BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

ក្រុមបាល់ទាត់នារីកម្ពុជាវាយបកស្មើឡាវ ១-១ ចុងម៉ោងក្នុងជំនួបបើកឆាកជើងឯកអាស៊ាន

បាល់ទាត់៖ ក្រុមបាល់ទាត់នារីជម្រើសជាតិកម្ពុជា បានវាយបកស្មើក្រុមជម្រើសជាតិឡាវដោយលទ្ធផល ១-១ ក្នុងជំនួបបើកឆាកពូល B នៃពានរង្វាន់បាល់ទាត់នារីជើងឯកអាស៊ីអាគ្នេយ៍ឆ្នាំ២០២២ (AFF Women’s Championship 2022) នៅប្រទេសហ្វីលីពីនកាលពីយប់ថ្ងៃទី០៥ ខែកក្កដា ឆ្នាំ២០២២ ម្សិលមិញ។ ការប្រកួតដំបូងនេះ ក្រុមបាល់ទាត់នារីឡាវបានស៊ុតគ្រាប់បាល់នាំមុខតាំងពីនាទី២១ ដោយកីឡាការិនី Phimpha។ បន្ទាប់មកក្រុមទាំងពីរក៏បានព្យាយាមវាយសម្រុកគ្នា រហូតដល់ចុងម៉ោងទើបក្រុមបាល់ទាត់នារីកម្ពុជាមានឱកាសរកបានគ្រាប់បាល់តាមស្មើ តាមរយៈការទាត់បាល់ពិន័យ ១១ម៉ែត្ររបស់កីឡាការិនី ពឿន គន្ធ នៅនាទី៩០+១ បន្ទាប់ពីកីឡាការិនីឡាវបង្កកំហុសលើសមាជិកក្លិបភ្នំពេញក្រោនរូបនេះ ក្នុងប្រអប់គ្រោះថ្នាក់។ការចែកគ្នា ១ពិន្ទុម្នាក់នេះបានធ្វើឲ្យកម្ពុជា និងឡាវឈរលេខ២ និងលេខ៣ តាមពីក្រោយក្រុមបាល់ទាត់នារីមីយ៉ាន់ម៉ាដែលរកបាន ៣ពិន្ទុពេញពីការប្រកួតបើកឆាករបស់ខ្លួន ដោយយកឈ្នះក្រុមទីម័រខាងកើតរហូតដល់ ៧-០ កាលពីម្សិលមិញ។ សម្រាប់ប្រកួតបន្ទាប់ ក្រុមបាល់ទាត់នារីកម្ពុជានឹងត្រូវធ្វើការងារធ្ងន់ ដោយត្រូវជួបក្រុមម្ចាស់មេដាយមាសស៊ីហ្គេមវៀតណាមនាថ្ងៃទី០៧ ខែកក្កដាស្អែកនេះនៅប្រទេសហ្វីលីពីន៕អត្ថបទ៖ លី ឈុនឡា

សម្ដេចតេជោ ហ៊ុន សែន អំពាវនាវដល់កីឡាករ-កីឡាការិនីទាំងអស់កុំប្រើប្រាស់សារធាតុហាមឃាត់

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានអំពាវនាវដល់កីឡាករ-កីឡាការិនីទាំងអស់ សូមកុំប្រើប្រាស់សារធាតុញៀន ឬសារធាតុហាមឃាត់ សម្រាប់ការប្រកួត នាំឱ្យខូចមុខមាត់ និងកិត្តិយសរបស់ប្រទេសជាតិ។សម្ដេចតេជោ បានអំពាវនាវយ៉ាងដូច្នេះនៅព្រឹកថ្ងៃទី០៦កក្កដានេះក្នុងឱកាសដែលសម្ដេចបានអញ្ជើញជួបសំណេះសំណាលជាមួយ ប្រតិភូកីឡាអាស៊ានប៉ារ៉ាហ្គេម មុនពួកគេចេញទៅប្រកួតកីឡាពិការអាស៊ាន ឬអាស៊ានប៉ារ៉ាហ្គេមលើកទី១១ នៅទីក្រុងសូឡូ ប្រទេសឥណ្ឌូនេស៊ី។សម្តេចតេជោ ហ៊ុន សែន បានមានប្រសាសន៍ថា កីឡាករ-កីឡាការិនីទាំងអស់ សូមគិតគូរដល់មុខមាត់ និងកិត្តិយសជាតិ ទោះជាបានមេដាយមាសក៏ដោយ តែបើយើងប្រើប្រាស់គ្រឿងញៀន ឬសារធាតុហាមឃាត់ក្នុងពេលប្រកួត ក៏មិនមានន័យអ្វីដែរ។

