នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជាភ្លាត់ចាញ់សិង្ហបុរីនៅនាទីទីចុងក្រោយ ក្នុងជំនួបបើកឆាកពានរង្វាន់បាល់​ទាត់តំបន់​អាស៊ី​អាគ្នេយ៍ ​(ASEAN Hyundai Cup 2026)
វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត
Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន
មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ

ព័ត៌មានកីឡា

Jhonathan Narvaez ឈ្នះដំណាក់កាលទី ១១ ប្រណាំងកង់ Giro d’Italia តែអ្នកនាំមុខរួមនៅតែជា Afonso Eulalio

2026/05/21 10:28:44 pm        211
Facebook Telegram Linkin
កីឡាករប្រណាំងកង់អេក្វាដ័រ Jhonatan Narváez បានប្រជែងឈ្នះដំណាក់កាលទី១១ នៃព្រឹត្តិការណ៍ប្រណាំងកង់ Grand Tour, Giro d'Italia បន្ទាប់ពីវ៉ាដាច់អ្នកជិះកង់អេស្ប៉ាញ Enric Mas នៅចំនុចចុងក្រោយ ដើម្បីឈ្នះដំណាក់កាលទី ៣របស់ខ្លួនក្នុងព្រឹត្តិការណ៍ឆ្នាំនេះ ខណៈ Afonso Eulálio នៅតែរក្សាការនាំមុខក្នុងតារាងរួមដដែល។ដំណាក់កាលទី​ ១១ ដែលមានចម្ងាយផ្លូវ ១៩៥ គីឡូម៉ែត្រ Narváez ដែលមកពីក្រុម UAE Team Emirates XRG និង Enric Mas របស់ក្រុម Movistar Team បានបំបែកខ្លួនចេញពីការជិះជាក្រុម នៅចំនុចឡើងភ្នំចុងក្រោយ ហើយប្រជែងគ្នាដល់ទីបញ្ចប់។Mas ជាអ្នកវាយលុកមុននៅចម្ងាយចុងក្រោយ ប៉ុន្តែ Narváez បានបង្កើនល្បឿនយ៉ាងខ្លាំង ឆ្ពោះដល់ទីព្រ័ត្រមុនគេប្រើពេល ៤ ម៉ោង ៣៣ នាទី ៤៣ វិនាទី តាមពីក្រោយដោយ Enric Mas ក្នុងថេរវេលាដូចគ្នា។ចំណែកកីឡាករអ៊ីតាលី Diego Ulissi មកពីក្រុម XDS Astana Team បានបញ្ចប់ក្នុងចំណាត់ថ្នាក់លេខ៣ តាមពីក្រោយ ១១ វិនាទីក្រោយ ១១ ដំណាក់កាលនេះក្នុងតារាងពិន្ទុរួម មិនមានការផ្លាស់ប្តូរទេ ដោយកីឡាករព័រទុយហ្គាល់ Afonso Eulálio នៅតែនាំមុខគេ ដោយមានគម្លាត ២៧ វិនាទីពីកីឡាករដាណឺម៉ាក Jonas Vingegaard៕ អត្ថបទ៖នាង សុភាវុធ

ព្រះខ័នរាជស្វាយរៀង បន្ថែមកំណត់ត្រាឡើងវគ្គផ្ដាច់ព្រ័ត្រ ជាលើកទី១១ ក្នុង​ការ​ប្រកួត​ពាន​រង្វាន់​សម្ដេច​អគ្គមហាសេនាបតីតេជោ ហ៊ុន សែន

