BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

គ្រូ និងសិស្សសាលាទួលស្វាយព្រៃយល់ដឹងច្រើនពីស៊ីហ្គេម-អាស៊ានប៉ារ៉ាហ្គេមឆ្នាំ២០២៣

ស៊ីហ្គេម៖ គ្រូ និងសិស្សានុសិស្សនៃវិទ្យាល័យទួលស្វាយព្រៃ បានសម្ដែងការសប្បាយចិត្ត និងយល់ដឹងច្រើនពីព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេមឆ្នាំ២០២៣ នៅកម្ពុជា ព្រមទាំងបានប្ដេជ្ញាចិត្តចូលរួមផ្សព្វផ្សាយ និងគាំទ្រព្រឹត្តិការណ៍ជាប្រវត្តិសាស្ដ្រនៅកម្ពុជានេះទៀតផង។ នេះបើតាមការបញ្ជាក់របស់លោក កើត ស្រួច នាយករងវិទ្យាល័យទួលស្វាយព្រៃរួមទាំងសិស្សានុសិស្សមួយចំនួន បន្ទាប់ពីគណៈកម្មាធិការជាតិអូឡាំពិកកម្ពុជា បានចុះរៀបចំកម្មវិធីបញ្ជ្រាបការអប់រំអំពីគុណតម្លៃអូឡាំពិក និងផ្សព្វផ្សាយដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេមឆ្នាំ២០២៣ កាលពីថ្ងៃទី០៧ ខែកក្កដា ឆ្នាំ២០២២ ម្សិលមិញ។ នាយករងដដែលបានបង្ហាញនូវក្តីរីករាយ ចំពោះគណៈកម្មាធិការជាតិអូឡាំពិកកម្ពុជាដែលបានរៀបចំកម្មវិធីនៅវិទ្យាល័យទួលស្វាយព្រៃ ក៏ដូចជាចែករំលែកចំណេះដឹងពីគុណតម្លៃនៃកីឡាទៅកាន់សិស្សានុសិស្សរបស់ខ្លួន ដើម្បីចូលរួមគាំទ្រជាមួយគ្នាឆ្ពោះទៅរៀបចំ ព្រឹត្តិការណ៍កីឡាជាប្រវត្តិសាស្ត្រជាលើកដំបូងរបស់កម្ពុជា ក្រោយរង់ចាំអស់រយៈពេល ៦៤ឆ្នាំ។លោក ប៊ុយ សុភ័ណ្ឌ ទីប្រឹក្សាគណៈកម្មាធិការជាតិអូឡាំពិកកម្ពុជា និងជាគ្រូឧទ្ទេសប្រចាំវគ្គនេះបានអះអាងថា ក្រុមការងារ NOCC នឹងបន្តពង្រីកការផ្សព្វផ្សាយយុទ្ធនាការសំខាន់ៗទាំងនេះ ជាមួយរាជរដ្ឋាភិបាលកម្ពុជា និងគណៈកម្មាធិការជាតិ CAMSOC ដើម្បីប្រមូលការចូលរួមគាំទ្របន្ថែមពីប្រជាពលរដ្ឋ និងយុវជនឱ្យបានទូលំទូលាយបន្ថែមទៀត ដើម្បីផ្សព្វផ្សាយ និងលើកកម្ពស់កិត្យានុភាពជាតិ តាមរយៈព្រឹត្តិការណ៍កីឡាជាកំណត់ត្រាប្រវត្តិសាស្ត្រនេះ ដែលជាព្រឹត្តិការណ៍របស់ប្រជាជនកម្ពុជាគ្រប់រូប៕អត្ថបទ៖ លី ឈុនឡា

កម្ពុជាសល់ ៣០០ថ្ងៃគត់ក្នុងដំណើរឆ្ពោះទៅព្រឹត្តិការណ៍ប្រវត្តិសាស្ត្រស៊ីហ្គេម-អាស៊ានប៉ារ៉ាហ្គេម២០២៣

