BTV NEWS

ពីដៃកាន់សៀវភៅ និងដេញ Piano មកកាន់សង្វៀនអន្តរជាតិ៖ ភាពក្លាហាន និងទឹកភ្នែករបស់ ម៉ានេតា

ក្លឹបបាល់ទាត់ហុងកុង Eastern District ស្នាក់នៅហ្វឹកហាត់ និងប្រកួតមិត្តភាពជិតកន្លះខែនៅកម្ពុជា

UEFA ថា ការសុំទោសរបស់ Infantino មិនផ្លាស់ប្តូរជំហររបស់ខ្លួនឡើយ និងនៅតែអាចធ្វើពហិការការប្រកួតរបស់ FIFA

កម្ពុជា ជួបវៀតណាម បញ្ចប់ភារកិច្ចពានបាល់ទាត់អាស៊ាន ខណៈលោក Koji ចាត់ទុកជាប្រកួតដ៏សំខាន់

ព័ត៌មានកីឡា

ចំបាប់ផ្ដោតលើការហ្វឹកហាត់ និងប្រកួតអន្ដរជាតិដើម្បីពង្រឹងសមត្ថភាពត្រៀមស៊ីហ្គេម

ចំបាប់៖ សហព័ន្ធកីឡាចំបាប់កម្ពុជាកំពុងសម្លឹង និងជំរុញកីឡាករ-កីឡាការិនីចូលរួមហ្វឹកហាត់ និងការប្រកួតអន្ដរជាតិនានា ដើម្បីពង្រឹងសមត្ថភាពត្រៀមការប្រកួតកីឡាស៊ីហ្គេមឆ្នាំ២០២៣។ នេះបើតាមការបញ្ជាក់របស់អនុប្រធានសហព័ន្ធលោក ខេស៊ី បាណេត។ ការលើកឡើងនេះ បន្ទាប់ពីសហព័ន្ធបានរៀបចំមហាសន្និបាតបញ្ចប់អាណត្តិទី៦ បន្ដអាណត្តិទី៧ ឆ្នាំ២០២១-២០២៥ កាលពីល្ងាចថ្ងៃទី៣០ ខែមិថុនា ឆ្នាំ២០២២ ម្សិលមិញនៅទីស្នាក់ការគណៈកម្មាធិការជាតិអូឡាំពិកកម្ពុជា ដោយឯកឧត្តម វ៉ាត់ ចំរើន ត្រូវបានគាំទ្រធ្វើជាប្រធានសហព័ន្ធបន្ដទៀត។ លោក ខេស៊ី បាណេត បានបន្ដថា អំឡុងវិបត្តិកូវីដ-១៩ កន្លងទៅ កីឡាករ-កីឡាការិនីចំបាប់កម្ពុជាហាក់ខ្វះបទពិសោធន៍ប្រកួតលើឆាកអន្ដរជាតិ ដូច្នេះក្រោយចប់ការប្រកួតស៊ីហ្គេមលើកទី៣១ នៅវៀតណាម សហព័ន្ធកំពុងផ្ដោតសំខាន់លើការបញ្ជូនកីឡាករ-កីឡាការិនីទៅប្រកួត ឬហ្វឹកហាត់លើឆាកអន្ដរជាតិដើម្បីពង្រឹងសមត្ថភាពឲ្យកាន់តែប្រសើរ សម្រាប់ត្រៀមប្រជែងមេដាយក្នុងនាមម្ចាស់ផ្ទះស៊ីហ្គេមឆ្នាំ២០២៣។ចំពោះសមាសភាពគណៈកម្មាធិការប្រតិបត្តិសហព័ន្ធកីឡាចំបាប់កម្ពុជាអាណត្តិថ្មី ដែលត្រូវបានសម្រេចក្នុងមហាសន្និបាតនេះវិញ ក្រៅពីឯកឧត្តម វ៉ាត់ ចំរើន បន្ដធ្វើជាប្រធានសហព័ន្ធ គឺមានលោក ខេស៊ី បាណេត ជាអនុប្រធានទី១ និងលោកព្រឹទ្ធាចារ្យ ហុក ឈាងគីម ជាអនុប្រធានទី២, កញ្ញា កាង ណុចបវរ ជាអគ្គលេខាធិការ, លោក នរៈ យុទ្ធ ជាអគ្គហេរញ្ញិក រួមជាមួយសមាជិក ៤រូបទៀតគឺមានលោកស្រី ចូវ សុធារ៉ា, លោក កាង ដែនពិសិដ្ឋ, លោក នុត សេរីរដ្ឋា និងលោក យឹង សុផាណារ៉ា៕អត្ថបទ៖ លី ឈុនឡា

