BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

ធន់ ផានិត ទទួលបានការកោតសរសើរច្រើនពីអ្នកគាំទ្រ ទោះចាញ់កីឡាករថៃនៅសង្វៀនខ្សែក្រវាត់ខារ៉ាបាវរដូវកាលទី៨

ប្រដាល់៖ កីឡាករប្រដាល់គុនខ្មែរ ធន់ ផានិត បានបាត់បង់បីពិន្ទុក្នុងប្រកួតដំបូងរបស់ខ្លួននៃការប្រកួតព្រឹត្តិការណ៍ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៨ ក្រោយចាញ់កីឡាករថៃ ផាត់ថាណា ស៊ីតអាចានវីន។ ចាប់ផ្តើមរដូវកាលថ្មីនៃការប្រកួតដណ្តើមខ្សែក្រវាត់ក្នុងប្រភេទទំងន់ ៦០គីឡូក្រាមនេះ ធន់ ផានិត ដែលកូនសិស្សរបស់អតីតកំពូលកីឡាករប្រដាល់គុនខ្មែរលោក ធន់ សុភា មកសមាគមកីឡាប្រដាល់ក្រសួងការពារគឺជាបេក្ខភាព ឈានមុខគេម្នាក់ដែលគិតថា មានលទ្ធភាពអាចដណ្តើមខ្សែក្រវាត់រដូវកាលនេះបាន។ តែការប្រកួតដំបូងរបស់ខ្លួននៅចំពោះមុខអ្នកគាំទ្រពេញស្ទូឌីយោបាយ័នស្ទឹងមានជ័យ កីឡាករថៃ ផាត់ដាណា ស៊ីតអាចានវីន ដែលមានបទពិសោធក្រាសក្រែលនៅប្រទេសថៃ និងការចេញប្រឡូកលើឆាកអន្តរជាតិនោះ បានបង្ហាញពីភាពម៉ឺងម៉ាត់ និងចេញរាល់ក្បាច់របស់ខ្លួនច្បាស់ៗធ្វើឱ្យកីឡាករកម្ពុជា ធន់ ផានិត មានការលំបាក។ យ៉ាងណាក្តី ផានិត បានព្យាយាមវាយបកទៅវិញតាមលទ្ធភាពដែលអាចធ្វើទៅបាន និងធ្វើឱ្យគូប្រកួតថៃក៏ពិបាកនឹងយកឈ្នះដោយងាយៗដែរ។ ការប្រកួតបញ្ចប់ប្រាំទឹកដោយកីឡាករថៃ ផាត់ថាណា យកឈ្នះដោយពិន្ទុ តែ ផានិត បានទទួលការកោតសរសើរពី មជ្ឈដ្ឋានអ្នកគាំទ្រគុនខ្មែរថា ជាកីឡាករដែលមានការតស៊ូ អំណត់ មិនខ្លាចគូប្រកួត បើទោះជាចាប់ផ្តើមពីរទឹកដំបូងធ្វើមិនបានល្អ តែអាចស្រោចស្រង់ស្ថានការណ៍មកវិញរហូតបញ្ចប់ប្រាំទឹក។ នេះជាបីពិន្ទុទីពីរសំរាប់កីឡាករថៃ បន្ទាប់ពី រ៉ាក់ថែ ស៊ីតអាចានបៀ យកឈ្នះ ផាន ផាន់ណាត់ សប្តាហ៍មុន។ដោយឡែកសំរាប់កីឡាករកម្ពុជាមួយរូបទៀតគឺកីឡាករ ជ័រ ពៅ មិនធ្វើឱ្យទស្សនិកជនខកបំណងឡើយក្រោយយកឈ្នះកីឡាករថៃ ផេតម៉េតម៉ៃ ស៊ីតណងឡេក ដោយពិន្ទុ។ នេះក៏ជាបីពិន្ទុទីពីរផងដែរសំរាប់កីឡាករកម្ពុជាបន្ទាប់ពី ពេជ្រ សម្បត្តិ យកឈ្នះកីឡាករថៃ ទួនប៉េ ស៊ីតសាមផាយ៉ាក សប្តាហ៍មុន។ ជុំទី២ នឹងចាប់ផ្តើមនៅសប្តាហ៍ក្រោយគឺជាជំនួបរវាង ផាន ផាន់ណាត់ ជួបជាមួយ ទួនប៉េ ស៊ីតសាមផាយ៉ាក និង ពេជ្រ សម្បត្តិ ជួបជាមួយ រ៉ាក់ថែ ស៊ីតអាចានបៀរ៕អត្ថបទ៖នាង សុភាវុធ