ស៊ីហ្គេម៖ គិតត្រឹមថ្ងៃទី០៨ ខែកក្កដា ឆ្នាំ២០២២ នេះ កម្ពុជានៅសល់ ៣០០ថ្ងៃគត់សម្រាប់ដំណើរឆ្ពោះទៅធ្វើម្ចាស់ផ្ទះការប្រកួតកីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣។ក្នុងថ្ងៃនេះដែរ គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) ដែលមានសម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធាន បានជំរុញឲ្យគ្រប់ភាគីពាក់ព័ន្ធ ប្រជាពលរដ្ឋ ពិសេសប្រព័ន្ធផ្សព្វផ្សាយធ្វើការបំផ្ទុះការផ្សព្វផ្សាយព្រឹត្តិការណ៍ដ៏មានសារៈសំខាន់នេះ ដើម្បីពញ្ញាក់អារម្មណ៍ ក្នុងការត្រៀមទទួលធ្វើម្ចាស់ផ្ទះព្រឹត្តិការណ៍ជាប្រវត្តិសាស្ដ្រនេះទាំងអស់គ្នា។ ឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការ CAMSOC បានចាត់ទុកព្រឹត្តិការណ៍ ៣០០ថ្ងៃនៃដំណើរឆ្ពោះទៅស៊ីហ្គេម-អាស៊ានប៉ារ៉ាហ្គេមឆ្នាំ២០២៣ នេះគឺជាព្រឹត្តិការណ៍ដ៏សំខាន់ ដើម្បីពញ្ញាក់អារម្មណ៍ប្រជាពលរដ្ឋ កីឡាករ-កីឡាការិនី មន្ដ្រីកីឡា ក្រសួង-ស្ថាប័ន និងអង្គភាពពាក់ព័ន្ធក្នុងការត្រៀមទទួលបដិសណ្ឋារកិច្ចប្រតិភូកីឡាជិត ១ម៉ឺននាក់ដែលនឹងមកប្រកួត និងអបអរកម្ពុជានាឆ្នាំ២០២៣។សូមបញ្ជាក់ថា បើធៀបពីថ្ងៃទី០៨ ខែកក្កដា ឆ្នាំ២០២២ រហូតដល់ថ្ងៃទី០៥ ខែឧសភា ឆ្នាំ២០២៣ ដែលជាថ្ងៃប្រារព្ធពិធីបើកការប្រកួតផ្លូវការនៃព្រឹត្តិការណ៍ស៊ីហ្គេមលើកទី៣២ គឺនៅសល់រយៈពេល ៣០០ថ្ងៃគត់ដែលកម្ពុជាត្រូវត្រៀមលក្ខណៈទទួលធ្វើម្ចាស់ផ្ទះ បន្ទាប់ពីកម្ពុជាទន្ទឹងរង់ចាំអស់រយៈពេល ៦៤ឆ្នាំ។ តាមគម្រោងក្នុងរយៈពេល ៣០០ថ្ងៃនេះ កម្ពុជា ពិសេស CAMSOC ដែលជាសេនាធិការរបស់រាជរដ្ឋាភិបាល មានភារកិច្ចសំខាន់ៗជាច្រើនត្រូវធ្វើ ដើម្បីធានាបាននូវភាពជោគជ័យក្នុងព្រឹត្តិការណ៍ជាប្រវត្តិសាស្ដ្រនេះ៕អត្ថបទ៖ លី ឈុនឡា

កីឡាករហូឡង់ Wout van aert ឈ្នះដំណាក់កាលទី៤ ប្រណាំងកង់ Tour de France ពន្លាតការនាំមុខរួម

ប្រណាំងកង់៖ កីឡាករប្រណាំងកង់ហូឡង់ Wout van Aert បានប្រជែងឈ្នះការដំណាក់កាលទី៤ នៃការប្រកួតប្រណាំងកង់លំដាប់ Grand Tour, Tour de France ដើម្បីពន្លាតការនាំមុខក្នុងតារាងជើងឯក។ ដំណាក់កាលទី៤ ដែលមានចម្ងាយផ្លូវ ១៧១.៥គីឡូម៉ែត្រ កីឡាកររបស់ក្រុម Jumbo Visma រូបនេះបានប្រជែងយ៉ាងស្វិតស្វាញនៅចំណុច ១០គីឡូម៉ែត្រចុងក្រោយដើម្បីមកដល់ទីព្រ័ត្រមុនគេប្រើពេល ៤ម៉ោង ១នាទី ៦វិនាទី។ លេខ២ ក្នុងដំណាក់កាលបានទៅកីឡាករប៊ែលហ្ស៊ិក Jasper Philipsen យឺតជាង ៨វិនាទី និងលេខ៣ កីឡាករបារាំង Christophe Laporte។ក្រោយ ៤ដំណាក់កាលនេះ Wout van Aert បានពន្លាតការនាំមុខរបស់ខ្លួនក្នុងតារាងវេលារួមពីលើអ្នកលេខ២ កីឡាករប៊ែលហ្ស៊ិក Yves Lampaert ដល់ ២៥វិនាទី និងអ្នកលេខ៣ អ្នកការពារតំណែងជើងឯកសញ្ជាតិស្លូវេនី Tadej Pogacar យឺតជាង ៣២វិនាទី។ សំរាប់ដំណាក់កាលទី៥ ថ្ងៃពុធនេះមានចម្ងាយផ្លូវ ១៥៧គីឡូម៉ែត្រ៕អត្ថបទ៖នាង សុភាវុធ