សហព័ន្ធប្រដាល់គុនខ្មែរយកសង្វៀន World Fight ដើម្បីពង្រឹងសមត្ថភាពក្រុមជម្រើសជាតិ

ប្រដាល់៖ សហព័ន្ធកីឡាប្រដាល់គុនខ្មែរបានចាត់ទុកព្រឹត្តិការណ៍ «សង្វៀនគុនខ្មែរជើងឯកពិភពលោក ឬ World Fight Tournament 2022 / Kun Khmer Series» គឺជាឱកាសដើម្បីពង្រឹងសមត្ថភាពកីឡាករ-កីឡាការិនីនៃក្រុមជម្រើសជាតិកម្ពុជា សម្រាប់ត្រៀមការប្រកួតកីឡាស៊ីហ្គេមលើកទី៣២ ឆ្នាំ២០២៣ នៅកម្ពុជា។ នេះបើតាមការបញ្ជាក់របស់ឯកឧត្តម ហេង សុខឃន អគ្គលេខាធិការសហព័ន្ធ ក្រោយបញ្ចប់សន្និសីទសារព័ត៌មាន កាលពីថ្ងៃទី៣០ ខែមិថុនា ឆ្នាំ២០២២ មុនព្រឹត្តិការណ៍ថ្មីលំដាប់អន្ដរជាតិមួយនេះនឹងចាប់ផ្ដើមការប្រកួតកម្មវិធីដំបូងរបស់ខ្លួននាថ្ងៃទី០៦ ខែកក្កដាសប្ដាហ៍ក្រោយ។ អគ្គលេខាធិការសហព័ន្ធដដែលបានគូសបញ្ជាក់ថា ក្នុងព្រឹត្តិការណ៍នេះ សហព័ន្ធនឹងបញ្ជូនកីឡាករ-កីឡាការិនីជម្រើសជាតិទាំងអស់ចូលរួមប្រកួត ពិសេសម្ចាស់មេដាយស៊ីហ្គេមដើម្បីពង្រឹងសមត្ថភាព និងបទពិសោធន៍ប្រកួតអន្ដរជាតិឲ្យកាន់រឹងមាំ សម្រាប់ត្រៀមស៊ីហ្គេមឆ្នាំក្រោយ។ បើតាមការបញ្ជាក់របស់លោក តូនី អាន់ ប្រធានស្ថាប័ន World Fight បានឲ្យដឹងថា តាមគម្រោងព្រឹត្តិការណ៍ «សង្វៀនគុនខ្មែរជើងឯកពិភពលោក» លើកដំបូងនៅកម្ពុជានេះនឹងរៀបចំរយៈពេលកន្លះឆ្នាំ ដោយមាន ១១កម្មវិធីចាប់ពីខែកក្កដារហូតដល់ខែធ្នូ ឆ្នាំ២០២២ ក្នុងគោលបំណងរួមចំណែកផ្សព្វផ្សាយពីប្រដាល់គុនខ្មែរផង និងចូលរួមអភិវឌ្ឍវិស័យកីឡាមួយនេះ ឆ្ពោះទៅរកការប្រកួតប្រជែងលើឆាកអន្ដរជាតិផង ពិសេសត្រៀមដំណើរឆ្ពោះទៅការប្រកួតកីឡាស៊ីហ្គេមឆ្នាំ២០២៣ នៅកម្ពុជា។សម្រាប់គូប្រកួតបើកឆាកកម្មវិធីទី១ ដែលនឹងប្រព្រឹត្តទៅនាថ្ងៃទី០៦ ខែកក្កដាខាងមុខគឺមានគូខ្លាំងប៉ះខ្លាំង ៥គូរួមមានកីឡាករកម្ពុជា កាន់ ម៉េងហុង ជួបកីឡាករអូស្ដ្រីលី Dylan Eagle ទម្ងន់ ៥៥,៣គីឡូក្រាម។ កីឡាករកម្ពុជា បឺត សង្ឃឹម ជួបជើងខ្លាំងថៃ Penthep Eakmuangnon ទម្ងន់ ៥៧,២គីឡូក្រាម។ កីឡាករ ម៉ឺន មេឃា ជួបកីឡាករប្រេស៊ីល Felype Souza ទម្ងន់ ៦១,២គីឡូក្រាម។ ជើងខ្លាំងប្រដាល់ថៃ Buakaw Banchamek ជួបជើងខ្លាំងប៉េឡារុស Varats Dzmitry ទម្ងន់ ៧១គីឡូក្រាម និងកីឡាការិនី ទូច ច័ន្ទវត្តី ជួបកីឡាការិនីអេស្ដូនី Marie Ruumet។ ការប្រកួតនេះនឹងមានផ្សាយផ្ទាល់លើកញ្ចក់ទូរទស្សន៍បាយ័ន ខណៈអ្នកគាំទ្រអាចចូលរួមទស្សនាបានដោយសេរី នៅពហុកីឡដ្ឋានជាតិមរតកតេជោចាប់ពីម៉ោង ៥ល្ងាចតទៅ៕អត្ថបទ៖ លី ឈុនឡា

ថ្នាក់ដឹកនាំកីឡាកងយោធពលខេមរភូមិន្ទជំរុញកីឡាករ-កីឡាការិនីឲ្យបន្ដខំប្រឹងឆ្ពោះទៅរកមេដាយមាសស៊ីហ្គេម២០២៣

