BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

Erik ten Hag បញ្ជាក់ថា Ronaldo ស្ថិតក្នុងគម្រោងរបស់ក្លិប និងមិនមែនសម្រាប់លក់

បាល់ទាត់៖ អ្នកចាត់ការក្រុមបិសាចក្រហម Manchester United លោក Erik ten Hag បានបញ្ជាក់ច្បាស់ថា Cristiano Ronaldo នៅស្ថិតក្នុងគំរោងរបស់ក្រុមសំរាប់រដូវកាលថ្មី និងមិនមែនសម្រាក់លក់នោះឡើយ។ កីឡាករវ័យ ៣៧ឆ្នាំរូបនេះមិនបានរួមដំណើរជាមួយក្រុម Manchester United ឡើយក្នុងដំណើរប្រកួតមិត្តភាពនៅទីក្រុងបាងកកប្រទេសថៃ ហើយត្រូវបានគេដឹងថាចង់ចាកចេញពីក្លិប។ លោក Erik ten Hag បាននិយាយក្នុងសន្និសីតសារព័ត៌មាននៅប្រទេសថៃថា អវត្តមានរបស់ Ronaldo នៅពេលនេះគឺដោយសារបញ្ហាផ្ទាល់ខ្លួន ហើយគ្មានអ្វីលើសនេះទេ Ronaldo ស្ថិតក្នុងគំរោងសម្រាប់រដូវកាលនេះ។ Ronaldo មិនបានមកទីក្រុងបាងកកពិតមែន តែគេឃើញអតីតខ្សែប្រយុទ្ធ Real Madrid រូបនេះហ្វឹកហាត់នៅទឹកដីព័រទុយហ្កាល់ និងត្រូវបានគេដឹងថា តោខៀវ Chelsea កំពុងទាក់ទង។ សូមបញ្ជាក់ថា កីឡាករវ័យ ៣៧ឆ្នាំរូបនេះនៅសល់កិច្ចសន្យា ១ឆ្នាំទៀតនៅ Old Trafford តែ Manchester United បញ្ចប់រដូវកាលបានត្រឹមលេងនៅក្របខណ្ឌ UEFA Europa League ដែលធ្វើឱ្យគេគិតថា Ronaldo មានបំណងចាកចេញ ដើម្បីស្វែងរកក្លិបដែលអាចបង្ហាញខ្លួននៅក្របខណ្ឌ UEFA Champions League៕អត្ថបទ៖នាង សុភាវុធ

ប្រមុខសហព័ន្ធកីឡាសូហ្វតិន្នីសថា ការប្រកួតជើងឯកថ្នាក់ជាតិឆ្នាំនេះមានការរីកចម្រើនខ្លាំង

សូហ្វតិន្នីស៖ ឯកឧត្តមបណ្ឌិត ជា ប៊ុនហេង ប្រធានសហព័ន្ធកីឡាសូហ្វតិន្នីសកម្ពុជា បានវាយតម្លៃខ្ពស់ចំពោះកម្រិតគុណភាពរបស់កីឡាករ-កីឡាការិនីដែលចូលរួមប្រកួតកីឡាសូហ្វតិន្នីសជ្រើរើសជើងឯកថ្នាក់ជាតិ និងពានរង្វាន់សម្តេចក្រឡាហោម ស ខេង លើកទី៩ ឆ្នាំ២០២២ មានការរីកចម្រើនខ្លាំងជាងព្រឹត្តិការណ៍ឆ្នាំកន្លងមក។ ការគូសបញ្ជាក់នេះ បន្ទាប់ពីការប្រកួតកីឡាសូហ្វតិន្នីសជើងឯកថ្នាក់ជាតិ និងពានរង្វាន់សម្ដេចក្រឡាហោម ស ខេង ឆ្នាំ២០២២ បានដំណើរការដោយរលូន និងបញ្ចប់ដោយជោគជ័យកាលពីល្ងាចថ្ងៃទី១១ ខែកក្កដានៅពហុកីឡដ្ឋានជាតិអូឡាំពិក ក្រោមការឧបត្ថម្ភគាំទ្ររបស់ក្រសួងអប់រំ យុវជន និងកីឡា។ ឆ្លៀតឱកាសនោះដើម្បីជំរុញការអភិវឌ្ឍ និងសម្រួចសមត្ថភាពត្រៀមកីឡាករ-កីឡាការិនីត្រៀមស៊ីហ្គេមឆ្នាំ២០២៣ នៅកម្ពុជា ឯកឧត្តមបានប្ដេជ្ញាខិតខំរៀបចំការប្រកួតសំខាន់ៗមួយចំនួនទៀតក្នុងក្របខណ្ឌថ្នាក់ជាតិ ដើម្បីដុសខាត់សមត្ថភាពកីឡាករ-កីឡាការិនីកម្ពុជាឲ្យកាន់តែខ្លាំង ព្រមទាំងមន្ដ្រីបច្ចេកទេស ដើម្បីត្រៀមខ្លួនឲ្យបានគ្រប់គ្រាន់ត្រៀមធ្វើម្ចាស់ផ្ទះព្រឹត្តិការណ៍ជាប្រវត្តិសាស្ដ្រនាឆ្នាំក្រោយ។សូមបញ្ជាក់ថា ការប្រកួតជើងឯកថ្នាក់ជាតិនេះបានដំណើរការប្រកួតរយៈពេល ៥ថ្ងៃចាប់ពីថ្ងៃទី០៧ ដល់ថ្ងៃទី១១ ខែកក្កដា ឆ្នាំ២០២២ ដោយមានប្រតិភូ និងកីឡាករ-កីឡាការិនីចូលរួមសរុប ៧៤នាក់ដោយធ្វើការប្រកួតលើ ៩វិញ្ញាសា៕អត្ថបទ៖ លី ឈុនឡា