Manchester United ទិញបានខ្សែការពារ Tyrell Malacia ផ្លូវការពី Feyenoord តម្លៃ ១៥លានអឺរ៉ូ

បាល់ទាត់៖ ក្រុមបិសាចក្រហម Manchester United បានសំរេចក្នុងការនាំយកខ្សែការពារហូឡង់ Tyrell Malacia ក្នុងតម្លៃ ១៥លានអឺរ៉ូផ្ទេរពី Feyenoord។ កីឡាករវ័យ ២២ឆ្នាំរូបនេះបានចុះហត្ថលេខារយៈពេល ៤ឆ្នាំនៅ Old Trafford ដែលជាកីឡាករដំបូងដែលផ្ទេរចូលក្រោមការដឹកនាំរបស់អ្នកចាត់ការថ្មី Erik ten Hag។ Tyrell Malacia បង្ហាញខ្លួនសរុបនៅ Feyenoord បាន ១៣៦ប្រកួត និងជាសមាជិកសំខាន់របស់ក្លិប ស្របពេលដែលមានការចាប់អារម្មណ៍ផងដែរពីក្លិបបារាំង Lyon។ ការមកដល់របស់ Tyrell Malacia ក៏ដំណាលគ្នានឹងដំណឹងរបស់ខ្សែបម្រើដាណឺម៉ាក Christian Eriksen ដែលត្រូវបានគេដឹងថា ឈានដល់កិច្ចព្រមព្រៀងផ្លាស់មកកាន់ Manchester United ផងដែរ។ កិច្ចសន្យារយៈពេល ៣ឆ្នាំនឹងផ្តល់ជូនកីឡាករវ័យ ៣០ឆ្នាំរូបនេះនៅ Olf Trafford និងរង់ចាំតែការពិនិត្យសុខភាពប៉ុណ្ណោះ៕អត្ថបទ៖នាង សុភាវុធ

Paris Saint Germain តែងតាំងអ្នកចាត់ការថ្មីលោក Christophe Galtier

បាល់ទាត់៖ ក្លិបជើងឯកបារាំង Paris Saint Germain បានប្រកាសតែងតាំងអតីតអ្នកចាត់ការ Lille លោក Christophe Galtier ជាអ្នកចាត់ការថ្មីបន្ទាប់ពីការចាកចេញរបស់ Mauricio Pochettino។ បុរសវ័យ ៥៥ឆ្នាំរូបនេះបានចុះហត្ថលេខាដឹកនាំក្រុមនៅទីក្រុងប៉ារីសមួយនេះរយៈពេល ២ឆ្នាំ។ លោក Christophe Galtier បានចាកចេញពីក្លិបរួមលីគ Lille ខែមុនក្រោយដឹកនាំក្រុមបានលេខ៥ នៅ Ligue 1 និងជើងឯករង French Cup រដូវកាលមុន។ លោក Galtier មុនការចាកចេញក៏បានដឹកនាំ Lille ឈ្នះពានលីគកំពូលបារាំង Ligue 1 កាលពីឆ្នាំ២០២១។ លោក Galtier ក៏បានក្លាយជាអ្នកចាត់ការទី៧ ផងដែររបស់ PSG តាំងពីការវិនិយោគរបស់កាតានៅឆ្នាំ២០១១៕អត្ថបទ៖នាង សុភាវុធ

សៀរ៉ាលេអូនចាប់ផ្តើមស៊ើបអង្កេត ក្រោយបាល់ទាត់ពីរប្រកួតនៅលីគទី២ ឈ្នះគ្នាជិត ១០០គ្រាប់

