នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជាភ្លាត់ចាញ់សិង្ហបុរីនៅនាទីទីចុងក្រោយ ក្នុងជំនួបបើកឆាកពានរង្វាន់បាល់​ទាត់តំបន់​អាស៊ី​អាគ្នេយ៍ ​(ASEAN Hyundai Cup 2026)
វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត
Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន
មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ

ព័ត៌មានកីឡា

Elverberg ក្លាយជាក្លិបបាល់ទាត់តូចបំផុតមួយដែលនឹងបង្ហាញខ្លួននៅ Bundesliga រដូវកាលក្រោយ

2026/05/19 06:06:04 pm        123
Facebook Telegram Linkin
SV Elversberg នឹងក្លាយជាក្លិបតូចបំផុតមួយដែលនឹងឡើងទៅលេងនៅក្របខណ្ឌកំពូលអាល្លឺម៉ង់ Bundesliga បន្ទាប់ពីយកឈ្នះ Preussen Munster ក្នុងលទ្ធផល ៣-០ និងធានាការឡើងទៅកាន់លីគកំពូលបានសម្រេច។ក្នុងការប្រកួតកាលពីថ្ងៃអាទិត្យ Bambase Conte និង David Mokwa បានស៊ុតបញ្ចូលទីម្នាក់មួយគ្រាប់ក្នុងរយៈពេល ១៥នាទីដំបូងធ្វើឲ្យ Elversberg គ្រប់គ្រងការប្រកួតបានល្អ មុនពេល Mokwa រកបានគ្រាប់ទីពីររបស់ខ្លួននៅពាក់កណ្ដាលវគ្គទី២ ដើម្បីធានាចំណាត់ថ្នាក់លេខ២ នៅលីគទីពីរអាល្លឺម៉ង់ និងឡើងទៅ Bundesliga។ទីក្រុង Spiesen-Elversberg ដែលមានប្រជាជនប្រមាណត្រឹម ១៣,០០០នាក់ នឹងក្លាយជាទីក្រុងតូចបំផុតមួយ ដែលមានក្លិបតំណាងលេងនៅ Bundesliga។បន្ទាប់ពីបញ្ចប់ការប្រកួត អ្នកគាំទ្ររាប់ពាន់នាក់បានសម្រុកចូលទីលាន Waldstadion an der Kaiserlinde ដែលផ្ទុកអ្នកទស្សនាបានប្រមាណ ១០,០០០នាក់ ដើម្បីអបអរសាទរការឡើងលេងលីគកំពូលដ៏អស្ចារ្យសម្រាប់ Elversberg ដែលជាការហក់ឡើងបីកម្រិតលីគក្នុងរយៈពេលប្រាំឆ្នាំចុងក្រោយ។កាលពីរដូវកាលមុន Elversberg ក៏ធ្លាប់ខិតជិតការឡើង Bundesliga ដែរ ប៉ុន្តែបានចាញ់ FC Heidenheim ដោយលទ្ធផលសរុប ៤-៣ ក្នុងវគ្គ Play-off។ក្លិប Elversberg ត្រូវបានបង្កើតឡើងនៅឆ្នាំ១៩០៧ និងមានមូលដ្ឋាននៅរដ្ឋតូច Saarland ភាគនិរតីប្រទេសអាល្លឺម៉ង់។ កាលពីរដូវកាល ២០២១-២០២២ ពួកគេនៅលេងក្នុងលីគទីបួនប៉ុណ្ណោះ។បច្ចុប្បន្ន កីឡដ្ឋានរបស់ក្លិបកំពុងត្រូវបានកែលម្អ ដើម្បីបំពេញតាមស្តង់ដាររបស់ Bundesliga ដោយគ្រោងបង្កើនសមត្ថភាពផ្ទុកអ្នកទស្សនាពី ១០,០០០ ទៅ ១៥,០០០នាក់ នៅត្រឹមនិទាឃរដូវឆ្នាំ ២០២៧។ក្រៅពី Elversberg ក្លិប Schalke 04 ក៏នឹងឡើងទៅលេងនៅ Bundesliga រដូវកាលក្រោយផងដែរ បន្ទាប់ពីឈ្នះជើងឯកលីគទី២អាល្លឺម៉ង់ និងវិលត្រឡប់ទៅកាន់លីគកំពូលវិញ ក្រោយអវត្តមានអស់រយៈពេល ៣ឆ្នាំ៕ អត្ថបទ៖នាង សុភាវុធ