ប្រតិភូកីឡាអាស៊ានកោតស្ញប់ស្ញែងចំពោះហេដ្ឋារចនាសម្ព័ន្ធកីឡាកម្ពុជា ពិសេសស្ដាតមរតកតេជោ

អាស៊ានប៉ារ៉ាហ្គេម៖ ប្រតិភូកីឡានៃបណ្ដាប្រទេសសមាជិកក្រុមប្រឹក្សាសហព័ន្ធកីឡាអាស៊ីអាគ្នេយ៍ និងក្រុមប្រឹក្សាសហព័ន្ធកីឡាអាស៊ានប៉ារ៉ាបានសម្ដែងការភ្ញាក់ផ្អើល និងកោតស្ញប់ស្ញែងចំពោះហេដ្ឋារចនាសម្ព័ន្ធកីឡារបស់កម្ពុជា ពិសេសពហុកីឡដ្ឋានជាតិមរតកតេជោដែលមានភាពទំនើបអស្ចារ្យ សម្រាប់ត្រៀមរៀបចំព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ នេះបើតាមការបញ្ជាក់របស់មន្ដ្រីជាន់ខ្ពស់មីយ៉ាន់ម៉ា និងហ្វីលីពីន បន្ទាប់ពីធ្វើដំណើរទស្សនកិច្ចជាមួយប្រតិភូបណ្ដាប្រទេសសមាជិកផ្សេងៗទៀតនៅពហុកីឡដ្ឋានជាតិអូឡាំពិក និងពហុកីឡដ្ឋានជាតិមរតកតេជោ បន្ទាប់ពីបើកកិច្ចប្រជុំក្រុមប្រឹក្សាសហព័ន្ធកីឡាអាស៊ីអាគ្នេយ៍ និងក្រុមប្រឹក្សាសហព័ន្ធកីឡាអាស៊ានប៉ារ៉ា ដែលធ្វើឡើងក្រោមអធិបតីភាពដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជាកាលពីថ្ងៃទី១១ ខែកក្កដា ឆ្នាំ២០២២។ លោក Minn Thein Zan រដ្ឋមន្ត្រីក្រសួងកីឡា និងកិច្ចការយុវជន និងជាប្រធានគណៈកម្មាធិការជាតិអូឡាំពិកមីយ៉ាន់ម៉ាបានបង្ហាញការភ្ញាក់ផ្អើល បន្ទាប់ពីបានឃើញហេដ្ឋារចនាសម្ព័ន្ធកីឡាកម្ពុជា ក៏ដូចជាសំណង់អាគារដ៏រីកចម្រើននៅក្រុងភ្នំពេញ។ លោកបានកោតសរសើរកម្ពុជាដែលមានភាពរីកចម្រើនយ៉ាងឆាប់រហ័ស ហើយលោកសង្ឃឹមថា កម្ពុជាទទួលបានជោគជ័យ និងភាពអស្ចារ្យ សម្រាប់ការត្រៀមធ្វើម្ចាស់ផ្ទះព្រឹត្តិការណ៍ជាប្រវត្តិសាស្ដ្រនាឆ្នាំក្រោយ។ដោយឡែកលោក Valeriano L.Floro II សមាជិកប្រតិបត្តិគណៈកម្មាធិការជាតិអូឡាំពិកហ្វីលីពីនក៏បានថ្លែងស្រដៀងគ្នាដែលថា អ្វីៗគ្រប់យ៉ាងមើលទៅសុទ្ធតែមានកម្រិតខ្ពស់ ពិសេសពហុកីឡដ្ឋានជាតិមរតកតេជោ ដែលមានភាពទំនើបអស្ចារ្យដូចនៅបណ្ដាប្រទេសជឿនលឿន ហើយលោកបានបង្ហាញការគាំទ្រពេញទំហឹង សម្រាប់ការទទួលធ្វើម្ចាស់ផ្ទះព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ របស់កម្ពុជា។ សូមបញ្ជាក់ថា កិច្ចប្រជុំក្រុមប្រឹក្សាសហព័ន្ធកីឡាអាស៊ានប៉ារ៉ាលើកទី១ និងក្រុមប្រឹក្សាសហព័ន្ធកីឡាអាស៊ីអាគ្នេយ៍លើកទី២ នៅកម្ពុជានេះនឹងប្រព្រឹត្តទៅរយៈពេល ៣ថ្ងៃចាប់ពីថ្ងៃទី១១ ដល់ថ្ងៃទី១៣ ខែកក្កដា ឆ្នាំ២០២២ ដែលជាកិច្ចប្រជុំដ៏សំខាន់ដើម្បីអនុម័តលើការងារសំខាន់ៗមួយចំនួន ដូចជាការកំណត់ប្រភេទកីឡា ការលក់សិទ្ធិទូរទស្សន៍ និងការកែសម្រួលធម្មនុញ្ញសហព័ន្ធកីឡាអាស៊ីអាគ្នេយ៍ជាដើម៕អត្ថបទ៖ លី ឈុនឡា