បាល់ទាត់៖ សមាគមកីឡាបាល់ទាត់នៃប្រទេសសៀរ៉ាលេអូន SLFA បានចាប់ផ្តើមស៊ើបអង្កេតលើការប្រកួតចំនួនពីរប្រកួតនៅក្របខណ្ឌបាល់ទាត់លីគទី២ ដែលមួយប្រកួតស៊ុតគ្នាជិត ១០០គ្រាប់។ ការប្រកួតនៅលីគទី២ ចំនួនពីរប្រកួតរួមមានក្រុមបាល់ទាត់ Kehunla Rangers យកឈ្នះ Lumbedu United ៩៥-០ និង Gulf FC យកឈ្នះ Koquima Lebanon ៩១-១ ដែលជាការស៊ុតបញ្ចូលទីច្រើនបំផុតក្នុង ១ប្រកួត ជាកំណត់ត្រាក្នុងប្រវត្តិសាស្ត្របាល់ទាត់សៀរ៉ាលេអូន។ ពីរប្រកួតនេះ រឿងដែលចម្លែកនោះគឺវគ្គទី១ មានគ្រាប់បាល់ត្រឹម ២-០ និងមួយប្រកួតទៀត ៧-១ ប៉ុណ្ណោះ។ ប្រធាន SLFA លោក Thomas Daddy Brima បានប្រាប់ BBC Sport Africa ថា "យើងមិនអាចឈរមើលស្ថានភាពដ៏អាម៉ាស់មួយដូចនេះទេ"។ “យើងនឹងបើកការស៊ើបអង្កេតជាបន្ទាន់ ហើយនាំយកអ្នកទទួលខុសត្រូវទាំងអស់មកបំភ្លឺ"។នាយកប្រតិបត្តិនៃក្លិបបាល់ទាត់ Kahunla Rangers "បានថ្កោលទោសយ៉ាងខ្លាំងចំពោះអាកប្បកិរិយាមិនចូលចិត្តកីឡា" ហើយអ្នកគ្រប់គ្រងទូទៅរបស់ Lumbebu បាននិយាយថា "មិនបានដឹងអំពីការរៀបចំការប្រកួតណាមួយទេ"។ ទន្ទឹមនឹងនេះប្រធានក្រុម Koquima Lebanon បានអះអាងថា ការប្រកួតដែលពាក់ព័ន្ធនឹងក្រុមរបស់លោក ពិតជាការប្រកួតមិត្តភាព តែមន្ត្រីក្លិប Gulf FC បានបដិសេធមិនធ្វើអត្ថាធិប្បាយទេ។SLFA បាននិយាយថា ខ្លួននឹងស៊ើបអង្កេតកីឡាករ និងមន្ត្រីមកពីក្លឹបទាំងបួនដែលពាក់ព័ន្ធ មន្ត្រីការប្រកួតដែលបានកំណត់ និងសមាគមបាល់ទាត់តំបន់បូព៌ា។ សូមបញ្ជាក់ថា Kehunla Rangers និង Gulf FC មុនឈានដល់ការប្រកួតសប្តាហ៍ចុងក្រោយនោះ ក្រុមទាំងពីរមានពិន្ទុស្មើគ្នា និងព្យាយាមដណ្តើមជើងឯករៀងខ្លួន ដើម្បីកៅអីជំរុះចុងក្រោយឡើងទៅក្របខណ្ឌលីគកំពូល៕អត្ថបទ៖នាង សុភាវុធ

កីឡាការិនីអាល្លឺម៉ង់ Tatjana Maria ឡើងវគ្គពាក់កណ្តាលផ្តាច់ព្រ័ត្រ Grand Slam លើកដំបូង

វាយកូនបាល៖ កីឡាការិនីវាយកូនបាល់អាល្លឺម៉ង់ Tatjana Maria បានបន្តដំណើរឈានឡើងវគ្គពាក់កណ្តាលផ្តាច់ព្រ័ត្រព្រឹត្តិការណ៍ Grand Slam ជាលើកដំបូងក្នុងអាជីព ក្រោយយកឈ្នះមិត្តរួមជាតិអាល្លឺម៉ង់កីឡាការិនី Jule Niemeier។ បច្ចុប្បន្នមានចំណាត់ថ្នាក់ពិភពលោកលេខ ១០៣ Tatjana Maria ទើបតែវិលចូលប្រកួតវាយកូនបាល់វិញមិនទាន់បានមួយឆ្នាំស្រួលបួលផង បន្ទាប់ពីសម្រាលកូនស្រីទីពីររបស់នាង។ ចាប់ផ្តើមដំបូង Jule Niemeier បាននាំមុខមុន ១ សិត ៦-៤ មុនពេលដែល Maria វាយបកយកឈ្នះវិញ ២សិតផ្ទួនៗ ៦-២ និង ៧-៥។ ជុំបន្តកីឡាការិនីវ័យ ៣៤ឆ្នាំរូបនេះនឹងត្រូវជួបជាមួយកីឡាការិនីទុយនេស៊ី Ons Jabeur។ Ons Jabeur បានក្លាយជាកីឡាការិនីមកពីតំបន់អារ៉ាប់ទីមួយដែលឡើងដល់វគ្គពាក់កណ្តាលផ្តាច់ព្រ័ត្រ Grand Slam ក្រោយយកឈ្នះកីឡាការិនីឆេក Marie Bouzkova។មិនខុសពី Tatjana Maria ឡើយ Ons Jabeur ក៏ត្រូវគូប្រកួតនាំមុខមុនមួយសិតដែរ មុនពេលវាយបកយកឈ្នះវិញ ៦-១ និង ៦-១។ នៅវគ្គពាក់កណ្តាលផ្តាច់ព្រ៏ត្រ Ons Jabeur នឹងត្រូវជួបជាមួយ Tatjana Maria ដែលនឹងមានម្នាក់ឡើងវគ្គផ្តាច់ព្រ័ត្រជាលើកដំបូងក្នុងអាជីពវាយកូនបាល់៕អត្ថបទ៖នាង សុភាវុធ