ថ្នាក់ដឹកនាំសហព័ន្ធគាំទ្រការបង្កើតកីឡាតេក្វាន់ដូ WT វិទ្យាល័យ ហ៊ុន សែន សេរីភាព

តេក្វាន់ដូ៖ ថ្នាក់ដឹកនាំខេមរសហព័ន្ធតេក្វាន់ដូ WT បានបង្ហាញការគាំទ្រចំពោះការបង្កើតក្លិបកីឡាតេក្វាន់ដូ WT វិទ្យាល័យ ហ៊ុន សែន សេរីភាព នៅក្រុងតាខ្មៅ ខេត្តកណ្ដាល ដើម្បីរួមចំណែកអភិវឌ្ឍន៍វិស័យកីឡាមួយនេះឲ្យកាន់តែរីកចម្រើន ពិសេសផ្ដល់ឱកាសឲ្យសិស្សានុសិស្សបានហ្វឹកហាត់ និងកីឡាក្រៅម៉ោងសិក្សា។ នេះបើតាមការលើកឡើងរបស់លោក ម៉ោង ស្រេង អនុប្រធានខេមរសហព័ន្ធតេក្វាន់ដូ WT បន្ទាប់ពីលោកបានអញ្ជើញចូលរួមពិធីសម្ពោធបើកដំណើរការក្លិបតេក្វាន់ដូ WT វិទ្យាល័យ ហ៊ុន សែន សេរីភាពកាលពីថ្ងៃទី១០ ខែកក្កដាម្សិលមិញ។ ក្នុងនោះក៏មានការចូលរួមពីលោក IM JONG NAM អនុប្រធានសមាគមតេក្វាន់ដូខ្យុងហ្គីដូ ដែលជាម្ចាស់ជំនួយជំរុញឲ្យមានការបង្កើតក្លិបនេះផងដែរ។ លោក ម៉ៅ ស្រេង បានសម្ដែងការអរគុណចំពោះគណៈគ្រប់គ្រងវិទ្យាល័យ ហ៊ុន សែន សេរីភាព ដែលបានផ្តល់ទីតាំងក្នុងបរិវេណវិទ្យាល័យសម្រាប់បង្កើតក្លិបនេះឡើង ដើម្បីជាការរួមចំណែកអនុវត្តកម្មវិធីសិក្សារបស់ក្រសួងអប់រំ យុវជន និងកីឡា ក្នុងការត្រៀមដាក់បញ្ចូលប្រភេទកីឡាតេក្វាន់ដូ WT នេះផង និងជំរុញឲ្យសិស្សានុសិស្ស ក៏ដូចជាប្រជាពលរដ្ឋបានយល់ដឹងពីការហ្វឹកហាត់កីឡា នាំមកនូវសុខភាព មិត្តភាព សាមគ្គីភាព និងការអភិវឌ្ឍន៍ ពិសេសស្របតាមពាក្យស្លោករបស់រាជរដ្ឋាភិបាល ប្រជាជនម្នាក់ ត្រូវលេងកីឡាមួយប្រភេទក្នុងជីវិត។លោកបណ្ឌិត ជ្រិន សុធា អគ្គលេខាធិការសហព័ន្ធបានគូសបញ្ជាក់ថា ការបើកដំណើរការក្លិបនេះ ស្របតាមផែនការយុទ្ធសាស្ដ្ររបស់សហព័ន្ធក្រោមការដឹកនាំរបស់ឯកឧត្តមបណ្ឌិតសភាចារ្យ ហង់ជួន ណារ៉ុន ដើម្បីជំរុញការអភិវឌ្ឍប្រភេទកីឡាអូឡាំពិកនេះឲ្យកាន់តែរីកចម្រើន ហើយឈានទៅរកការផលិតធនធានកីឡាករ-កីឡាការិនីមានសមត្ថភាពសម្រាប់ត្រៀមការប្រកួតអន្ដរជាតិនានា។ លោក ស្រី ស្រឿន នាយករងក្លិបវិទ្យាល័យ ហ៊ុន សែន សេរីភាព និងអនុប្រធានក្លិបកីឡាតេក្វាន់ដូ WT វិទ្យាល័យ ហ៊ុន សែន សេរីភាបានឲ្យដឹងថា ការរៀបចំ និងបង្កើតក្លិបនេះគឺចំណាយថវិកាប្រមាណ ១២,០០០ដុល្លារក្រោមការឧបត្ថម្ភរបស់សមាគមតេក្វាន់ដូខ្យុងហ្គីដូ។ ក្លិបនេះមានបណ្តោយប្រវែង ៤៨ម៉ែត្រ និងទទឹងវែង ៧ ដែលបង្កើតឡើងក្នុងគោលបំណងរួមចំណែកអភិវឌ្ឍកីឡា និងបំផុសប្រភេទតេក្វាន់ដូ WT ឲ្យផ្តល់សិស្សានុសិស្សនៅទីក្រុងតាខ្មៅ ក៏ដូចជាផ្តល់ឱកាសដល់និស្សិតបានចូលរួមប្រកួតប្រជែង ដើម្បីជ្រើសរើសសិស្សដែលមានទេពកោសល្យតំណាងខេត្តកណ្តាល និងជាតិចូលរួមប្រកួតកីឡាសកលវិទ្យាល័យជាតិ និងអន្តរជាតិផ្សេងៗទៀតផងដែរ៕អត្ថបទ៖ លី ឈុនឡា

