BTV NEWS

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

Leeds នាំយកអ្នកចាំទីអង់គ្លេស James Trafford ពី Manchester City ក្នុងតម្លៃអាចឡើងដល់ ៤៥ លានផោន

ព័ត៌មានកីឡា

Cristian Ronaldo ចង់ចាកចេញពី Manchester United រដូវក្តៅនេះ

បាល់ទាត់៖ ខ្សែប្រយុទ្ធព័រទុយហ្កាល់ Cristiano Ronaldo បានបង្ហាញពីការចង់ចាកចេញពីក្រុមបិសាចក្រហម Manchester United នៅរដូវក្តៅនេះ ប្រសិនបើក្លិបទទួលបានសំណើសក្តិសមណាមួយ។ កីឡាករវ័យ ៣៧ឆ្នាំរូបនេះបានវិលមកកាន់ Old Trafford វិញរដូវកាលមុនក្រោយចាកចេញពី Juventus។ បើទោះបីជាការវិលត្រលប់មកវិញជាមួយនឹងការស៊ុតបញ្ចូលទីច្រើនជាងគេក្នុងក្លិប និងឈរលេខ៣ ក្នុងតារាងអ្នកស៊ុតបញ្ចូលទីច្រើនជាងគេនៅ Premier League រដូវកាលមុន Manchester United នៅតែបញ្ចប់រដូវកាលជាមួយនឹងលទ្ធផលខកបំណង។ Manchester United ក្រោមការដឹកនាំរបស់ Ole Gunnar Solskjaer និងអ្នកចាត់ការបណ្តោះអាសន្ន Ralf Rangnick បានត្រឹមបញ្ចប់នៅចំណាត់ថ្នាក់លេខ៦ មិនបានកៅអីនៅ UEFA Champions League រដូវកាលថ្មីខាងមុខនេះឡើយ។មានន័យថា Ronaldo ដែលនៅសល់កុងត្រាមួយឆ្នាំទៀតនោះមានឱកាសលេងត្រឹម UEFA Europa League ជាលើកដំបូងក្នុងអាជីព។ Ronaldo ក្នុងការវិលត្រលប់មក Manchester United នេះគឺក្នុងគោលដៅចង់បញ្ចប់អាជីពនៅ Old Trafford ជាមួយនឹងសមិទ្ធផលត្រចះត្រចង់មួយ។ ក្រោមការកាន់តំណែងរបស់អ្នកចាត់ការថ្មីលោក Erik ten Hag បានចាត់ទុកការរក្សា Ronaldo នៅ Old Trafford មួយរដូវកាលទៀត ជាគោលដៅចំបងក្នុងគំរោងដឹកនាំរបស់អ្នកចាត់ការសញ្ជាតិហូឡង់រូបនេះ។ តោខៀវ Chelsea និង Bayern Munich សុទ្ធតែត្រូវបានសារព័ត៌មានល្បីៗជុំវិញអឺរ៉ុបចុះផ្សាយថា កំពុងព្យាយាមទាក់ទងនាំយកខ្សែប្រយុទ្ធវ័យ ៣៧ឆ្នាំរូបនេះ៕អត្ថបទ៖នាង សុភាវុធ

ប៊ូខាវប្ដេជ្ញាធ្វើឲ្យកក្រើកសង្វៀន World Fight នៅស្ដាតមរតកតេជោ ក្រោយខកខានប្រកួត ៣ឆ្នាំ