ក្រសួងអប់រំបើកវគ្គបំប៉នស្ដីពីការរៀបចំ និងគ្រប់គ្រងព្រឹត្តិការណ៍កីឡា ត្រៀមប្រកួតកីឡាជាតិលើកទី៣ ចុងឆ្នាំនេះ

កីឡាជាតិ៖ ក្រសួងអប់រំ យុវជន និងកីឡាបានរៀបចំរៀបចំវគ្គបំប៉នសមត្ថភាពដល់មន្ដ្រីមន្ទីរអប់រំ យុវជន និងកីឡាគ្រប់រាជធានី-ខេត្តស្តីពីការរៀបចំ និងគ្រប់គ្រងព្រឹត្តិការណ៍កីឡា ដើម្បីពង្រឹងសមត្ថភាពត្រៀមចូលរួមរៀបចំការប្រកួតកីឡាជាតិលើកទី៣ នាចុងឆ្នាំ២០២២ ក៏ដូចជាក្នុងគោលដៅតម្រង់ទិសឆ្ពោះទៅទទួលរៀបចំការប្រកួតកីឡាស៊ីហ្គេម-អាស៊ានប៉ារ៉ាហ្គេមនាឆ្នាំ២០២៣ ខាងមុខផងដែរ។ ពិធីបើកវគ្គបំប៉ននេះធ្វើឡើងក្រោមវត្តមានឯកឧត្តម សុខ សប្បាយណា អនុរដ្ឋលេខាធិការក្រសួងអប់រំ យុវជន និងកីឡា។ វគ្គនេះមានរយៈពេល ៣ថ្ងៃចាប់ពីថ្ងៃទី០៤ ដល់ថ្ងៃទី០៧ ខែកក្កដា ឆ្នាំ២០២២ ដោយមានសិក្ខាកាមជាមន្ដ្រីជំនាញចំនួន ៥០នាក់មកពីមន្ទីរអប់រំ យុវជន និងកីឡាទាំង ២៥រាជធានី-ខេត្តចូលរួម។ ឯកឧត្តម សុខ សប្បាយណា បានកោតសរសើរ និងវាយតម្លៃខ្ពស់ចំពោះអង្គភាពជំនាញ និងអគ្គនាយកដ្ឋានកីឡាដែលបានខិតខំប្រឹងប្រែងបំពេញភារកិច្ចយ៉ាងសកម្ម ក្នុងការរៀបចំសិក្ខាសាលាដ៏មានសារៈសំខាន់នេះ ព្រមទាំងអញ្ជើញស្ថាប័នពាក់ព័ន្ធ ដើម្បីពង្រឹងសមត្ថភាព និងបង្កើនធនធានមន្ត្រីកីឡានៅតាមមន្ទីរអប់រំ យុវជន និងកីឡារាជធានី-ខេត្តឲ្យមានការរៀបចំមានស្តង់ដាស្របតាមការរៀបចំក្នុងតំបន់ ជាពិសេសការត្រៀមលក្ខណៈរៀបចំព្រឹត្តិការណ៍ជាប្រវត្តិសាស្ដ្រនាឆ្នាំ២០២៣។ឯកឧត្តមសង្កត់ធ្ងន់ថា ក្រសួងអប់រំ យុវជន និងកីឡា ក្រោមការដឹកនាំរបស់ឯកឧត្តមបណ្ឌិតសភាចារ្យ ហង់ជួន ណារ៉ុន បានរៀបចំគោលនយោបាយកីឡាជាតិស្តីពីការអភិវឌ្ឍវិស័យអប់រំកាយ និងកីឡា និងបានធ្វើកំណែទម្រង់ស៊ីជម្រៅការងារអប់រំកាយ និងកីឡា ៤ចំណុចដើម្បីលើកកម្ពស់វិស័យកីឡាឆ្ពោះទៅឆ្នាំ២០២៣។ កំណែទម្រង់ស៊ីជម្រៅចម្បងៗចំនួន ៤នេះមានដូចជា៖ ការជួសជុលកែលម្អ និងកសាងហេដ្ឋារចនាសម្ព័ន្ធកីឡា, ការបណ្តុះបណ្តាលធនធានមនុស្ស, ការកែលម្អរចនាសម្ព័ន្ធការប្រកួត និងការពង្រឹងសហព័ន្ធកីឡាជាតិ ដើម្បីពង្រឹងសហព័ន្ធកីឡាជាតិឱ្យបានរឹងមាំ ទាំងការងាររដ្ឋបាល និងការងារបច្ចេកទេស ក្រសួងអប់រំ យុវជន និងកីឡាបានធ្វើប្រតិភូកម្មមុខងារ និងការគាំទ្រថវិកាទៅសហព័ន្ធកីឡាជាតិ ដែលមានក្នុងផែនការមេនៃការប្រកួតកីឡាស៊ីហ្គេម ដើម្បីពន្លឿនការអភិវឌ្ឍឆ្ពោះទៅឆ្នាំ២០២៣។ដើម្បីឱ្យការធ្វើកំណែទម្រង់នេះទទួលបានជោគជ័យ ក្រសួងអប់រំ យុវជន និងកីឡាសំណូមពរដល់អង្គការរដ្ឋកីឡា និងអង្គការសង្គមកីឡា ឱ្យខិតខំប្រឹងប្រែងរួមគ្នាបន្ថែមទៀតដោយយកអស់ស្មារតី កម្លាំងកាយ និងលទ្ធភាពបំពេញភារកិច្ចទៅតាមតួនាទីរៀងៗខ្លួន ដោយការទទួលខុសត្រូវខ្ពស់។ ក្រោមពាក្យស្លោក “រួមគ្នាគិត រួមគ្នាធ្វើ និងរួមគ្នាទទួលខុសត្រូវ” ដើម្បីជោគជ័យស៊ីហ្គេមឆ្នាំ២០២៣។ លោក ហួត សេងទ្រី ប្រធាននាយកដ្ឋានរៀបចំ និងគ្រប់គ្រងព្រឹត្តិការណ៍កីឡាគូសបញ្ជាក់ថា វគ្គបំប៉សមត្ថភាពស្តីពីការរៀបចំ និងគ្រប់គ្រងព្រឹត្តិការណ៍កីឡានេះ រៀបចំឡើងក្នុងគោលបំណងត្រៀមចូលរួមព្រឹត្តិការណ៍កីឡាជាតិលើកទី៣ ឆ្នាំ២០២២ ដែលនឹងប្រព្រឹត្តទៅចាប់ពីថ្ងៃទី១៧-២៨ ខែវិច្ឆិកា ឆ្នាំ២០២២ ដើម្បីលើកកម្ពស់ដល់ការរៀបចំមានស្តង់ដាតែមួយ ស្របទៅតាមនិយាមថ្នាក់ជាតិ និងអន្តរជាតិឲ្យមានការយល់គ្នារវាងគណៈកម្មការរៀបចំការប្រកួត និងអ្នកដឹកនាំការងារបច្ចេកទេស ដើម្បីរួមគ្នាឆ្ពោះទៅធ្វើជាម្ចាស់ផ្ទះកីឡាស៊ីហ្គេមឆ្នាំ២០២៣៕អត្ថបទ៖ លី ឈុនឡា