អ៊ុក ស្រីមុំ រំពឹងទាំង ២វិញ្ញាសាក្នុងការប្រកួត World Games នៅអាមេរិក

ប៉េតង់៖ កីឡាការិនីប៉េតង់ជម្រើសជាតិកម្ពុជា អ៊ុក ស្រីមុំ បានបង្ហាញក្ដីរំពឹងទាំង ២វិញ្ញាសារួមមានវិញ្ញាសាវាយគូ និងវាយយកពិន្ទុ ដែលខ្លួននឹងត្រូវប្រកួតក្នុងព្រឹត្តិការណ៍កីឡាពិភពលោក The World Games 2022 នៅទីក្រុង Birmingham នៃរដ្ឋ Alabama សហរដ្ឋអាមេរិកនៅថ្ងៃទី១១ ខែកក្កដានេះ ដែលត្រូវថ្ងៃទី១២ ខែកក្កដា ឆ្នាំ២០២២ ពេលវេលានៅប្រទេសកម្ពុជា។ ក្រោយចាប់ផ្ដើមហ្វឹកហាត់នៅទីក្រុង Birmingham ម្ចាស់មេដាយមាសពិភពលោកឆ្នាំ២០២១ រូបនេះបានបង្ហាញអារម្មណ៍ល្អជុំវិញការត្រៀមខ្លួន ប្រកួតប្រជែងជាមួយកីឡាការិនីមកពីជុំវិញពិភពលោក ទោះស្ថានភាពទីលានមិនសូវល្អប្រសើរក៏ដោយ។ ប៉ុន្ដែលោកស្រីមានជំនឿចិត្តថា នឹងអាចស្វែងរកមេដាយណាមួយជូនជាតិពីការប្រកួតដ៏ធំនេះ។ សូមបញ្ជាក់ថា ព្រឹត្តិការណ៍ The World Games 2022 នៅអាមេរិកនេះ ម្ចាស់ផ្ទះបានកំណត់កីឡាចំនួន ៣៣ប្រភេទ ក្នុងនោះក៏មានវត្តមានកីឡាការិនីប៉េតង់កម្ពុជា ២រូបផងដែរគឺកីឡាការិនី អ៊ុក ស្រីមុំ និងម្ចាស់មេដាយមាសកីឡាស៊ីហ្គេម អ៊ុន ស្រីយ៉ា។ អ្នកទាំងពីរនឹងត្រូវចាប់ដៃគ្នាប្រកួតលើវិញ្ញាសាវាយគូ បន្ទាប់ពីបានហ្វឹកហាត់ខ្លាំងមុនចាកចេញពីមាតុភូមិ ក្រោយបញ្ចប់បេសកកម្មប្រកួតកីឡាស៊ីហ្គេមនៅវៀតណាមកាលពីថ្មីៗ៕អត្ថបទ៖ លី ឈុនឡា

Ons Jabeur និង Elena Rybakina ឡើងវគ្គផ្តាច់ព្រ័ត្រ Grand Slam, Wimbledon លើកដំបូងដូចគ្នាក្នុងអាជីព