ប្រដាល់៖ ជើងខ្លាំងប្រដាល់ថៃ Buakaw Banchamek (ប៊ូខាវ) បានបង្ហាញពីការត្រៀមខ្លួនរួចរាល់ដើម្បីបង្ហាញសមត្ថភាពជាថ្មីនៅក្នុងកម្មវិធី «សង្វៀនគុនខ្មែរជើងឯកពិភពលោក ឬ World Fight Tournament 2022 / Kun Khmer Series» នាថ្ងៃទី០៦ ខែកក្កដាខាងមុខនៅពហុកីឡដ្ឋានជាតិមរតកតេជោ បន្ទាប់ពីខ្លួនបានខកខានប្រកួតអស់រយៈពេលប្រមាណ ៣ឆ្នាំដោយសារបញ្ហាកូវីដ-១៩។ថ្លែងប្រាប់អ្នកសារព័ត៌មាន បន្ទាប់ពីធ្វើដំណើរមកដល់កម្ពុជាកាលពីល្ងាចថ្ងៃទី០៣ ខែកក្កដាម្សិលមិញ ដែលទទួលស្វាគមន៍ដោយលោក តូនី អាន់ ប្រធានស្ថានប័ន World Fight ប៊ូខាវ បានសម្ដែងការពេញចិត្តចំពោះការរៀបចំព្រឹត្តិការណ៍ World Fight ដែលជាកម្មវិធីមួយដ៏ធំ ហើយរូបគេបានប្ដេជ្ញានឹងខិតខំប្រឹងប្រែងប្រកួតឲ្យអស់ពីសមត្ថភាព មិនឲ្យអ្នកទស្សនាខកបំណងឡើយ ពិសេសជំនួបលើកដំបូងជាមួយកីឡាករប៉េឡារុស Varats Dzmitry តែម្ដង។ គួរដឹងថា ប៊ូខាវនឹងត្រូវប៉ះជើងខ្លាំង Varats Dzmitry ក្នុងនាមគូទី៤ នៃកម្មវិធី «សង្វៀនគុនខ្មែរជើងឯកពិភពលោក» នាល្ងាចថ្ងៃពុធនេះ។ រីឯគូប្រកួត ៤គូផ្សេងទៀតសុទ្ធតែមានកីឡាករ-កីឡាការិនីកម្ពុជាត្រូវតតាំងជាមួយកីឡាករបរទេស ដូចជាកីឡាករ កាន់ ម៉េងហុង ជួបកីឡាករអូស្ដ្រីលី Dylan Eagle ទម្ងន់ ៥៥,៣គីឡូក្រាម។ កីឡាករ បឺត សង្ឃឹម ជួបជើងខ្លាំងថៃ Penthep Eakmuangnon ទម្ងន់ ៥៧,២គីឡូក្រាម។ កីឡាករ ម៉ឺន មេឃា ជួបកីឡាករប្រេស៊ីល Felype Souza ទម្ងន់ ៦១,២គីឡូក្រាម និងកីឡាការិនី ទូច ច័ន្ទវត្តី ជួបកីឡាការិនីអេស្ដូនី Marie Ruumet។ចំពោះអាជ្ញាធរកីឡារួមមានក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជា និងសហព័ន្ធកីឡាប្រដាល់គុនខ្មែរបានសម្ដែងការគាំទ្រពេញទំហឹង ចំពោះការរៀបចំកម្មវិធីនេះឡើងដែលនឹងផ្ដល់នូវអត្ថប្រយោជន៍ជាច្រើន ទាំងការជួយអភិវឌ្ឍន៍វិស័យកីឡាគុនខ្មែរលើឆាកអន្ដរជាតិផង និងផ្សព្វផ្សាយដំណើរឆ្ពោះទៅស៊ីហ្គេមឆ្នាំ២០២៣ នៅកម្ពុជាផង។ ព្រឹត្តិការណ៍នេះនឹងមានផ្សាយផ្ទាល់លើកញ្ចក់ទូរទស្សន៍បាយ័នទៀតផង៕អត្ថបទ៖ លី ឈុនឡា