សម្តេចតេជោ ហ៊ុន សែន ប្រកាសយល់ព្រមឱ្យមានយន្តហោះពិសេសដឹកជញ្ជូនកីឡាករ ជនពិការទៅប្រកួតអាស៊ានប៉ារ៉ាហ្គេម ២០២២

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា ប្រកាសយល់ព្រមឱ្យមានយន្តហោះពិសេសដឹកជញ្ជួនកីឡាករ កីឡាការិនីជនពិការទៅ និងត្រឡប់ ពីការប្រកួតអាស៊ានប៉ារ៉ាហ្គេម ២០២២ ទៅប្រទេសឥណ្ឌូនេស៊ី ដើម្បីសម្រួលដល់ការធ្វើដំណើរកីឡាករ និងកាត់បន្ថយការហានិភ័យផ្សេងៗ។ ការប្រកាសនេះធ្វើឡើងនៅព្រឹកថ្ងៃទី០៦ ខែកក្កដា ឆ្នាំ២០២២ ក្នុងឱកាសដែលសម្ដេចបានអញ្ជើញជួបសំណេះសំណាលជាមួយ ប្រតិភូកីឡាអាស៊ានប៉ារ៉ាហ្គេម មុនពួកគេចេញទៅប្រកួតកីឡាពិការអាស៊ាន ឬអាស៊ានប៉ារ៉ាហ្គេមលើកទី១១ នៅទីក្រុងសូឡូ ប្រទេសឥណ្ឌូនេស៊ី។

សម្ដេចតេជោ ហ៊ុន សែន នឹងអញ្ជើញជួបសំណេះសំណាលជាមួយកីឡាជនពិការ មុនពេលចេញទៅអាស៊ានប៉ារ៉ាហ្គេម

ភ្នំពេញ៖ សម្តេចតេជោ ហ៊ុន សែននាយករដ្ឋមន្រ្តីនៃកម្ពុជា និងជាប្រធានគណៈកម្មាធិការជាតិប៉ារ៉ាឡាំពិកកម្ពុជា នឹងអនុញ្ញាតឲ្យប្រតិភូកីឡាជនពិការកម្ពុជា ដែលមាន១១ប្រភេទកីឡាចូលជួបសម្តែងការគួរសម និងទទួលយកអនុសាសន៍នៅវិមានសន្តិភាព នៅព្រឹកថ្ងៃទី៦ ខែកក្កដា ឆ្នាំ២០២២ ស្អែកនេះ មុនពេលចេញទៅចូលរួមប្រកួតកីឡាអាស៊ានប៉ារ៉ាហ្គេម លើកទី១១ នៅប្រទេសឥណ្ឌូនេស៊ី នាចុងខែកក្កដានេះ។ឯកឧត្ដម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នឹងដឹកនាំប្រតិភូប៉ារ៉ាឡាំពិកកម្ពុជា ចូលរួមប្រកួតកីឡាអាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូនេស៊ី ចាប់ពីថ្ងៃទី៣០ ខែកក្កដា ដល់ថ្ងៃទី៦ ខែសីហា ឆ្នាំ២០២២។លោក យី វាសនា អគ្គលេខាធិការគណៈកម្មាធិការជាតិប៉ារ៉ាឡាំពិកកម្ពុជាបានឲ្យដឹងថា ជំនួបនេះពិតជាសំខាន់ខ្លាំងណាស់ដែលប្រតិភូនឹងទទួលបានអនុសាសន៍ណែនាំ និងការលើកទឹកចិត្តដ៏សំខាន់មុនការចេញទៅប្រកួត។ ប្រមុខរាជរដ្ឋាភិបាលសម្តេចតេជោតែងតែយកចិត្តទុកដាក់ដ៏ខ្ពង់ខ្ពស់ ដល់ប្រតិភូ អត្តពលិក គ្រូបង្វឹក គ្រូជំនួយ អាជ្ញាកណ្ដាល និងភាគីពាក់ព័ន្ធទាំងអស់។គួរបញ្ជាក់ថា កម្ពុជានឹងបញ្ជូន១១ប្រភេទកីឡាទៅចូលរួមប្រកួតអាស៊ានប៉ារ៉ាហ្គេម លើកទី១១ រួមមាន៖ អត្តពលកម្ម ហែលទឹក បាល់ទះអង្គុយបុរស និងនារី បាល់បោះរទេះបុរស និងនារី បាល់បោះជនពិការភ្នែក បាល់ទាត់៧ម្ខាង (ចលករខួរក្បាល) វាយកូនឃ្លីលើតុ វាយសី លើកទម្ងន់ អុក និងប៊ូស្យា។សូមរម្លឹកថា នៅក្នុងព្រឹត្តិការណ៍អាស៊ានប៉ារ៉ាហ្គេម លើកទី៩ នៅប្រទេសម៉ាឡេស៊ី កម្ពុជាដណ្តើមបានមេដាសរុបចំនួន ១០គ្រឿង ក្នុងនោះប្រាក់៥ និង៥សំរិទ្ធ៕