ទីបំផុត Neymar ត្រូវកោះហៅចូលក្នុងក្រុមជម្រើសជាតិប្រេស៊ីលសម្រាប់ World Cup

2026/05/19 05:40:59 pm        1025
Facebook Telegram Linkin
ទីបផុត Neymar ត្រូវបានដាក់បញ្ចូលក្នុងបញ្ជីកីឡាករជម្រើសជាតិប្រេស៊ីលហើយ សម្រាប់ការប្រកួត FIFA World Cup ខែក្រោយ នេះបើយោងតាមការប្រកាសរបស់គ្រូបង្វឹក Carlo Ancelotti កាលពីថ្ងៃចន្ទ ដែលផ្តល់ឱកាសឱ្យខ្សែប្រយុទ្ធរូបនេះវិលត្រឡប់ទៅកាន់ឆាកបាល់ទាត់ដ៏ធំបំផុតរបស់ពិភពលោកវិញ បន្ទាប់ពីជួបបញ្ហារបួសជាបន្តបន្ទាប់។ខ្សែប្រយុទ្ធវ័យ ៣៤ឆ្នាំ ដែលជាអ្នករកគ្រាប់បាល់បានច្រើនបំផុតក្នុងប្រវត្តិសាស្ត្រក្រុមជម្រើសជាតិប្រេស៊ីល បានអវត្តមានយូរមកហើយ ដោយសាររបួសជាច្រើន ដែលធ្វើឱ្យគេខកខានការប្រកួតជម្រុះ World Cup ភាគច្រើន ខណៈប្រេស៊ីលកំពុងស្វែងរកការឈ្នះជើងឯកពិភពលោកលើកទី៦ ក្នុងប្រវត្តិសាស្ត្រ។ក្នុងពិធីប្រកាសបញ្ជីកីឡាករ ដែលរៀបចំឡើងនៅសារមន្ទីរ Museum of Tomorrow ក្នុងទីក្រុង Rio de Janeiro ដោយមានអ្នកសារព័ត៌មានជាច្រើនចូលរួម ព្រមទាំងការសម្តែងតន្ត្រី និងវត្តមានភ្ញៀវល្បីៗ ភ្នែកទាំងអស់បានផ្តោតទៅលើការសម្រេចចិត្តរបស់ Ancelotti ថាតើលោកនឹងកោះហៅ Neymar ឬអត់។គ្រូបង្វឹកសញ្ជាតិអ៊ីតាលីវ័យ ៦៦ឆ្នាំ ដែលបានចូលកាន់តំណែងដឹកនាំប្រេស៊ីលកាលពីឆ្នាំមុន មិនធ្លាប់កោះហៅអតីតកីឡាកររបស់ FC Barcelona និង Paris Saint-Germain F.C. រូបនេះពីមុនឡើយ។ លោកធ្លាប់ប្រាប់ Reuters កាលពីដើមខែនេះថា ការជ្រើសរើស Neymar នឹងផ្អែកលើកាយសម្បទា និងទម្រង់លេង មិនមែនផ្អែកលើអារម្មណ៍ឬកេរ្តិ៍ឈ្មោះនោះទេ។Neymar ដែលរកបាន ៧៩គ្រាប់សម្រាប់ជម្រើសជាតិប្រេស៊ីល មិនបានបង្ហាញខ្លួនឱ្យប្រេស៊ីលតាំងពីឆ្នាំ ២០២៣ ហើយក៏បានរងការរិះគន់អំពីស្ថានភាពរាងកាយ និងទម្រង់លេងផងដែរ បន្ទាប់ពីរងរបួសញឹកញាប់អំឡុងពេលលេងឱ្យ Al Hilal និងការវិលត្រឡប់មិនសូវជោគជ័យទៅកាន់ក្លិបដើម Santos FC កាលពីឆ្នាំមុន៕ អត្ថបទ៖នាង សុភាវុធ

Inter Milan អបអរដង្ហែពានពានក្នុងស្រុកពីរនៅទីក្រុង Milan

2026/05/18 07:22:24 pm        386
Facebook Telegram Linkin
អ្នកគាំទ្ររាប់ម៉ឺននាក់របស់ Inter Milan បានជួបជុំគ្នាប្រែក្លាយទីលាន Piazza del Duomo ទីក្រុង Milan ឲ្យក្លាយពណ៌ខ្មៅ និងខៀវ ក្នុងការអបអរសាទរជ័យជម្នះពានរង្វាន់ក្នុងស្រុក ២ពានរបស់ក្លិប តាមរយៈក្បួនដង្ហែរថយន្តក្រុងបើកដំបូលកាត់កណ្ដាលទីក្រុង Milan។អ្នកគាំទ្របានមកប្រមូលផ្តុំគ្នានៅទីលានមុខវិហារ Duomo ដ៏ល្បីល្បាញរបស់ទីក្រុង Milan ជាច្រើនម៉ោងមុនក្រុមកីឡាករមកដល់ ដោយពួកគេលើកទង់ជាតិ និងទង់ក្លិបយ៉ាងធំ បាញ់កាំជ្រួច និងស្រែកគាំទ្រ “Forza Inter” ខណៈកីឡាករ បានលើកបង្ហាញពាន Serie A និងពាន Coppa Italia ទៅកាន់អ្នកគាំទ្រ។ការប្រារព្ធនេះ បានធ្វើឡើងបន្ទាប់ពី Inter Milan ឈ្នះជើងឯក Serie A លើកទី២១ របស់ខ្លួនកាលពីដើមខែនេះ ហើយបន្តយកឈ្នះ Lazio ក្នុងលទ្ធផល ២-០ នៅវគ្គផ្តាច់ព្រ័ត្រ Coppa Italia ដើម្បីបញ្ចប់រដូវកាលជាមួយការឈ្នះពានក្នុងស្រុកទាំងពីរ ក្រោមការដឹកនាំរបស់គ្រូបង្វឹក Cristian Chivu។ក្បួនដង្ហែរជ័យជម្នះរបស់ Inter បានចាប់ផ្តើមចេញពីកីឡដ្ឋាន San Siro ឆ្លងកាត់កណ្ដាលទីក្រុង Milan មុនទៅដល់ទីលាន Duomo ដែលពោរពេញដោយអ្នកគាំទ្រ ខណៈសម្លេងស្រែកអបអរសាទរ និងបទចម្រៀងគាំទ្រក្លិប បានបន្លឺឡើងរហូតដល់យប់ជ្រៅ៕ អត្ថបទ៖នាង សុភាវុធ 