ស៊ីហ្គេម៖ ឯកឧត្តមនាយឧត្តមសេនីយ៍ ឃឹម ប៊ុនសុង រដ្ឋលេខាធិការក្រសួងការពារជាតិ និងជាប្រធានក្រុមប្រឹក្សាកីឡាកងយោធពលខេមរភូមិន្ទ បានជំរុញកីឡាករ-កីឡាការិនីរបស់ខ្លួនត្រូវបន្ដការខិតខំប្រឹងប្រែងហ្វឹកហាត់ឲ្យកាន់តែខ្លាំង ដើម្បីត្រៀមការប្រកួតថ្នាក់ជាតិ និងអន្ដរជាតិនានា ពិសេសដំណើរឆ្ពោះទៅរកមេដាយមាសក្នុងព្រឹត្តិការណ៍ស៊ីហ្គេមឆ្នាំ២០២៣ ក្នុងនាមជាម្ចាស់ផ្ទះតែម្ដង។ ឯកឧត្តមបានគូសបញ្ជាក់បែបនេះ នៅក្នុងកិច្ចប្រជុំបូកសរុបលទ្ធផលការងារឆមាសទី១ និងលើទិសដៅការងារឆមាសទី២ ឆ្នាំ២០២២ និងពិធីប្រកាសសមាសភាពក្រុមកីឡាកងយោធពលខេមរភូមិន្ទ នៅទីស្ដីការក្រសួងការពារជាតិកាលពីល្ងាចថ្ងៃទី៣០ ខែមិថុនា ឆ្នាំ២០២២ ម្សិលមិញ។ ក្នុងឱកាសនោះ ឯកឧត្តមបានសម្តែងការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹង យកចិត្តទុកដាក់ហ្វឹកហ្វឺនប្រកបដោយស្មារតីសាមគ្គីភាព ឯកភាពផ្ទៃក្នុងយ៉ាងរឹងមាំរបស់ថ្នាក់ដឹកនាំ កីឡាករ-កីឡាការិនី ធ្វើឲ្យវិស័យកីឡាកងយោធពលខេមរភូមិន្ទសម្រេចបានផ្លែផ្កាយ៉ាងល្អប្រសើរ តាមរយៈការចូលរួមការប្រកួតកីឡាគ្រប់ប្រភេទ ទាំងក្នុងក្របខណ្ឌជាតិ និងអន្ដរជាតិ។យ៉ាងណាក្ដី ប្រធានក្រុមប្រឹក្សាកីឡាកងយោធពលខេមរភូមិន្ទបានជំរុញ និងលើកទឹកចិត្តឲ្យថ្នាក់ដឹកនាំធ្វើការយកចិត្តទុកដាក់ ហើយកីឡាករ-កីឡាការិនីត្រូវខិតខំប្រឹងប្រែងហ្វឹកហាត់ឲ្យអស់ពីសមត្ថភាព ក្នុងនោះអ្នកដណ្ដើមមេដាយសំរឹទ្ធ ឬមេដាយប្រាក់ ត្រូវព្យាយាមអភិវឌ្ឍន៍សមត្ថភាពឲ្យបានខ្លាំង ឈានទៅដណ្ដើមឲ្យបានមេដាយមាស ពិសេសក្នុងឋានៈជាម្ចាស់ផ្ទះនៃការប្រកួតកីឡាស៊ីហ្គេមលើកទី៣២ ឆ្នាំ២០២៣។ មិនតែប៉ុណ្ណោះ ឯកឧត្តមនាយឧត្តមសេនីយ៍ ឃឹម ប៊ុនសុង ក៏បានជំរុញឲ្យកីឡាករ-កីឡាការិនីចូលរួមយុទ្ធនាការផ្សព្វផ្សាយព្រឹត្តិការណ៍ស៊ីហ្គេមឆ្នាំ២០២៣ នៅកម្ពុជា ដល់បងប្អូនប្រជាពលរដ្ឋឲ្យបានដឹង ហើយត្រៀមខ្លួនចូលរួម និងធ្វើម្ចាស់ផ្ទះព្រឹត្តិការណ៍ជាប្រវត្តិសាស្ដ្រនេះទាំងអស់គ្នាទៀតផង។ឯកឧត្តមឧត្តមសេនីយ៍ឯក តែម ម៉ឺន អនុប្រធានអចិន្ដ្រៃយ៍ និងជាអគ្គលេខាធិការក្រុមប្រឹក្សាកីឡាកងយោធពលខេមរភូមិន្ទ បានបញ្ជាក់ក្នុងរបាយការណ៍សម្រាប់សមិទ្ធផលក្នុងឆមាសទី១ ឆ្នាំ២០២២ ថា ទោះបីក្នុងបរិបទកូវីដ-១៩ យ៉ាងណាក្ដី តែសកម្មភាពកីឡារបស់ក្រុមប្រឹក្សាកីឡាកងយោធពលខេមរភូមិន្ទ បានចូលរួមយ៉ាងផុសផុលទាំងថ្នាក់ជាតិ និងអន្ដរជាតិ ពិសេសការប្រកួតដែលក្រុមកីឡាករ-កីឡាការិនីនៃក្រុមប្រឹក្សាកីឡាកងយោធពលខេមរភូមិន្ទ ទទួលបានមេដាយសរុបរហូតដល់ ៩៤គ្រឿងក្នុងនោះមានមេដាយមាស ៣៥, ប្រាក់ ២៥ និងសំរឹទ្ធ ៣៤ ពិសេសក៏មានមេដាយមាស ៣ ប្រាក់ ៥ និងសំរឹទ្ធ ១៥គ្រឿងពីការប្រកួតកីឡាស៊ីហ្គេមលើកទី៣១ នៅប្រទេសវៀតណាមកាលពីថ្មីៗផងដែរ។ចំពោះសមាសភាពក្រុមប្រឹក្សាកីឡាកងយោធពលខេមរភូមិន្ទ ដែលត្រូវបានប្រកាសក្នុងកម្មវិធីនេះវិញរួមមានឯកឧត្តម ឡាំង អូណា ត្រូវបានតំឡើងពីសមាជិកមកជាអនុប្រធាន រួមជាមួយអគ្គលេខាធិការង ៧រូបផ្សេងទៀតរួមមានឯកឧត្តម គឹម រស្មី, លោក ស៊ន សម្បត្តិ, លោក ទូច សុភអវតា, លោក លីម សាំងហុង, លោក កែន សុភារ៉ា, លោក ស៊ាម ចន្ធី និងលោក ហៃ គឹមសាន៕អត្ថបទ៖ លី ឈុនឡា

