BTV NEWS

ក្រុមបាល់ទាត់ Geylang International FC មកដល់កម្ពុជាត្រៀមប្រកួតជាមួយព្រះខ័នរាជស្វាយរៀងស្អែក

Ronald Araujo ផ្លាស់ពី Barcelona មក Liverpool ក្នុងលក្ខខណ្ឌខ្ចីជើង និងជម្រើសទិញផ្តាច់

សសយក អលស្ដារ ជួបក្រុមរួមគ្នាដើម្បីកំពង់ស្ពឺ ល្ងាចនេះ ក្នុងកម្មវិធីបេះដូងសប្បុរសដើម្បីភូមិរង់ចាំ

កីឡាកាយសម្ព័ន្ធកម្ពុជា ដណ្ដើមបានមេដាយ ៣គ្រឿងពីជើងឯកអាស៊ី ឆ្នាំ២០២៦ នៅហ្វីលីពីន

ព័ត៌មានកីឡា

Carson Pickett ក្លាយជាមនុស្សទីមួយដែលពិការពីកំណើតតែអាចប្រកួតឱ្យក្រុមបាល់ទាត់ស្ត្រីជំរើសជាតិអាមេរិក

បាល់ទាត់៖ Carson Pickett បានក្លាយជាមនុស្សទីមួយហើយដែលពិការតាំងពីកំណើត តែមានឱកាសប្រកួតតំណាងឱ្យក្រុមបាល់ទាត់ស្ត្រីជំរើសជាតិអាមេរិក។ កីឡាការិនីវ័យ ២៨ឆ្នាំដែលលេងក្នុងតំណែងខ្សែការពាររូបនេះ បានចាប់កំណើតមកដោយពិការដៃខាងឆ្វេង។ Carson Pickett ត្រូវបានកោះហៅចូលក្រុមបាល់ទាត់ស្ត្រីជំរើសជាតិអាមេរិកជាលើកដំបូង និងបានចូលលេងពេញ ៩០នាទីតែម្តងក្នុងការប្រកួតដែលអាមេរិកយកឈ្នះកូឡុំប៊ី ២-០ ក្នុងជំនួបមិត្តភាពនៅកីឡដ្ឋាន Rio Tinto សហរដ្ឋអាមេរិក។ Carson Pickett បានហៅការជាប់ជំរើសជាតិ និងចូលលេងលើកដំបូងរបស់នាងថា ជាក្តីស្រមៃក្លាយជាការពិត។ រូបភាពមួយសន្លឹករបស់ Carson Pickett ត្រូវបានផ្ទុះពេញបណ្តាញសង្គមពេញដោយក្តីអាណិតអាសូរ និងគួរឱ្យគោរពនៅពេលនាងបានអបអរដោយជល់ដៃ ជាមួយនឹងក្មេងប្រុសម្នាក់ដែលពិការដៃម្ខាងដូចនាងដែរ។សូមបញ្ជាក់ថា Carson Pickett បានចាប់ផ្តើមប្រកបអាជីពលេងឱ្យក្លិបបាល់ទាត់ស្ត្រីអាជីពនៅអាមេរិកកាលពីឆ្នាំ២០១៦ ឱ្យ Seattle Reign FC មុនពេលផ្លាស់ទៅក្លិបអូស្ត្រាលី Brisbane Roar ក្នុងលក្ខខណ្ឌខ្ចីជើង និងត្រលប់មកលេងឱ្យក្លិបអាមេរិក Orlando Pride ហើយនឹងចុងក្រោយនៅក្លិប North Carolina Courage មកដល់បច្ចុប្បន្ន៕អត្ថបទ៖នាង សុភាវុធ