តេជោលីគ លើកទី៣ បើកការប្រកួតផ្លូវការ ខណៈស្នងការនគរបាលខេត្តស្វាយរៀង កំពុងនាំមុខ

2026/05/18 07:14:05 pm        307
Facebook Telegram Linkin
ព្រឹត្តិការណ៍បាល់ទះ តេជោលីគ រដូវកាលទី៣ ឆ្នាំ២០២៦ បានបើកការប្រកួតជាផ្លូវការហើយ ដោយមានបេក្ខភាព ៣ក្រុម បានចាប់ផ្ដើមជាមួយលទ្ធផលដ៏ល្អ ដោយមិនទាន់ស្គាល់ចាញ់ ស្របពេលក្រុមស្នងការនគរបាលខេត្តស្វាយរៀង កំពុងនាំមុខគេ។ពិធីបើកការប្រកួតបាល់ទះដ៏ធំប្រចាំឆ្នាំនេះ បានធ្វើឡើងកាលពីថ្ងៃទី១៦ ខែឧសភា ក្រោមវត្តមានឯកឧត្តមនាយឧត្តមសេនីយ៍ ស ថេត អគ្គស្នងការ នៃអគ្គស្នងការដ្ឋាននគរបាលជាតិ និងជាអនុប្រធានអចិន្រ្តៃយ៍សហព័ន្ធកីឡាបាល់ទះកម្ពុជា ព្រមទាំងថ្នាក់ដឹកនាំ និងអ្នកគាំទ្រយ៉ាងច្រើន នៅវិមានពហុកីឡដ្ឋានជាតិ(អូឡាំពិក)។ឆ្លងកាត់ការប្រកួតជុំទី១ សប្ដាហ៍ទី១ រយៈពេល ២ថ្ងៃ កាលពីចុងសប្ដាហ៍កន្លងទៅ ក្រុមស្នងការនគរបាលខេត្តស្វាយរៀង កំពុងឈរកំពូលតារាង ដោយរកបាន ៦ពិន្ទុ ក្រោយឈ្នះ ២ប្រកួតជាប់គ្នា រួមមានឈ្នះក្រុមស្នងការនគរបាលខេត្តព្រះសីហនុ ៣-១សិត និងឈ្នះក្រុមកងពលធំអន្ដរាគមន៍លេខ៣ ៣-០សិត។រីឯ ២ក្រុមទៀត ដែលមិនទាន់ស្គាល់ចាញ់ និងរកបាន ៥ពិន្ទុស្មើគ្នា ឈរលេខ២ និងលេខ៣ បណ្ដោះអាសន្ន គឺមានក្រុមការពារជើងឯកបញ្ជាការដ្ឋានអង្គរ ដែលបានយកឈ្នះក្រុមវិសាខា ៣-២សិត និងឈ្នះក្រុមស្នងការនគរបាលរាជធានីភ្នំពេញ ៣-១សិត និងក្រុមក្រសួងមហាផ្ទៃ ដែលបានយកឈ្នះក្រុមស្នងការនគរបាលរាជធានីភ្នំពេញ ៣-១សិត និងឈ្នះក្រុមស្នងការនគរបាលខេត្តកោះកុង ៣-២សិត។គួរដឹងថា តេជោលីគ រដូវកាលទី៣ នេះ មានបេក្ខភាព ៨ក្រុមចូលរួម ដោយដំណាក់កាលទី១ ក្រុមនីមួយៗ ត្រូវធ្វើការប្រកួតសន្សំពិន្ទុវិលជុំ ហើយក្រុមឈរលេខ១ ដល់លេខ៦ នឹងត្រូវបន្ដការប្រកួតនៅដំណាក់កាលទី២។ អ្វីដែលពិសេស នៅកំឡុងសម្រាកក្រោយចប់ជុំទី១ ក្រុមដែលបានឡើងវគ្គបន្ដ ក៏អាចផ្លាស់ប្ដូរកីឡាករថ្មីបាន ៦រូប ដើម្បីពង្រឹងក្រុម និងជំរុញឲ្យការប្រកួតកាន់តែជក់ចិត្តបន្ថែមទៀតផងដែរ៕ អត្ថបទ លី ឈុនឡា