វាយកូនបាល់៖ វគ្គផ្តាច់ព្រ័ត្រ Grand Slam, Wimbledon ផ្នែកនារីរកឃើញបេក្ខភាពហើយគឺកីឡាការិនីទុយនេស៊ី Ons Jabeur និងកីឡាការិនីកាហ្សាក់ស្ថាន Elena Rybakina ដែលនេះជាលើកដំបូងសំរាប់កីឡាការិនីទាំងពីរ។ Ons Jabeur បានក្លាយជាកីឡាការិនីអារ៉ាប់ទី១ ដែលឡើងវគ្គផ្តាច់ព្រ័ត្រក្រោយយកឈ្នះកីឡាការិនីអាល្លឺម៉ង់ Tatjana Maria ៦-២, ៣-៦ និង ៦-១។ Ons Jabeur បានក្លាយជាបេក្ខភាពប្រជែងជើងឯកក្នុងឆ្នាំនេះ បន្ទាប់ពីឈ្នះជើងឯកជាបន្តបន្ទាប់មុន Wimbledon មកដល់។ ឈរលេខ២ ពិភពលោកនាពេលបច្ចុប្បន្ន Ons Jabeur គឺជាកីឡាការិនីអាហ្វ្រិកទី១ ដែលឈានឡើងវគ្គផ្តាច់ព្រ័ត្រ Grand Slam តាំងពីឆ្នាំ១៩៦០ ដែលធ្វើបានដោយកីឡាការិនីអាហ្វ្រិកខាងត្បូង Sandra Reynolds។ ចំណែកឯកីឡាការិនី Elena Rybakina ក៏បានបង្កើតប្រវត្តិសាស្ត្រដែរ ដោយបានក្លាយជាកីឡាការិនីកាហ្សាក់ស្ថានទី១ ឡើងវគ្គផ្តាច់ព្រ័ត្រ Grand Slam ក្រោយជ័យជំនះលើអតីតជើងឯក Simona Halep ៦-៣ និង ៦-៣។ មានដើមកំណើតនៅទឹកដីរុស្ស៊ី Rybakina បានចាប់ផ្តើមប្រកួតតំណាងឱ្យប្រទេសកាហ្សាក់ស្ថាននៅឆ្នាំ២០១៨ បន្ទាប់ពីទទួលបានការគាំទ្រផ្នែកហិរញ្ញវត្ថុ ខណៈនៅពេលនេះក៏អាចនឹងក្លាយជាកីឡាការិនីកាហ្សាក់ស្ថានដំបូងផងដែរ ដែលឈ្នះជើងឯក Grand Slam។Wimbledon បានហាមឃាត់មិនឱ្យកីឡាករ-កីឡាការិនីរុស្ស៊ី និងបេឡារុសចូលរួមការប្រកួតឡើយដោយសារតែ សង្គ្រាមលើអ៊ុយក្រែន ហើយជុំវិញបញ្ហានេះដែរ កីឡាការិនីដែលកើតនៅទីក្រុងមូស្គូរូបនេះអោយដឹងថា រូបគេបានប្រកួតតំណាងឱ្យប្រទេសកាហ្សាក់ស្ថានយូរមកហើយ ហើយក៏រីករាយនឹងបន្តដែរ ប្រជាជនកាហ្សាក់ស្ថានមានជំនឿចិត្តលើរូបនាង៕អត្ថបទ៖នាង សុភាវុធ

ខ្សែប្រយុទ្ធ Bilbao, Inaki Williams ប្ដូរសញ្ជាតិពីអេស្ប៉ាញមកប្រកួតតំណាងឱ្យហ្កាណា

បាល់ទាត់៖ ខ្សែប្រយុទ្ធក្លិបអេស្ប៉ាញ Athletic Bilbao, Inaki Williams បានសំរេចជ្រើសរើសប្រកួតតំណាងឱ្យក្រុមជំរើសជាតិហ្កាណា ជំនួសឱ្យប្រកួតឱ្យក្រុមជំរើសជាតិអេស្ប៉ាញ នេះបើតាមការបញ្ជាក់របស់សាមីខ្លួន។ កីឡាករវ័យ ២៨ឆ្នាំរូបនេះធ្លាប់ប្រកួតតំណាងឱ្យក្រុមជំរើសជាតិអេស្ប៉ាញអាយុក្រោម ២១ឆ្នាំ និងក្រុមធំពីមុនតាមរយៈដើមកំណើតកើតជានៅទឹកដីអេស្ប៉ាញ និងមានឪពុកម្តាយជាជនជាតិហ្កាណា។ Inaki Williams បានចូលរួមជាមួយក្លិបបាល់ទាត់ Athletic Bilbao តាំងពីឆ្នាំ២០១៤ បង្ហាញខ្លួនសរុបបាន ២៧២ប្រកួតរកបាន ៥៣គ្រាប់។ ប្រធានសមាគមបាល់ទាត់ហ្កាណាលោក Kurt Okraku ក៏បានបញ្ជាក់ដែរថា កីឡាកររបស់ក្រុម Brighton, Tariq Lamptey ក៏ត្រូវប្រកួតឱ្យក្រុមហ្កាណាដែរ ដោយពីមុនធ្លាប់ជាកីឡាករជំរើសជាតិអង់គ្លេសអាយុក្រោម ២១ ឆ្នាំ។ បើតាមច្បាប់របស់ FIFA កីឡាករអាចផ្លាស់ប្តូរសញ្ជាតិបាន ដើម្បីលេងឱ្យក្រុមជំរើសជាតិផ្សេង ប្រសិនបើពួកគេប្រកួតតំណាំងឱ្យក្រុមជំរើសជាតិដំបូងក្រោម ៣ប្រកួតនៅមុនអាយុ ២១ឆ្នាំ ហើយមិនដែលលេងនៅ World Cup រឺពានរង្វាន់ថ្នាក់ទ្វីបណាមួយ៕អត្ថបទ៖នាង សុភាវុធ