2026/05/21 04:46:31 pm        225
Facebook Telegram Linkin
ក្លិបព្រះខ័នរាជស្វាយរៀង បានបន្ថែមកំណត់ត្រាឡើងវគ្គផ្ដាច់ព្រ័ត្រ ជាលើកទី១១ បន្ទាប់​ពី​យក​ឈ្នះ​ក្រុ​​មបឹង​កេត ដោយលទ្ធផល ៣-២ ក្នុងវគ្គពាក់កណ្ដាលផ្ដាច់ព្រ័ត្រ-ជើងទី២ ក្នុង​ការ​ប្រកួត​ពាន​រង្វាន់​សម្ដេច​អគ្គមហាសេនាបតីតេជោ ហ៊ុន សែន លើកទី១៩ ឆ្នាំ២០២៥/២៦ (ថ្នាក់ជាតិ) កាល​ពី​រាត្រី​ថ្ងៃពុធកន្លងទៅ នៅពហុកីឡដ្ឋានជាតិមរកតេជោ។ជាមួយជ័យជម្នះក្នុងជំនួបដ៏តានតឹងនេះ លោក McConkey ​Matthew ​គ្រូ​បង្វឹក​ព្រះខ័ន​រាជ​ស្វាយរៀ​ងថា មា​នរឿងត្រាមាជាច្រើន បានកើតឡើងក្នុងការប្រកួត តែក្រុម​ទាំង​ពីរ​ពិត​ជា​ធ្វើ​បាន​ល្អ។​ លោកទទួលស្គាល់ពីការប្រកួតដ៏មមាញឹករបស់ក្រុម រួមទាំងការប្រើពេល ១២០នាទី ដើម្បី​យក​ឈ្នះ​បឹង​កេត​ទៀត គឺគ្មានផលចំណេញសម្រាប់ក្រុម ក្នុងដំណើរឆ្ពោះទៅវគ្គផ្ដាច់ព្រ័ត្រឡើយ។ ប៉ុន្ដែ​ទោះបីនឿយហត់ប៉ុនណា វគ្គផ្ដាច់ព្រ័ត្រនៅតែសំខាន់ តែក្រុមត្រូវត្រៀមខ្លួនឲ្យបានខ្លាំង ដើម្បី​ប្រជែង​ជើង​ឯកជាមួយវិសាខា ដែលជាក្រុមមានគ្រូបង្វឹកល្អនាចុងសប្ដាហ៍នេះ។ ដោយឡែកលោក Conor Nestor គ្រូបង្វឹកបឹងកេត បានសម្ដែងការសោកស្ដាយ សម្រាប់​ការ​ធ្វើ​មិន​បាន​ល្អ​នៅវគ្គទី២ និងម៉ោងបន្ថែម ១៥នាទី ២ដង បន្ទាប់ពីក្រុមចាប់ផ្ដើមបានល្អនៅវគ្គទី១ ដែល​ធ្វើ​ឲ្យ​ព្រះខ័នរាជស្វាយរៀង មានឱកាសយកឈ្នះ និងឡើងវគ្គផ្ដាច់ព្រ័ត្រ ។ ទោះត្រូវធ្លាក់​ត្រឹម​វគ្គ​ពាក់​កណ្ដាលផ្ដាច់ព្រ័ត្របែបនេះក្ដី តែលោកហាក់មិនទោមនស្សឡើយ ផ្ទុយទៅ​វិញ​លោក​ថែម​ទាំង​បាន​ផ្ដល់​ក្រេឌីត​ដល់​កូន​ក្រុម​ខ្លួន សម្រាប់​ការ​ប្រកួត​ជា​មួយ​ក្រុម​ខ្លាំង​កម្រិត​ទ្វីប​អាស៊ី​ផង​ដែរ​។ សូមរំឮកថា ក្រោយប្រកួតស្មើគ្នា ១-១ ក្នុងជើងទី១ នៅពហុកីឡដ្ឋានជាតិ(អូឡាំពិក) កាល​ពី​ចុង​ខែ​មេសា ក្រុមខ្លាំងទាំងពីរ បានបន្ដបើកការវាយសម្រុកគ្នាពេញ ៩០នាទី ជាមួយ​លទ្ធផល​ស្មើ​គ្នា ​១-១ ទៀត ក្នុងជំនួបវគ្គពាក់កណ្ដាលផ្ដាច់ព្រ័ត្រ ជើងទី២ នៅពហុកីឡដ្ឋានជាតិមរតកតេជោ ដោយ​កីឡាករ Major Bevan រកបានគ្រាប់នាំមុខឲ្យបឹងកេត មុន នៅនាទី២០ មុនព្រះខ័ន​រាជ​ស្វាយរៀ​ង រកបានគ្រាប់តាមស្មើ ដោយកីឡាករ Takashi Odawara នៅនាទី៥០ ហើយ​លទ្ធ​ផល​​នេះ​ បានរក្សាដល់ចប់ម៉ោងធម្មតា និងឈានដល់ម៉ោងបន្ថែម ១៥នាទី ២ដង។ បន្ទាប់​មក​កីឡាករ Patrick Robson ក៏បាន ២គ្រាប់ម្នាក់ទៀត នៅនាទី៩៩ និងនាទី១០៩ ជួយ​ឲ្យ​ព្រះខ័នរា​ជស្វាយរៀង នាំមុខបឹងកេត ៣-១ វិញ មុនកីឡាករ Bento វាយបកបានគ្រាប់ទី២ ឲ្យ​បឹង​កេត​ នៅនាទី១១៦ តែមិនអាចបង្អាក់ដំណើរឡើងវគ្គផ្ដាច់ព្រ័ត្រព្រះខ័នរាជបានឡើយ ក្រោយ​អាជ្ញា​កណ្ដាល​ផ្លុំ​កញ្ចែប​ញ្ចប់​ការប្រកួត ១២០នាទីពេញ ព្រះខ័នរាជស្វាយរៀង បានយក​ឈ្នះ​បឹងកេត​ ៣-២។ សម្រាប់វគ្គផ្ដាច់ព្រ័ត្រ ព្រះខ័នរាជស្វាយរៀង នឹងត្រូវជួបក្រុមវិសាខា ដែលបាន​យក​ឈ្នះ​ក្រុម ​ISI​ ដង្កោ​​សែនជ័យ ក្នុងវគ្គពាក់កណ្ដាលផ្ដាច់ព្រ័ត្រ ដោយលទ្ធផល ៧-១ នាថ្ងៃទី២៤ ខែឧសភា ឆ្នាំ​២​០២៦ ចុងសប្ដាហ៍នេះ នៅពហុកីឡដ្ឋានជាតិមរតកតេជោ៕ អត្ថបទ លី ឈុនឡា 