គ្រូយូដូថ្លែងអំណរគុណសម្ដេចតេជោ ចំពោះការយកចិត្តទុកដាក់ និងស្នើភាគីជប៉ុនឲ្យជួយ

យូដូ៖ លោក ម៉ារ វង្សវិបុល គ្រូបង្វឹកក្រុមកីឡាយូដូជម្រើសជាតិកម្ពុជា បានថ្លែងអំណរគុណសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលសម្ដេចបានយកចិត្តទុកដាក់ដ៏ខ្ពង់ខ្ពស់ ព្រមទាំងបានស្នើឲ្យភាគីជប៉ុនជួយដល់វិស័យកីឡាយូដូកម្ពុជា ដើម្បីពង្រឹងសមត្ថភាពត្រៀមការប្រកួតកីឡាស៊ីហ្គេមឆ្នាំ២០២៣ នៅកម្ពុជាថែមទៀត។ ការសម្ដែងសេចក្ដីរីករាយ និងការថ្លែងអំណរគុណរបស់គ្រូបង្វឹកកីឡាយូដូជម្រើសជាតិកម្ពុជារូបនេះ បន្ទាប់ពីសម្ដេចតេជោ ហ៊ុន សែន បានអនុញ្ញាតឲ្យលោក Gotaro OGAWA អតីតឯកអគ្គរដ្ឋទូតជប៉ុនប្រចាំកម្ពុជាឆ្នាំ២០០០-២០០៣ ចូលជួបសម្ដែងការគួរសម្យ ហើយសម្ដេចបានស្នើឲ្យគ្រូបង្វឹកយូដូខ្សែក្រវាត់ខ្មៅ ៦ដាន់រូបនេះជួយដល់វិស័យកីឡាយូដូកម្ពុជាកាលពីថ្ងៃទី៣០ ខែមិថុនាកន្លងទៅ។ តបសំណើររបស់សម្ដេចតេជោនាយករដ្ឋមន្ដ្រី ស្របពេលលោក OGAWA និងសហការី មានបំណងមកជួយដល់វិស័យកីឡាយូដូកម្ពុជាផងនោះនៅថ្ងៃបន្ទាប់ ពោលគឺនៅថ្ងៃទី១ រហូតដល់ថ្ងៃទី៣០ ខែកក្កដាម្សិលមិញ លោក OGAWA រួមជាមួយគ្រូបង្វឹកកម្រិតខ្ពស់ជនជាតិអាល្លឺម៉ង់លោកស្រី ម៉ាយ៉ា ក៏បានចុះទៅបង្ហាត់ និងចែករំលែកផ្ទាល់ដល់ក្រុមកីឡាយូដូជម្រើសជាតិកម្ពុជា ដែលកំពុងប្រមូលផ្ដុំហ្វឹក់ហាត់ នៅពហុកីឡដ្ឋានជាតិមរតកតេជោ។លោក ម៉ារ វង្សវិបុល បានចាត់ទុកការចែករំលែកបទពិសោធន៍ និងបង្ហាត់បង្រៀនរបស់អ្នកជំនាញមកពីជប៉ុននេះ គឺជាកម្មវិធីមួយដ៏សំខាន់ដើម្បីកែតម្រូវចំណុចខ្វះខាត និងបំពេញបន្ថែមនូវទិនិចល្អៗ។ ម្យ៉ាងនេះក៏ជាការសិក្សាពីសំណាក់លោក Gotaro OGAWA ហើយពេលលោកត្រឡប់ទៅជប៉ុនវិញ លោកនឹងធ្វើការជាមួយសហព័ន្ធកីឡាយូដូជប៉ុន ដើម្បីពិនិត្យលទ្ធភាពជួយឧបត្ថម្ភគាំទ្រដល់វិស័យកីឡាយូដូកម្ពុជាបន្ថែមផងដែរ។ គ្រូបង្វឹកដដែលបន្ដថា ការយកចិត្តទុកដាក់របស់ថ្នាក់ដឹកនាំ ពិសេសសម្ដេចតេជោនាយករដ្ឋមន្ដ្រី គឺជាកម្លាំងចិត្តមួយដ៏ពិសេសដែលជំរុញឲ្យសហព័ន្ធ ពិសេសកីឡាករ-កីឡាការិនីកាន់តែខិតខំប្រឹងប្រែងហ្វឹកហាត់ ដើម្បីសម្រួចសមត្ថភាពត្រៀមស៊ីហ្គេម។ ទន្ទឹមជាមួយគ្នា សហព័ន្ធក៏ត្រៀមបញ្ជូនកីឡាករ-កីឡាការិនីទៅហ្វឹកហាត់នៅចិន ហើយអញ្ជើញគ្រូបរទេសមកបង្ហាត់ផ្ទាល់ ដើម្បីពង្រឹងសមត្ថភាពឲ្យកាន់តែរឹងមាំបន្ថែមទៀតផង។សូមបញ្ជាក់ថា ក្នុងស៊ីហ្គេមលើកទី៣១ នៅប្រទេសវៀតណាមកាលពីថ្មីៗ ក្រុមកីឡាយូដូកម្ពុជាគឺដណ្ដើមបានមេដាយសំរឹទ្ធ ១គ្រឿងដោយកីឡាការិនី អ៊ឹង នួន។ ប៉ុន្ដែសម្រាប់ស៊ីហ្គេមឆ្នាំ២០២៣ ក្នុងឋានៈជាម្ចាស់ផ្ទះ ក្រុមយូដូកម្ពុជាបានប្ដេជ្ញាដណ្ដើមមេដាយឲ្យបានច្រើនជាងនេះ ស្របតាមផែនការមេ និងសន្ទស្សន៍មេដាយដែលដាក់ដោយគណៈកម្មាធិការជាតិ CAMSOC៕អត្ថបទ៖ លី ឈុនឡា

កម្ពុជាយកឈ្នះសិង្ហបុរី ១-០ ក្នុងជំនួបបើកឆាកពាន AFF U19 Championship 2022

បាល់ទាត់៖ ក្រុមបាល់ទាត់ជម្រើសជាតិយុវជនអាយុក្រោម ១៩ឆ្នាំកម្ពុជាបានទទួល ៣ពិន្ទុពេញពីការប្រកួតបើកឆាកពានរង្វាន់ជើងឯកយុវជនអាស៊ីអាគ្នេយ៍អាយុក្រោម ១៩ឆ្នាំ AFF U19 Boys Championship 2022 បន្ទាប់ពីយកឈ្នះក្រុមសិង្ហបុរីដោយលទ្ធផល ១-០ កាលពីរាត្រីថ្ងៃទី០៣ ខែកក្កដា ឆ្នាំ២០២២ នៅប្រទេសឥណ្ឌូនេស៊ី។ ជំនួបបើកឆាកពូល B នេះ ក្រុមជម្រើសជាតិ U19 កម្ពុជាបានរកគ្រាប់បាល់នាំមុខមុននៅនាទីទី៧ ដែលធ្វើសម្រេចដោយសមាជិកក្រុមអង្គរថាយហ្គឺរកីឡាករ សុវណ្ណ ដូណា ហើយលទ្ធផលនេះក៏បានរក្សារហូតដល់ចប់ការប្រកួតតែម្ដង។ នេះគឺជាការសងសឹងបានវិញសម្រាប់ក្រុមគោព្រៃជំទង់កម្ពុជា ដ្បិតកាលពីឆ្នាំ២០១៩ នៅប្រទេសវៀតណាម កម្ពុជាបានចាញ់សិង្ហបុរី ១-០ ដូចគ្នា។ជ័យជម្នះនេះបានធ្វើឲ្យក្រុមយុវជន U19 កម្ពុជាមាន ៣ពិន្ទុស្មើគ្នាជាមួយក្រុម U19 ឡាវដែលបានយកឈ្នះក្រុមយុវជនទីម័រខាងកើត ២-០ កាលពីម្សិលមិញ។ សម្រាប់ប្រកួតបន្ទាប់ក្រុមគោព្រៃជំទង់កម្ពុជានឹងត្រូវជួបក្រុម U19 ម៉ាឡេស៊ីនាវេលាម៉ោង ៣រសៀលថ្ងៃទី០៥ ខែកក្កដាស្អែកនេះនៅលើទឹកដីឥណ្ឌូនេស៊ីដដែល៕អត្ថបទ៖ លី ឈុនឡា