ជើងឯកពីរសម័យ Andy Murray ធ្លាក់ពី Wimbledon ហើយ តែ Djokovic គ្មានបញ្ហា

វាយកូនបាល់៖ អតីតជើងឯក Grand Slam, Wimbledon ពីរសម័យ Andy Murray បានធ្លាក់ពីការប្រកួតហើយនៅត្រឹមជុំទី២ ក្រោយចាញ់កីឡាករកម្ពស់ខ្ពស់អាមេរិក John Isner។ កីឡាករអាមេរិកសេវាខ្លាំង John Isner បានយកឈ្នះពីរសិតដំបូង ៦-៤ និង ៧-៤(៧-៤) មុនពេលដែលអតីតកីឡាករលេខ ១ ពិភពលោក Andy Murray តាមបានមួយសិតវិញនៅសិតទីបី ៧-៦(៧-៣)។ យ៉ាងណាក្តីបេក្ខភាពវគ្គពាក់កណ្តាលផ្តាច់ព្រ័ត្រកាលពីឆ្នាំ២០១៨ John Isner មិនភ្លាត់ឡើងនៅសិតទីបួនជាមួយនឹងជ័យជំនះ ៦-៤ តាមរយៈការវាយសេវាបានពិន្ទុសរុប ៣៦លើក។ ជុំបន្ត John Isner នឹងត្រូវជួបជាមួយកីឡាករលំដាប់ទី ១០ សញ្ជាតិអ៊ីតាលីវ័យ ២០ឆ្នាំ Jannik Sinner។ ផ្ទុយពី Andy Murray មិត្តរួមចក្រភពអង់គ្លេស Cameron Norrie បានឈានទៅជុំទី៣ ហើយក្រោយយកឈ្នះកីឡាករអេស្ប៉ាញ Jaume Munar ទាំងលំបាកដល់ទៅ ៥សិតទើបដឹងចាញ់ឈ្នះ ៦-៤, ៣-៦, ៥-៧, ៦-០ និង ៦-២។ ជុំបន្ត Cameron Norrie ដែលមានលំដាប់ថ្នាក់លេខ ៩ ក្នុងកម្មវិធីនឹងត្រូវជួបជាមួយកីឡាករអាមេរិក Steve Johnson ខណៈជ័យជំនះនឹងធ្វើឱ្យ Cameron Norrie ឈានទៅជុំទី៤ Wimbledon ជាលើកដំបូងក្នុងអាជីព។ក្រឡេកមកបេក្ខភាពជើងឯក Novak Djokovic គ្មានបញ្ហាឡើយក្រោយយកឈ្នះកីឡាករអូស្ត្រាលី Thanasi Kokkinakis បីសិតផ្ទួនៗ ៦-១, ៦-៤ និង ៦-២។ ជ័យជំនះរបស់កីឡាករស៊ែបវ័យ ៣៥ឆ្នាំរូបនេះធ្វើឱ្យគេបន្តដំណើរស្វែងរកជើងឯក Wimbledon បួនលើកជាប់គ្នាដោយនឹងជួបជាមួយកីឡាករមិត្តរួមជាតិស៊ែប Miomir Kecmanovic។ ដោយឡែកគូចុងក្រោយនេះ ជើងឯករង French Open ថ្មីៗកីឡាករណ័រវេយ Casper Ruud បានធ្លាក់ចេញពីការប្រកួតហើយក្រោយចាញ់កីឡាករបារាំង Ugo Humbert ៣ សិតទល់នឹង ១ ពិន្ទុ ៣-៦, ៦-២, ៧-៥ និង ៦-៤៕អត្ថបទ៖នាង សុភាវុធ

កីឡាការិនីអង់គ្លេស Emma Raducanu ធ្លាក់ពី Wimbledon ក្រោយចាញ់កីឡាការិនី Caroline Garcia