កីឡាករហូឡង់ Dylan Groenewegen ឈ្នះដំណាក់កាលទី៣ ប្រណាំងកង់ Tour de France

ប្រណាំងកង់៖ កីឡាករហូឡង់ Dylan Groenewegen បានប្រជែងឈ្នះដំណាក់កាលទី៣ នៃព្រឹត្តិការណ៍ប្រណាំងកង់លំដាប់ Grand Tour, Tour de France តែកីឡាករប៊ែលហ្ស៊ិក Wout van Aert បន្តការនាំមុខរួម។ ដំណាក់កាលទី៣ ដែលមានចម្ងាយផ្លូវ ១៨២គីឡូម៉ែត្រ ពោលគឺបីដំណាក់កាលដំបូងនេះប្រណាំងចេញពីប្រទេសដាណឺម៉ាកនោះ កីឡាករវ័យ ២៩ឆ្នាំ Groenewegen បានមកដល់ទីព្រ័ត្រមុនគេប្រើពេល ៤ម៉ោង ១១នាទី ៣៣វិនាទី តាមពីក្រោយដោយកីឡាករប៊ែលហ្ស៊ិក Wout van Aert ក្នុងថេរវេលាដូចគ្នា និងលេខ៣ កីឡាករប៊ែលហ្ស៊ិកមួយរូបទៀត Jasper Philipsen ក្នុងថេរវេលាដូចគ្នា។ដោយបីដំណាក់កាលនេះកីឡាកររបស់ក្រុម Jumbo-Visma, Wout van Aert បន្តការនាំមុខរួមចំណេញ ៧វិនាទីពីអ្នកលេខ២ កីឡាករមិត្តរួមជាតិប៊ែលហ្ស៊ិក Yves Lampaert របស់ក្រុម Quick-Step និងលេខ៣ កីឡាករស្លូវេនីអ្នកការពារតំណែងជើងឯក Tadej Pogacar យឺតជាង ១៤វិនាទី។ មិនមានការប្រកួតឡើយថ្ងៃចន្ទនេះ ខណៈដំណាក់កាលទី៤ ថ្ងៃអង្គារស្អែក Tour de France ឈានមកដល់ទឹកដីបារាំងមានចម្ងាយផ្លូវ ១៧១.៥គីឡូម៉ែត្រ៕អត្ថបទ៖នាង សុភាវុធ