PSG ទិញបានខ្សែបម្រើព័រទុយហ្កាល់ Vitinha ពី Porto តម្លៃ ៤០លានអឺរ៉ូ

បាល់ទាត់៖ ក្លិបជើងឯកបារាំង Paris Saint Germain បាននាំយកខ្សែបម្រើព័រទុយហ្កាល់ Vitinha ពី FC Porto ជាមួយនឹងតម្លៃផ្ទេរ ៤០លានអឺរ៉ូ។ កីឡាករវ័យ ២២ឆ្នាំរូបនេះធ្លាប់បានចំណាយពេលពេញមួយរដូវកាល ២០២០-២១ លេងឱ្យ Wolverhampton ក្នុងលក្ខខណ្ឌខ្ចីជើងដោយបានបង្ហាញខ្លួនសរុប ២២ប្រកួតរកបានមួយគ្រាប់នៅពេលនោះ។ រដូវកាលមុន Vitinha ត្រលប់មក Porto វិញ និងបានចូលលេងសរុប ៤៧ប្រកួតគ្រប់ក្របខណ្ឌ និងជាសមាជិកសំខាន់របស់ Porto ដែលឈ្នះជើងឯកលីគកំពូលព័រទុយហ្កាល់ និងពានក្នុងស្រុក។Vitinha ដែលត្រូវបានកោះហៅចូលក្រុមជំរើសជាតិព័រទុយហ្កាល់កាលពីខែមីនា បង្ហាញខ្លួនបានបីលើកនោះគឺជាសមាជិកថ្មីទីពីរដែលមកកាន់ PSG បន្ទាប់ពីមិត្តរួមជាតិ Nuno Mendes ដែល PSG ទិញផ្តាច់ពី Sporting Lisbon ក្នុងតម្លៃ ៣៤លានផោនក្រោយចំណាយពេល ១រដូវកាលក្នុងលក្ខខណ្ឌខ្ចីនៅទីក្រុងប៉ារីសរដូវកាលមុន៕អត្ថបទ៖នាង សុភាវុធ

Ernesto Valverde ត្រលប់ទៅដឹកនាំ Athletic Bilbao លើកទី៣

បាល់ទាត់៖ លោក Ernesto Valverde នឹងត្រលប់ទៅដឹកនាំក្លិបអេស្ប៉ាញ Athletic Bilbao ជាលើកទី៣ ក្រោយចុះហត្ថលេខាដឹកនាំរយៈពេល ១ឆ្នាំ។ បុរសវ័យ ៥៨ឆ្នាំរូបនេះបានក្លាយជាគ្រូបង្វឹកដែលដឹកនាំ Bilbao យូរជាងគេ បន្ទាប់ពីធ្លាប់ដឹកនាំពីរលើកកន្លងមកនៅឆ្នាំ ២០០៣-២០០៥ និង ២០១៣ ដល់ ២០១៧។ លោក Valverde ចុងក្រោយបំផុតបានផ្លាស់ទៅដឹកនាំ Barcelona ឈ្នះពាន La Liga ២លើក និង Copa del Rey មួយលើក តែត្រូវបានបណ្តេញចេញវិញកាលពីខែមករា ឆ្នាំ២០២០ និងបានទំនេរពីការងារតាំងពីពេលនោះមក។ Athletic Bilbao បានបញ្ចប់រដូវកាលមុននៅក្របខណ្ឌ La Liga ចំណាត់ថ្នាក់លេខ ៨ ដោយខកខានមិនបានកៅអីណាមួយឡើយនៅក្របខណ្ឌអឺរ៉ុបទាំងបី៕អត្ថបទ៖នាង សុភាវុធ

ខ្សែប្រយុទ្ធប្រេស៊ីល Richarlison ឈានដល់កិច្ចព្រមព្រៀងហើយក្នុងការផ្លាស់ពី Everton ទៅ Spurs

