគ្នាលើកទី២ នេះ កម្ពុជាបានបន្ដយកឈ្នះក្រុមដាណឺម៉ាកដោយពិន្ទុ ១៣-៤។ ដូច្នេះកម្ពុជាក៏បានឡើងទៅវគ្គពាក់កណ្ដាលផ្ដាច់ព្រ័ត្រជាមួយក្រុមបារាំងដែលឈរលេខ១ ក្នុងពូល A ដើម្បីប្រកួតខ្វែងជាមួយក្រុមលេខ១ និងលេខ២ នៃពូល B គឺមានក្រុមថៃ និងអាល្លឺម៉ង់។ ក្នុងនោះកម្ពុជាបានជួបថៃ ហើយបានយកឈ្នះក្រុមទៅពីតំបន់អាស៊ានជាមួយគ្នានេះដោយពិន្ទុ ១២-១០ ខណៈបារាំងបានយកឈ្នះអាល្លឺម៉ង់ ១៣-៣ពិន្ទុដែលនាំឲ្យកម្ពុជា និងបារាំងត្រូវជួបគ្នាជាថ្មីនៅវគ្គផ្ដាច់ព្រ័ត្រ។ ឈានដល់វគ្គកាត់សេចក្ដី ក្រុមកីឡាការិនីកម្ពុជា អ៊ុក ស្រីមុំ និង អ៊ុន ស្រីយ៉ាង បានបង្កការភ្ញាក់ផ្អើលជាខ្លាំង បន្ទាប់ពីវាយបកយកឈ្នះក្រុមខ្លាំងបារាំងវិញដោយលទ្ធផល ៧-៥ពិន្ទុ បន្ទាប់ពីជួបគ្នាក្នុងពូលកម្ពុជាបានចាញ់បារាំង ៩-៧ពិន្ទុ។ ជ័យជម្នះនេះបានធ្វើឲ្យក្រុមកីឡាការិនីប៉េតង់កម្ពុជាឈ្នះមេដាយមាសទី២ ក្នុងព្រឹត្តិការណ៍ World Games 2022 ពោលគឺក្រុមកីឡាការិនីប៉េតង់កម្ពុជាបានឈ្នះមេដាយមាសទាំង ២វិញ្ញាសាតែម្ដង សម្រាប់ការចូលរួមព្រឹត្តិការណ៍កីឡាពិភពលោកលើកដំបូងលើទឹកដីអាមេរិកនេះ៕អត្ថបទ៖ លី ឈុនឡា

កីឡាករវាយកូនបាល់ Dominic Thiem ស្គាល់ជ័យជំនះដំបូងក្រោយអវត្តមានជិត ១ឆ្នាំ

វាយកូនបាល់៖ កីឡាករវាយកូនបាល់អូទ្រីស Dominic Thiem បានបង្ហាញពីអារម្មណ៍រីករាយ ក្រោយឈ្នះការប្រកួតដំបូងនៃការវិលត្រលប់វិញក្រោយអវត្តមានតាំងពីខែឧសភា ឆ្នាំ២០២១ ដោយសាររបួស។ កីឡាករវ័យ ២៨ឆ្នាំជើងឯក US Open ឆ្នាំ២០២០ រូបនេះបានសម្រាកដល់ទៅ ៩ខែព្យាបាលរបស់កដៃ។ ទម្រាំរកបានជ័យជំនះ Dominic Thiem បានរងបរាជ័យ ៧ប្រកួតមកហើយតាំងពីវិលចូលប្រកួតវិញកាលពីមិនា មុនពេលដែលយកឈ្នះកីឡាករហ្វាំងឡង់ Emil Ruusuvuori ៣-៦, ៦-១ និង ៧-៦(៧-៥) នៅពានរង្វាន់ ATP Bastad Open។ រំលឹកថា Dominic Thiem បានឈ្នះជើងឯក Grand Slam លើកដំបូងនៅ US Open ឆ្នាំ២០២០ ដោយយកឈ្នះកីឡាករអាល្លឺម៉ង់ Alexander Zverev នៅពេលនោះ។ ក្រៅពីនោះ Thiem ក៏ធ្លាប់ឡើងដល់វគ្គផ្តាច់ព្រ័ត្រ French Open ពីរលើកដែរតែចាញ់ Rafael Nadal ទាំងពីរលើកនៅឆ្នាំ២០១៨ និង ២០១៩ ហើយក៏ធ្លាប់ចាញ់ Novak Djokovic ដែរនៅ Australian Open ឆ្នាំ២០២០៕អត្ថបទ៖នាង សុភាវុធ