Paul Pogba ព្រមព្រៀងផ្លាស់ត្រលប់ទៅ Juventus វិញក្រោយផុតកុងត្រាជាមួយ Manchester United

បាល់ទាត់៖ ខ្សែបម្រើបារាំង Paul Pogba បានឈានដល់កិច្ចព្រមព្រៀងហើយ ក្នុងការវិលត្រលប់ទៅកាន់សេះបង្កង់ Juventus វិញក្រោយកិច្ចសន្យារបស់គេអស់សុពលភាពជាមួយ Manchester United។ កីឡាករវ័យ ២៩ឆ្នាំរូបនេះនឹងធ្វើការពិនិត្យសុខភាពនៅទីក្រុង Turin ប្រទេសអ៊ីតាលីក្នុងសប្តាហ៍នេះ មុននឹងចុះកិច្ចសន្យារយៈពេល ៣ ទៅ ៤ឆ្នាំ នេះបើតាមការចុះផ្សាយរបស់ទូរទស្សន៍ SkySport។ រំលឹកថា Paul Pogba បានចូលរួមជាមួយ Manchester United ដំបូងនៅឆ្នាំ ២០០៩ ផ្ទេរពីក្លិបបារាំង Le Havre ក្នុងវ័យត្រឹម ១៦ ឆ្នាំ។ តែនៅឆ្នាំ ២០១២ Pogba បានចាកចេញនៅពេលកិច្ចសន្យាសន្យាអស់សុពលភាពនៅខែកក្កដាឆ្នាំ ២០១២ ក្រោយបង្ហាញខ្លួនឱ្យ Manchester United ត្រឹម ៧ប្រកួតប៉ុណ្ណោះ។ ទៅដល់ Juventus, Paul Pogba បានឈ្នះពានសំខាន់ចំនួន ៨ នៅទីក្រុង Turin បូករួមទាំងពាន Serie A បួនរដូវកាលជាប់គ្នា។ ត្រលប់មកកាន់ Manchester United, Paul Pogba បានឈ្នះពាន EFL Cup និង UEFA Europa League ក្នុងរដូវកាលដំបូងនៃការវិលត្រលប់របស់ខ្លួន។ សរុបមក Paul Pogba បង្ហាញខ្លួនសរុប ២៣៣ ប្រកួតស៊ុតបញ្ចូលទីបាន ៣៩ គ្រាប់ជាមួយក្រុមបិសាចក្រហម Manchester United និងបង្ហាញខ្លួនចុងក្រោយនៅពេលជួប Norwich City កាលពីខែមេសា និងត្រូវបានអ្នកគាំទ្រខ្លួនឯងហ៊ោប្រមាថ៕អត្ថបទ៖នាង សុភាវុធ

Rafael Nadal ដកខ្លួនដោយសាររបួសមុនជំនួបវគ្គពាក់កណ្តាលផ្តាច់ព្រ័ត្រ Wimbledon

វាយកូនបាល់៖ កីឡាករវាយកូនបាល់អេស្ប៉ាញ Rafael Nadal បានសំរេចចិត្តដកខ្លួនពីព្រឹត្តិការណ៍ Grand Slam, Wimbledon ទាំងបង្ខំចិត្តដោយសាររបួស មុនការប្រកួតវគ្គពាក់កណ្តាលផ្តាច់ព្រ័ត្រ។ កីឡាករវ័យ ៣៦ឆ្នាំរូបនេះធ្លាប់បានទទួលការព្យាបាលបឋមអំឡុងការប្រកួតវគ្គ ៨នាក់ចុងក្រោយកាលពីថ្ងៃពុធ ពេលយកឈ្នះកីឡាករអាមេរិក Taylor Fritz។ ក្រោយការប្រកួតនោះ Nadal ក៏បានទទួលការព្យាបាល និងស្កេនឃើញថា មានរបួសរហែកសាច់ដុំ។ ជើងឯក Grand Slam ២២លើករូបនេះក៏បានធ្វើការហ្វឹកហាត់ដែរកាលពីថ្ងៃព្រហស្បតិ៍ម្សិលមិញ មុនពេលសំរេចចិត្តធ្វើសន្និសីទសារព័ត៌មានប្រកាសដកខ្លួន។ Rafael Nadal មានកាលវិភាគប្រកួតវគ្គពាក់កណ្តាលផ្តាច់ព្រ័ត្រទល់នឹង Nick Kyrgios តែដោយសាររបួសនេះមានន័យថា កីឡាករអូស្ត្រាលីរូបនេះត្រូវអង្គុយរង់ចាំនៅវគ្គផ្តាច់ព្រ័ត្រជួបជាមួយ Novak Djokovic រឺ Cameron Norrie ដែលត្រូវប្រកួតថ្ងៃនេះ៕អត្ថបទ៖នាង សុភាវុធ