Rafael Nadal និង Nick Kyrgios ឡើងជុំទី៣ Wimbledon

វាយកូនបាល់៖ ជើងឯក Grand Slam ២២លើក Rafael Nadal បានបន្តដំណើរឈានឡើងជុំទី៣ ហើយនៃព្រឹត្តិការណ៍វាយកូនបាល់ Grand Slam, Wimbledon ក្រោយយកឈ្នះកីឡាករលីទុយអានី Ricardas Berankis។ Rafael Nadal បានយកឈ្នះជើងឯក Grand Slam ពីរលើករួចមកហើយក្នុងឆ្នាំ២០២២ នេះដែលរួមមាន Australian Open និង French Open និងកំពុងសំឡឹងឃើញជើងឯក Grand Slam ទីបីនេះក្រោយយកឈ្នះ Berankis ដោយលទ្ធផល ៦-៤, ៦-៤, ៤-៦ និង ៦-៣ ដើម្បីឡើងជុំទី៣ ជួបជាកីឡាករអ៊ីតាលីលំដាប់លេខ២៧ Lorenzo Sonego។ និយាយក្រោយចប់ការប្រកួត Nadal មានការព្រួយបារម្ភពីបញ្ហាកូវីដ-១៩ ដែលកំពុងមានករណីឆ្លងកើនឡើងនៅចក្រភពអង់គ្លេស និងបានបញ្ជាក់ថា ក្រៅពីការប្រកួត និងហ្វឹកហាត់នៅ Wimbledon នេះ គេត្រូវនៅក្នុងបន្ទប់ដើម្បីរក្សាសុវត្ថិភាព បន្ទាប់ពីមានកីឡាករជាបន្តបន្ទាប់ខកខានការប្រកួត ដោយសារតេស្តវិជ្ជមានកូវីដ-១៩។ដោយឡែកក្រឡេកមកការប្រកួតផ្នែកបុរសគូផ្សេងទៀត កីឡាករអូស្ត្រាលី Nick Kyrgios បានបន្តដំណើរទៅជុំទី៣ ផងដែរក្រោយយកឈ្នះកីឡាករ Filip Krajinovic បីសិតផ្ទួនៗ ៦-២, ៦-៣ និង ៦-១ ដើម្បីបន្តដំណើរជួបជាមួយកីឡាករជើងខ្លាំងក្រិក Stefanos Tsitsipas។ ចំណែកឯកីឡាករអាហ្សង់ទីនលំដាប់លេខ ១២ Diego Schwartzman បានធ្លាក់ពីការប្រកួតហើយក្រោយចាញ់កីឡាករអង់គ្លេស Liam Broady ៦-២, ៤-៦, ០-៦, ៧-៦(៨-៦) និង ៦-១។ ជាមួយគ្នានោះដែរកីឡាករកាណាដា Denis Shapovalov ដែលជាបេក្ខភាពវគ្គពាក់កណ្តាលផ្តាច់ព្រ័ត្រឆ្នាំមុន ក៏ធ្លាក់ពីការប្រកួតដែរក្រោយចាញ់កីឡាករអាមេរិក Brandon Nakashima៕អត្ថបទ៖នាង សុភាវុធ

Lille តែងតាំងអតីតគ្រូបង្វឹក Roma, Paulo Fonseca

បាល់ទាត់៖ ក្លិបបាល់ទាត់បារាំង OGC Lille បានប្រកាសតែងតាំងគ្រូបង្វឹកថ្មីគឺលោក Paulo Fonseca ដែលធ្លាប់ជាគ្រូបង្វឹកក្លិបអ៊ីតាលី AS Roma។ បុរសវ័យ ៤៩ឆ្នាំរូបនេះបានចុះហត្ថលេខាដឹកនាំក្រុមបារាំងមួយនេះរយៈពេល ២ឆ្នាំ។ លោក Paulo Fonseca បានដឹកនាំ AS Roma ចុងក្រោយបំផុត និងបានចាកចេញកាលពីខែឧសភាឆ្នាំមុន ហើយលោកក៏ធ្លាប់ដឹកនាំក្លិបអ៊ុយក្រែន Shakhtar Donetsk ឈ្នះជើងឯកលីគកំពូលអ៊ុយក្រែន ៣លើកជាប់គ្នាផងដែរ។ Lille កាលពីដើមខែបានប្រកាសចែកផ្លូវគ្នាជាមួយអ្នកចាត់ការ Jocelyn Gourvennec បន្ទាប់ពីរដូវកាលដ៏យ៉ាប់យ៉ឺន ២០២០-២១ ពោលគឺ Lille បញ្ចប់នៅចំណាត់ថ្នាក់លេខ ១០។ សូមបញ្ជាប់ថា Lille គឺជាអតីតជើងឯកក្របខណ្ឌបារាំង Ligue 1 កាលពីរដូវកាល ២០២០-២១ ដោយឈ្នះក្រុមលេខ២ Paris Saint Germain មួយពិន្ទុ៕អត្ថបទ៖នាង សុភាវុធ

Carson Pickett ក្លាយជាមនុស្សទីមួយដែលពិការពីកំណើតតែអាចប្រកួតឱ្យក្រុមបាល់ទាត់ស្ត្រីជំរើសជាតិអាមេរិក