បាល់ទាត់៖ ខ្សែប្រយុទ្ធក្រុមជំរើសជាតិប្រេស៊ីល Richarlison បានឈានដល់កិច្ចព្រមព្រៀងហើយក្នុងការផ្លាស់ពី Everton មកកាន់ Tottenham Hotspur។ ការផ្ទេរនេះត្រូវបានគេដឹងថាមានតម្លៃប្រមាណ ៥០លានផោន ដែលតម្លៃដូចគ្នាកាលពីឆ្នាំ២០១៨ ដែល Everton ទិញពី Watford។ តាំងពីឆ្នាំ២០១៨ នោះមកកីឡាករវ័យ ២៥ឆ្នាំរូបនេះបង្ហាញខ្លួនបាន ១៥២ប្រកួតរកបាន ៥៣គ្រាប់ និងជាអ្នកស៊ុតបញ្ចូលទីច្រើនជាងគេរបស់ Everton រដូវកាលមុនដែលគេចផុតពីតំបន់ដែលត្រូវកាត់ចេញ។ Richarlison ជាសមាជិកសំខាន់របស់ក្រុមជំរើសជាតិប្រេស៊ីលដែលវិលពី Copa America និងអូឡាំពិកទីក្រុងតូក្យូឆ្នាំមុន ហើយស៊ុតបញ្ចូលទីបាន ១០គ្រាប់នៅ Premier League ដែលក្នុងនោះមាន ៦គ្រាប់រកបានក្នុង ៩ប្រកួតចុងក្រោយដែលធ្វើឱ្យ Everton បញ្ចប់រដូវកាលលេខ ១៦។ Richarlison នឹងជាសមាជិកទី៤ ដែលមកកាន់ Spurs បន្ទាប់ពី Ivan Perisic, Fraser Forster និង Yves Bissouma៕អត្ថបទ៖នាង សុភាវុធ

ព្រឹត្តិការណ៍ប្រណាំងរថយន្ត Off Road លើភ្នំគិរីរម្យទទួលបានការសរសើរថា មានលក្ខណៈស្ដង់ដារអន្ដរជាតិ

ប្រណាំងរថយន្ត៖ ព្រឹត្តិការណ៍ប្រណាំងរថយន្តឆ្លងកាត់ឧបសគ្គ Off Road ឆ្នាំ២០២២ នៅលើកំពូលភ្នំគិរីរម្យ ស្រុកភ្នំស្រួច ខេត្តកំពង់ស្ពឺ បានបញ្ចប់ដោយជោគជ័យ ក្រោយដំណើរការប្រកួតអស់រយៈពេល ៣ថ្ងៃ ២យប់កាលពីចុងសប្ដាហ៍កន្លងទៅដោយទទួលបានការគាំទ្រ និងកោតសរសើរពីកីឡាករជាតិ-អន្ដរជាតិថា ការរៀបចំមានលក្ខណៈស្ដង់ដារអន្ដរជាតិដូចនៅបរទេសដែរ។កីឡាករ អេង ឡៃហុក និងសមាជិកក្រុមឡានគោព្រៃមណ្ឌលគិរីកីឡាករ លឹម ដារ័ត្ន បានសម្ដែងការសប្បាយចិត្ត ដែលបានចូលរួមព្រឹត្តិការណ៍ប្រណាំងរថយន្តឆ្លងកាត់ឧបសគ្គនេះ ពិសេសការរៀបចំមានលក្ខណៈស្ដង់ដារអន្ដរជាតិ ធ្វើឲ្យមានការប្រកួតប្រជែងខ្ពស់។ លោកសង្ឃឹមថា ការចូលរួមរបស់ខ្លួន ទោះបីពុំទាន់ទទួលបានលទ្ធផលល្អយ៉ាងណា តែនឹងរួមចំណែកអភិវឌ្ឍន៍វិស័យកីឡាបែបទេសចរណ៍មួយនេះឲ្យកាន់តែរីកចម្រើន និងជំរុញឲ្យការរៀបចំព្រឹត្តិការណ៍នេះកាន់តែអស្ចារ្យថែមទៀត។ ដោយឡែកលោក ព្រុំ រស្មី ប្រធានក្រុម CAMABO 4x4 បានសម្ដែងសេចក្ដីរីករាយដែលព្រឹត្តិការណ៍ប្រណាំងរថយន្ត Off Road ឆ្នាំ២០២២ នេះទទួលបានការគាំទ្រច្រើន បន្ទាប់ពីខកខានរៀបចំអស់រយៈពេល ២ឆ្នាំដោយសារបញ្ហាកូវីដ-១៩។លោកសង្កេតឃើញកីឡាករជាតិ និងអន្ដរជាតិមានកំណើនចូលរួមច្រើន ពិសេសបច្ចេកទេសក៏មានកម្រិតខ្ពស់ ដែលជំរុញឲ្យព្រឹត្តិការណ៍របស់ខ្លួនកាន់តែទាក់ទាញ និងមានការគាំទ្រច្រើន ទាំងកីឡាករ និងប្រជាពលរដ្ឋនៅទីនោះ។ គួររំលឹកថា ព្រឹត្តិការណ៍ប្រណាំងរថយន្ត Off Road បានរៀបចំដោយគោរពលើបាវចនាចំនួន៤ គឺបំផុសវិស័យទេសចរណ៍ ផ្សព្វផ្សាយពីបរិស្ថាន និងអនាម័យ ជំរុញបំផុសអភិវឌ្ឍវិស័យកីឡារថយន្ត Off Road នៅកម្ពុជា និងជួយលើជំនួយមនុស្សធម៌ ដោយផ្តោតលើការជួយជនខ្វះខាតនៅតំបន់ដាច់ស្រយាលផងដែរ៕អត្ថបទ៖ លី ឈុនឡា