Dortmund ទិញជើងស៊ុតនៅ Ajax, Sebastien Haller តម្លៃ ៣១លានអឺរ៉ូ

បាល់ទាត់៖ ក្លិបបាល់ទាត់អាល្លឺម៉ង់ Borussia Dortmund បាននាំយកខ្សែប្រយុទ្ធកូឌីវ័រ Sebastien Haller ពីក្លិបជើងឯកហូឡង់ Ajax Amsterdam ក្នុងតម្លៃ ៣១លានអឺរ៉ូ។ នេះជាការវិលត្រលប់មកកាន់បាល់ទាត់អាល្លឺម៉ង់វិញសំរាប់កីឡាករវ័យ ២៨ឆ្នាំរូបនេះដែលធ្លាប់ចំណាយពេលលេងនៅ Eintracht Frankfurt នៅរដូវកាល ២០១៧-១៩។ Sebastien Haller បានចុះហត្ថលេខារយៈពេល ៤ឆ្នាំនៅ Borussia Dortmund ក្នុងតម្លៃដែលអាចកើនដល់ ៣៤.៥លានអឺរ៉ូ។ សូមបញ្ជាក់ថា Sebastien Haller បានចំណាយពេល ១៨ខែនៅ Ajax ក្រោយផ្ទេរពី West Ham ពោលគឺក្នុងការបង្ហាញខ្លួន ៦៦ប្រកួតស៊ុតបញ្ចូលទីបាន ៤៧គ្រាប់ ហើយក៏មានដល់ទៅ ១១គ្រាប់នៅក្របខណ្ឌ UEFA Champions League។ ១១ប្រកួតនេះ Haller ធ្វើបានត្រឹម ៧ប្រកួតប៉ុណ្ណោះដែលធ្វើឱ្យបានក្លាយជាកីឡាករទី២ ប៉ុណ្ណោះបន្ទាប់ពី Cristiano Ronaldo ដែលស៊ុតបញ្ចូលទីគ្រប់ការប្រកួតនៅវគ្គចែកពូល៕អត្ថបទ៖នាង សុភាវុធ

សូលទីឡូអង្គរឡើងជួបព្រះខ័នរាជស្វាយរៀងក្នុងពានសម្ដេចតេជោ-ថ្នាក់ជាតិ

បាល់ទាត់៖ ក្រុមបាល់ទាត់សូលទីឡូអង្គរនឹងត្រូវជួបក្រុមកំពូលតារាងលីគកំពូលកម្ពុជា ព្រះខ័នរាជស្វាយរៀងក្នុងដំណាក់កាលទី៣ នៃពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) ឆ្នាំ២០២២ បន្ទាប់ពីយកឈ្នះទាំង ២ជើងលើក្រុមបាល់ទាត់ខេត្តបន្ទាយមានជ័យ ៤-០ ក្នុងវគ្គជម្រុះថ្នាក់ជាតិ។ សម្រាប់ជំនួបកាត់សេចក្ដីជើងទី២ នៅទឹកដីខេត្តបន្ទាយមានជ័យកាលពីល្ងាចថ្ងៃទី០៧ ខែកក្កដានេះ ក្រុមសូលទីឡូអង្គរបានបន្ដយកឈ្នះក្រៅដីក្នុងលទ្ធផល ២-០ ដូចកាលពីជើងទី១ ដែរ ដែលធ្វើសម្រេចដោយកីឡាករ យ៉ែន មករា នៅនាទី៥៣ និងមិត្តរួមក្រុម អ៊ីម វ៉ាឃីម នៅនាទី៩០+៣។ជ័យជម្នះនេះបានធ្វើឲ្យក្រុមមានមូលដ្ឋាននៅខេត្តសៀមរាប ទទួលបានកៅអីដំណាក់កាលទី៣ នៃពានសម្ដេចតេជោ ហ៊ុន សែន-ថ្នាក់ជាតិ ដោយត្រូវជួបក្រុមកំពូលតារាងនៃលីគកំពូលកម្ពុជា គិតត្រឹមសប្ដាហ៍ទី១១ ពោលគឺក្រុមខ្លាំងព្រះខ័នរាជស្វាយរៀង។ ទោះបីការប្រកួតសន្សំពិន្ទុលីគកំពូលនៅសល់ ២សប្ដាហ៍ទៀតក្ដី តែដោយសារព្រះខ័នរាជស្វាយរៀងមានពិន្ទុដាច់ឆ្ងាយពីគូប្រកួត មានន័យថា សូលទីឡូអង្គរនឹងត្រូវជួបក្រុមមានមូលដ្ឋាននៅខេត្ដស្វាយរៀងនេះ ដោយស្វ័យប្រវត្តិតែម្ដង៕អត្ថបទ៖ លី ឈុនឡា