Novak Djokovic និង Cameron Norrie ឡើងវគ្គពាក់កណ្តាលផ្តាច់ព្រ័ត្រ Grand Slam, Wimbledon

វាយកូនបាល៖ កីឡាករការពារតំណែងជើងឯក Novak Djokovic បានបន្តដំណើរឡើងវគ្គពាក់កណ្តាលផ្តាច់ព្រ័ត្រហើយនៃព្រឹត្តិការណ៍វាយកូនបាល់ Grand Slam, Wimbledon ក្រោយយកឈ្នះកីឡាករអ៊ីតាលី Jannik Sinner។ ជាការប្រកួតដ៏តានតឹងសំរាប់កីឡាករវ័យ ៣៥ឆ្នាំរូបនេះ បន្ទាប់ពីកីឡាករវ័យក្មេងអ៊ីតាលី Jannik Sinner បានយកឈ្នះពីរសិតដំបូង ៧-៥ និង ៦-២។ កីឡាករវ័យ ៣៥ឆ្នាំស៊ែបដែលកំពុងស្វែងរកពាន Wimbledon បួនឆ្នាំជាប់ៗគ្នា Novak Djokovic បានឆ្លើយតបមកវិញជាមួយនឹងជ័យជំនះ ៣សិតផ្ទួនៗវិញ ៦-៣, ៦-២ និង ៦-២។ ក្រោយចប់ការប្រកួត Djokovic ក៏បានកោតសរសើរ Jannik Sinner ពេញៗមាត់ក្រោយការប្រកួត ២សិតដំបូង។ ជុំបន្ត Novak Djokovic នឹងត្រូវជួបជាមួយកីឡាករម្ចាស់ផ្ទះអង់គ្លេស Cameron Norrie នៅវគ្គពាក់កណ្តាលផ្តាច់ព្រ័ត្រ។ Cameron Norrie ដែលជាបេក្ខភាពក្តីសង្ឃឹមចុងក្រោយរបស់ម្ចាស់ផ្ទះ ក៏ត្រូវការប្រាំសិតដែរទំរាំឈានដល់ជ័យជំនះលើកីឡាករប៊ែលហ្ស៊ិក David Goffin។ ក្រោយការប្រកួតបួនសិតដំបូងកីឡាករទាំងពីរឈ្នះទៅមកម្នាក់មួយសិតៗ មុនពេលដែល Cameron Norrie គឺជាអ្នកសំរេចយកឈ្នះសិតកាត់សេចក្តី ៧-៥។ ជ័យជំនះនេះធ្វើឱ្យកីឡាករវ័យ ២៦ឆ្នាំ Cameron Norrie ឡើងវគ្គពាក់កណ្តាលផ្តាច់ព្រ័ត្រ Grand Slam ជាលើកដំបូងក្នុងអាជីព៕អត្ថបទ៖នាង សុភាវុធ