កីឡាករដាណឺម៉ាក Magnus Cort ឈ្នះដំណាក់កាលទី១០ Tour de France តែ Tadej Pogacar បន្តនាំមុខ

ប្រណាំងកង់៖ កីឡាករប្រណាំងកង់ដាណឺម៉ាក Magnus Cort បានប្រជែងឈ្នះដំណាក់កាលទី១០ នៃព្រឹត្តិការណ៍ Grand Tour, Tour de France ខណៈដែលអ្នកការពារតំណែងជើងឯក Tadej Pogacar នៅតែបន្តនាំមុខរួម។ ការប្រកួតដំណាក់កាលទី១០ ដែលមានចំងាយផ្លូវ ១៤៨.៥គីឡូម៉ែត្រមានការរំខានប្រមាណ ១០នាទីដោយបាតុករដែលជាសកម្មជនការពារបរិស្ថានដែលសរសេរនៅលើអាវយឺតថា “We Have 989 Days Left”។ យ៉ាងណាក្តីក្រោយផ្អាក ១០នាទីការប្រកួតបានបន្តដោយកីឡាកររបស់ក្រុម EF Education, Magnus Cort មកដល់ទីព្រ័ត្រមុនគេចំណាយពេលពេល ៣ម៉ោង ១៨នាទី ៥០វិនាទីប្រកៀកប្រកិតនឹងអ្នកលេខ២ កីឡាករអូទ្រីស Nicholas Schulz ពោលគឺអ្នកឈ្នះត្រូវឆែកមើលរូបភាពសារឡើងវិញទើបដឹង។ដោយឡែកក្រោយ ១០ដំណាក់កាលនេះអ្នកការពារតំណែងជើងឯកកីឡាករស្លូវេនី Tadej Pogacar នៅតែបន្តនាំមុខក្នុងតារាងរួមដដែលមានវេលាចំណេញលើអ្នកលេខ២ កីឡាករអាល្លឺម៉ង់ Lennard Kamna ១១វិនាទី និងលេខ៣ កីឡាករដាណឺម៉ាក Jonas Vingegaard យឺតជាង ៣៩វិនាទី។ សំរាប់ដំណាក់កាលទី១១ ថ្ងៃពុធនេះមានចំងាយផ្លូវ ១៥២គីឡូម៉ែត្រឆ្លងកាត់តំបន់ភ្នំ៕អត្ថបទ៖នាង សុភាវុធ

Rodri បន្តកិច្ចសន្យានៅជាមួយ Manchester City ដល់ឆ្នាំ២០២៧

បាល់ទាត់៖ ខ្សែបម្រើអេស្ប៉ាញ Rodri បានសំរេចបន្តកិច្ចសន្យាថ្មីជាមួយ Manchester City ដែលនឹងរក្សារូបគេនៅកីឡដ្ឋាន Etihad ដល់ឆ្នាំ២០២៧។សមាជិកក្រុមជំរើសជាតិអេស្ប៉ាញវ័យ ២៦ឆ្នាំរូបនេះបង្ហាញខ្លួនសរុបឱ្យ Manchester City ក្រោមការដឹកនាំរបស់លោក Pep Guardiola ១៥១ប្រកួតហើយតាំងពីផ្លាស់មកពីក្លិបអេស្ប៉ាញ Atletico Madrid កាលពីឆ្នាំ២០១៩ ក្នុងតម្លៃ ៦២.៨លានផោន។ តាំងពីពេលនោះមក Rodri បានឈ្នះពានសរុបនៅ Etihad ៥ពានសំខាន់ៗដែលបូករួមទាំងពាន English Premier League រដូវកាលជាប់គ្នាផងដែរ។កិច្ចសន្យាចាស់របស់ Rodri ត្រូវអស់សុពលភាពត្រឹមឆ្នាំ២០២៤ តែ Manchester City បានចាត់ទុករូបគេជាសមាជិកសំខាន់ដែលត្រូវប្រើប្រាស់រយៈពេលវែង ស្របពេលតំណែងដូចគ្នានេះគឺកីឡាករប្រេស៊ីល Fernandinho បានចាកចេញទៅកាន់ទឹកដីប្រេស៊ីលទៅហើយ។ Manchester City នឹងត្រូវបើករដូវកាលថ្មីក្របខណ្ឌ English Premier League ទទួលក្រុមឡើងថ្មី AFC Bournemouth នៅថ្ងៃទី១៣ ខែសីហាខាងមុខ៕អត្ថបទ៖នាង សុភាវុធ