រឿងកាន់តែធំ! Southampton ត្រូវដកចេញពីវគ្គ Play-Off ពាក់ព័ន្ធ​រឿង​ស៊ើប​ការ​ហ្វឹក​ហាត់​របស់​គូប្រកួត

2026/05/20 11:54:24 pm        272
Facebook Telegram Linkin
ក្លិបបាល់ទាត់ Southampton ត្រូវបានដកចេញពីការប្រកួតវគ្គ Play-off នៃក្របខណ្ឌ League Championship បន្ទាប់ពីក្លិបនេះបានទទួលស្គាល់ថា បានលួចថត និង​ស៊ើប​ការណ៍​លើ​ការ​ហ្វឹក​ហាត់​របស់​ក្លិបគូប្រជែងចំនួន 3 ក្រុមអំឡុងរដូវកាល។ក្រោយការ​សម្រេចរបស់គណៈកម្មការវិន័យឯករាជ្យក្រុម Middlesbrough ដែលចាញ់ Southampton ក្នុងវគ្គពាក់កណ្តាលផ្តាច់ព្រ័ត្រ Play-off ត្រូវបានដាក់ឱ្យវិលត្រឡប់មកវិញ ហើយ​នឹង​ត្រូវជួប Hull City នៅវគ្គផ្តាច់ព្រ័ត្រដើម្បីប្រជែងកៅអីឡើងទៅកាន់ក្របខណ្ឌ Premier League រដូវកាលក្រោយ។សហព័ន្ធ​បាល់ទាត់អង់គ្លេស EFL បានចោទប្រកាន់ Southampton ថាបានលួច​សង្កេត​ការ​ហ្វឹក​ហាត់​របស់ Oxford United និង Ipswich Town ព្រមទាំងថតវីដេអូក្រុម Middlesbrough មុន​ការ​ប្រកួត​ជើងទីមួយនៃវគ្គ Play-off កាលពីថ្ងៃទី៧ ខែឧសភា។ក្រៅពីការ​ដក​ចេញពី Play-off ក្លិប Southampton ក៏ត្រូវបានពិន័យដក ៤ ពិន្ទុសម្រាប់​រដូវកាល​ក្រោយ​ផង​ដែរ។ EFL បានបញ្ជាក់ថា Southampton បានទទួលស្គាល់ពី “ការបំពាន​ជា​ច្រើន​លើ​បទ​ប្បញ្ញត្តិ​របស់ EFL ពាក់ព័ន្ធនឹងការ​ថត​សកម្មភាព​ហ្វឹក​ហាត់​របស់​ក្លិប​ផ្សេង​ដោយ​គ្មាន​ការ​អនុញ្ញាត”​។ការដកចេញនេះមានន័យថា Southampton នឹងខកខានការប្រកួតវគ្គផ្តាច់ព្រ័ត្រ Play-off ដែល​ត្រូវ​បាន​គេហៅថា “ការប្រកួតមានតម្លៃថ្លៃបំផុតក្នុងពិភពបាល់ទាត់” ព្រោះក្រុមឈ្នះ​នឹង​ទទួល​បាន​ចំណូល​យ៉ាង​ហោចណាស់ ១១០ លានផោនពីសិទ្ធិផ្សាយរបស់ Premier League។ទោះ​ជា​យ៉ាងណា វគ្គផ្តាច់ព្រ័ត្រ Play-off នឹងនៅតែធ្វើឡើងនៅកីឡដ្ឋាន Wembley Stadium នៅថ្ងៃសៅរ៍នេះ ខណៈម៉ោងចាប់ផ្តើមប្រកួតនឹងត្រូវប្រកាសនៅពេលក្រោយ។យ៉ាងណា​ក្តី​ប្រភពព័ត៌មានផ្សេងៗបានចុះផ្សាយថា Southampton គ្រោងដាក់ពាក្យ​ប្តឹង​ឧទ្ធរណ៍​នៅ​ថ្ងៃ​នេះ ដោយអះអាងថា ទណ្ឌកម្មដែលបានដាក់លើក្លិបគឺ ធ្ងន់ធ្ងរហួសប្រមាណ៕ អត្ថបទ៖នាង សុភាវុធ

សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ឧបត្ថម្ភថវិកា ២០លានរៀល ជូនកីឡាករ អ៊ួច ធារិទ្ធ