កីឡាការិនីលេខ ១ ពិភពលោក Iga Swiatek ឈ្នះ ៣៧ប្រកួតជាប់គ្នាឈានឡើងជុំទី៣ Wimbledon

វាយកូនបាល់៖ កីឡាការិនីវាយកូនបាល់លំដាប់លេខ ១ ពិភពលោក Iga Swiatek បានបន្តស្ថិតិអស់អស្ចារ្យរបស់ខ្លួនក្រោយរកបានជ័យជំនះ ៣៧ប្រកួតជាប់គ្នាដើម្បីឈានឡើងជុំទី៣ Grand Slam, Wimbledon។ កីឡាការិនីបប៉ូឡូញរូបនេះបានយកឈ្នះសិតដំបូង ៦-៤ លើកីឡាការិនីហូឡង់ Lesley Pattinama Kerkhove មុនពេលដែលចាញ់នៅសិតទីពីរវិញ ៤-៦ តាមរយៈកំហុសជាច្រើន។ យ៉ាងណាក្តី Iga Swiatek ត្រលប់មកភាពដើមវិញដោយបានយកឈ្នះនៅសិតកាត់សេចក្តី ៦-៤ ដើម្បីបន្តស្ថិតិឈ្នះ ៣៧ប្រកួតជាប់គ្នា ពោលគឺល្អជាងស្ថិតិរបស់ Monica Seles និង Martina Higgis ដែលធ្វើបាន ៣៦ប្រកួតជាប់គ្នាកាលពីឆ្នាំ១៩៩៧។ អ្នកដែលឈ្នះជាប់គ្នាច្រើនបំផុតមិនទាន់មានអ្នកបំបែកបាននោះគឺកីឡាការិនី Martina Navratilova ដែលឈ្នះ ៧៤ប្រកួតជាប់គ្នានៅឆ្នាំ១៩៨៤។ដោយឡែកគូផ្សេងទៀតអតីតជើងឯក Wimbledon កីឡាការិនីរ៉ូម៉ានី Simona Halep បានយកឈ្នះកីឡាការិនីជើងឯកប៊ែលហ្ស៊ិក Kirsten Flipkens ៧-៥ និង ៦-៤។ Halep នឹងបន្តជួបជាមួយកីឡាការិនីប៉ូឡូញលំដាប់លេខ ៩២ Magdalena Frech។ សំរាប់កីឡាការិនីវ័យ ៣៦ឆ្នាំ Kirsten Flipkens ក្រោយបរាជ័យនេះក៏បានលាអ្នកគាំទ្រជាមួយនឹងទឹកភ្នែក ក្រោយសំរេចចិត្តចូលនិវត្តន៍ពីអាជីពវាយកូនបាល់។ នេះជាការបង្ហាញខ្លួននៅព្រឹត្តិការណ៍ Grand Slam លើកទី៥០ សំរាប់ Kirsten Flipkens៕អត្ថបទ៖នាង សុភាវុធ

ចំបាប់ផ្ដោតលើការហ្វឹកហាត់ និងប្រកួតអន្ដរជាតិដើម្បីពង្រឹងសមត្ថភាពត្រៀមស៊ីហ្គេម

ចំបាប់៖ សហព័ន្ធកីឡាចំបាប់កម្ពុជាកំពុងសម្លឹង និងជំរុញកីឡាករ-កីឡាការិនីចូលរួមហ្វឹកហាត់ និងការប្រកួតអន្ដរជាតិនានា ដើម្បីពង្រឹងសមត្ថភាពត្រៀមការប្រកួតកីឡាស៊ីហ្គេមឆ្នាំ២០២៣។ នេះបើតាមការបញ្ជាក់របស់អនុប្រធានសហព័ន្ធលោក ខេស៊ី បាណេត។ ការលើកឡើងនេះ បន្ទាប់ពីសហព័ន្ធបានរៀបចំមហាសន្និបាតបញ្ចប់អាណត្តិទី៦ បន្ដអាណត្តិទី៧ ឆ្នាំ២០២១-២០២៥ កាលពីល្ងាចថ្ងៃទី៣០ ខែមិថុនា ឆ្នាំ២០២២ ម្សិលមិញនៅទីស្នាក់ការគណៈកម្មាធិការជាតិអូឡាំពិកកម្ពុជា ដោយឯកឧត្តម វ៉ាត់ ចំរើន ត្រូវបានគាំទ្រធ្វើជាប្រធានសហព័ន្ធបន្ដទៀត។ លោក ខេស៊ី បាណេត បានបន្ដថា អំឡុងវិបត្តិកូវីដ-១៩ កន្លងទៅ កីឡាករ-កីឡាការិនីចំបាប់កម្ពុជាហាក់ខ្វះបទពិសោធន៍ប្រកួតលើឆាកអន្ដរជាតិ ដូច្នេះក្រោយចប់ការប្រកួតស៊ីហ្គេមលើកទី៣១ នៅវៀតណាម សហព័ន្ធកំពុងផ្ដោតសំខាន់លើការបញ្ជូនកីឡាករ-កីឡាការិនីទៅប្រកួត ឬហ្វឹកហាត់លើឆាកអន្ដរជាតិដើម្បីពង្រឹងសមត្ថភាពឲ្យកាន់តែប្រសើរ សម្រាប់ត្រៀមប្រជែងមេដាយក្នុងនាមម្ចាស់ផ្ទះស៊ីហ្គេមឆ្នាំ២០២៣។ចំពោះសមាសភាពគណៈកម្មាធិការប្រតិបត្តិសហព័ន្ធកីឡាចំបាប់កម្ពុជាអាណត្តិថ្មី ដែលត្រូវបានសម្រេចក្នុងមហាសន្និបាតនេះវិញ ក្រៅពីឯកឧត្តម វ៉ាត់ ចំរើន បន្ដធ្វើជាប្រធានសហព័ន្ធ គឺមានលោក ខេស៊ី បាណេត ជាអនុប្រធានទី១ និងលោកព្រឹទ្ធាចារ្យ ហុក ឈាងគីម ជាអនុប្រធានទី២, កញ្ញា កាង ណុចបវរ ជាអគ្គលេខាធិការ, លោក នរៈ យុទ្ធ ជាអគ្គហេរញ្ញិក រួមជាមួយសមាជិក ៤រូបទៀតគឺមានលោកស្រី ចូវ សុធារ៉ា, លោក កាង ដែនពិសិដ្ឋ, លោក នុត សេរីរដ្ឋា និងលោក យឹង សុផាណារ៉ា៕អត្ថបទ៖ លី ឈុនឡា