បាល់ទាត់៖ Carson Pickett បានក្លាយជាមនុស្សទីមួយហើយដែលពិការតាំងពីកំណើត តែមានឱកាសប្រកួតតំណាងឱ្យក្រុមបាល់ទាត់ស្ត្រីជំរើសជាតិអាមេរិក។ កីឡាការិនីវ័យ ២៨ឆ្នាំដែលលេងក្នុងតំណែងខ្សែការពាររូបនេះ បានចាប់កំណើតមកដោយពិការដៃខាងឆ្វេង។ Carson Pickett ត្រូវបានកោះហៅចូលក្រុមបាល់ទាត់ស្ត្រីជំរើសជាតិអាមេរិកជាលើកដំបូង និងបានចូលលេងពេញ ៩០នាទីតែម្តងក្នុងការប្រកួតដែលអាមេរិកយកឈ្នះកូឡុំប៊ី ២-០ ក្នុងជំនួបមិត្តភាពនៅកីឡដ្ឋាន Rio Tinto សហរដ្ឋអាមេរិក។ Carson Pickett បានហៅការជាប់ជំរើសជាតិ និងចូលលេងលើកដំបូងរបស់នាងថា ជាក្តីស្រមៃក្លាយជាការពិត។ រូបភាពមួយសន្លឹករបស់ Carson Pickett ត្រូវបានផ្ទុះពេញបណ្តាញសង្គមពេញដោយក្តីអាណិតអាសូរ និងគួរឱ្យគោរពនៅពេលនាងបានអបអរដោយជល់ដៃ ជាមួយនឹងក្មេងប្រុសម្នាក់ដែលពិការដៃម្ខាងដូចនាងដែរ។សូមបញ្ជាក់ថា Carson Pickett បានចាប់ផ្តើមប្រកបអាជីពលេងឱ្យក្លិបបាល់ទាត់ស្ត្រីអាជីពនៅអាមេរិកកាលពីឆ្នាំ២០១៦ ឱ្យ Seattle Reign FC មុនពេលផ្លាស់ទៅក្លិបអូស្ត្រាលី Brisbane Roar ក្នុងលក្ខខណ្ឌខ្ចីជើង និងត្រលប់មកលេងឱ្យក្លិបអាមេរិក Orlando Pride ហើយនឹងចុងក្រោយនៅក្លិប North Carolina Courage មកដល់បច្ចុប្បន្ន៕អត្ថបទ៖នាង សុភាវុធ

ជើងឯកពីរសម័យ Andy Murray ធ្លាក់ពី Wimbledon ហើយ តែ Djokovic គ្មានបញ្ហា

វាយកូនបាល់៖ អតីតជើងឯក Grand Slam, Wimbledon ពីរសម័យ Andy Murray បានធ្លាក់ពីការប្រកួតហើយនៅត្រឹមជុំទី២ ក្រោយចាញ់កីឡាករកម្ពស់ខ្ពស់អាមេរិក John Isner។ កីឡាករអាមេរិកសេវាខ្លាំង John Isner បានយកឈ្នះពីរសិតដំបូង ៦-៤ និង ៧-៤(៧-៤) មុនពេលដែលអតីតកីឡាករលេខ ១ ពិភពលោក Andy Murray តាមបានមួយសិតវិញនៅសិតទីបី ៧-៦(៧-៣)។ យ៉ាងណាក្តីបេក្ខភាពវគ្គពាក់កណ្តាលផ្តាច់ព្រ័ត្រកាលពីឆ្នាំ២០១៨ John Isner មិនភ្លាត់ឡើងនៅសិតទីបួនជាមួយនឹងជ័យជំនះ ៦-៤ តាមរយៈការវាយសេវាបានពិន្ទុសរុប ៣៦លើក។ ជុំបន្ត John Isner នឹងត្រូវជួបជាមួយកីឡាករលំដាប់ទី ១០ សញ្ជាតិអ៊ីតាលីវ័យ ២០ឆ្នាំ Jannik Sinner។ ផ្ទុយពី Andy Murray មិត្តរួមចក្រភពអង់គ្លេស Cameron Norrie បានឈានទៅជុំទី៣ ហើយក្រោយយកឈ្នះកីឡាករអេស្ប៉ាញ Jaume Munar ទាំងលំបាកដល់ទៅ ៥សិតទើបដឹងចាញ់ឈ្នះ ៦-៤, ៣-៦, ៥-៧, ៦-០ និង ៦-២។ ជុំបន្ត Cameron Norrie ដែលមានលំដាប់ថ្នាក់លេខ ៩ ក្នុងកម្មវិធីនឹងត្រូវជួបជាមួយកីឡាករអាមេរិក Steve Johnson ខណៈជ័យជំនះនឹងធ្វើឱ្យ Cameron Norrie ឈានទៅជុំទី៤ Wimbledon ជាលើកដំបូងក្នុងអាជីព។ក្រឡេកមកបេក្ខភាពជើងឯក Novak Djokovic គ្មានបញ្ហាឡើយក្រោយយកឈ្នះកីឡាករអូស្ត្រាលី Thanasi Kokkinakis បីសិតផ្ទួនៗ ៦-១, ៦-៤ និង ៦-២។ ជ័យជំនះរបស់កីឡាករស៊ែបវ័យ ៣៥ឆ្នាំរូបនេះធ្វើឱ្យគេបន្តដំណើរស្វែងរកជើងឯក Wimbledon បួនលើកជាប់គ្នាដោយនឹងជួបជាមួយកីឡាករមិត្តរួមជាតិស៊ែប Miomir Kecmanovic។ ដោយឡែកគូចុងក្រោយនេះ ជើងឯករង French Open ថ្មីៗកីឡាករណ័រវេយ Casper Ruud បានធ្លាក់ចេញពីការប្រកួតហើយក្រោយចាញ់កីឡាករបារាំង Ugo Humbert ៣ សិតទល់នឹង ១ ពិន្ទុ ៣-៦, ៦-២, ៧-៥ និង ៦-៤៕អត្ថបទ៖នាង សុភាវុធ