2026/05/20 11:12:22 pm        400
Facebook Telegram Linkin
ក្នុងមនោសញ្ចេតនាអាណិតស្រឡាញ់ដ៏ជ្រាលជ្រៅ សម្តេចតេជោ ហ៊ុន សែន និង សម្តេច​កិត្តិ​ព្រឹទ្ធ​បណ្ឌិត​ ប៊ុន រ៉ានី ហ៊ុនសែន បានឧបត្ថម្ភថវិកាចំនួន ២០,០០០,០០០រៀល ជូន​ដល់​កីឡាករ​គុន​ខ្មែរ​ អ៊ួច ធារិទ្ធ ដែលកំពុងសម្រាកព្យាបាលរបួសវះកាត់ឈាមកកក្នុងខួរក្បាល នៅ​មន្ទីរ​ពេទ្យ​មិត្ត​ភាព​កម្ពុជា​-ចិន ព្រះកុសុមៈ។ ថវិកាឧបត្ថម្ភ និងបណ្តាំផ្ដាំផ្ញើសួរសុខទុក្ខរបស់សម្តេចទាំងទ្វេ ត្រូវបានពាំនាំ​ទៅ​ប្រគល់​ជូន​កីឡាករ​ផ្ទាល់​ នាវរសៀលថ្ងៃទី២០ ខែឧសភា ឆ្នាំ២០២៦ នេះ តាមរយៈ ឯកឧត្តម ខូវ ឆាយ ប្រធាន​សហព័ន្ធកីឡាប្រដាល់គុនខ្មែរ និងលោកស្រី សេង ម៉ូលីនី។ កីឡាករ អ៊ួច ធារិទ្ធ និងក្រុមគ្រួសារ បានគោរពថ្លែងអំណរគុណយ៉ាងជ្រាលជ្រៅបំផុត រក​អ្វី​ប្រៀប​ផ្ទឹម​ពុំ​បាន​ចំពោះទឹកចិត្តសប្បុរសធម៌របស់សម្តេចពុក និងសម្តេចម៉ែ ព្រមទាំង​បាន​ដឹង​គុណ​យ៉ាង​ជ្រាល​ជ្រៅ និ​ងបួងសួងសូមឱ្យសម្តេចទាំងទ្វេមានសុខភាពល្អបរិបូរណ៍៕

Aston Villa និង Freiburg ត្រៀមខ្លួនរួចរាល់សម្រាប់ជំនួបវគ្គផ្តាច់ព្រ័ត្រ Europa League រាត្រីនេះ

2026/05/20 11:03:56 pm        296
Facebook Telegram Linkin
ក្លិបបាល់ទាត់អង់គ្លេស Aston Villa និង SC Freiburg របស់អាល្លឺម៉ង់ បានបញ្ចប់ការហ្វឹកហាត់ចុងក្រោយកាលពីថ្ងៃអង្គារ មុនការប្រកួតវគ្គផ្តាច់ព្រ័ត្រក្របខណ្ឌក្លិបកំពូលអឺរ៉ុបទីពីរ UEFA Europa League រាត្រីនេះ។គ្រូបង្វឹក Aston Villa លោក Unai Emery បានលើកឡើងថា ការប្រកួតនេះនឹងមានភាពលំបាកខ្លាំង ហើយលោកមិនគិតអំពីភាពជោគជ័យកន្លងមករបស់ខ្លួននៅក្នុងពាននេះទេ ប៉ុន្តែផ្តោតលើអ្វីដែលអាចធ្វើបានជាមួយក្រុមបច្ចុប្បន្ន។លោក Emery គឺជាគ្រូបង្វឹកដែលឈ្នះពាន Europa League ច្រើនជាងគេ ដោយធ្លាប់ឈ្នះម្តងជាមួយ Villarreal CF និងបីដងជាមួយ Sevilla។ចំណែកគ្រូបង្វឹក Freiburg លោក Julian Schuster បាននិយាយថា លោកមិនមានអារម្មណ៍ភ័យខ្លាចឡើយ ព្រោះលោកជឿជាក់លើក្រុមរបស់ខ្លួន ហើយកីឡាករទាំងអស់មានការសហការគ្នាល្អ ដោយសារបានធ្វើការជាមួយគ្នាជាច្រើនឆ្នាំ។Freiburg កំពុងសម្លឹងរកពានធំលើកដំបូងក្នុងប្រវត្តិសាស្ត្រក្លិប ខណៈពួកគេនឹងត្រូវជួប Aston Villa នៅទីក្រុង Istanbul យប់ថ្ងៃពុធនេះ។សម្រាប់ Aston Villa វិញ ក្រុមរបស់លោក Emery កំពុងស្វែងរកពានរង្វាន់ដំបូងក្នុងរយៈពេល ៣០ ឆ្នាំ ខណៈជោគជ័យចុងក្រោយនៅអឺរ៉ុបរបស់ក្លិបកើតឡើងកាលពី ៤៤ ឆ្នាំមុន នៅពេល Villa ឈ្នះពាន European Cup ឆ្នាំ ១៩៨២ ខណៈពានចុងក្រោយដែលក្លិបឈ្នះគឺ EFL Cup ឆ្នាំ ១៩៩៦៕ អត្ថបទ៖នាង សុភាវុធ