កម្ពុជាស្វាគមន៍យ៉ាងកក់ក្ដៅចំពោះប្រតិភូកីឡាអាស៊ាន

អាស៊ានប៉ារ៉ាហ្គេម៖ កម្ពុជាបាននឹងកំពុងធ្វើម្ចាស់ផ្ទះរៀបចំកិច្ចប្រជុំក្រុមប្រឹក្សាសហព័ន្ធកីឡាអាស៊ានប៉ារ៉ាលើកទី១ និងក្រុមប្រឹក្សាសហព័ន្ធកីឡាអាស៊ីអាគ្នេយ៍លើកទី២ ដែលគ្រោងធ្វើឡើងរយៈពេល ៣ថ្ងៃចាប់ពីថ្ងៃទី១១ ដល់ថ្ងៃទី១៣ ខែកក្កដា ឆ្នាំ២០២២ នៅសណ្ឋាគារសុខាភ្នំពេញ ដើម្បីជជែក និងសម្រេចលើការងារសំខាន់ៗមួយចំនួន ក្នុងដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេមឆ្នាំ២០២៣។ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) ដែលជាសេនាធិការរបស់រាជរដ្ឋាភិបាលដែលមានសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ ជាប្រធាន បានផ្ដោតការយកចិត្តទុកដាក់ខ្ពស់លើកិច្ចប្រជុំដ៏មានសារៈសំខាន់នេះ ពិសេសការទទួលបដិសណ្ឋារកិច្ចប្រតិភូបណ្ដាប្រទេសជាសមាជិកទាំង ១០ប្រទេសតែម្ដង។ ជាក់ស្ដែងថ្ងៃដំបូងនៃការបើកដំណើរការកិច្ចប្រជុំដែលថ្លែងសន្ទរកថាបើកដោយសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ក៏ដូចជាដំណើរទស្សនកិច្ចហេដ្ឋារចនាសម្ព័ន្ធកីឡាសំខាន់ៗរបស់កម្ពុជានៅល្ងាចថ្ងៃទី១១ ខែកក្កដា ឆ្នាំ២០២២ CAMSOC ក៏បានរៀបចអាហារសាមគ្គីជូនប្រតិភូ និងភ្ញៀវជាតិ-អន្ដរជាតិទាំងអស់ប្រកបដោយបរិយាកាសសប្បាយរីករាយ និងភាពកក់ក្ដៅបំផុតផងដែរ។ឯកឧត្តម វ៉ាត់ ចំរើន អគ្គលេខាធិការ CAMSOS បានគូសបញ្ជាក់ថា ការធ្វើម្ចាស់ផ្ទះនៃកិច្ចប្រជុំនេះ ក្រៅពីផ្ដោតសំខាន់លើការស្វែងរកការគាំទ្រពីបណ្ដាប្រទេសសមាជិក ដើម្បីដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេមឆ្នាំ២០២៣ រឿងសំខាន់ដែលកម្ពុជាត្រូវធ្វើ ពិសេសក្រោមការចង្អុលបង្ហាញរបស់ថ្នាក់ដឹកនាំនោះ គឺការទទួលបដិសណ្ឋារកិច្ចប្រកបដោយភាពកក់ក្ដៅជូនដល់ប្រតិភូទាំងអស់។ សូមបញ្ជាក់ថា កិច្ចប្រជុំរយៈពេល ៣ថ្ងៃនេះនឹងពិភាក្សាលើការងារសំខាន់ៗមួយចំនួន ពាក់ព័ន្ធនឹងដំណើរការរៀបចំការប្រកួតកីឡាអាស៊ានប៉ារ៉ាហ្គេមលើកទី១២ ក៏ដូចជាការការអនុម័តប្រភេទកីឡា ការអនុម័តលើការលក់សិទ្ធិផ្សព្វផ្សាយ (ទូរទស្សន៍) និងការកែសម្រួលធម្មនុញ្ញសហព័ន្ធកីឡាអាស៊ីអាគ្នេយ៍ សម្រាប់ការប្រកួតកីឡាស៊ីហ្គេមលើកទី៣២ ជាដើម៕អត្ថបទ៖ លី ឈុនឡា