Bayern Munich អបអរជើងឯក Bundesliga លើកទី៣៥ នៅចំពោះមុខអ្នកគាំទ្ររាប់ពាន់នាក់

2026/05/18 07:04:43 pm        463
Facebook Telegram Linkin
ក្រុមបាល់ទាត់ Bayern Munich បានអបអរការឈ្នះជើងឯកលីគកំពូលអាល្លឺម៉ង់ Bundesliga លើកទី៣៥ រួមជាមួយអ្នកគាំទ្ររាប់ពាន់នាក់ នៅកណ្ដាលទីក្រុង Munich កាលពីថ្ងៃអាទិត្យចុងសប្តាហ៍កន្លងទៅ។តាមប្រពៃណីរបស់ក្លិប ក្រុមកីឡាករ និងបុគ្គលិកបាននាំគ្នាឡើងទៅលើយ៉រអគារសាលាក្រុង Munich ដោយកាន់ពានជើងឯក Bundesliga បង្ហាញជូនអ្នកគាំទ្រ ដែលបានមកអបអរសាទរយ៉ាងកក្រើកនៅទីលាន Marienplatz។Bayern Munich បានបញ្ចប់ការប្រកួតលីគចុងក្រោយរបស់ខ្លួនដោយយកឈ្នះ FC Köln ក្នុងលទ្ធផល ៥-១ កាលពីថ្ងៃសៅរ៍ ខណៈបីពិន្ទុបន្ថែមនេះធ្វើឱ្យក្រុមរបស់លោក Vincent Kompany បញ្ចប់រដូវកាលឈ្នះដាច់ ១៦ ពិន្ទុ។ជាមួយគ្នានេះ ក្លិបក៏បានបញ្ជាក់ថា ខ្សែការពារ Raphaël Guerreiro និងខ្សែប្រយុទ្ធ Nicolas Jackson នឹងចាកចេញពីក្រុមនៅចុងរដូវកាលនេះ។ ខ្សែបម្រើ Leon Goretzka ក៏នឹងលាក្លិបផងដែរ បន្ទាប់ពីចំណាយពេល ៨ឆ្នាំជាមួយ Bayern Munich និងជួយក្រុមឈ្នះពាន Bundesliga ជាច្រើនលើករួមជាមួយ German Cup និង UEFA Champions League ម្តងផងដែរ។Goretzka ទទួលបានការគាំទ្រ និងសម្លេងហ៊ោកញ្ជ្រៀវយ៉ាងខ្លាំងពីអ្នកគាំទ្រ នៅទីលាន Marienplatz ខាងមុខសាលាក្រុង Munich។បច្ចុប្បន្ន Bayern Munich នៅមានឱកាសឈ្នះពានរង្វាន់មួយទៀតដោយពួកគេនឹងត្រូវជួបជាមួយ Stuttgart នៅវគ្គផ្តាច់ព្រ័ត្រ German Cup ថ្ងៃទី ២៣ ឧសភាចុងសប្តាហ៍នេះនៅរដ្ឋធានីប៊ែកឡាំង៕អត្ថបទ៖នាង សុភាវុធ