វាយកូនបាល់៖ កីឡាការិនីដែលជាក្តីសង្ឃឹមខ្ពស់បំផុតម្នាក់របស់ម្ចាស់ផ្ទះអង់គ្លេស Emma Raducanu បានធ្លាក់ពីការប្រកួត Grand Slam, Wimbledon ហើយនៅត្រឹមជុំទី២ ក្រោយចាញ់កីឡាការិនីបារាំង Caroline Garcia។ កីឡាការិនីវ័យ ១៩ឆ្នាំដែលជាជើងឯក US Open ឆ្នាំមុន Raducanu មិនមែនធ្វើមិនបានល្អទេតែ Caroline Garcia ទេដែលបង្ហាញបច្ចេកទេសដ៏អស្ចារ្យក្នុងជ័យជំនះ ៦-៣ និង ៦-៣ នេះ។ បរាជ័យនេះបានសបញ្ជាក់ឱ្យឃើញថា Emma Raducanu ត្រូវមានកិច្ចខិតខំប្រឹងប្រែងជាច្រើនបន្ថែមទៀតឆ្លងកាត់ការប្រកួតទល់នឹង Caroline Garcia វ័យ ២៨ឆ្នាំដែលជាកីឡាការិនីសំបូរបទពិសោធន៍ និងធ្លាប់ឈរតំណែងលេខ ៤ ពិភពលោក។ ចំណែកឯអតីតជើងឯក Wimbledon ម្នាក់គឺកីឡាការិនីអេស្ប៉ាញ Gabine Muguruza ក៏បានធ្លាក់ពីការប្រកួតផងដែរ ក្រោយរងបរាជ័យក្រោមស្នាដៃកីឡាការិនីប៊ែលហ្ស៊ិក Greet Minnen ដោយលទ្ធផល ៦-៤ និង ៦-០។ នេះជាជ័យជំនះធំបំផុតសំរាប់កីឡាការិនីប៊ែលហ្ស៊ិករូបនេះ ពោលគឺយកឈ្នះកីឡាការិនីលំដាប់លេខ ១០ ពិភពលោកដែលជាអតីតជើងឯកនៅទីនេះ និង French Open ឆ្នាំ២០១៦។កីឡាការិនីលំដាប់លេខ ៨៨ ពិភពលោក Greet Minnen នឹងបន្តជួបជាមួយកីឡាការិនីចិន Zheng Qinwen។ ក្រឡេកមកគូចុងក្រោយនេះ កីឡាការិនីលំដាប់លេខ ៣ សញ្ជាតិទុយនេស៊ី Ons Jabeur បានបន្តស្ថិតិល្អរបស់ខ្លួននៅទីលានស្មៅក្រោយយកឈ្នះកីឡាការិនីប៉ូឡូញ Katarzyna Kawa ៦-៤ និង ៦-០។ បច្ចុប្បន្នឈរលេខ ២ ពិភពលោក Ons Jabeur ត្រូវបានគេចាត់ទុកជាបេក្ខភាពប្រជែងជើងឯកមួយរូប បន្ទាប់ពីឈ្នះជើងឯកនៅក្របខណ្ឌ WTA 500 ជាបន្តបន្ទាប់ក្នុងឆ្នាំ២០២២ នេះ។ ជុំបន្ត Ons Jabeur នឹងជួបជាមួយកីឡាការិនីលំដាប់លេខ ៧៧ សញ្ជាតិបារាំង Diane Parry៕អត្ថបទ៖នាង សុភាវុធ