កីឡាការិនីអង់គ្លេស Emma Raducanu ធ្លាក់ពី Wimbledon ក្រោយចាញ់កីឡាការិនី Caroline Garcia

វាយកូនបាល់៖ កីឡាការិនីដែលជាក្តីសង្ឃឹមខ្ពស់បំផុតម្នាក់របស់ម្ចាស់ផ្ទះអង់គ្លេស Emma Raducanu បានធ្លាក់ពីការប្រកួត Grand Slam, Wimbledon ហើយនៅត្រឹមជុំទី២ ក្រោយចាញ់កីឡាការិនីបារាំង Caroline Garcia។ កីឡាការិនីវ័យ ១៩ឆ្នាំដែលជាជើងឯក US Open ឆ្នាំមុន Raducanu មិនមែនធ្វើមិនបានល្អទេតែ Caroline Garcia ទេដែលបង្ហាញបច្ចេកទេសដ៏អស្ចារ្យក្នុងជ័យជំនះ ៦-៣ និង ៦-៣ នេះ។ បរាជ័យនេះបានសបញ្ជាក់ឱ្យឃើញថា Emma Raducanu ត្រូវមានកិច្ចខិតខំប្រឹងប្រែងជាច្រើនបន្ថែមទៀតឆ្លងកាត់ការប្រកួតទល់នឹង Caroline Garcia វ័យ ២៨ឆ្នាំដែលជាកីឡាការិនីសំបូរបទពិសោធន៍ និងធ្លាប់ឈរតំណែងលេខ ៤ ពិភពលោក។ ចំណែកឯអតីតជើងឯក Wimbledon ម្នាក់គឺកីឡាការិនីអេស្ប៉ាញ Gabine Muguruza ក៏បានធ្លាក់ពីការប្រកួតផងដែរ ក្រោយរងបរាជ័យក្រោមស្នាដៃកីឡាការិនីប៊ែលហ្ស៊ិក Greet Minnen ដោយលទ្ធផល ៦-៤ និង ៦-០។ នេះជាជ័យជំនះធំបំផុតសំរាប់កីឡាការិនីប៊ែលហ្ស៊ិករូបនេះ ពោលគឺយកឈ្នះកីឡាការិនីលំដាប់លេខ ១០ ពិភពលោកដែលជាអតីតជើងឯកនៅទីនេះ និង French Open ឆ្នាំ២០១៦។កីឡាការិនីលំដាប់លេខ ៨៨ ពិភពលោក Greet Minnen នឹងបន្តជួបជាមួយកីឡាការិនីចិន Zheng Qinwen។ ក្រឡេកមកគូចុងក្រោយនេះ កីឡាការិនីលំដាប់លេខ ៣ សញ្ជាតិទុយនេស៊ី Ons Jabeur បានបន្តស្ថិតិល្អរបស់ខ្លួននៅទីលានស្មៅក្រោយយកឈ្នះកីឡាការិនីប៉ូឡូញ Katarzyna Kawa ៦-៤ និង ៦-០។ បច្ចុប្បន្នឈរលេខ ២ ពិភពលោក Ons Jabeur ត្រូវបានគេចាត់ទុកជាបេក្ខភាពប្រជែងជើងឯកមួយរូប បន្ទាប់ពីឈ្នះជើងឯកនៅក្របខណ្ឌ WTA 500 ជាបន្តបន្ទាប់ក្នុងឆ្នាំ២០២២ នេះ។ ជុំបន្ត Ons Jabeur នឹងជួបជាមួយកីឡាការិនីលំដាប់លេខ ៧៧ សញ្ជាតិបារាំង Diane Parry៕អត្ថបទ៖នាង សុភាវុធ