Xabi Alsonso ព្រមព្រៀងដឹកនាំតោខៀវ Chelsea ក្នុងកិច្ចសន្យាដល់ឆ្នាំ ២០៣០

2026/05/18 06:35:27 pm        315
Facebook Telegram Linkin
Xabi Alonso នឹងចូលកាន់តំណែងជាអ្នកចាត់ការថ្មីរបស់ Chelsea ជា​ផ្លូវការ​បន្ទាប់​ពី​ក្លិប​នៅ​ក្រប​ខណ្ឌ Premier League បានប្រកាសព័ត៌មាន​នៅ​ថ្ងៃអាទិត្យ​ចុង​សប្តាហ៍ក​ន្លង​ទៅ​ពី​កិច្ចព្រ​ម​ព្រៀងជា​មួយបុរសសញ្ជាតិអេស្ប៉ាញរូបនេះ នៅខែកក្កដាខាងមុខក្នុងកិច្ចសន្យាដល់ឆ្នាំ ២០៣០។Alonso អតីតគ្រូបង្វឹករបស់ Real Madrid និង Bayer Leverkusen ក្លាយជា​គ្រូ​បង្វឹក​អចិន្ត្រៃយ៍​ទី៥ ក្រោមការគ្រប់គ្រងរបស់ក្រុមហ៊ុន BlueCo បន្ទាប់ពី Graham Potter, Mauricio Pochettino​, Enzo Maresca និង Liam Rosenior។ការមកដឹកនាំ Chelsea លើកនេះ គឺជាការវិលត្រឡប់មកកាន់បាល់ទាត់អង់គ្លេសរបស់ Alonso បន្ទាប់​ពី​រូបគេធ្លាប់បង្ហាញខ្លួនបាន ២១០ប្រកួតឱ្យ Liverpool ក្នុងនាមជាកីឡាករ មុនផ្ទេរទៅ Real Madrid នៅឆ្នាំ២០០៩ ហើយបញ្ចប់អាជីពបាល់ទាត់ជាមួយ Bayern Munich ក្នុង​ឆ្នាំ​២០១៧​។សម្រាប់រដូវកាលនេះ Chelsea កំពុងជួបការលំបាក ដោយធ្លាក់ទៅឈរលេខ៩ ក្នុងតារាង Premier League និងមានឱកាសតិចតួចក្នុងការប្រជែងយកកៅអីទៅលេងពានអឺរ៉ុប បន្ទាប់​ពី​បរាជ័យ​ក្រោម​ថ្វីជើង Manchester City ក្នុងវគ្គផ្តាច់ព្រ័ត្រ FA Cup កាលពីថ្ងៃសៅរ៍។ Chelsea បា​ន​ស្វែងរកគ្រូបង្វឹកថ្មី បន្ទាប់ពីបណ្តេញ Liam Rosenior ចេញពីតំណែង កាលពីខែមេសា បន្ទាប់​ពី​ដឹកនាំក្រុមបានត្រឹមតែ ៣ខែប៉ុណ្ណោះ៕ អត្ថបទ៖នាង សុភាវុធ

Pro Esports ប្ដេជ្ញាស្វែងរកលទ្ធផលល្អលើឆាកអន្ដរជាតិ ក្រោយគ្រងជើងឯក MPL លើកដំបូង

2026/05/18 06:23:39 pm        264
Facebook Telegram Linkin
ក្រុមកីឡាអេឡិចត្រូនិក Pro Esports បានប្ដេជ្ញាបន្ដការខំប្រឹងត្រៀមប្រកួតប្រជែងលើឆាកអន្ដរជាតិ បន្ទាប់ពីសម្រេចគោលដៅលើកពាន MPL Cambodia លើកដំបូង បន្ទាប់ពីរងបរាជ័យ ៦រដូវកាលជាប់គ្នា។ នេះបើតាមការលើកឡើងរបស់ស្ថាបនិក និងជាប្រធានក្រុមលោក អ៊ឹង ស៊ីវឈន់។Pro Esports បានគ្រងជើងឯកព្រឹត្តិការណ៍កីឡាអេឡិចត្រូនិកដ៏ធំ MPM Cambodia រដូវកាលទី១០ បន្ទាប់ពីយកឈ្នះក្រុម Galaxy Legends ក្នុងវគ្គផ្ដាច់ព្រ័ត្រ(Grand Final)ដោយលទ្ធផល ៤-០ ។ នេះគឺជាលទ្ធផលស្ទើរមិនគួរឲ្យជឿមួយ ដ្បិតកាលពីវគ្គ Upper Bracket Final ក្រុម Galaxy Legends បានយកឈ្នះ Pro Esports ដាច់ ៣-០។លោក អ៊ឹង ស៊ីវឈន់ បានបង្ហាញមោទនភាព ក្រោយការទន្ទឹងរង់ចាំ ៧រដូវកាល ទើបអាចសម្រេចគោលដៅគ្រងជើងឯកលើកដំបូង ហើយលោកនឹងបានប្ដេជ្ញានឹងបន្ដពង្រឹងក្រុមឲ្យបានកាន់តែល្អ សម្រាប់ការត្រៀមចូលរួមព្រឹត្តិការណ៍លំដាប់ពិភពលោក MSC ឆ្នាំ២០២៦ នាពេលខាងមុខ ក៏ដូចជាត្រៀមការពារជើងឯក នារដូវកាលថ្មីផងដែរ។ទន្ទឹមនឹងការប្រកួតដ៏កក្រើក ជាមួយការបន្ថែមនូវរស់ជាតិថ្មី មានទាំងក្រុមជើងឯកកម្រិតយុវជន និងក្រុមជើងឯកផ្នែកនារី លេងទល់ក្រុមខ្លាំងៗ ក្នុងក្របខណ្ឌ MPL រដូវកាលនេះ ឯកឧត្តម លន់ សាមឌី បានវាយតម្លៃខ្ពស់ ចំពោះសញ្ញាណវិជ្ជមានជាច្រើន ដែលកើតចេញពីការប្រកួតរដូវកាលទី១០ ហើយលោកក៏បានប្ដេជ្ញា និងលើកទឹកចិត្តដល់ក្រុមជើងឯក ឲ្យបន្ដការខំប្រឹង ដើម្បីត្រៀមលក្ខណៈកាន់តែល្អក្នុងការប្រកួតពានអន្ដរជាតិផងដែរ។សរុបលទ្ធផលការប្រកួត MPL Cambodia រដូវកាលទី១០ ក្រៅពីក្រុម Pro Esports ដែលបានគ្រងជើងឯក ក្រោយឆ្លងកាត់ការប្រកួតសរុប ១២លើក ស្គាល់បរាជ័យតែម្ដង គឺមានក្រុម Galaxy Legends ទទួលបានចំណាត់ថ្នាក់លេខ២ គ្រាដែលក្រុមជើងឯកឆ្នាំចាស់ CFU Gaming ទទួលបានត្រឹមចំណាត់ថ្នាក់លេខ៣ និងក្រុម Vigor Apex ទទួលបានចំណាត់ថ្នាក់លេខ៤ គ្រាដេលក្រុម Valhalla និង Team Flash KH ឈរចំណាត់ថ្នាក់លេខ៥ និងលេខ៦៕ អត្ថបទ លី ឈុនឡា