ធន់ ផានិត និង ជ័រ ពៅ សុទ្ធតែមានជំនឿចិត្តមុនការប្រកួតដំបូង”ម្ចាស់ជើងឯកខ្សែក្រវាត់ខារ៉ាបាវ”សប្តាហ៍នេះ

ប្រដាល់៖ ព្រឹត្តិការណ៍ប្រកួតប្រដាល់គុនខ្មែរម្ចាស់ជើងឯកខ្សែក្រវាត់ខារ៉ាបាវ នឹងឈានចូលសប្តាហ៍ទី២ ជុំទី១ ថ្ងៃអាទិត្យចុងសប្តាហ៍ហើយ។ ភេសជ្ជៈប៉ូវកំលាំងខារ៉ាបាវដែលជាដៃគូឧបត្ថម្ភ នៅសង្វៀនគុនខ្មែរទូរទស្សន៍បាយ័នជាង ១០ឆ្នាំមកហើយនោះបានបន្តសហការបន្តទៀតជាមួយទូរទស្សន៍បាយ័ន ក្នុងការរៀបចំការប្រកួតដណ្តើមខ្សែក្រវាត់ក្នុងកម្មវិធីប្រដាល់គុនខ្មែរ ដែលមានការគាំទ្រជាងគេបំផុតនៅកម្ពុជា។សំរាប់សប្តាហ៍នេះ កីឡាករដែលជាក្តីសង្ឃឹមរបស់គុនខ្មែរ ធន់ ផានិត ដែលមកពីសមាគមកីឡាប្រដាល់ក្រសួងការពារជាតិ និងក្រោមការបង្វឹកផ្ទាល់របស់អតីតកំពូលកីឡាករប្រដាល់គុនខ្មែរគឺលោក ធន់ សុភា នឹងត្រូវជួបជាមួយកីឡាករជើងខ្លាំងថៃ ផាត់ថាណា ស៊ីតអាចានវីន។ សូមបញ្ជាក់ថា ធន់ ផានិតធ្លាប់យកឈ្នះកីឡាករថៃជាច្រើននាក់មកហើយ មុនឈានដល់ការប្រកួតដណ្តើមខ្សែក្រវាត់នេះ តែគូប្រកួតរបស់គេគឺកីឡាករថៃ ផាត់ថាណា ស៊ីតអាចានវីន ក៏មិនធម្មតាដែរ បន្ទាប់ពីធ្លាប់យកឈ្នះជើងខ្លាំង ពេជ្រ សម្បតិ្ត ក្នុងការប្រកួតមិត្តភាពនៅសង្វៀនទូរទស្សន៍បាយ័ននាពេលកន្លងមក។ចំណែកឯមួយគូទៀតកីឡាករមកពីក្លិបប្រដាល់ថ្មគោលពោធិសែនជ័យ ជ័រ ពៅ ដែលជាកីឡាករជំនាញលេងកែង នឹងត្រូវជួបជាមួយកីឡាករថៃ ផេតម៉េតម៉ៃ ស៊ីតណងឡេក។ ការប្រកួតនឹងចាប់ផ្តើមនាវេលាម៉ោង ៦ល្ងាចតទៅនៅសង្វៀនគុនខ្មែរស្ទូឌីយោស្ទឹងមានជ័យ ផ្សាយផ្ទាល់តាមរយៈកញ្ចក់ទូរទស្សន៍បាយ័ន នៅលើផេកហ្វេសប៊ុកផ្លូវការប្រដាល់គុនខ្មែរទូរទស្សន៍បាយ័ន Bayon & BTV Boxing និងផេកភេសជ្ជៈប៉ូវកំលាំងខារ៉ាបាវ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

មនុស្ស ៩៨នាក់ស្លាប់ និងជាច្រើននាក់ផ្សេងទៀត បាត់ខ្លួន ក្នុងទឹកជំនន់ដ៏គំហក់នៅរដ្ឋ Assam ប្រទេសឥណ្ឌា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ធន់ ផានិត ទទួលបានការកោតសរសើរច្រើនពីអ្នកគាំទ្រ ទោះចាញ់កីឡាករថៃនៅសង្វៀនខ្សែក្រវាត់ខារ៉ាបាវរដូវកាលទី៨

ថ្នាក់ដឹកនាំសហព័ន្ធគាំទ្រការបង្កើតកីឡាតេក្វាន់ដូ WT វិទ្យាល័យ ហ៊ុន សែន សេរីភាព

អ៊ុក ស្រីមុំ រំពឹងទាំង ២វិញ្ញាសាក្នុងការប្រកួត World Games នៅអាមេរិក

Ons Jabeur និង Elena Rybakina ឡើងវគ្គផ្តាច់ព្រ័ត្រ Grand Slam, Wimbledon លើកដំបូងដូចគ្នាក្នុងអាជីព