Manchester City ត្រៀមតែងតាំង Enzo Maresca ជំនួសតំណែង Pep Guardiola ដែលនឹងចាកចេញ

2026/05/20 09:37:28 pm        467
Facebook Telegram Linkin
ក្លិបបាល់ទាត់ Manchester City ត្រៀមតែងតាំងលោក Enzo Maresca ជាគ្រូបង្វឹកថ្មី ដើម្បីជំនួសលោក Pep Guardiola មុនការចាប់ផ្តើមរដូវកាលក្រោយ។យោងតាមសេចក្តីរាយការណ៍របស់ BBC កាលពីថ្ងៃចន្ទ លោក Guardiola ត្រូវបានគេរំពឹងថានឹងចាកចេញពីក្លិប បន្ទាប់ពីការប្រកួតចុងក្រោយនៃរដូវកាលទល់នឹង Aston Villa នៅកីឡដ្ឋាន Etihad Stadium នៅថ្ងៃអាទិត្យនេះ។ក្នុងចំណោមបេក្ខភាពជាច្រើន លោក Maresca ត្រូវបានកំណត់ថាជាជម្រើសឈានមុខគេសម្រាប់តំណែងគ្រូបង្វឹកថ្មីរបស់ក្រុមមេឃខៀវ។ ប្រភពបានបញ្ជាក់ថា ការចរចារវាងភាគីទាំងពីរកំពុងដំណើរការទៅមុខយ៉ាងល្អ ហើយអាចមានការប្រកាសជាផ្លូវការនាពេលឆាប់ៗខាងមុខ។លោក Maresca វ័យ ៤៦ ឆ្នាំ ធ្លាប់ដឹកនាំ Chelsea ឈ្នះពាន Club World Cup និង UEFA Conference League ព្រមទាំងជួយក្រុមបញ្ចប់ក្នុងតំបន់កៅអី Champions League។កាលពីមុន លោកក៏ធ្លាប់ធ្វើការជាជំនួយការរបស់ Guardiola នៅ Manchester City ក្នុងរដូវកាលប្រវត្តិសាស្ត្រ ២០២២-២៣ ដែលក្លិបឈ្នះពានបីក្នុងមួយរដូវកាល ហើយក៏មានតួនាទីសំខាន់ក្នុងការអភិវឌ្ឍថ្នាលយុវជនរបស់ក្លិបផងដែរ។ក្រោយចាកចេញពី City ក្នុងឆ្នាំ ២០២៣ លោកបានទៅដឹកនាំ Leicester City និងជួយក្រុមឡើងមកកាន់ Premier League វិញបានភ្លាមៗក្នុងរដូវកាលដំបូង៕ អត្ថបទ៖នាង សុភាវុធ

អ្នកគាំទ្រប្រេស៊ីលហាក់មិនរំភើបពេកទេ ចំពោះការកោះហៅ Neymar ចូលរួមក្រុមសម្រាប់ World Cup

2026/05/20 08:29:13 pm        946
Facebook Telegram Linkin
ប្រជាជនប្រេស៊ីលនៅទីក្រុង Rio de Janeiro មិនបានបង្ហាញភាពរំភើបខ្លាំងនោះទេ ទាក់ទងនឹងការកោះហៅខ្សែប្រយុទ្ធ Neymar ចូលក្នុងក្រុមជម្រើសជាតិប្រេស៊ីលសម្រាប់ការប្រកួតបាល់ទាត់ពិភពលោក FIFA World Cup 2026 ខណៈក្រុមជើងឯកពិភពលោក ៥ សម័យមួយនេះ កំពុងស្វែងរកពានទី៦ ក្នុងប្រវត្តិសាស្ត្រ។គ្រូបង្វឹកថ្មី Carlo Ancelotti បានប្រកាសបញ្ជីកីឡាករកាលពីថ្ងៃចន្ទ ដោយដាក់ឈ្មោះ Neymar ចូលក្នុងក្រុម ដែលផ្តល់ឱកាសឱ្យតារាវ័យ ៣៤ ឆ្នាំរូបនេះ វិលត្រឡប់មកកាន់ឆាកបាល់ទាត់ពិភពលោកជាថ្មី បន្ទាប់ពីជួបបញ្ហារបួសជាបន្តបន្ទាប់ក្នុងរយៈពេលប៉ុន្មានឆ្នាំចុងក្រោយ។Neymar ដែលជាកីឡាករស៊ុតបញ្ចូលទីច្រើនបំផុតក្នុងប្រវត្តិសាស្ត្ររបស់ប្រេស៊ីលសរុប ៧៩ គ្រាប់ មិនបានបង្ហាញខ្លួនឱ្យជម្រើសជាតិតាំងពីឆ្នាំ ២០២៣ មក។ រូបគេបានខកខានការប្រកួតជម្រុះ World Cup ជាច្រើន ដោយសាររបួសអំឡុងពេលលេងឱ្យ Al Hilal។ក្រោយចាកចេញពីអារ៉ាប៊ីសាអូឌីត Neymar បានវិលត្រឡប់ទៅកាន់ក្លិបដើម Santos កាលពីឆ្នាំមុន ប៉ុន្តែទម្រង់លេងរបស់គេមិនសូវទទួលបានការចាប់អារម្មណ៍ឡើយ។សម្រាប់ការប្រកួត World Cup ឆ្នាំ ២០២៦ ប្រេស៊ីលនឹងបើកយុទ្ធនាការរបស់ពួកគេទល់នឹងម៉ារ៉ុកនៅថ្ងៃទី ១៣ ខែមិថុនា នៅរដ្ឋ New Jersey ក្នុងពូល C មុនពេលជួបហៃទី និង ស្កុតឡេន៕ អត្ថបទ៖នាង សុភាវុធ