កីឡាករទិញចូលថ្លៃបំផុតរបស់ Chelsea, Romelu Lukaku ត្រលប់ទៅ Inter Milan វិញ

បាល់ទាត់៖ កីឡាករដែលទិញចូលថ្លៃបំផុតជាកំណត់ត្រារបស់ក្លិបតោខៀវ Chelsea, Romelu Lukaku បានត្រលប់ទៅកាន់ទឹកដីអ៊ីតាលីចូលរួមជាមួយ Inter Milan វិញហើយនៅក្នុងលក្ខខណ្ឌខ្ចីជើងពេញមួយរដូវកាល។ Chelsea បាននាំយកកីឡាករវ័យ ២៩ឆ្នាំរូបនេះត្រលប់មកកាន់ទឹកដី Stamford Bridge វិញកាលពីខែសីហា ឆ្នាំ២០២១ ក្នុងតម្លៃ ៩៧.៥លានផោន។ ខ្សែប្រយុទ្ធជួរមុខរបស់ប៊ែលហ្ស៊ិករូបនេះបានស៊ុតបញ្ចូលទីសរុប ១៥គ្រាប់ឱ្យ Chelsea រដូវកាលមុន ក្នុងនោះមាន ៨គ្រាប់ក្នុងការបង្ហាញខ្លួន ២៦ប្រកួតនៅ English Premier League។ យ៉ាងណាក្តី Romelu Lukaku ហាក់មិនសប្បាយចិត្តឡើយក្នុងជីវិតនៅ Stamford Bridge ជាពិសេសគឺក្រោមការដឹកនាំរបស់អ្នកចាត់ការអាល្លឺម៉ង់ Thomas Tuchel ពោលគឺមិនសូវជាប់ជំរើសដំបូងឡើយ។ ការផ្ទេរក្នុងលក្ខខណ្ឌខ្ចីជើងពី Chelsea នេះត្រូវបានគេដឹងថា Inter Milan ត្រូវចំណាយលុយ ៨លានអឺរ៉ូ។Inter Milan បញ្ចប់រដូវកាលមុនជាជើងឯករងក្របខណ្ឌអ៊ីតាលី Serie A ចាញ់ក្រុមជើងឯក AC Milan ២ពិន្ទុ។ រំលឹកថា Romelu Lukaku បានស៊ុតបញ្ចូលទីសរុប ៦៤គ្រាប់ក្នុងការបង្ហាញខ្លួន ៩៥ប្រកួតនៅ Inter Milan រយៈពេល ២រដូវកាល និងជាសមាជិកដ៏សំខាន់របស់ Inter Milan ក្នុងការឈ្នះជើងឯកអ៊ីតាលី Series A កាលពីរដូវកាល២០២០-២០២១៕អត្ថបទ៖នាង សុភាវុធ

Joao Moutinho ចាកចេញពី Wolves ក្រោយការចរចាកិច្ចសន្យាថ្មីបរាជ័យ

បាល់ទាត់៖ ខ្សែបម្រើវ័យចំណាស់ព័រទុយហ្កាល់ Joao Moutinho នឹងចាកចេញពីក្លិបអង់គ្លេស Wolverhampton ហើយក្រោយការចរចាកិច្ចសន្យាថ្មីបរាជ័យនៅថ្ងៃពុធម្សិលមិញ។ កីឡាករវ័យ ៣៥ឆ្នាំរូបនេះចង់បានកិច្ចសន្យារយៈពេល ២ឆ្នាំនៅកីឡដ្ឋាន Molineux តែ Wolves ផ្តល់តែមួយឆ្នាំ។ Joao Moutinho នៅពេលនេះកំពុងសំឡឹងរកគោលដៅថ្មី ស្របពេលមានសំណើពីក្លិបមួយចំនួនផងដែរ។ Moutinho នៅតែជាសមាជិកសំខាន់របស់ក្រុមជំរើសជាតិព័រទុយហ្កាល់ ហើយក៏ស្ថិតក្នុងគំរោងរបស់លោក Fernando Santos ផងដែរជាមួយក្រុមព័រទុយហ្កាល់នៅ World Cup ឆ្នាំនេះ។ រំលឹកថា Joao Moutinho បានចូលរួមជាមួយ Wolves កាលពីឆ្នាំ២០១៨ ផ្លាស់ពី AS Monaco ក្នុងតម្លៃ ៥លានផោនបង្ហាញខ្លួនបានសរុប ១៤៤ប្រកួតរកបាន ៥គ្រាប់។ជាមួយក្រុមជំរើសជាតិព័រទុយហ្កាល់ Joao Moutinho ត្រូវបានកោះហៅដំបូងតាំងពីឆ្នាំ២០០៥ បង្ហាញខ្លួនសរុប ១៤៦ប្រកួតរកបាន ៧គ្រាប់ និងជាសមាជិកមិនអាចខ្វះបានដែលជួយព័រទុយហ្កាល់ឈ្នះជើងឯកអឺរ៉ុបឆ្នាំ២០១៦ និង UEFA Nations League ឆ្នាំ២០១៩៕អត្ថបទ៖នាង សុភាវុធ

ក្រសួងអប់រំវាយតម្លៃខ្ពស់ចំពោះការប្រកួតកីឡាឧត្តមសិក្សា និងមធ្យមសិក្សាបច្ចេកទេសថ្នាក់ជាតិឆ្នាំនេះ