Jonas Vingegaard ឈ្នះដំណាក់កាលទី ៩ ប្រណាំងកង់ Giro d’Italia តែនាំមុខរួមនៅដដែល

2026/05/18 05:55:25 pm        139
Facebook Telegram Linkin
Jonas Vingegaard កីឡាករប្រណាំងកង់របស់ក្រុម Team Visma-Lease a Bike រកជ័យជម្នះលើកទី២ ក្នុងរយៈពេល៣ថ្ងៃ បន្ទាប់ពីឈ្នះដំណាក់កាលទី៩ នៃព្រឹត្តិការណ៍ប្រណាំងកង់ Grand Tour, Giro d'Italia កាលពីថ្ងៃអាទិត្យ ទី១៧ ខែឧសភា ខណៈ Afonso Eulalio នៅតែរក្សាតំណែងនាំមុខក្នុងតារាងរួមដដែល។ដំណាក់កាលទី ៩ ដែលមានចម្ងាយផ្លូវ ១៨៤ គីឡូម៉ែត្រពីទីក្រុង Cervia ទៅកាន់ Corno alle Scale, Jonas Vingegaard បានតាមទាន់គូប្រជែងសំខាន់ Felix Gall របស់ក្រុម Decathlon CMA CGM បន្ទាប់ពីកីឡាករអូទ្រីសរូបនេះ ប្រើល្បឿនខ្លាំងនៅជិតចុងផ្លូវឡើងភ្នំ។យ៉ាងណាមិញ កីឡាករដាណឺម៉ាក Vingegaard បានបង្កើនល្បឿនយ៉ាងខ្លាំងនៅគីឡូម៉ែត្រចុងក្រោយ និងផ្តាច់ខ្លួនឡើងនាំមុខ ខណៈមិត្តរួមក្រុមរបស់គេ Davide Piganzoli បានបញ្ចប់ក្នុងចំណាត់ថ្នាក់លេខ៣។ដោយឡែក Afonso Eulalio របស់ក្រុម Bahrain Victorious បានបង្ហាញការប្រកួតយ៉ាងរឹងមាំម្តងទៀត ដោយបញ្ចប់ក្នុងចំណាត់ថ្នាក់លេខ៥ មានគម្លាត ៤១ វិនាទីពី Vingegaard ប៉ុន្តែនៅតែអាចរក្សាបានការនាំមុខគេក្នុងតារាងថេរវេលារួម។ បន្ទាប់ពីថ្ងៃសម្រាកនៅថ្ងៃចន្ទនេះ អ្នកប្រណាំងទាំងអស់នឹងបន្តដំណាក់កាលទី១០ នៅថ្ងៃអង្គារស្អែក ដែលជាដំណាក់កាលប្រណាំងយកថេរវេលាផ្ទាល់ខ្លួន ចម្ងាយ ៤២គីឡូម៉ែត្រ ពីទីក្រុង Viareggio ទៅកាន់ Massa៕ អត្ថបទ៖នាង សុភាវុធ