ទៅដល់ Juventus ភ្លាម Pogba ថា អាជីពរបស់គេមិនជោគជ័យនៅ Man United ដោយសារដូរគ្រូរាល់ឆ្នាំ

បាល់ទាត់៖ ខ្សែបម្រើបារាំង Paul Pogba បាននិយាយថា ការផ្លាស់ប្តូរគ្រូបង្វឹកជារៀងរាល់ឆ្នាំគឺជាការលំបាកនៃអាជីពរបស់ខ្លួននៅក្រុមបិសាចក្រហម Manchester United ដែលធ្វើឱ្យអាជីពរបស់គេនៅអង់គ្លេសមិនជោគជ័យ។ Paul Pogba បានចាកចេញពី Juventus មកកាន់ Manchester United កាលពីឆ្នាំ២០១៦ ក្នុងតម្លៃបំបែកកំណត់ត្រាពិភពលោកពេលនោះ មុនពេលចាកចេញត្រលប់មកអ៊ីតាលីវិញក្រោយផុតសុពលភាពកិច្ចសន្យា។ និយាយក្នុងសន្និសីទសារព័ត៌មាននៅទីក្រុង Turin ម្សិលមិញកីឡាករវ័យ ២៩ឆ្នាំរូបនេះឱ្យដឹងថា ការផ្លាស់ប្តូរគ្រូបង្វឹករាល់ឆ្នាំពិតជារឿងលំបាកសំរាប់រូបគេ បូកផ្សំទាំងបញ្ហារបួសទៀតដែលសុទ្ធតែឧបសគ្គរារាំងជោគជ័យរបស់គេ។ រំលឹកថា Paul Pogba បានចូលរួមជាមួយ Manchester United ដំបូងនៅឆ្នាំ២០០៩ ផ្ទេរពីក្លិបបារាំង Le Havre ក្នុងវ័យត្រឹម ១៦ឆ្នាំ។តែនៅឆ្នាំ២០១២ Pogba បានចាកចេញនៅពេលកិច្ចសន្យាសន្យាអស់សុពលភាពនៅខែកក្កដា ឆ្នាំ២០១២ ក្រោយបង្ហាញខ្លួនឱ្យ Manchester United ត្រឹម ៧ប្រកួតប៉ុណ្ណោះ។ ទៅដល់ Juventus, Paul Pogba បានឈ្នះពានសំខាន់ចំនួន ៨ នៅទីក្រុង Turin បូករួមទាំងពាន Serie A បួនរដូវកាលជាប់គ្នា។ ត្រលប់មកកាន់ Manchester United, Paul Pogba បានឈ្នះពាន EFL Cup និង UEFA Europa League ក្នុងរដូវកាលដំបូងនៃការវិលត្រលប់របស់ខ្លួន៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្លិបទួកគី Fenerbahce ប្រកាសចែកផ្លូវគ្នាជាមួយ Mesut Ozil

AFF Women’s៖ ក្រុមបាល់ទាត់នារីកម្ពុជាយកឈ្នះទីម័រ ៣-១ មុនត្រឡប់មកមាតុភូមិវិញ

Raheem Sterling ផ្លាស់មកកាន់តោខៀវ Chelsea ផ្លូវការតម្លៃ ៥០លានផោន

Barcelona ប្រកាសពីការនាំយកកីឡាករប្រេស៊ីល Raphinha ពី Leeds

កីឡាហែលទឹកបញ្ចប់វគ្គបណ្ដុះបណ្ដាលគ្រូកម្រិត២ ខណៈសិក្ខាកាម ៧០% ទទួលបាននិទ្ទេសល្អ

ទង់ជាតិកម្ពុជាបន្ដបង្ហូតលើទឹកដីអាមេរិក ក្រោយក្រុមប៉េតង់កម្ពុជាឈ្នះមេដាយមាសទី២ នៃព្រឹត្តិការណ៍ World Games