កីឡាករទិញចូលថ្លៃបំផុតរបស់ Chelsea, Romelu Lukaku ត្រលប់ទៅ Inter Milan វិញ

បាល់ទាត់៖ កីឡាករដែលទិញចូលថ្លៃបំផុតជាកំណត់ត្រារបស់ក្លិបតោខៀវ Chelsea, Romelu Lukaku បានត្រលប់ទៅកាន់ទឹកដីអ៊ីតាលីចូលរួមជាមួយ Inter Milan វិញហើយនៅក្នុងលក្ខខណ្ឌខ្ចីជើងពេញមួយរដូវកាល។ Chelsea បាននាំយកកីឡាករវ័យ ២៩ឆ្នាំរូបនេះត្រលប់មកកាន់ទឹកដី Stamford Bridge វិញកាលពីខែសីហា ឆ្នាំ២០២១ ក្នុងតម្លៃ ៩៧.៥លានផោន។ ខ្សែប្រយុទ្ធជួរមុខរបស់ប៊ែលហ្ស៊ិករូបនេះបានស៊ុតបញ្ចូលទីសរុប ១៥គ្រាប់ឱ្យ Chelsea រដូវកាលមុន ក្នុងនោះមាន ៨គ្រាប់ក្នុងការបង្ហាញខ្លួន ២៦ប្រកួតនៅ English Premier League។ យ៉ាងណាក្តី Romelu Lukaku ហាក់មិនសប្បាយចិត្តឡើយក្នុងជីវិតនៅ Stamford Bridge ជាពិសេសគឺក្រោមការដឹកនាំរបស់អ្នកចាត់ការអាល្លឺម៉ង់ Thomas Tuchel ពោលគឺមិនសូវជាប់ជំរើសដំបូងឡើយ។ ការផ្ទេរក្នុងលក្ខខណ្ឌខ្ចីជើងពី Chelsea នេះត្រូវបានគេដឹងថា Inter Milan ត្រូវចំណាយលុយ ៨លានអឺរ៉ូ។Inter Milan បញ្ចប់រដូវកាលមុនជាជើងឯករងក្របខណ្ឌអ៊ីតាលី Serie A ចាញ់ក្រុមជើងឯក AC Milan ២ពិន្ទុ។ រំលឹកថា Romelu Lukaku បានស៊ុតបញ្ចូលទីសរុប ៦៤គ្រាប់ក្នុងការបង្ហាញខ្លួន ៩៥ប្រកួតនៅ Inter Milan រយៈពេល ២រដូវកាល និងជាសមាជិកដ៏សំខាន់របស់ Inter Milan ក្នុងការឈ្នះជើងឯកអ៊ីតាលី Series A កាលពីរដូវកាល២០២០-២០២១៕អត្ថបទ៖នាង សុភាវុធ

Joao Moutinho ចាកចេញពី Wolves ក្រោយការចរចាកិច្ចសន្យាថ្មីបរាជ័យ

បាល់ទាត់៖ ខ្សែបម្រើវ័យចំណាស់ព័រទុយហ្កាល់ Joao Moutinho នឹងចាកចេញពីក្លិបអង់គ្លេស Wolverhampton ហើយក្រោយការចរចាកិច្ចសន្យាថ្មីបរាជ័យនៅថ្ងៃពុធម្សិលមិញ។ កីឡាករវ័យ ៣៥ឆ្នាំរូបនេះចង់បានកិច្ចសន្យារយៈពេល ២ឆ្នាំនៅកីឡដ្ឋាន Molineux តែ Wolves ផ្តល់តែមួយឆ្នាំ។ Joao Moutinho នៅពេលនេះកំពុងសំឡឹងរកគោលដៅថ្មី ស្របពេលមានសំណើពីក្លិបមួយចំនួនផងដែរ។ Moutinho នៅតែជាសមាជិកសំខាន់របស់ក្រុមជំរើសជាតិព័រទុយហ្កាល់ ហើយក៏ស្ថិតក្នុងគំរោងរបស់លោក Fernando Santos ផងដែរជាមួយក្រុមព័រទុយហ្កាល់នៅ World Cup ឆ្នាំនេះ។ រំលឹកថា Joao Moutinho បានចូលរួមជាមួយ Wolves កាលពីឆ្នាំ២០១៨ ផ្លាស់ពី AS Monaco ក្នុងតម្លៃ ៥លានផោនបង្ហាញខ្លួនបានសរុប ១៤៤ប្រកួតរកបាន ៥គ្រាប់។ជាមួយក្រុមជំរើសជាតិព័រទុយហ្កាល់ Joao Moutinho ត្រូវបានកោះហៅដំបូងតាំងពីឆ្នាំ២០០៥ បង្ហាញខ្លួនសរុប ១៤៦ប្រកួតរកបាន ៧គ្រាប់ និងជាសមាជិកមិនអាចខ្វះបានដែលជួយព័រទុយហ្កាល់ឈ្នះជើងឯកអឺរ៉ុបឆ្នាំ២០១៦ និង UEFA Nations League ឆ្នាំ២០១៩៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

អភិបាលខេត្តស្វាយរៀង ណែនាំបេក្ខជនត្រូវយកចំណេះដឹងដែលខិតខំសិក្សាមកប្រឡងបាក់ឌុបឱ្យទទួលបានជោគជ័យ ហើយបន្តការសិក្សាកម្រិតឧត្តមសិក្សា

អភិបាលរងខេត្ដព្រះវិហារ ណែនាំបេក្ខជនប្រឡងបាក់ឌុប ខិតខំប្រឡង និងគោរពតាមបទបញ្ជាប្រឡងរបស់ក្រសួងអប់រំ

ប្រទេសចិន ជម្លៀសមនុស្សជាងមួយលាននាក់ចេញពីផ្ទះសម្បែង ខណៈព្យុះដ៏ធំមួយមកដល់

រដ្ឋមន្ត្រីក្រសួងអប់រំអញ្ជើញពិនិត្យស្ថានភាពទូទៅអំឡុងដំណើរការសំណេរនៅមណ្ឌលប្រឡង បឋមសិក្សាបាក់ទូក នៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦

ប្រធានអង្គភាពប្រឆាំងអំពើពុករលួយ ឯកឧត្តមកិត្តិនីតិកោសលបណ្ឌិត ឱម យ៉ិនទៀង អញ្ជើញបើកហឹបវិញ្ញាសានៅមណ្ឌលវិទ្យាល័យ ហ៊ុន សែន តាខ្មៅ

តៃវ៉ាន់បៀបប្រដូចទៅនឹងការទប់ទល់ការវាយប្រហារពីចិន ដោយបន្ថយល្បឿនអ៊ីនធឺណិតចល័តក្នុងហ្គេមសង្គ្រាមប្រចាំឆ្នាំ