កម្ពុជារបូត ៣ពិន្ទុក្រោយចាញ់ម៉ាឡេស៊ីទាំងប្រផិតប្រផើយក្នុងប្រកួតទី២ នៃពាន AFF U19

បាល់ទាត់៖ ក្រុមបាល់ទាត់ជម្រើសជាតិយុវជនអាយុក្រោម ១៩ឆ្នាំកម្ពុជាបានរបូត ៣ពិន្ទុសម្រាប់ការប្រកួតទី២ ក្នុងពូលB នៃពានរង្វាន់ AFF U19 Boys Championship 2022 នៅប្រទេសឥណ្ឌូនេស៊ី ក្រោយចាញ់ក្រុម U19 ម៉ាឡេស៊ីទាំងប្រផិតប្រផើយក្នុងលទ្ធផល ២-១ កាលពីល្ងាចថ្ងៃទី០៥ ខែកក្កដាម្សិលមិញ។ ការប្រកួតនេះវគ្គទី១ ក្រុមគោព្រៃជំទង់កម្ពុជាហាក់ធ្វើពុំសូវបានល្អឡើយ ដោយត្រូវក្រុមយុវជនម៉ាឡេស៊ីបើកការនាំមុខមុន ២-០។ ប៉ុន្ដែចូលទី២ ទោះមិនអាចវាយបកយកឈ្នះវិញ តែក្រុម U19 កម្ពុជាបានការពារសំណាញ់ទីមិនឲ្យរបូតគ្រាប់បាល់បន្ថែម និងរកបានគ្រាប់បាល់វាយបក ១គ្រាប់វិញដោយកីឡាករ ចាន់វិបុល ដាវីឌ ទៀតផង។ការបរាជ័យលើកដំបូងនេះបានធ្វើឲ្យក្រុមយុវជន U19 កម្ពុជាធ្លាក់មកឈរលេខ៣ ក្នុងពូលដោយមាន ៣ពិន្ទុស្មើជាមួយក្រុម U19 ម៉ាឡេស៊ី ឡាវ និងទីម័រខាងកើត មុនបន្ដការប្រកួតទី៣ ដោយក្រុមគោព្រៃជំទង់កម្ពុជាត្រូវជួបក្រុមកំពូលតារាងឡាវនាវេលាម៉ោង ៧យប់ថ្ងៃទី០៧ ខែកក្កដាស្អែកនេះនៅកីឡដ្ឋាន GBK Madya ប្រទេសឥណ្ឌូនេស៊ី៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

លោក Netanyahu ច្រានចោលផែនការហ្កាហ្សា ជាការបែកបាក់ថ្មីពីលោក Trump

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

បេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ ក្នុងខេត្តកំពង់ឆ្នាំង បាននាំគ្នាមកពិនិត្យឈ្មោះនៅតាមមណ្ឌលប្រឡងរៀងៗខ្លួន

ចិនបិទកំពង់ផែ និងផ្អាកសេវាកម្មនាវាចម្លង មុនពេលព្យុះទីហ្វុង Dolphin បោកបក់ដល់ដីគោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

គ្រូ និងសិស្សសាលាទួលស្វាយព្រៃយល់ដឹងច្រើនពីស៊ីហ្គេម-អាស៊ានប៉ារ៉ាហ្គេមឆ្នាំ២០២៣

កម្ពុជាសល់ ៣០០ថ្ងៃគត់ក្នុងដំណើរឆ្ពោះទៅព្រឹត្តិការណ៍ប្រវត្តិសាស្ត្រស៊ីហ្គេម-អាស៊ានប៉ារ៉ាហ្គេម២០២៣