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងអប់រំអញ្ជើញពិនិត្យស្ថានភាពទូទៅអំឡុងដំណើរការសំណេរនៅមណ្ឌលប្រឡង បឋមសិក្សាបាក់ទូក នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦

ប្រធានអង្គភាពប្រឆាំងអំពើពុករលួយ ឯកឧត្តមកិត្តិនីតិកោសលបណ្ឌិត ឱម យ៉ិនទៀង អញ្ជើញបើកហឹបវិញ្ញាសានៅមណ្ឌលវិទ្យាល័យ ហ៊ុន សែន តាខ្មៅ

តៃវ៉ាន់បៀបប្រដូចទៅនឹងការទប់ទល់ការវាយប្រហារពីចិន ដោយបន្ថយល្បឿនអ៊ីនធឺណិតចល័តក្នុងហ្គេមសង្គ្រាមប្រចាំឆ្នាំ

ឯកឧត្តមបណ្ឌិតសភាចារ្យ ហង់ជួន ណារ៉ុន និងឯកឧត្តម ហ៊ុន ម៉ានី និងអញ្ជើញបើកហឹបវិញ្ញាសាប្រឡងបាក់ឌុប ឆ្នាំ២០២៦ នៅមណ្ឌលប្រឡងវិទ្យាល័យព្រះស៊ីសុវត្ថិ

អភិបាលខេត្តកំពង់ស្ពឺ អញ្ជើញកាត់វិញ្ញាសាប្រឡងមធ្យមទុតិយភូមិ ឆ្នាំសិក្សា២០២៥-២០២៦

ឆ្មាំអ៊ីរ៉ង់នឹងមិនបើកច្រកសមុទ្រ Hormuz ឡើងវិញទេ ប្រសិនបើអាមេរិកមិនបំពេញតាមការទាមទាររបស់ទីក្រុងតេអេរ៉ង់

នគរបាល៖ ជនជាប់ចោទបាញ់ប្រហារនៅសាលារៀនថៃបានមើលខ្លឹមសារអំពើហិង្សាតាមអ៊ីនធឺណិត

ក្រុមការងារចុះជួយមូលដ្ឋាន នំាយកអំណោយចែកជូនពលរដ្ឋមានជីវភាពខ្វះខាត២០គ្រួសារ រស់នៅក្នុងឃុំបាយដំរំា ខេត្តបាត់ដំបង

លោក Netanyahu ច្រានចោលផែនការហ្កាហ្សា ជាការបែកបាក់ថ្មីពីលោក Trump

ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រគេនទៀនព្រះវស្សា និងនាំយកទេយ្យវត្ថុ ប្រគេនវត្តចំនួន១២វត្ត និងចែកអំណោយដល់យាយជីតាជី នៅស្រុកក្រគរ និងស្រុកភ្នំក្រវាញ ខេត្តពោធិ៍សាត់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Cristian Ronaldo ចង់ចាកចេញពី Manchester United រដូវក្តៅនេះ

ប៊ូខាវប្ដេជ្ញាធ្វើឲ្យកក្រើកសង្វៀន World Fight នៅស្ដាតមរតកតេជោ ក្រោយខកខានប្រកួត ៣ឆ្នាំ

គ្រូយូដូថ្លែងអំណរគុណសម្ដេចតេជោ ចំពោះការយកចិត្តទុកដាក់ និងស្នើភាគីជប៉ុនឲ្យជួយ

កម្ពុជាយកឈ្នះសិង្ហបុរី ១-០ ក្នុងជំនួបបើកឆាកពាន AFF U19 Championship 2022

PSG ទិញបានខ្សែបម្រើព័រទុយហ្កាល់ Vitinha ពី Porto តម្លៃ ៤០លានអឺរ៉ូ

Ernesto Valverde ត្រលប់ទៅដឹកនាំ Athletic Bilbao លើកទី៣

ខ្សែប្រយុទ្ធប្រេស៊ីល Richarlison ឈានដល់កិច្ចព្រមព្រៀងហើយក្នុងការផ្លាស់ពី Everton ទៅ Spurs