ឯកឧត្តមបណ្ឌិតសភាចារ្យ ហង់ជួន ណារ៉ុន និងឯកឧត្តម ហ៊ុន ម៉ានី អញ្ជើញបើកហឹបវិញ្ញាសាប្រឡងបាក់ឌុប ឆ្នាំ២០២៦ នៅមណ្ឌលប្រឡងវិទ្យាល័យព្រះស៊ីសុវត្ថិ

អភិបាលខេត្តកំពង់ស្ពឺ អញ្ជើញកាត់វិញ្ញាសាប្រឡងមធ្យមទុតិយភូមិ ឆ្នាំសិក្សា២០២៥-២០២៦

ឆ្មាំអ៊ីរ៉ង់នឹងមិនបើកច្រកសមុទ្រ Hormuz ឡើងវិញទេ ប្រសិនបើអាមេរិកមិនបំពេញតាមការទាមទាររបស់ទីក្រុងតេអេរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

ចំបាប់ផ្ដោតលើការហ្វឹកហាត់ និងប្រកួតអន្ដរជាតិដើម្បីពង្រឹងសមត្ថភាពត្រៀមស៊ីហ្គេម

សហព័ន្ធប្រដាល់គុនខ្មែរយកសង្វៀន World Fight ដើម្បីពង្រឹងសមត្ថភាពក្រុមជម្រើសជាតិ

ថ្នាក់ដឹកនាំកីឡាកងយោធពលខេមរភូមិន្ទជំរុញកីឡាករ-កីឡាការិនីឲ្យបន្ដខំប្រឹងឆ្ពោះទៅរកមេដាយមាសស៊ីហ្គេម២០២៣

Rafael Nadal និង Nick Kyrgios ឡើងជុំទី៣ Wimbledon

Lille តែងតាំងអតីតគ្រូបង្វឹក Roma, Paulo Fonseca

Carson Pickett ក្លាយជាមនុស្សទីមួយដែលពិការពីកំណើតតែអាចប្រកួតឱ្យក្រុមបាល់ទាត់ស្ត្រីជំរើសជាតិអាមេរិក

ជើងឯកពីរសម័យ Andy Murray ធ្លាក់ពី Wimbledon ហើយ តែ Djokovic គ្មានបញ្ហា

កីឡាការិនីអង់គ្លេស Emma Raducanu ធ្លាក់ពី Wimbledon ក្រោយចាញ់កីឡាការិនី Caroline Garcia

កីឡាករទិញចូលថ្លៃបំផុតរបស់ Chelsea, Romelu Lukaku ត្រលប់ទៅ Inter Milan វិញ

Joao Moutinho ចាកចេញពី Wolves ក្រោយការចរចាកិច្ចសន្យាថ្មីបរាជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ចំបាប់ផ្ដោតលើ​ការហ្វឹកហាត់ និង​ប្រកួត​អន្ដរជាតិដើម្បី​ពង្រឹងសមត្ថភាព​ត្រៀម​ស៊ី​ហ្គេម​

សហព័ន្ធ​ប្រដាល់​គុន​ខ្មែរ​យក​សង្វៀន​ World Fight ​ដើម្បី​ពង្រឹង​សមត្ថភាព​ក្រុម​ជម្រើស​ជាតិ​

Rafael Nadal និង Nick Kyrgios ឡើង​ជុំ​ទី​៣ Wimbledon

Lille តែងតាំង​អតីត​គ្រូបង្វឹក Roma, Paulo Fonseca

ជើងឯក​ពីរ​សម័យ Andy Murray ធ្លាក់​ពី Wimbledon ហើយ​ តែ Djokovic គ្មាន​បញ្ហា

កីឡាការិនី​អង់គ្លេស Emma Raducanu ធ្លាក់​ពី Wimbledon ក្រោយ​ចាញ់​កីឡាការិនី​ Caroline Garcia

កីឡាករ​ទិញ​ចូល​ថ្លៃ​បំផុត​របស់ Chelsea, Romelu Lukaku ត្រលប់​ទៅ Inter Milan វិញ

Joao Moutinho ចាក​ចេញពី Wolves ក្រោយ​ការចរចា​កិច្ចសន្យា​ថ្មី​បរាជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ចំបាប់ផ្ដោតលើការហ្វឹកហាត់ និងប្រកួតអន្ដរជាតិដើម្បីពង្រឹងសមត្ថភាពត្រៀមស៊ីហ្គេម

សហព័ន្ធប្រដាល់គុនខ្មែរយកសង្វៀន World Fight ដើម្បីពង្រឹងសមត្ថភាពក្រុមជម្រើសជាតិ

Rafael Nadal និង Nick Kyrgios ឡើងជុំទី៣ Wimbledon

Lille តែងតាំងអតីតគ្រូបង្វឹក Roma, Paulo Fonseca

ជើងឯកពីរសម័យ Andy Murray ធ្លាក់ពី Wimbledon ហើយ តែ Djokovic គ្មានបញ្ហា

កីឡាការិនីអង់គ្លេស Emma Raducanu ធ្លាក់ពី Wimbledon ក្រោយចាញ់កីឡាការិនី Caroline Garcia

កីឡាករទិញចូលថ្លៃបំផុតរបស់ Chelsea, Romelu Lukaku ត្រលប់ទៅ Inter Milan វិញ

Joao Moutinho ចាកចេញពី Wolves ក្រោយការចរចាកិច្ចសន្យាថ្មីបរាជ័យ