កីឡាឧត្តមសិក្សា៖ ឯកឧត្តម ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡាបានធ្វើការកោតសរសើរ និងវាយតម្លៃខ្ពស់ចំពោះការប្រកួតកីឡាឧត្តមសិក្សា និងមធ្យមសិក្សាបច្ចេកទេសថ្នាក់ជាតិឆ្នាំ២០២៣ ដែលបានបញ្ចប់ដោយជោគជ័យ ក្រោយដំណើរការការប្រកួតអស់រយៈពេល ៩ថ្ងៃចាប់ពីថ្ងៃទី២១ ដល់ថ្ងៃទី២៩ ខែមិថុនា ឆ្នាំ២០២២។ ថ្លែងក្នុងពិធីបិទការប្រកួតនៅសាលដំបូលទូកនៃសាកលវិទ្យាល័យភូមិន្ទភ្នំពេញ ឯកឧត្តមបានគូសបញ្ជាក់ថា នេះគឺជាជោគជ័យមួយដែលក្រសួងបានរៀបចំការប្រកួតក្របខណ្ឌកីឡាឧត្តមសិក្សា និងមធ្យមសិក្សាបច្ចេកទេសរហូតដល់ ១២ប្រភេទកីឡា ហើយមានគ្រឹះស្ថានអប់រំទូទាំងប្រទេសជាច្រើន បានបញ្ជូនកីឡាករ-កីឡាការិនីចូលរួមប្រកួត និងបានខិតខំប្រឹងប្រែងអស់ពីសមត្ថភាព ដើម្បីបង្ហាញសមត្ថភាព និងទេពកោសល្យរបស់ខ្លួនផង និងដណ្ដើមលទ្ធផលល្អជូនសាលារបស់ខ្លួនផង។ ទន្ទឹមជាមួយគ្នា គណៈកម្មការបច្ចេកទេសនៃសហព័ន្ធកីឡាជាតិទាំង ១២ ក៏បានបំពេញភារកិច្ចដឹកនាំការប្រកួតប្រកបដោយយុត្តិធម៌ និងតម្លៃភាព រហូតរកឃើញកីឡាករ-កីឡាការិនីឆ្នើមប្រចាំឆ្នាំ ហើយក៏ជាឱកាសល្អមួយសម្រាប់សហព័ន្ធកីឡាជាតិ ក្នុងការពង្រឹងសមត្ថភាពមន្ដ្រីបច្ចេកទេសរបស់ខ្លួន សម្រាប់ត្រៀមលក្ខណៈរៀបចំការប្រកួតកីឡាជាតិលើកទី៣ នាចុងឆ្នាំ២០២២ នេះ ពិសេសត្រៀមធ្វើម្ចាស់ផ្ទះការប្រកួតកីឡាស៊ីហ្គេមលើកទី៣២ ឆ្នាំ២០២៣ តែម្ដង។យោងតាមរបាយការណ៍លោក ហួត សេងទ្រី ប្រធានគណៈកម្មការរៀបចំការប្រកួតបានឲ្យដឹងថា ព្រឹត្តិការណ៍ថ្នាក់ជាតិក្របខណ្ឌកីឡាឧត្តមសិក្សា និងមធ្យមសិក្សាបច្ចេកទេសនេះគឺមានប្រតិភូ និងកីឡាករ-កីឡាការិនីចូលរួមសរុប ១,៤៤៣នាក់មកពីមានគ្រឹះស្ថានឧត្តមសិស្សា និងមធ្យមសិក្សាបច្ចេកទេសសរុបចំនួន៣៨ ដែលប្រកួតលើ ១២ប្រភេទកីឡាស្មើនឹង ៨៨វិញ្ញាសា។ ជាលទ្ធផលនៃការប្រកួតជាង ១សប្ដាហ៍កន្លងទៅ គ្រឹះស្ថានដែលដណ្ដើមបានមេដាយច្រើនជាងគេរួមមាន៖ សាកលវិទ្យាល័យអាស៊ីអឺរ៉ុបឈ្នះមេដាយសរុប ៣០គ្រឿង (មាស ២២, ប្រាក់ ៦ និងសំរឹទ្ធ ២), វិទ្យាស្ថានខេមអេដឈ្នះមេដាយសរុប ៣៤គ្រឿង (មាស ៩, ប្រាក់ ៩ និងសំរឹទ្ធ ១៦), វេស្ទើនឈ្នះមេដាយសរុប ១៧គ្រឿង (មាស ៨, ប្រាក់ ៥ និងសំរឹទ្ធ ៤) និងពុទ្ធិកសាកលវិទ្យាល័យសម្ដេចអគ្គមហាសេនាបតីតេជោ ហ៊ុន សែន ឈ្នះមេដាយសរុប ៣៣គ្រឿង (មាស ៧, ប្រាក់ ១៥ និងសំរឹទ្ធ ១១) រួមជាមួយគ្រឹះស្ថានចំនួន ២៣ទៀតក៏ដណ្ដើមបានមេដាយមាស ប្រាក់ និងសំរឹទ្ធផងដែរ៕អត្ថបទ៖ លី ឈុនឡា