ព្រឹត្តិការណ៍ប្រណាំងរថយន្ត Off Road លើភ្នំគិរីរម្យទទួលបានការសរសើរថា មានលក្ខណៈស្ដង់ដារអន្ដរជាតិ

កីឡាការិនីលេខ ១ ពិភពលោក Iga Swiatek ឈ្នះ ៣៧ប្រកួតជាប់គ្នាឈានឡើងជុំទី៣ Wimbledon

ចំបាប់ផ្ដោតលើការហ្វឹកហាត់ និងប្រកួតអន្ដរជាតិដើម្បីពង្រឹងសមត្ថភាពត្រៀមស៊ីហ្គេម

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

Cristian Ronaldo ចង់​ចាក​ចេញពី Manchester United រដូវក្តៅ​នេះ

ប៊ូ​ខាវ​ប្ដេជ្ញា​ធ្វើ​ឲ្យ​កក្រើក​សង្វៀន​ World Fight ​នៅ​ស្ដា​ត​មរតក​តេ​ជោ ក្រោយ​ខកខាន​ប្រកួត ៣​ឆ្នាំ​

គ្រូ​យូ​ដូ​ថ្លែងអំណរគុណ​សម្ដេច​តេ​ជោ ចំពោះ​ការយកចិត្តទុកដាក់ និង​ស្នើ​ភាគី​ជប៉ុន​ឲ្យ​ជួយ​

កម្ពុជា​យកឈ្នះ​សិង្ហ​បុរី ១-០ ក្នុង​ជំនួប​បើកឆាក​ពាន​ AFF U19 Championship 2022

PSG ទិញ​បាន​ខ្សែបម្រើ​ព័រទុយហ្កាល់ Vitinha ពី Porto តម្លៃ ៤០​លាន​អឺរ៉ូ​

Ernesto Valverde ត្រលប់​ទៅ​ដឹកនាំ Athletic Bilbao លើក​ទី​៣

ខ្សែប្រយុទ្ធ​ប្រេ​ស៊ី​ល Richarlison ឈានដល់​កិច្ចព្រមព្រៀង​ហើយ​ក្នុង​ការផ្លាស់​ពី Everton ទៅ Spurs

ព្រឹត្តិការណ៍​ប្រណាំង​រថយន្ត​ Off Road ​លើ​ភ្នំ​គិរីរម្យ​ទទួលបាន​ការសរសើ​រថា មាន​លក្ខណៈ​ស្ដង់ដារ​អន្ដរជាតិ​

កីឡាការិនី​លេខ ១ ពិភពលោក Iga Swiatek ឈ្នះ ៣៧​ប្រកួត​ជាប់​គ្នា​ឈានឡើង​ជុំ​ទី​៣ Wimbledon

ចំបាប់ផ្ដោតលើ​ការហ្វឹកហាត់ និង​ប្រកួត​អន្ដរជាតិដើម្បី​ពង្រឹងសមត្ថភាព​ត្រៀម​ស៊ី​ហ្គេម​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

Cristian Ronaldo ចង់ចាកចេញពី Manchester United រដូវក្តៅនេះ

ប៊ូខាវប្ដេជ្ញាធ្វើឲ្យកក្រើកសង្វៀន World Fight នៅស្ដាតមរតកតេជោ ក្រោយខកខានប្រកួត ៣ឆ្នាំ

គ្រូយូដូថ្លែងអំណរគុណសម្ដេចតេជោ ចំពោះការយកចិត្តទុកដាក់ និងស្នើភាគីជប៉ុនឲ្យជួយ

កម្ពុជាយកឈ្នះសិង្ហបុរី ១-០ ក្នុងជំនួបបើកឆាកពាន AFF U19 Championship 2022

PSG ទិញបានខ្សែបម្រើព័រទុយហ្កាល់ Vitinha ពី Porto តម្លៃ ៤០លានអឺរ៉ូ

Ernesto Valverde ត្រលប់ទៅដឹកនាំ Athletic Bilbao លើកទី៣

ខ្សែប្រយុទ្ធប្រេស៊ីល Richarlison ឈានដល់កិច្ចព្រមព្រៀងហើយក្នុងការផ្លាស់ពី Everton ទៅ Spurs

ព្រឹត្តិការណ៍ប្រណាំងរថយន្ត Off Road លើភ្នំគិរីរម្យទទួលបានការសរសើរថា មានលក្ខណៈស្ដង់ដារអន្ដរជាតិ

កីឡាការិនីលេខ ១ ពិភពលោក Iga Swiatek ឈ្នះ ៣៧ប្រកួតជាប់គ្នាឈានឡើងជុំទី៣ Wimbledon

ចំបាប់ផ្ដោតលើការហ្វឹកហាត់ និងប្រកួតអន្ដរជាតិដើម្បីពង្រឹងសមត្ថភាពត្រៀមស៊ីហ្គេម