កិច្ចប្រជុំក្រុមប្រឹក្សាកីឡាអាស៊ានប៉ារ៉ាលើកដំបូងទទួលបានជោគជ័យជាងការគ្រោងទុក

អាស៊ានប៉ារ៉ាហ្គេម៖ កិច្ចប្រជុំថ្ងៃដំបូងដែលផ្ដោតសំខាន់លើក្រុមប្រឹក្សាសហព័ន្ធកីឡាអាស៊ានប៉ារ៉ា ដើម្បីជជែកអំពីការត្រៀមធ្វើម្ចាស់ផ្ទះការប្រកួតកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣ នៅកម្ពុជាបានសម្រេចជោគជ័យជាងការគ្រោងទុក បន្ទាប់ពីប្រតិភូបណ្ដាប្រទេសចូលរួមបានការគាំទ្រ និងសន្យាជួយកម្ពុជាទៀតផង។ នេះបើតាមនការបញ្ជាក់របស់ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា(NOCC) និងជាអគ្គលេខាធិការនៃគណៈកម្មាធិការជាតិ រៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ស្របពេលកម្ពុជាកំពុងធ្វើម្ចាស់ផ្ទះកិច្ចប្រជុំក្រុមប្រឹក្សាសហព័ន្ធកីឡាអាស៊ានប៉ារ៉ា និងក្រុមប្រឹក្សាសហព័ន្ធកីឡាអាស៊ីអាគ្នេយ៍ រយៈពេល ៣ថ្ងៃចាប់ពីថ្ងៃទី១១ ដល់ថ្ងៃទី១៣ ខែកក្កដា ឆ្នាំ២០២២ នៅសណ្ឋាគារសុខា។ ឯកឧត្តមបានគូសបញ្ជាក់ថា កិច្ចប្រជុំថ្ងៃដំបូងផ្ដោតលើកិច្ចប្រជុំក្រុមប្រឹក្សាសហព័ន្ធកីឡាអាស៊ានប៉ារ៉ាលើកទី១ នៅកម្ពុជា ដែលយកចិត្តទុកដាក់លើការងារសំខាន់ៗ ២ ទី១-កិច្ចសហប្រតិបត្តិការរវាងម្ចាស់ផ្ទះជាមួយបណ្ដាប្រទេសសមាជិកទាំងអស់ និងទី២-ការវាយតម្លៃពីការរៀបចំរបស់ម្ចាស់ផ្ទះ ដែលជាការផ្ដល់នូវគុណតម្លៃបន្ថែមដល់ម្ចាស់ផ្ទះកម្ពុជា។ ហើយជាលទ្ធផលគឺបានសម្រេចផ្លៃផ្កាយ៉ាងល្អប្រសើរ ដោយទទួលបានការគាំទ្រច្រើនពីប្រតិភូចូលរួម ទោះបីមានសំណូមពរបន្ដិចបន្ដួចក៏ដោយ។បើតាមការបង្ហើបរបស់ឯកឧត្តម វ៉ាត់ ចំរើន ក្រុមប្រឹក្សាសហព័ន្ធកីឡាអាស៊ានប៉ារ៉ា អាចនឹងមានកិច្ចប្រជុំតិចតួចទៀត ដើម្បីសម្រេចលើលក្ខខណ្ឌបច្ចេកទេស ក្នុងការធានាបាននូវភាពរួចរាល់របស់ម្ចាស់ផ្ទះ សម្រាប់ដំណើរឆ្ពោះទៅរៀបចំការប្រកួតកីឡាអាស៊ានប៉ារ៉ាហ្គេមជាប្រវត្តិសាស្ដ្រនៅកម្ពុជាតែម្ដង។ ដោយឡែកនៅថ្ងៃទី១២-១៣ ខែកក្កដានេះ កិច្ចប្រជុំនឹងផ្ដោតសំខាន់លើដំណើរការប្រកួតកីឡាស៊ីហ្គេមវិញម្ដង ដែលមានប្រតិភូជាង ១០០នាក់មកពី ១១ប្រទេសជាសមាជិកក្រុមប្រឹក្សាសហព័ន្ធកីឡាអាស៊ីអាគ្នេយ៍។ កិច្ចប្រជុំនេះនឹងយកចិត្តទុកដាក់លើការអនុម័តប្រភេទកីឡា ការអនុម័តលើការលក់សិទ្ធិផ្សព្វផ្សាយ (ទូរទស្សន៍) និងការកែសម្រួលធម្មនុញ្ញសហព័ន្ធកីឡាអាស៊ីអាគ្នេយ៍ជាដើម ព្រមទាំងការពិនិត្យលើវឌ្ឍនភាពការងាររបស់គណៈកម្មការសំខាន់ៗមួយចំនួនផងដែរ៕អត្ថបទ៖ លី ឈុនឡា