កីឡាទូកកានូ និងរ៉ូអ៊ីងកម្ពុជាទទួលបានការឧបត្ថម្ភគាំទ្រពីសហព័ន្ធអាស៊ីក្នុងដំណើរឆ្ពោះទៅស៊ីហ្គេម២០២៣

ទូកកានូ៖ សហព័ន្ធកីឡាទូកកានូ និងរ៉ូអ៊ីងកម្ពុជាបានទទួលការឧបត្ថម្ភគាំទ្រពីសហព័ន្ធកីឡាទូកកានូ និងរ៉ូអ៊ីងអាស៊ីក្នុងដំណើរឆ្ពោះទៅរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ បន្ទាប់ពីថ្នាក់ដឹកនាំ និងមន្ដ្រីជំនាញនៃសហព័ន្ធអាស៊ីបានធ្វើដំណើរទស្សនកិច្ចមកកម្ពុជា និងចុះពិនិត្យផ្ទាល់នៅទីលានប្រកួតស្ថិតនៅដងព្រែកំពត ខេត្តកំពត កាលពីដើមសប្ដាហ៍កន្លងទៅ។ ជាក់ស្ដែងនៅថ្ងៃទី២៩ ខែមិថុនាម្សិលមិញ មន្ដ្រីជាន់ខ្ពស់នៃសហព័ន្ធកីឡាទូកកានូ និងរ៉ូអ៊ីងអាស៊ីបានបន្ដជួបពិភាក្សាជាមួយថ្នាក់ដឹកនាំសហព័ន្ធកីឡាទូកកានូ និងរ៉ូអ៊ីងកម្ពុជា ហើយនៅរសៀលដដែលក៏មានការអនុញ្ញាតឲ្យចូលជួបពិភាក្សាការងារបន្ថែមពីសំណាក់ឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ និងជាអគ្គលេខាធិការគណៈកម្មាធិការជាតិ CAMSOC ដែលសម្រេចបានផ្លែផ្កាជាវិជ្ជមានទៀតផង។ លោក ស្រ៊ុន លាង អគ្គលេខាធិការសហព័ន្ធកីឡាទូកកានូ និងរ៉ូអ៊ីងកម្ពុជាបានឲ្យដឹងថា បន្ទាប់ពីដំណើរទស្សនកិច្ច និងជំនួបពិភាក្សានេះ សហព័ន្ធបានទទួលការជំរុញលើកទឹកចិត្ត និងឧបត្ថម្ភគាំទ្រពីសហព័ន្ធអាស៊ីទាំងសម្ភារៈ និងការរៀបចំទីលានប្រកួតជាដើម។ មិនតែប៉ុណ្ណោះ ប្រធានសហព័ន្ធអាស៊ី និងមន្ដ្រីជំនាញ និងជាថ្នាក់ដឹកនាំសហព័ន្ធកីឡាទូកកានូ និងរ៉ូអ៊ីងអាស៊ានក៏បានបើកភ្លើងខៀវសម្រាប់កម្ពុជា ក្នុងការបញ្ជូនកីឡាករ-កីឡាការិនីទៅហ្វឹកហាត់រយៈពេលវែងទៀតផង។ទន្ទឹមជាមួយគ្នា ឯកឧត្តម វ៉ាត់ ចំរើន បានធ្វើការកោតសរសើរ និងលើកទឹកចិត្តឲ្យសហព័ន្ធកីឡាទូកកានូ និងរ៉ូអ៊ីងកម្ពុជាបន្ដធ្វើការងារនេះជាមួយសហព័ន្ធ ក៏ដូចជាមន្ដ្រីជំនាញនៃសហព័ន្ធកីឡាទូកកានូ និងរ៉ូអ៊ីងអាស៊ីបន្ដទៀតដើម្បីស្វែងរកនូវជំនួយបច្ចេកទេសផ្សេងៗ ពិសេសការបណ្ដុះបណ្ដាលធនធានមនុស្ស សម្រាប់ត្រៀមរៀបចំព្រឹត្តិការណ៍ស៊ីហ្គេមឆ្នាំ២០២៣ ឲ្យទទួលបានជោគជ័យ ដែលកីឡាទូកកានូ និងរ៉ូអ៊ីងនេះត្រូវបានកំណត់រៀបចំការប្រកួតនៅដងព្រែកំពត នាខេត្តកំពតផ្ទាល់តែម្ដង៕អត្ថបទ៖ លី ឈុនឡា