ពាន Rithy Jesda U23 បើកការប្រកួតរដូវកាលថ្មី ដើម្បីជំរុញសមត្ថភាពយុវជនកាន់តែខ្លាំង

2026/05/18 05:45:20 pm        261
Facebook Telegram Linkin
ការប្រកួតពានរង្វាន់បាល់ទាត់ក្នុងសាល Rithy Jesda U23 Futsal Cup 2026 បានបើកការប្រកួតរដូវកាលថ្មីរបស់ខ្លួនហើយ ដោយមានបេក្ខភាព ៧ក្រុមចូលរួម ដើម្បីរួមចំណែកអភិវឌ្ឍន៍វិស័យកីឡាបាល់ទាត់ក្នុងសាលនៅកម្ពុជា។លោក ហុង ងន់ឆៃ គណៈកម្មាការរៀបចំពាននេះ បានឲ្យដឹងថា ពានរង្វាន់អាយុក្រោម ២៣ឆ្នាំ ដែលថ្នាក់ដឹកនាំទីលាន ឬទ្ធី ចេស្ដា បានរៀបចំនេះ ក្នុងគោលបំណងរក្សាឲ្យបាននូវស្ថេរភាពក្នុងការរៀបចំពាន ដើម្បីផ្ដល់់ឱកាសដល់កីឡាករ ពិសេសយុវជន ដែលពិបាកប្រកួតប្រជែងជាមួយក្រុមធំ បានចូលរួមប្រកួត និងអភិវឌ្ឍន៍សមត្ថភាពកាន់តែខ្លាំង។ជាមួយគ្នាលោក កែវ សុចិត្រា សមាជិកក្រុមធំ និងជាគ្រូបង្វឹកក្រុមយុវជន Sybell FC បានបង្ហាញការគាំទ្រ ចំពោះព្រឹត្តិការណ៍នេះ ដែលជាការរួមចំណែកដ៏សំខាន់ ក្នុងការអភិវឌ្ឍវិស័យកីឡាបាល់ទាត់ក្នុងសាលនៅកម្ពុជា ហើយក៏សង្ឃឹមថា នឹងមានវិស័យឯកជន ចូលរួមសហការ និងគាំទ្រដល់ដំណើរការរៀបចំពាននេះឲ្យកាន់តែអស្ចារ្យផងដែរ។សម្រាប់បេក្ខភាព ៧ក្រុម ដែលចូលរួមប្រជែងពានរង្វាន់ Rithy Jesda U23 Futsal Cup 2026 នេះ រួមមានក្រុម Sybelle Academy, ក្រុម DIG Academy, Lucky Futsal Academy, ក្រុមយុវជន Mighty Man FT, ក្រុមយុវជន  Mihel Seoul Young Gun FT, ក្រុមយុវជន BYD FC និងក្រុមយុវជនសេនាអង្គរយូណាយធីត។ ការប្រកួតនេះ នឹងប្រើរូបមន្ដលក្ខណៈលីគ ដោយក្រោយបញ្ចប់វិលជុំដំណាក់កាលទី១ ក្រុមកំពូលតារាង នឹងត្រូវឈរចាំនៅវគ្គផ្ដាច់ព្រ័ត្រ គ្រាដែលក្រុមឈរលេខ២ ដល់លេខ៥ នឹងត្រូវប្រកួតខ្វែងគ្នា ស្វែងរកក្រុមឈ្នះឡើងជួបក្រុមកំពូលតារាង នៃដំណាក់កាលទី១ ដើម្បីប្រជែងពានតែម្ដង។ចំពោះលទ្ធផលការប្រកួតសប្ដាហ៍ដំបូង កាលពីថ្ងៃទី១៧ ខែឧសភាកន្លងទៅ រួមមានក្រុមយុវជន Sybelle បានយកឈ្នះក្រុម DIG FC ៥-២, ក្រុមយុវជន Mighty Man FT យកឈ្នះក្រុម BYD ៨-២ និង ក្រុម Mihel Seoul Young Gun FT យកឈ្នះក្រុមសេនាអង្គរយូណាយធីត ១២-២ ៕ អត្ថបទ លី ឈុនឡា