Carlos Sainz ឈ្នះការប្រកួត F1 លើកដំបូងក្នុងអាជីព

ប្រណាំងរថយន្ត៖ កីឡាករប្រណាំង F1 អេស្ប៉ាញ Carlos Sainz បានស្គាល់ជ័យជំនះដំបូងក្នុងអាជីព ក្រោយយកឈ្នះការប្រកួតនៅទីលាន Silverstone ចក្រភពអង់គ្លេស។ ការប្រកួតចាប់ផ្តើមពេញដោយគ្រោះថ្នាក់ បន្ទាប់ពីការប៉ះទង្គិចពេលចេញដំណើរ ដោយយើងឃើញរថយន្តកីឡាករចិន Zhao Guanyu ក្រឡាប់អូសនឹងផ្លូវ និងលត់ផ្លោះរបង។ តែសំណាងល្អកីឡាករចិនរបស់ក្រុម Alfa Romeo រូបនេះមិនមានគ្រោះថ្នាក់ឡើយ។ ក្រោយការប៉ះទង្គិចជាច្រើនរថយន្តនោះ ការប្រកួតក៏ត្រូវបានផ្អាក និងចាប់ផ្តើមឡើងវិញដោយ Carlos Sainz បានវ៉ាជែង Max Verstappen តែក៏ត្រូវបានកីឡាករហូឡង់វ៉ាបានវិញ មុនពេលដែល Verstappen បាត់បង់ការនាំមុខដោយសារបែកកង់។ ក្រោយមក Carlos Sainz បានរក្សាការនាំមុខរបស់ខ្លួនរហូតដល់ទីព្រ័ត្រ ខណៈលេខ២ បានទៅកីឡាកររបស់ Red Bull, Sergio Perez។ តំណែងលេខ៣ វិញពេញដោយការប្រកួតប្រជែងរវាងកីឡាករ ៣នាក់រួមមាន Charles Leclerc, Lewis Hamilton និង Fernando Alonso ខណៈដែលចុងក្រោយជើងឯកពិភពលោក ៧សម័យ Lewis Hamilton ដណ្តើមបានតំណែងចុងក្រោយគេនៃវេទិកាកិត្តិយស។ដោយឡែក Max Verstappen បញ្ចប់នៅចំណាត់ថ្នាក់លេខ៧ តាមពីក្រោយ Lando Norris, Fernando Alonso និង Charles Leclerc។ ក្រោយការប្រកួតនៅអង់គ្លេសនេះ កីឡាកររបស់ក្រុម Red Bull, Max Verstappen បន្តការនាំមុខក្នុងតារាងជើងឯកពិភពលោកមាន ១៨១ពិន្ទុ តាមពីក្រោយដោយមិត្តរួមក្រុម Sergio Perez មាន ១៤៧ពិន្ទុ និងលេខ៣ Charles Leclerc មាន ១៣៨ពិន្ទុ និង Carlos Sainz លេខ៤ មាន ១២៧ពិន្ទុ។ ទីលានបន្ទាប់ F1 នឹងបន្តដំណើរទៅទឹកដីអូទ្រីសចុងសប្តាហ៍នេះ៕អត្ថបទ៖នាង សុភាវុធ

អ្នកចាំទី Man United, Dean Henderson ចាកចេញទៅ Nottingham Forest ក្នុងលក្ខខណ្ឌខ្ចីជើង

បាល់ទាត់៖ ក្លិបឡើងមកថ្មី Nottingham Forest បានប្រកាសពីការនាំយកអ្នកចាំទីអង់គ្លេស Dean Henderson ពីក្រុមបិសាចក្រហម Manchester United ក្នុងលក្ខខណ្ឌខ្ចីជើងពេញមួយរដូវកាល។ កីឡាករវ័យ ២៥ឆ្នាំរូបនេះកំពុងស្វែងរកតំណែងដៃទីមួយក្នុងអាជីពបាល់ទាត់របស់ខ្លួន បន្ទាប់ពីប្រជែងមិនឈ្នះអ្នកចាំទីអេស្ប៉ាញ David de Gea នៅ Old Trafford។ Dean Henderson ធ្លាប់រក្សាសំណាញ់ទីមិនឱ្យគូប្រកួតស៊ុតចូល ១៧ប្រកួតក្នុងការបង្ហាញខ្លួន ៤៩ប្រកួតនៅ Premier League តែមិនដែលបានចូលលេងវិញឡើយតាំងពីខែឧសភា ឆ្នាំ២០២១។ កិច្ចសន្យាខ្ចីជើងនេះមិនចងក្រងលក្ខខណ្ឌទិញផ្តាច់ឡើយតែ Nottingham Forest នឹងរ៉ាប់រងប្រាក់ឈ្នួលរបស់ Henderson ទាំងស្រុង។ Dean Henderson ជាកីឡាករទី២ ដែលមកកាន់ Nottingham Forest បន្ទាប់ពីក្លិបដែលទើបឡើងថ្មីនេះទើបបាននាំយកខ្សែប្រយុទ្ធនីហ្សេរីយ៉ា Taiwo Awoniyi ពី Union Berlin ក្នុងតម្លៃបំបែកកំណត់ត្រាក្លិប ១៧លានផោន។ សូមបញ្ជាក់ថា Nottingham Forest បានឡើងមកកាន់ក្របខណ្ឌបាល់ទាត់អង់គ្លេសក្រោយខកខានតាំងពីឆ្នាំ១៩៩៩ ខណៈនឹងចាប់ផ្តើមរដូវកាលថ្មីដោយត្រូវធ្វើដំណើរទៅទឹកដី Newcastle United ថ្ងៃទី៦ ខែសីហា៕អត្ថបទ៖នាង សុភាវុធ