កីឡាករលុចសាំបួរ Bob Jungels ឈ្នះដំណាក់កាលទី៩ ប្រណាំងកង់ Tour de France តែ Pogacar បន្តនាំមុខរួម

ប្រណាំងកង់៖ កីឡាករលុចសាំបួរ Bob Jungels បានប្រជែងឈ្នះដំណាក់កាលទី៩ នៃព្រឹត្តិការណ៍ប្រណាំងកង់ Grand Tour, Tour de France តែអ្នកការពារតំណែងជើងឯកកីឡាករស្លូវេនី Tadej Pogacar នៅតែបន្តនាំមុខរួមដដែល។ ដំណាក់កាលទី៩ ដែលមានចម្ងាយផ្លូវ ១៩៣គីឡូម៉ែត្រជាដំណាក់កាលប្រណាំងឆ្លងកាត់តំបន់ភ្នំ កីឡាកររបស់ក្រុមប្រណាំង AG2R Citroen, Bob Jungels បានមកដល់ទីព្រ័ត្រមុនគេចំណាយពេល ៤ម៉ោង ៤៦នាទី ៣៦វិនាទី តាមពីក្រោយដោយកីឡាករអេស្ប៉ាញ Jonathan Castroviejo យឺតជាង ២២វិនាទី និងលេខ៣ Carlos Verona របស់ក្រុម Movistar យឺតជាង ២៦វិនាទី។ យ៉ាងណាក្តី អ្នកការពារតំណែងជើងឯកកីឡាករស្លូវេនី Tadej Pogacar នៅតែបន្តនាំមុខរួមដោយមានវេលាចំណេញ ៣៩វិនាទីពីលើអ្នកលេខ២ កីឡាករដាណឺម៉ាក Jonas Vingegaard និងលេខ៣ កីឡាករអង់គ្លេស Geraint Thomas យឺតជាង ១នាទី ១៧វិនាទី។ ថ្ងៃចន្ទនេះមិនមានការប្រកួតទេ លុះថ្ងៃអង្គារស្អែកការប្រកួតដំណាក់កាលទី១០ មានចម្ងាយផ្លូវ ១៤៨.៥គីឡូម៉ែត្រ៕អត្ថបទ៖នាង សុភាវុធ

Charles Leclerc វ៉ា Max Verstappen ៣ដងមុនឈ្នះការប្រកួត F1 នៅប្រទេសអូទ្រីស

ប្រណាំងរថយន្ត៖ កីឡាករប្រណាំង F1 ម៉ូណាកូ Charles Leclerc បានប្រជែងឈ្នះការប្រកួត F1 នៅទឹកដីអូទ្រីស ដើម្បីបន្តក្តីសង្ឃឹមក្នុងការប្រជែងជើងឯកពិភពលោករដូវកាលនេះ។ មុនមកដល់ទីព្រ័ត្រ កីឡាកររបស់ក្រុម Ferrari រូបនេះបានវ៉ាជែងកីឡាកររបស់ក្រុម Red Bull, Max Versteppen ដល់ទៅ ៣លើកដើម្បីមកដល់ទីព្រ័ត្រនៅចំពោះមុខអ្នកគាំទ្រភាគច្រើនរបស់ Verstappen។ មិត្តរួមក្រុម Ferrari, Carlos Sainz គួរតែអាចបញ្ចប់ការប្រកួតលេខ២ តែបញ្ហាគ្រឿងម៉ាស៊ីនធ្វើកីឡាករអេស្ប៉ាញរូបនេះមិនអាចបន្តដំណើរបាន ខណៈនៅសល់ ១៤ជុំទៀតចប់។ លេខ៣ ក្នុងការប្រកួតបានទៅជើងឯកពិភពលោក ៧សម័យ Lewis Hamilton តាមពីក្រោយដោយមិត្តរួមក្រុម Mercedes, George Russell លេខ៤ និងកីឡាករបារាំង Esteban Ocon របស់ក្រុម Alpine។ ជ័យជំនះរបស់ Charles Leclerc បានកាត់បន្ថយការនាំមុខក្នុងតារាងជើងឯកពិភពលោករបស់ Max Verstappen ដែលបានលេខ២ នៅអូទ្រីសនេះមកត្រឹម ៣៨ពិន្ទុ និងលេខ៣ Sergio Perez មាន ១៥១ពិន្ទុតាមពីក្រោយ Leclerc ១៩ពិន្ទុ។ ជុំបន្តបន្ទាប់ពីប្រទេសអូទ្រីសនេះ F1 នឹងបន្តដំណើរទៅទឹកដីបារាំងនៅថ្ងៃទី២៤ ខែកក្កដានេះ៕អត្ថបទ៖នាង សុភាវុធ