ព័រទុយហ្កាល់ប្រកាសបញ្ជីឈ្មោះផ្លូវការខណៈ Ronaldo មានឈ្មោះនៅ World Cup ជា​ប្រវត្តិសាស្ត្រ ៦ ព្រឹត្តិការណ៍ជាប់គ្នា

2026/05/20 07:22:31 pm        144
Facebook Telegram Linkin
ខ្សែប្រយុទ្ធជើងចាស់ Cristiano Ronaldo ត្រូវបានជ្រើសរើសចូលក្នុងបញ្ជីកីឡាករជម្រើសជាតិព័រទុយហ្កាល់ សម្រាប់ព្រឹត្តិការណ៍បាល់ទាត់ពិភពលោក FIFA World Cup 2026 នៅរដូវក្តៅនេះ ដែលនឹងធ្វើឱ្យរូបគេក្លាយជាកីឡាករដំបូងម្នាក់បង្ហាញខ្លួននៅ World Cup ៦ ព្រឹត្តិការណ៍ជាប់គ្នា។តារាបាល់ទាត់វ័យ ៤១ ឆ្នាំរូបនេះ កាន់កាប់កំណត់ត្រាបង្ហាញខ្លួនច្រើនបំផុតក្នុងប្រវត្តិសាស្ត្របាល់ទាត់ជាមួយជម្រើសជាតិបុរសចំនួន ២២៦ ប្រកួត និងស៊ុតបញ្ចូលទីបាន ១៤៣ គ្រាប់។ មុននេះ Ronaldo គឺជាកីឡាករម្នាក់ក្នុងចំណោម ៦ នាក់ប៉ុណ្ណោះដែលធ្លាប់លេង World Cup ៥ លើក ដោយក្នុងនោះក៏មានគូប្រជែងចាស់ Lionel Messi ផងដែរ។Messi ក៏ត្រៀមចូលរួម World Cup លើកទី៦ ដូចគ្នា បន្ទាប់ពីជួយអាហ្សង់ទីនឈ្នះពាន World Cup នៅប្រទេសកាតា កាលពីឆ្នាំ ២០២២។បញ្ជីកីឡាកររបស់ព័រទុយហ្គាល់ក៏មានវត្តមានខ្សែបម្រើ Bruno Fernandes ផងដែរ ដែលកំពុងសម្លឹងរកការបំបែកកំណត់ត្រាប៉ះបញ្ជូនច្រើនបំផុតក្នុងមួយរដូវកាលនៅ Premier League ផងដែរជាមួយ Manchester United។ជាមួយគ្នានេះក៏មានវត្តមានកីឡាករ ៤ រូបពី Paris Saint-Germain រួមមាន Vitinha, Joao Neves, Nuno Mendes និង Goncalo Ramos ក៏ត្រៀមចូលលេងវគ្គផ្តាច់ព្រ័ត្រ UEFA Champions League ទល់នឹង Arsenal នៅថ្ងៃទី ៣០ ខែឧសភាផងដែរ។មុនបើកយុទ្ធនាការ World Cup ព័រទុយហ្គាល់នឹងមានការប្រកួតមិត្តភាពជាមួយស៊ីលី និង នីហ្សេរីយ៉ា មុនជួបសាធារណរដ្ឋកុងហ្គោ ក្នុងការប្រកួតបើកឆាកពូល K នៅទីក្រុង Houston ថ្ងៃទី ១៧ ខែមិថុនា។ក្រោយមក ពួកគេនឹងបន្តជួបជាមួយអ៊ូសប៊ែគីស្ថាននៅ Houston ម្តងទៀតមុនបញ្ចប់វគ្គចែក​ពូលជាមួយកូឡុំប៊ីនៅទីក្រុង Miami៕ អត្ថបទ៖នាង សុភាវុធ

ការទន្ទឹងរង់ចាំ ២២ឆ្នាំបានបញ្ចប់ Arsenal គ្រងជើងឯក Premier League ក្រោយ Man City ស្មើនៅផ្ទះ Bournemouth