កីឡាការិនីទុយនេស៊ី Ons Jabeur ឡើងវគ្គ ៨នាក់ចុងក្រោយ Grand Slam លើកទី២ ក្នុងអាជីព

វាយកូនបាល់៖ កីឡាការិនីវាយកូនបាល់ទុយនេស៊ី Ons Jabeur បានកក់កៅអីនៅវគ្គ ៨នាក់ចុងក្រោយ Grand Slam ជាលើកដំបូងក្នុងអាជីព ក្រោយយកឈ្នះកីឡាការិនីប៊ែលហ្ស៊ិក Elise Mertens នៅ Wimbledon។ បន្ទាប់ពីសិតទី១ ដ៏តានតឹន ៧-៦(៩-៧) Ons Jabeur បានយកឈ្នះនៅសិតទី២ ដោយលទ្ធផល ៦-៤។ ជុំបន្ត Ons Jabeur នឹងត្រូវជួបជាមួយកីឡាការិនីឆេក Marie Bouzkova ពោលគឺកីឡាការិនីទាំង២ សុទ្ធតែមិនដែលឈានដល់វគ្គពាក់កណ្តាលផ្តាច់ព្រ័ត្រដូចគ្នា ក្នុងព្រឹត្តិការណ៍វាយកូនបាល់លំដាប់ Grand Slam។ ចំណែកឯកីឡាការិនីអង់គ្លេស Heather Watson បានធ្លាក់ពីការប្រកួតហើយ ក្រោយចាញ់កីឡាការិនីអាល្លឺម៉ង់ Jule Niemeier។Watson ជាកីឡាការិនីតែម្នាក់របស់អង់គ្លេសដែលមកដល់វគ្គនេះ និងប៉ុនប៉ងឡើងវគ្គ ៨នាក់ចុងក្រោយជាលើកដំបូងក្នុងអាជីព តែបែជាបរាជ័យក្រោមស្នាដៃកីឡាការិនីលំដាប់លេខ៩៧ ពិភពលោក Niemeier ៦-២ និង ៦-៤។ នេះជាការបង្ហាញខ្លួននៅព្រឹត្តិការណ៍ Grand Slam លើកទី៤២ សំរាប់ Heather Watson តែមិនដែលមានលទ្ធផលល្អឈានដល់វគ្គ ៨នាក់ចុងក្រោយឡើយ។ Jule Niemeier នឹងបន្តជួបជាមួយកីឡាការិនីលំដាប់លេខ ១០៣ ពិភពលោក Tatjana Maria៕អត្ថបទ៖នាង សុភាវុធ