សង្ខេបព័ត៌មានដោះដូរកីឡាករចុងក្រោយនៅអឺរ៉ុប

បាល់ទាត់៖ ក្លិបបាល់ទាត់នៅតំបន់អឺរ៉ុបបានបន្តការងារយ៉ាងមមាញឹក ក្នុងការទិញដូរកីឡាករត្រៀមសំរាប់រដូវកាលថ្មីដែលនឹងចាប់ផ្តើមនៅខែក្រោយនេះ។ នៅក្របខណ្ឌអង់គ្លេស Premier League ក្រុមឡើងថ្មី Nottingham Forest បានបន្តនាំចូលកីឡាករថ្មីៗបន្ថែមទៀតក្នុងការបង្ហាញខ្លួនលើកដំបូង ក្រោយពីអវត្តមានពីក្របខណ្ឌកំពូលតាំងពីឆ្នាំ១៩៩៩។ ថ្មីៗនេះ Nottingham Forest បាននាំយកខ្សែការពារស្លាប Omar Richards ពី Bayern Munich តម្លៃ ១០លានផោនជាមួយនឹងកិច្ចសន្យារយៈពេល ៤ឆ្នាំ។ Richard ជាកីឡាករទី៥ ដែលមកកាន់ Nottingham Forest បន្ទាប់ពីអ្នកចាំទី Dean Henderson ខ្ចីជើងពី Manchester United, ខ្សែការពារកណ្តាល Moussa Niakhate ពី Mainz តម្លៃ ៨.៥លានផោន, ខ្សែប្រយុទ្ធនីហ្សេរីយ៉ា Taiwo Awoniyi ពី Union Berlin តម្លៃ ១៧លានផោន, ខ្សែការពារកណ្តាល Giulian Biancone ពី Troyes តម្លៃ ៥លានផោន ហើយក៏ឈានដល់កិច្ចព្រមព្រៀងនាំយកខ្សែការពារវែល Neco Williams ពី Liverpool តម្លៃ ១៧លានផោនទៀត។ ងាកមកក្រុមរួមលីគ Brentford ថ្មីៗនេះបាននាំយកខ្សែការពារស្កុតឡេន Aaron Hickey ពីក្លិបអ៊ីតាលី Bologna តម្លៃ ១៧លានផោន។ កីឡាករវ័យ ២០ឆ្នាំរូបនេះបានចុះហត្ថលេខារយៈពេល ៤ឆ្នាំបន្ទាប់ពីធ្លាប់បង្ហាញខ្លួន ៣៦លើកនៅក្របខណ្ឌអ៊ីតាលី Serie A ក្រោយផ្លាស់ពីក្លិបស្កុតឡេន Heart of Midlothian កាលពីឆ្នាំ២០២០។ ងាកមក Spurs វិញថ្មីៗនេះទើបតែបាននាំយកខ្សែការពារកណ្តាលរបស់ Barcelona, Clement Lenglet ក្នុងកិច្ចសន្យាខ្ចីជើងពេញមួយរដូវកាលបូករួមទាំងលក្ខខណ្ឌទិញផ្តាច់ផងដែរ។ កីឡាករវ័យ ២៧ឆ្នាំរូបនេះមិនសូវមានតំណែង ១១ ដំបូងឡើយនៅ Barcelona តាំងពីការមកដល់របស់អ្នកចាត់ការ Xavi Hernandez។ Clement Lenglet ត្រូវបាន Barcelona នាំយកពី Sevilla កាលពីឆ្នាំ២០១៨ ក្នុងតម្លៃ ៣៥.៩លានផោន។ Clement Lenglet បានក្លាយជាកីឡាករទី៥ ដែលមកដល់ Spurs បន្ទាប់ពី Ivan Perisic, Fraser Forster, Yves Bissouma និង Richarlison។ ជាមួយគ្នានោះដែរ Spurs ក៏បានបញ្ចេញខ្សែបម្រើស្លាបម្នាក់ដែរគឺកីឡាករហូឡង់ Steven Bergwijn ទៅកាន់ Ajax Amsterdam ក្នុងតម្លៃ ២៦លានផោន។ កីឡាករវ័យ ២៤ឆ្នាំជំរើសជាតិហូឡង់រូបនេះធ្លាប់ជាកីឡាកររបស់ Ajax ក្នុងកម្រិតយុវជន តែត្រូវបាន Spurs នាំយកពី PSV កាលពីខែមករា ឆ្នាំ២០២០ បង្ហាញខ្លួនសរុប ៨១លើករកបាន ៨គ្រាប់៕អត្ថបទ៖នាង សុភាវុធ