លីគកំពូលកម្ពុជាបញ្ចប់រដូវកាល ព្រះខ័នរាជស្វាយរៀងគ្រងជើងឯក ភ្នំពេញក្រោនជើងឯករង

2026/05/18 04:44:30 pm        284
Facebook Telegram Linkin
(ភ្នំពេញ)៖ ការប្រកួតកីឡាបាល់ទាត់ជម្រើសជើងឯកជាតិកម្ពុជា (Cambodian Premier League) រដូវកាល២០២៥-២០២៦ បានបញ្ចប់ជាផ្លូវការហើយ គ្រា​ព្រះខ័នរាជស្វាយរៀង បាន​ទទួល​ពាន​ផ្លូវការ​ក្នុងនាមជើងឯករដូវកាលនេះ។មុនទទួលពាន ព្រះខ័នរាជស្វាយរៀង បញ្ចប់រដូវកាលដោយប្រកួតជាមួយភ្នំពេញក្រោន ហើយ​ចាញ់​ក្នុង​លទ្ធ​ផល១​ទល់នឹង០។តាមពិតទៅព្រះខ័នរាជស្វាយរៀង មានពិន្ទុគ្រប់គ្រាន់​ក្លាយ​ជា​ម្ចាស់​ជើង​ឯក​លើក​ទី៣​ជាប់​គ្នា​នេះ​តាំ​​ង​តែ​ពី​សប្ដាហ៍ទី២៨ ថ្ងៃទី១២ ខែមេសា ពេលដែលយកឈ្នះ អឹមអូអាយកំពង់ដេវ៉ា ៣ទល់​នឹង​២​ក្រៅ​ដី។ពេញមួយ​រដូវកាល ព្រះខ័នរាជ ឆ្លងកាត់៣០ប្រកួតឈ្នះ២១ប្រកួត ស្មើ៣ប្រកួត និងចាញ់​៦​ប្រកួត​មាន​៦៦ពិន្ទុ។ ​ភ្នំពេញក្រោនបញ្ចប់នៅចំណាត់ថ្នាក់លេខ២ មាន៥៦ពិន្ទុ ក្រោយ​ឈ្នះ​១៧​ប្រកួត​ ស្មើ៥ប្រកួត និងចាញ់៨ប្រកួត។ ព្រះខ័នរាជស្វាយរៀងបានក្លាយជាក្លឹបបាល់ទាត់ដំបូងគេដែលដណ្ដើមបានជើងឯកលីគកំពូលកម្ពុជា​ ៣រដូវកាលជាប់គ្នា បន្ទាប់ពីឈ្នះនៅរដូវកាល ២០២៣-២០២៤, ២០២៤-២០២៥ និង​រដូវកាល​២០២៥​-២០២៦នេះ។តាមរយៈការប្រកួតលីគក្នុងស្រុកនេះ ព្រះខ័នរាជស្វាយរៀង ត្រូវបានកៅ​អីឡើង​ទៅ​លេង​ពាន​កម្រិត​ខ្ពស់​លំដាប់​ទី​២​ទ្វីប​អាស៊ី AFC Champion League Two ខណៈ​ដែល​ភ្នំពេញ​ក្រោន​បាន​កៅ​អី​វគ្គ​ជម្រុះ​ព្រឹត្តិការណ៍នេះ៕

បណ្ដាញសង្គម

ព័ត៌មានថ្មីៗ

គណបក្សប្រជាជនកម្ពុជាខេត្តកំពង់ស្ពឺ ប្រជុំបូកសរុបលទ្ធផលការងារខែកក្កដា ឆ្នាំ២០២៦ និងលើកទិសដៅភារកិច្ចខែបន្ទាប់
07/25/2026 05:07 PM
Facebook Telegram Linkin
ក្រសួងអប់រំ ផ្ដល់ឱកាសឱ្យសិស្សធ្វើទស្សនកិច្ចសិក្សានៅសិង្ហបុរី តាមរយៈកម្មវិធី ME-NISTER
07/25/2026 05:07 PM
Facebook Telegram Linkin
ការ​លាលែងពីតំណែងរបស់​រដ្ឋមន្ត្រីអប់រំឥណ្ឌា គឺ​ជាជ័យជម្នះដ៏ធំ សម្រាប់ក្រុមបាតុករយុវជន
07/25/2026 05:07 PM
Facebook Telegram Linkin
លោក Trump រិះគន់ព័ត៌មានក្លែងក្លាយ និងបង្កឱ្យមានភាពចម្រូងចម្រាស ជុំវិញការបោះឆ្នោតឆ្នាំ២០២៨
07/25/2026 05:07 PM
Facebook Telegram Linkin
មនុស្សយ៉ាង​តិច ៥នាក់ស្លាប់ ក្នុងហេតុការណ៍​បាក់ដី នៅភាគខាងជើងចិន
07/25/2026 05:07 PM
Facebook Telegram Linkin
ម៉ិកស៊ិកនឹងមិន​តប​ត​ពន្ធរបស់លោក Trump ទេ ខណៈ​​ការនាំចេញត្រូវបានការពារដោយ​កិច្ចព្រមព្រៀងពាណិជ្ជកម្ម
07/25/2026 05:07 PM
Facebook Telegram Linkin
កម្មវិធីប្រកួតប្រជែងនិយាយជាសាធារណៈសម្រាប់និស្សិតសាកលវិទ្យាល័យរបស់អង្គភាពអ្នកនាំពាក្យ​រាជរដ្ឋាភិបាល រកឃើញអ្នកទទួលបានជ័យលាភីហើយ
07/25/2026 05:07 PM
Facebook Telegram Linkin
ចិនតវ៉ាប្រឆាំងនឹងទណ្ឌកម្មរបស់សហភាពអឺរ៉ុប លើក្រុមហ៊ុនចិន ពាក់ព័ន្ធនឹង​បញ្ហា​រុស្ស៊ី
07/25/2026 05:07 PM
Facebook Telegram Linkin
មនុស្សជាង ១៦០.០០០នាក់ រត់គេចពីចំហេះព្រៃ នៅប្រទេសបារាំង និងអេស្ប៉ាញ
07/25/2026 05:07 PM
Facebook Telegram Linkin
ប្រទេសចិនជម្លៀសមនុស្សជាង ២០.០០០នាក់ ខណៈព្យុះទីហ្វុង Noul បក់បោក​ជិត​ដល់
07/25/2026 03:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.