2026/05/20 07:11:58 pm        1010
Facebook Telegram Linkin
ក្លិបបាល់ទាត់កាំភ្លើងធ Arsenal បានបញ្ចប់ការទន្ទឹងរង់ចាំអស់រយៈពេល ២២ ឆ្នាំ ដើម្បីក្លាយជាជើងឯកក្របខណ្ឌ Premier League បន្ទាប់ពីក្រុមលេខ២ Manchester City ប្រកួតស្មើ ១-១ នៅទឹកដី AFC Bournemouth។ក្រុមដឹកនាំដោយលោក Mikel Arteta បានឈរនៅកំពូលតារាងស្ទើរតែពេញមួយរដូវកាល ហើយបច្ចុប្បន្នមាន ៤ ពិន្ទុនាំមុខ ខណៈនៅសល់តែ ១ ប្រកួតទៀតចប់រដូវកាល។ ការប្រកួតចុងក្រោយទល់នឹង Crystal Palace នៅថ្ងៃអាទិត្យ ទី ២៤ ខែឧសភា នឹងក្លាយជាការប្រកួតអបអរសាទរពានជើងឯកជាផ្លូវការសម្រាប់ Arsenal។ក្រោយសំឡេងកញ្ចែបញ្ចប់ការប្រកួតរវាង Manchester City និង Bournemouth អ្នកគាំទ្រ Arsenal រាប់ពាន់នាក់បានចេញមកអបអរសាទរនៅតាមហាងកាហ្វេ បារ និងតំបន់ជុំវិញកីឡដ្ឋាន Emirates ដោយបង្កើតបរិយាកាសអ៊ូអរពេញទីក្រុងឡុងដ៍។លោក Arteta វ័យ ៤៤ ឆ្នាំ ក៏បានក្លាយជាគ្រូបង្វឹកវ័យក្មេងបំផុតដែលអាចនាំ Arsenal ឈ្នះជើងឯកលីគកំពូលអង់គ្លេស។ មុនការប្រកួត លោកបាននិយាយថា លោកនឹងក្លាយជា អ្នកគាំទ្រ Bournemouth ស្មោះស្ម័គ្របំផុត រយៈពេលពីរម៉ោង។នេះគឺជាពានលីគកំពូលលើកដំបូងរបស់ Arsenal ចាប់តាំងពីឈ្នះចុងក្រោយនៅរដូវកាល ២០០៣-០៤ ក្រោមការដឹកនាំរបស់លោក Arsène Wenger ដែលក្រុមបានបញ្ចប់រដូវកាលដោយមិនស្គាល់ពាក្យថាចាញ់។ វាក៏ជាពានធំលើកដំបូងរបស់ក្លិប ចាប់តាំងពីឈ្នះ FA Cup ឆ្នាំ ២០២០ ក្នុងរដូវកាលដំបូងរបស់ Arteta ផងដែរ។ជោគជ័យរបស់ Arsenal អាចនឹងកាន់តែអស្ចារ្យ បើពួកគេអាចយកឈ្នះ Paris Saint-Germain ក្នុងវគ្គផ្តាច់ព្រ័ត្រ UEFA Champions League នៅទីក្រុង Budapest ថ្ងៃទី ៣០ ខែឧសភា ដើម្បីគ្រងជើងឯក Champions League ជាលើកដំបូងក្នុងប្រវត្តិសាស្ត្រក្លិប៕ អត្ថបទ៖នាង សុភាវុធ