Novak Djokovic វាយបកពីក្រោយយកឈ្នះ Nick Kyrgios លើកពាន Wimbledon បួនឆ្នាំជាប់គ្នា

វាយកូនបាល់៖ កីឡាករវាយកូនបាល់ស៊ែប Novak Djokovic បានរើបម្រាស់ពីបរាជ័យសិតដំបូងវាយបកយកឈ្នះកីឡាករអូស្ត្រាលី Nick Kyrgios ដើម្បីលើកពាន Grand Slam, Wimbledon បួនឆ្នាំជាប់គ្នា។ កីឡាករវ័យ ៣៥ឆ្នាំរូបនេះត្រូវបានកីឡាករកំពូលរបស់អូស្ត្រាលី Nick Kyrgios ធ្វើឱ្យមានបញ្ហាខ្លាំងតាមរយៈការចេញសេវាយ៉ាងអស្ចារ្យ និងបានយកឈ្នះសិតដំបូង ៦-៤។ តែ Novak Djokovic ដែលជាជើងឯកនៅ Wimbledon នេះបីឆ្នាំជាប់គ្នាមកហើយនោះបានយកបទពិសោធន៍ និងសមត្ថភាពកំពូលរបស់ខ្លួនកែប្រែស្ថានការណ៍ និងសិក្សាច្បាស់ពីភាពខ្លាំងរបស់គូប្រកួត និងបានយកឈ្នះបីសិតផ្ទួនៗវិញ ៦-៣, ៦-៤ និង ៧-៦(៧-៣)។ ជ័យជំនះនេះធ្វើឱ្យ Novak Djokovic នៅពេលនេះមានពាន Grand Slam សរុប ២១លើកដេញពីក្រោយ Rafael Nadal តែមួយលើកប៉ុណ្ណោះ។ សូមបញ្ជាក់ថា នេះជាពាន Grand Slam ដំបូងសំរាប់ Djokovic ក្នុងឆ្នាំ២០២២ នេះបន្ទាប់ពីមិនអាចចូលរួមការប្រកួត Grand Slan, Australian Open បានដោយសារបញ្ហាវ៉ាក់សាំងកូវីដ-១៩ និងចាញ់ Rafael Nadal នៅវគ្គ ៨នាក់ចុងក្រោយ French Open៕អត្ថបទ៖នាង សុភាវុធ

Elena Rybakina ក្លាយជាកីឡាការិនីកាហ្សាក់ស្ថានទី១ ដែលឈ្នះជើងឯក Grand Slam

វាយកូនបាល់៖ កីឡាការិនីវាយកូនបាល់ Elena Rybakina បានក្លាយជាកីឡាការិនីកាហ្សាក់ស្ថានដំបូងបង្អស់ដែលឈ្នះជើងឯក Grand Slam ក្រោយយកឈ្នះកីឡាការិនីទុយនេស៊ី Ons Jabeur គ្រងជើងឯក Wimbledon។ កីឡាការិនីវ័យ ២៣ឆ្នាំ Elena Rybakina ត្រូវបានកីឡាការិនី Ons Jabeur នាំមុខមួយសិតមុន ៣-៦ មុនពេលដែលវាយបកយកឈ្នះវិញ ២សិតផ្ទួនៗ ៦-២ និង ៦-២ និងបានក្លាយជាកីឡាការិនីវ័យក្មេងជាងគេដែររាប់ពីឆ្នាំ២០១១ ដែលឈ្នះជើងឯក Wimbledon។ Rybakina មានដើមកំណើតនៅទីក្រុងមូស្គូប្រទេសរុស្ស៊ី តែប្រកួតតំណាងប្រទេសកាហ្សាក់ស្ថានតាំងពីឆ្នាំ២០១៨ ស្របពេល Wimbledon ឆ្នាំនេះហាមឃាត់មិនឱ្យកីឡាករ-កីឡាការិនីរុស្ស៊ី និងបេឡារុសចូលរួមការប្រកួតដោយសារបញ្ហាសង្គ្រាមនៅអ៊ុយក្រែន។កីឡាការិនីលំដាប់លេខ ២៣ ពិភពលោក Elena Rybakina មុនមកដល់ Wimbledon នេះបានយកឈ្នះជើងឯក WTA ពីរកម្មវិធី និងធ្លាប់មានចំណាត់ថ្នាក់ពិភពលោកល្អបំផុតលេខ ១២ កាលពីខែមករា។ ចំណែកឯអ្នកបរាជ័យកីឡាការិនីទុយនេស៊ី Ons Jabeur ក៏បានក្លាយជាកីឡាការិនីអារ៉ាប់ដំបូងគេដែរ ដែលឡើងមកកាន់វគ្គផ្តាច់ព្រ័ត្រ Grand Slam៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Erik ten Hag បញ្ជាក់ថា Ronaldo ស្ថិតក្នុងគម្រោងរបស់ក្លិប និងមិនមែនសម្រាប់លក់

ប្រមុខសហព័ន្ធកីឡាសូហ្វតិន្នីសថា ការប្រកួតជើងឯកថ្នាក់ជាតិឆ្នាំនេះមានការរីកចម្រើនខ្លាំង

ប្រតិភូកីឡាអាស៊ានកោតស្ញប់ស្ញែងចំពោះហេដ្ឋារចនាសម្ព័ន្ធកីឡាកម្ពុជា ពិសេសស្ដាតមរតកតេជោ