Novak Djokovic ឡើងវគ្គ ៨នាក់ចុងក្រោយ Grand Slam, Wimbledon

វាយកូនបាល់៖ អ្នកការពារតំណែងជើងឯក Grand Slam, Wimbledon កីឡាករស៊ែប Novak Djokovic បានបន្តដំណើរឡើងវគ្គ ៨នាក់ចុងក្រោយហើយ ក្រោយយកឈ្នះកីឡាករហូឡង់ Tim van Rijthoven។ នេះជាការប៉ុនប៉ងចង់ឈ្នះជើងឯក Wimbledon ឱ្យបាន ៤ឆ្នាំជាប់គ្នាសំរាប់ Novak Djokovic បន្ទាប់ពីជ័យជំនះ ៣ សិតទល់នឹង ១ ពិន្ទុ ៦-២, ៤-៦, ៦-១ និង ៦-២។ កីឡាករលំដាប់ទី ១០៤ ពិភពលោក Van Rijthoven ក៏មានការទះដៃសរសើរពីសំណាក់អ្នកគាំទ្រដែរ ក្រោយយកឈ្នះនៅសិតទីពីរ ៦-៤។ ជើងឯក Grand Slam ២០លើកវ័យ ៣៥ឆ្នាំ Novak Djokovic ឆ្លើយតបវិញជាមួយនឹងជ័យជំនះ ២សិតផ្ទួនៗវិញដើម្បីឡើងវគ្គ ៨នាក់ចុងក្រោយជួបជាមួយ Jannik Sinner។ កីឡាករអ៊ីតាលី Jannik Sinner ឡើងទៅវគ្គ ៨នាក់ចុងក្រោយនេះ ក្រោយយកឈ្នះកីឡាករវ័យក្មេងអេស្ប៉ាញ Carlos Alcaraz។ងាកមកការប្រកួតផ្សេងទៀត កីឡាករម្ចាស់ផ្ទះអង់គ្លេស Cameron Norrie បានឈានឡើងវគ្គ ៨នាក់ចុងក្រោយ ដែលរូបគេជាក្តីសង្ឃឹមតែម្នាក់គត់របស់អង់គ្លេស បន្ទាប់ពីកីឡាករ-កីឡាការិនីផ្សេងទៀតសុទ្ធតែធ្លាក់។ Camron Norrie បានយកឈ្នះកីឡាករអាមេរិក Tommy Paul ដោយលទ្ធផល ៣ សិតផ្ទួនៗ ៦-៤, ៧-៥ និង ៦-៤។ នៅថ្ងៃអង្គារស្អែកនេះ Cameron Norrie នឹងត្រូវជួបជាមួយកីឡាករប៊ែលហ្ស៊ិក David Goffin ដែលបានទំលាក់កីឡាករ Frances Tiafoe៕អត្ថបទ៖នាង សុភាវុធ

ប្រដាល់គុនខ្មែរជើងឯកម្ចាស់ខ្សែក្រវាត់ខារ៉ាបាវចាប់ផ្តើមរដូវកាលទី៨ ជាមួយនឹងការគាំទ្រពេញទំហឹង

ប្រដាល់៖ ព្រឹត្តិការណ៍ប្រដាល់គុនខ្មែរ “ម្ចាស់ជើងឯកខ្សែក្រវាត់ខារ៉ាបាវ” រដូវកាលទី៨ បានចាប់ផ្តើមនៅថ្ងៃអាទិត្យម្សិលមិញនេះ នៅស្ទូឌីយោស្ទឹងមានជ័យរបស់អគ្គនាយកដ្ឋាន វិទ្យុ និងទូរទស្សន៍បាយ័ន។ភេសជ្ជៈប៉ូវកំលាំងខារ៉ាបាវដែលជាដៃគូឧបត្ថម្ភនៅសង្វៀនគុនខ្មែរទូរទស្សន៍បាយ័នជាង ១០ឆ្នាំមកហើយនោះ បានបន្តសហការបន្តទៀតជាមួយទូរទស្សន៍បាយ័ន ក្នុងការរៀបចំការប្រកួតដណ្តើមខ្សែក្រវាត់ក្នុងកម្មវិធីប្រដាល់គុនខ្មែរ ដែលមានការគាំទ្រជាងគេបំផុតនៅកម្ពុជា។ រដូវកាលទី៨ បានចាប់ផ្តើមនៅវេលាម៉ោង ៦ល្ងាចម្សិលមិញជាមួយនឹងវត្តមានអ្នកគាំទ្រពេញសង្វៀនស្ទូឌីយោស្ទឹងមានជ័យ និងមានអ្នកគាំទ្រមួយចំនួនធំមិនអាចចូលទស្សនាផ្ទាល់បាន ដោយសារកន្លែងអង្គុយទស្សនាមានកំណត់។ វត្តមានកីឡាករកំពូលកម្ពុជាបួនរូបរួមមាន ពេជ្រ សម្បត្តិ, ធន់ ផានិត, ផាន់ ផាន់ណាត់ និងជ័រពៅ ខណៈកីឡាករថៃខ្លាំងៗបួនរូបរួមមាន ទួនប៉េ ស៊ីតសាមផាយ៉ាក, រ៉ាក់ថែ ស៊ីតអាចានបៀរ, ផាត់ថាណា ស៊ីតអាចានវីន និងផេតម៉េតម៉ៃ ស៊ីតណងឡេក និងប្រកួតខ្វែងគ្នាកម្ពុជា-ថៃក្នុងប្រភេទទំងន់ ៦០គីឡូក្រាម។រូបមន្តនៃការប្រកួតនោះគឺកីឡាករកម្ពុជា និងថៃនៅពូលផ្សេងគ្នា តែត្រូវប្រកួតគ្នាកម្ពុជាប៉ះថៃសរុបម្នាក់បួនប្រកួត ដណ្តើមយកជ័យជំនះ ៣ពិន្ទុ និងអ្នកចាញ់ ១ពិន្ទុ គ្មានស្មើ។ កីឡាករដែលឈរលេខ ១ និងលេខ ២ ក្នុងពូលនីមួយៗនឹងឡើងវគ្គពាក់កណ្តាលផ្តាច់ព្រ័ត្រ តែកីឡាករក្នុងពូលនីមួយៗត្រូវជួបលេខ ១ និងលេខ ២ ពូលខ្លួនឯងនៅវគ្គនោះ មុនដល់វគ្គផ្តាច់ព្រ័ត្រដែលដាច់ខាតត្រូវតែកីឡាករកម្ពុជាជួបថៃ។ ការប្រកួតជុំទី ១ នៅថ្ងៃអាទិត្យម្សិលមិញ កីឡាករកម្ពុជាពីររូបរួមមាន ផាន ផាន់ណាត់ និង ពេជ្រ សម្បត្តិ សុទ្ធតែបាត់បង់បីពិន្ទុដូចគ្នាក្រោយចាញ់កីឡាករថៃ រ៉ាក់ថែ ស៊ិតអាចានបៀរ និង ទួនប៉េ ស៊ីតសាមផាយ៉ាក ដោយពិន្ទុដូចគ្នា។ ជុំទី២ ពីរគូរទៀតនឹងជួបគ្នាថ្ងៃអាទិត្យចុងសប្តាហ៍នេះរួមមាន ធន់ ផានិត ជួបជាមួយ ផាត់ថាណា ស៊ីតអាចានវីន និងជ័រពៅ ជួប ផេតម៉េតម៉ៃ ស៊ីតណងឡេក៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