ខ្សែប្រយុទ្ធ Bilbao, Inaki Williams ប្ដូរសញ្ជាតិពីអេស្ប៉ាញមកប្រកួតតំណាងឱ្យហ្កាណា

Paul Pogba ព្រមព្រៀងផ្លាស់ត្រលប់ទៅ Juventus វិញក្រោយផុតកុងត្រាជាមួយ Manchester United

Rafael Nadal ដកខ្លួនដោយសាររបួសមុនជំនួបវគ្គពាក់កណ្តាលផ្តាច់ព្រ័ត្រ Wimbledon

Dortmund ទិញជើងស៊ុតនៅ Ajax, Sebastien Haller តម្លៃ ៣១លានអឺរ៉ូ

សូលទីឡូអង្គរឡើងជួបព្រះខ័នរាជស្វាយរៀងក្នុងពានសម្ដេចតេជោ-ថ្នាក់ជាតិ

ធន់ ផានិត និង ជ័រ ពៅ សុទ្ធតែមានជំនឿចិត្តមុនការប្រកួតដំបូង”ម្ចាស់ជើងឯកខ្សែក្រវាត់ខារ៉ាបាវ”សប្តាហ៍នេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ថ្នាក់ដឹកនាំ​សហព័ន្ធ​គាំទ្រ​ការបង្កើត​កីឡា​តេ​ក្វាន់​ដូ​ WT ​វិទ្យាល័យ ហ៊ុន សែន សេរីភាព

អ៊ុក ស្រីមុំ រំពឹង​ទាំង ២​វិញ្ញាសា​ក្នុងការ​ប្រកួត​ World Games ​នៅ​អាមេរិក​

Ons Jabeur និង Elena Rybakina ឡើង​វគ្គ​ផ្តាច់ព្រ័ត្រ Grand Slam, Wimbledon លើកដំបូង​ដូចគ្នា​ក្នុង​អាជីព​

ខ្សែប្រយុទ្ធ Bilbao, Inaki Williams ប្ដូរ​សញ្ជាតិ​ពី​អេ​ស្ប៉ា​ញ​មក​ប្រកួត​តំណាង​ឱ្យ​ហ្កា​ណា

Paul Pogba ព្រមព្រៀង​ផ្លាស់​ត្រលប់​ទៅ Juventus វិញ​ក្រោយ​ផុត​កុងត្រា​ជាមួយ Manchester United

Rafael Nadal ដកខ្លួន​ដោយសារ​របួស​មុន​ជំនួប​វគ្គ​ពាក់កណ្តាល​ផ្តាច់ព្រ័ត្រ Wimbledon

Dortmund ទិញ​ជើង​ស៊ុត​នៅ Ajax, Sebastien Haller តម្លៃ ៣១​លាន​អឺរ៉ូ

សូល​ទី​ឡូ​អង្គរ​ឡើង​ជួប​ព្រះខ័ន​រាជ​ស្វាយរៀង​ក្នុង​ពាន​សម្ដេច​តេ​ជោ​-​ថ្នាក់ជាតិ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ថ្នាក់ដឹកនាំសហព័ន្ធគាំទ្រការបង្កើតកីឡាតេក្វាន់ដូ WT វិទ្យាល័យ ហ៊ុន សែន សេរីភាព

អ៊ុក ស្រីមុំ រំពឹងទាំង ២វិញ្ញាសាក្នុងការប្រកួត World Games នៅអាមេរិក

Ons Jabeur និង Elena Rybakina ឡើងវគ្គផ្តាច់ព្រ័ត្រ Grand Slam, Wimbledon លើកដំបូងដូចគ្នាក្នុងអាជីព

ខ្សែប្រយុទ្ធ Bilbao, Inaki Williams ប្ដូរសញ្ជាតិពីអេស្ប៉ាញមកប្រកួតតំណាងឱ្យហ្កាណា

Paul Pogba ព្រមព្រៀងផ្លាស់ត្រលប់ទៅ Juventus វិញក្រោយផុតកុងត្រាជាមួយ Manchester United

Rafael Nadal ដកខ្លួនដោយសាររបួសមុនជំនួបវគ្គពាក់កណ្តាលផ្តាច់ព្រ័ត្រ Wimbledon

Dortmund ទិញជើងស៊ុតនៅ Ajax, Sebastien Haller តម្លៃ ៣១លានអឺរ៉ូ

សូលទីឡូអង្គរឡើងជួបព្រះខ័នរាជស្វាយរៀងក្នុងពានសម្ដេចតេជោ-ថ្នាក់ជាតិ