កម្ពុជាស្វាគមន៍យ៉ាងកក់ក្ដៅចំពោះប្រតិភូកីឡាអាស៊ាន

កិច្ចប្រជុំក្រុមប្រឹក្សាកីឡាអាស៊ានប៉ារ៉ាលើកដំបូងទទួលបានជោគជ័យជាងការគ្រោងទុក

កីឡាករលុចសាំបួរ Bob Jungels ឈ្នះដំណាក់កាលទី៩ ប្រណាំងកង់ Tour de France តែ Pogacar បន្តនាំមុខរួម

Charles Leclerc វ៉ា Max Verstappen ៣ដងមុនឈ្នះការប្រកួត F1 នៅប្រទេសអូទ្រីស

សង្ខេបព័ត៌មានដោះដូរកីឡាករចុងក្រោយនៅអឺរ៉ុប

Novak Djokovic វាយបកពីក្រោយយកឈ្នះ Nick Kyrgios លើកពាន Wimbledon បួនឆ្នាំជាប់គ្នា

Elena Rybakina ក្លាយជាកីឡាការិនីកាហ្សាក់ស្ថានទី១ ដែលឈ្នះជើងឯក Grand Slam

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Erik ten Hag បញ្ជាក់ថា Ronaldo ស្ថិតក្នុង​គម្រោង​របស់​ក្លិប និង​មិនមែន​សម្រាប់​លក់

ប្រតិភូ​កីឡា​អាស៊ាន​កោតស្ញប់ស្ញែង​ចំពោះ​ហេដ្ឋារចនាសម្ព័ន្ធ​កីឡា​កម្ពុជា ពិសេស​ស្ដាត​មរតក​តេ​ជោ​

កម្ពុជា​ស្វាគមន៍​យ៉ាង​កក់ក្ដៅ​ចំពោះ​ប្រតិភូ​កីឡា​អាស៊ាន​

កិច្ចប្រជុំ​ក្រុមប្រឹក្សា​កីឡា​អាស៊ាន​ប៉ា​រ៉ា​លើកដំបូង​ទទួល​បាន​ជោគជ័យ​ជាង​ការ​គ្រោង​ទុក​

កីឡាករ​លុច​សាំ​បួរ Bob Jungels ឈ្នះ​ដំណាក់កាល​ទី៩ ប្រណាំង​កង់ Tour de France តែ Pogacar បន្ត​នាំមុខ​រួម​

Charles Leclerc វ៉ា Max Verstappen ៣​ដង​មុន​ឈ្នះ​ការប្រកួត F1 នៅ​ប្រទេស​អូទ្រីស

សង្ខេប​ព័ត៌មាន​ដោះដូរ​កីឡាករ​ចុងក្រោយ​នៅ​អឺរ៉ុប​

Novak Djokovic វាយបក​ពីក្រោយ​យកឈ្នះ Nick Kyrgios លើក​ពាន Wimbledon បួន​ឆ្នាំ​ជាប់​គ្នា​

Elena Rybakina ក្លាយជា​កីឡាការិនី​កា​ហ្សា​ក់​ស្ថាន​ទី១ ដែល​ឈ្នះ​ជើងឯក Grand Slam

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Erik ten Hag បញ្ជាក់ថា Ronaldo ស្ថិតក្នុងគម្រោងរបស់ក្លិប និងមិនមែនសម្រាប់លក់

ប្រតិភូកីឡាអាស៊ានកោតស្ញប់ស្ញែងចំពោះហេដ្ឋារចនាសម្ព័ន្ធកីឡាកម្ពុជា ពិសេសស្ដាតមរតកតេជោ

កម្ពុជាស្វាគមន៍យ៉ាងកក់ក្ដៅចំពោះប្រតិភូកីឡាអាស៊ាន

កិច្ចប្រជុំក្រុមប្រឹក្សាកីឡាអាស៊ានប៉ារ៉ាលើកដំបូងទទួលបានជោគជ័យជាងការគ្រោងទុក

កីឡាករលុចសាំបួរ Bob Jungels ឈ្នះដំណាក់កាលទី៩ ប្រណាំងកង់ Tour de France តែ Pogacar បន្តនាំមុខរួម

Charles Leclerc វ៉ា Max Verstappen ៣ដងមុនឈ្នះការប្រកួត F1 នៅប្រទេសអូទ្រីស

សង្ខេបព័ត៌មានដោះដូរកីឡាករចុងក្រោយនៅអឺរ៉ុប

Novak Djokovic វាយបកពីក្រោយយកឈ្នះ Nick Kyrgios លើកពាន Wimbledon បួនឆ្នាំជាប់គ្នា

Elena Rybakina ក្លាយជាកីឡាការិនីកាហ្សាក់ស្ថានទី១ ដែលឈ្នះជើងឯក Grand Slam