កីឡាករហូឡង់ Wout van aert ឈ្នះដំណាក់កាលទី៤ ប្រណាំងកង់ Tour de France ពន្លាតការនាំមុខរួម

Manchester United ទិញបានខ្សែការពារ Tyrell Malacia ផ្លូវការពី Feyenoord តម្លៃ ១៥លានអឺរ៉ូ

Paris Saint Germain តែងតាំងអ្នកចាត់ការថ្មីលោក Christophe Galtier

សៀរ៉ាលេអូនចាប់ផ្តើមស៊ើបអង្កេត ក្រោយបាល់ទាត់ពីរប្រកួតនៅលីគទី២ ឈ្នះគ្នាជិត ១០០គ្រាប់

កីឡាការិនីអាល្លឺម៉ង់ Tatjana Maria ឡើងវគ្គពាក់កណ្តាលផ្តាច់ព្រ័ត្រ Grand Slam លើកដំបូង

Novak Djokovic និង Cameron Norrie ឡើងវគ្គពាក់កណ្តាលផ្តាច់ព្រ័ត្រ Grand Slam, Wimbledon

កម្ពុជារបូត ៣ពិន្ទុក្រោយចាញ់ម៉ាឡេស៊ីទាំងប្រផិតប្រផើយក្នុងប្រកួតទី២ នៃពាន AFF U19

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

គ្រូ និង​សិស្សសាលា​ទួល​ស្វាយព្រៃយល់ដឹង​ច្រើន​ពី​ស៊ី​ហ្គេម​-​អាស៊ាន​ប៉ា​រ៉ា​ហ្គេម​ឆ្នាំ​២០២៣

កីឡាករ​ហូ​ឡង់ Wout van aert ឈ្នះ​ដំណាក់កាល​ទី៤ ប្រណាំង​កង់ Tour de France ពន្លាត​ការនាំ​មុខ​រួម​

Manchester United ទិញ​បាន​ខ្សែការពារ Tyrell Malacia ផ្លូវការ​ពី Feyenoord តម្លៃ ១៥លាន​អឺរ៉ូ​

Paris Saint Germain តែងតាំង​អ្នកចាត់ការ​ថ្មី​លោក Christophe Galtier

សៀ​រ៉ា​លេ​អូន​ចាប់ផ្តើម​ស៊ើបអង្កេត ក្រោយ​បាល់ទាត់​ពីរ​ប្រកួត​នៅ​លី​គ​ទី២ ឈ្នះ​គ្នា​ជិត ១០០គ្រាប់

កីឡាការិនី​អាល្លឺម៉ង់ Tatjana Maria ឡើង​វគ្គ​ពាក់កណ្តាល​ផ្តាច់ព្រ័ត្រ Grand Slam លើកដំបូង

Novak Djokovic និង Cameron Norrie ឡើង​វគ្គ​ពាក់កណ្តាល​ផ្តាច់ព្រ័ត្រ Grand Slam, Wimbledon

កម្ពុជារបូត ៣​ពិន្ទុក្រោយ​ចាញ់​ម៉ាឡេស៊ីទាំង​ប្រផិតប្រផើយ​ក្នុង​ប្រកួត​ទី​២ នៃ​ពាន AFF U19

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

គ្រូ និងសិស្សសាលាទួលស្វាយព្រៃយល់ដឹងច្រើនពីស៊ីហ្គេម-អាស៊ានប៉ារ៉ាហ្គេមឆ្នាំ២០២៣

កីឡាករហូឡង់ Wout van aert ឈ្នះដំណាក់កាលទី៤ ប្រណាំងកង់ Tour de France ពន្លាតការនាំមុខរួម

Manchester United ទិញបានខ្សែការពារ Tyrell Malacia ផ្លូវការពី Feyenoord តម្លៃ ១៥លានអឺរ៉ូ

Paris Saint Germain តែងតាំងអ្នកចាត់ការថ្មីលោក Christophe Galtier

សៀរ៉ាលេអូនចាប់ផ្តើមស៊ើបអង្កេត ក្រោយបាល់ទាត់ពីរប្រកួតនៅលីគទី២ ឈ្នះគ្នាជិត ១០០គ្រាប់

កីឡាការិនីអាល្លឺម៉ង់ Tatjana Maria ឡើងវគ្គពាក់កណ្តាលផ្តាច់ព្រ័ត្រ Grand Slam លើកដំបូង

Novak Djokovic និង Cameron Norrie ឡើងវគ្គពាក់កណ្តាលផ្តាច់ព្រ័ត្រ Grand Slam, Wimbledon

កម្ពុជារបូត ៣ពិន្ទុក្រោយចាញ់ម៉ាឡេស៊ីទាំងប្រផិតប្រផើយក្នុងប្រកួតទី២ នៃពាន AFF U19