នគរបាល៖ ជនជាប់ចោទបាញ់ប្រហារនៅសាលារៀនថៃបានមើលខ្លឹមសារអំពើហិង្សាតាមអ៊ីនធឺណិត

ក្រុមការងារចុះជួយមូលដ្ឋាន នំាយកអំណោយចែកជូនពលរដ្ឋមានជីវភាពខ្វះខាត២០គ្រួសារ រស់នៅក្នុងឃុំបាយដំរំា ខេត្តបាត់ដំបង

លោក Netanyahu ច្រានចោលផែនការហ្កាហ្សា ជាការបែកបាក់ថ្មីពីលោក Trump

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

ក្រុមការងាររកឃើញសាកសពមនុស្ស ១៩នាក់ ចេញពីគំនរបាក់បែកអគារនៅតំបន់ហ្កាហ្សា

លោក Vance ៖ សហរដ្ឋអាមេរិកបានបំផ្លាញកម្មវិធីនុយក្លេអ៊ែររបស់អ៊ីរ៉ង់

ទួរគីរឹតត្បិតការធ្វើនាវាចរណ៍របស់នាវាក្នុងសមុទ្រខ្មៅ ក្រោយការវាយប្រហារកើនឡើង

រដ្ឋមន្រ្តីប្រេងអ៊ីរ៉ាក់និយាយថា ទីក្រុងបាកដាដពិភាក្សាការរៀបចំការនាំចេញប្រេងជាមួយអ៊ីរ៉ង់

ជំងឺមហារីកក្រពេញប្រូស្តាតរបស់លោកអតីតប្រធានាធបតី Joe Biden រាលដាលកាន់តែខ្លាំង

កងឆ្មាំបដិវត្តន៍អ៊ីរ៉ង់និយាយថា ការបើកច្រកសមុទ្រ Hormuz ឡើងវិញ ពុំអាស្រ័យលើកិច្ចចរចាជាមួយអូម៉ង់នោះឡើយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ក្រុមបាល់ទាត់នារីកម្ពុជាវាយបកស្មើឡាវ ១-១ ចុងម៉ោងក្នុងជំនួបបើកឆាកជើងឯកអាស៊ាន

សម្ដេចតេជោ ហ៊ុន សែន អំពាវនាវដល់កីឡាករ-កីឡាការិនីទាំងអស់កុំប្រើប្រាស់សារធាតុហាមឃាត់