Dani Carvajal នឹងចាកចេញពី Real Madrid ក្រោយចំណាយពេល ២៣ ឆ្នាំ

2026/05/19 06:46:35 pm        130
Facebook Telegram Linkin
ប្រធានក្រុម Real Madrid, Dani Carvajal នឹងចាកចេញពីក្លិបនៅចុងរដូវកាលនេះ បន្ទាប់ពីចំណាយពេលជាមួយក្លិបយក្សអេស្ប៉ាញមួយនេះអស់រយៈពេល ២៣ឆ្នាំ ក្នុងពីរដំណាក់កាលផ្សេងគ្នា។ខ្សែការពារស្តាំវ័យ ៣៤ឆ្នាំរូបនេះ បានបង្ហាញខ្លួនឱ្យ Real Madrid សរុប ៤៥០ប្រកួត និងរកបាន ១៤គ្រាប់ ខណៈកិច្ចសន្យាបច្ចុប្បន្នរបស់គេនឹងផុតកំណត់នៅចុងខែមិថុនា ខាងមុខ។Carvajal ដែលមានដើមកំណើតនៅទីក្រុង Madrid ត្រូវបានចាត់ទុកជាវីរបុរសរបស់ក្លិប និងជាកីឡាករម្នាក់ដែលមានពានរង្វាន់ច្រើនបំផុតក្នុងប្រវត្តិសាស្ត្របាល់ទាត់ ដោយឈ្នះពានសរុបដល់ទៅ ២៧ពានជាមួយ Real Madrid។Carvajal បានចូលរួមជាមួយថ្នាលយុវជនរបស់ Real Madrid តាំងពីឆ្នាំ២០០២ មុនបង្ហាញខ្លួនឱ្យក្រុមធំក្នុងឆ្នាំ២០១៣ បន្ទាប់ពីចំណាយពេលមួយរដូវកាលជាមួយ Bayer Leverkusen ដែលធ្វើឱ្យ Real Madrid ប្រើលក្ខខណ្ឌទិញត្រឡប់វិញ ដើម្បីនាំយករូបគេមកកាន់ Santiago Bernabeu ម្តងទៀត។ក្នុងអាជីពជាមួយ Real Madrid ខ្សែការពាររូបនេះ បានឈ្នះពាន UEFA Champions League ដល់ទៅ ៦លើក ដែលធ្វើឱ្យគេក្លាយជាកីឡាករម្នាក់ក្នុងចំណោមកីឡាករតែ ៥នាក់ប៉ុណ្ណោះ ដែលអាចសម្រេចបានកំណត់ត្រានេះ ហើយគេក៏ជាកីឡាករតែម្នាក់គត់ ដែលបានចាប់ផ្តើមលេងជាជម្រើសដំបូងក្នុងវគ្គផ្តាច់ព្រ័ត្រទាំង៦លើកដែលសុទ្ធតែឈ្នះ។ក្រៅពីនេះ Carvajal ក៏បានជួយ Real Madrid ឈ្នះពាន La Liga ៤លើក និងពាន Copa del Rey ២លើក ព្រមទាំងឈ្នះពាន Club World Cup ៦លើក, UEFA Super Cup ៥លើក និង Spanish Super Cup ៤លើក។នៅកម្រិតជម្រើសជាតិ Carvajal គឺជាកីឡាករសំខាន់របស់ក្រុមជម្រើសជាតិអេស្ប៉ាញចាប់តាំងពីឆ្នាំ២០១៤ ដោយបង្ហាញខ្លួនបាន ៥១ប្រកួត និងជួយអេស្ប៉ាញឈ្នះពាន UEFA Nations League ឆ្នាំ២០២៣ និងពានជើងឯកទ្វីបអឺរ៉ុបនៅឆ្នាំ ២០២៤៕ អត្ថបទ៖នាង សុភាវុធ  

បណ្ដាញសង្គម

ព័ត៌មានថ្មីៗ

គណបក្សប្រជាជនកម្ពុជាខេត្តកំពង់ស្ពឺ ប្រជុំបូកសរុបលទ្ធផលការងារខែកក្កដា ឆ្នាំ២០២៦ និងលើកទិសដៅភារកិច្ចខែបន្ទាប់
07/25/2026 05:07 PM
Facebook Telegram Linkin
ក្រសួងអប់រំ ផ្ដល់ឱកាសឱ្យសិស្សធ្វើទស្សនកិច្ចសិក្សានៅសិង្ហបុរី តាមរយៈកម្មវិធី ME-NISTER
07/25/2026 05:07 PM
Facebook Telegram Linkin
ការ​លាលែងពីតំណែងរបស់​រដ្ឋមន្ត្រីអប់រំឥណ្ឌា គឺ​ជាជ័យជម្នះដ៏ធំ សម្រាប់ក្រុមបាតុករយុវជន
07/25/2026 05:07 PM
Facebook Telegram Linkin
លោក Trump រិះគន់ព័ត៌មានក្លែងក្លាយ និងបង្កឱ្យមានភាពចម្រូងចម្រាស ជុំវិញការបោះឆ្នោតឆ្នាំ២០២៨
07/25/2026 05:07 PM
Facebook Telegram Linkin
មនុស្សយ៉ាង​តិច ៥នាក់ស្លាប់ ក្នុងហេតុការណ៍​បាក់ដី នៅភាគខាងជើងចិន
07/25/2026 05:07 PM
Facebook Telegram Linkin
ម៉ិកស៊ិកនឹងមិន​តប​ត​ពន្ធរបស់លោក Trump ទេ ខណៈ​​ការនាំចេញត្រូវបានការពារដោយ​កិច្ចព្រមព្រៀងពាណិជ្ជកម្ម
07/25/2026 05:07 PM
Facebook Telegram Linkin
កម្មវិធីប្រកួតប្រជែងនិយាយជាសាធារណៈសម្រាប់និស្សិតសាកលវិទ្យាល័យរបស់អង្គភាពអ្នកនាំពាក្យ​រាជរដ្ឋាភិបាល រកឃើញអ្នកទទួលបានជ័យលាភីហើយ
07/25/2026 05:07 PM
Facebook Telegram Linkin
ចិនតវ៉ាប្រឆាំងនឹងទណ្ឌកម្មរបស់សហភាពអឺរ៉ុប លើក្រុមហ៊ុនចិន ពាក់ព័ន្ធនឹង​បញ្ហា​រុស្ស៊ី
07/25/2026 05:07 PM
Facebook Telegram Linkin
មនុស្សជាង ១៦០.០០០នាក់ រត់គេចពីចំហេះព្រៃ នៅប្រទេសបារាំង និងអេស្ប៉ាញ
07/25/2026 05:07 PM
Facebook Telegram Linkin
ប្រទេសចិនជម្លៀសមនុស្សជាង ២០.០០០នាក់ ខណៈព្យុះទីហ្វុង Noul បក់បោក​ជិត​ដល់
07/25/2026 03:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.