កីឡាករវាយកូនបាល់ Dominic Thiem ស្គាល់ជ័យជំនះដំបូងក្រោយអវត្តមានជិត ១ឆ្នាំ

កីឡាករដាណឺម៉ាក Magnus Cort ឈ្នះដំណាក់កាលទី១០ Tour de France តែ Tadej Pogacar បន្តនាំមុខ

Rodri បន្តកិច្ចសន្យានៅជាមួយ Manchester City ដល់ឆ្នាំ២០២៧

ទៅដល់ Juventus ភ្លាម Pogba ថា អាជីពរបស់គេមិនជោគជ័យនៅ Man United ដោយសារដូរគ្រូរាល់ឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ក្លិប​ទួ​ក​គី Fenerbahce ប្រកាស​ចែកផ្លូវ​គ្នា​ជាមួយ Mesut Ozil

AFF Women’s៖ ក្រុមបាល់ទាត់​នារី​កម្ពុជាយកឈ្នះ​ទី​ម័​រ ៣-១ មុន​ត្រឡប់មក​មាតុភូមិ​វិញ

Raheem Sterling ផ្លាស់​មកកាន់​តោ​ខៀវ Chelsea ផ្លូវការ​តម្លៃ ៥០លាន​ផោន​

Barcelona ប្រកាស​ពី​ការនាំយក​កីឡាករ​ប្រេ​ស៊ី​ល Raphinha ពី Leeds

កីឡាហែលទឹក​បញ្ចប់​វគ្គ​បណ្ដុះបណ្ដាល​គ្រូ​កម្រិត​២ ខណៈ​សិក្ខាកាម ៧០% ទទួលបាន​និទ្ទេស​ល្អ

កីឡាករ​វាយ​កូន​បាល់ Dominic Thiem ស្គាល់​ជ័យជំនះ​ដំបូង​ក្រោយ​អវត្តមាន​ជិត ១ឆ្នាំ​

កីឡាករ​ដា​ណឺ​ម៉ាក Magnus Cort ឈ្នះ​ដំណាក់កាល​ទី១០ Tour de France តែ Tadej Pogacar បន្ត​នាំមុខ​

Rodri បន្ត​កិច្ចសន្យា​នៅ​ជាមួយ Manchester City ដល់​ឆ្នាំ២០២៧

ទៅដល់ Juventus ភ្លាម Pogba ថា​ អាជីព​របស់​គេ​មិន​ជោគជ័យ​នៅ Man United ដោយសារ​ដូរ​គ្រូ​រាល់​ឆ្នាំ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្លិបទួកគី Fenerbahce ប្រកាសចែកផ្លូវគ្នាជាមួយ Mesut Ozil

AFF Women’s៖ ក្រុមបាល់ទាត់នារីកម្ពុជាយកឈ្នះទីម័រ ៣-១ មុនត្រឡប់មកមាតុភូមិវិញ

Raheem Sterling ផ្លាស់មកកាន់តោខៀវ Chelsea ផ្លូវការតម្លៃ ៥០លានផោន

Barcelona ប្រកាសពីការនាំយកកីឡាករប្រេស៊ីល Raphinha ពី Leeds

កីឡាហែលទឹកបញ្ចប់វគ្គបណ្ដុះបណ្ដាលគ្រូកម្រិត២ ខណៈសិក្ខាកាម ៧០% ទទួលបាននិទ្ទេសល្អ

កីឡាករវាយកូនបាល់ Dominic Thiem ស្គាល់ជ័យជំនះដំបូងក្រោយអវត្តមានជិត ១ឆ្នាំ

កីឡាករដាណឺម៉ាក Magnus Cort ឈ្នះដំណាក់កាលទី១០ Tour de France តែ Tadej Pogacar បន្តនាំមុខ

Rodri បន្តកិច្ចសន្យានៅជាមួយ Manchester City ដល់ឆ្នាំ២០២៧

ទៅដល់ Juventus ភ្លាម Pogba ថា អាជីពរបស់គេមិនជោគជ័យនៅ Man United ដោយសារដូរគ្រូរាល់ឆ្នាំ