សម្ដេចតេជោ ហ៊ុន សែន នឹងអញ្ជើញជួបសំណេះសំណាលជាមួយកីឡាជនពិការ មុនពេលចេញទៅអាស៊ានប៉ារ៉ាហ្គេម

កីឡាករហូឡង់ Dylan Groenewegen ឈ្នះដំណាក់កាលទី៣ ប្រណាំងកង់ Tour de France

Carlos Sainz ឈ្នះការប្រកួត F1 លើកដំបូងក្នុងអាជីព

អ្នកចាំទី Man United, Dean Henderson ចាកចេញទៅ Nottingham Forest ក្នុងលក្ខខណ្ឌខ្ចីជើង

កីឡាការិនីទុយនេស៊ី Ons Jabeur ឡើងវគ្គ ៨នាក់ចុងក្រោយ Grand Slam លើកទី២ ក្នុងអាជីព

Novak Djokovic ឡើងវគ្គ ៨នាក់ចុងក្រោយ Grand Slam, Wimbledon

ប្រដាល់គុនខ្មែរជើងឯកម្ចាស់ខ្សែក្រវាត់ខារ៉ាបាវចាប់ផ្តើមរដូវកាលទី៨ ជាមួយនឹងការគាំទ្រពេញទំហឹង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ក្រុមបាល់ទាត់​នារី​កម្ពុជា​វាយបក​ស្មើ​ឡាវ ១-១ ចុង​ម៉ោង​ក្នុង​ជំនួប​បើកឆាក​ជើងឯក​អាស៊ាន

សម្ដេចតេជោ ហ៊ុន សែន អំពាវនាវដល់កីឡាករ-កីឡាការិនីទាំងអស់​កុំប្រើ​ប្រាស់​សារធាតុ​ហាម​ឃាត់​

សម្ដេចតេជោ ហ៊ុន សែន នឹងអញ្ជើញជួបសំណេះសំណាលជាមួយកីឡាជនពិការ មុនពេល​ចេញ​ទៅ​អាស៊ានប៉ារ៉ាហ្គេម

កីឡាករ​ហូ​ឡង់ Dylan Groenewegen ឈ្នះ​ដំណាក់​កាលទី៣ ប្រណាំង​កង់ Tour de France

Carlos Sainz ឈ្នះ​ការប្រកួត F1 លើកដំបូង​ក្នុង​អាជីព​

អ្នកចាំទី Man United, Dean Henderson ចាក​ចេញទៅ Nottingham Forest ក្នុង​លក្ខខណ្ឌ​ខ្ចី​ជើង

កីឡាការិនី​ទុយ​នេ​ស៊ី Ons Jabeur ឡើង​វគ្គ ៨នាក់​ចុងក្រោយ Grand Slam លើក​ទី២ ក្នុង​អាជីព​

Novak Djokovic ឡើង​វគ្គ ៨​នាក់​ចុងក្រោយ Grand Slam, Wimbledon

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ក្រុមបាល់ទាត់នារីកម្ពុជាវាយបកស្មើឡាវ ១-១ ចុងម៉ោងក្នុងជំនួបបើកឆាកជើងឯកអាស៊ាន

សម្ដេចតេជោ ហ៊ុន សែន អំពាវនាវដល់កីឡាករ-កីឡាការិនីទាំងអស់កុំប្រើប្រាស់សារធាតុហាមឃាត់

សម្ដេចតេជោ ហ៊ុន សែន នឹងអញ្ជើញជួបសំណេះសំណាលជាមួយកីឡាជនពិការ មុនពេលចេញទៅអាស៊ានប៉ារ៉ាហ្គេម

កីឡាករហូឡង់ Dylan Groenewegen ឈ្នះដំណាក់កាលទី៣ ប្រណាំងកង់ Tour de France

Carlos Sainz ឈ្នះការប្រកួត F1 លើកដំបូងក្នុងអាជីព

អ្នកចាំទី Man United, Dean Henderson ចាកចេញទៅ Nottingham Forest ក្នុងលក្ខខណ្ឌខ្ចីជើង

កីឡាការិនីទុយនេស៊ី Ons Jabeur ឡើងវគ្គ ៨នាក់ចុងក្រោយ Grand Slam លើកទី២ ក្នុងអាជីព

Novak Djokovic ឡើងវគ្គ ៨នាក់ចុងក្រោយ Grand Slam, Wimbledon