កីឡាករវាយកូនបាល់លំដាប់កំពូលមួយរូបទៀតខកខានមិនបានចូលរួម Wimbledon ក្រោយតេស្តវិជ្ជមានកូវីដ-១៩

វាយកូនបាល់៖ កីឡាករវាយកូនបាល់លំដាប់កំពូលមួយរូបទៀតហើយ បានខកខានមិនអាចចូលរួមការប្រកួត Grand Slam, Wimbledon ដោយសារតេស្តវិជ្ជមានកូវីដ-១៩។ កីឡាករអ៊ីតាលី Matteo Berrettini បានក្លាយជាជនរងគ្រោះទីពីរដោយសារកូវីដ-១៩ បន្ទាប់ពីកីឡាករក្រូអាស៊ី Marin Cilic។ កីឡាករវ័យ ២៦ឆ្នាំ Berretini ដែលលំដាប់ថ្នាក់លេខ៨ ក្នុងកម្មវិធីបាននិយាយថា គេមានអាការៈហៀរសំបោ និងកណ្តាស ហើយក៏ធ្វើតេស្តឃើញវិជ្ជមានតែម្តង។ Matteo Berrettini តាមកាលវិភាគគឺត្រូវប្រកួតជុំទី១ ដោយជួបជាមួយកីឡាករស៊ីលី Cristian Garin តែតំណែងរបស់គេក៏ត្រូវបានជំនួសដោយកីឡាករស៊ុយអែត Elias Ymer ដែលចាញ់កាលពីវគ្គជំរុះ និងមានសំណាងឡើងមកប្រកួត។Matteo Berrettini គឺជាអតិតជើងឯករងឆ្នាំមុនដែលចាញ់ Novak Djokovic នៅវគ្គផ្តាច់ព្រ័ត្រ ហើយមុនមកដល់ Wimbledon នេះ គេបានឈ្នះការប្រកួតលើទីលានស្មៅ ៩ប្រកួតជាប់គ្នាជាមួយនឹងការឈ្នះជើងឯក Stuttgart Open នៅប្រទេសអាល្លឺម៉ង់សប្តាហ៍មុន។ សូមបញ្ជាក់ដែរថា កូវីដ-១៩ មិនទាន់អន់ថយឡើយនៅចក្រភពអង់គ្លេស ពោលគឺរយៈពេល ២សប្តាហ៍មកនេះមានអ្នកឆ្លងដែលត្រូវបានគេប៉ាន់ប្រមាណសរុបជិត ២លានករណី៕អត្ថបទ៖នាង សុភាវុធ

Newcastle ទិញបានខ្សែការពារ Sven Botman ពី Lille តម្លៃ ៣៤.៥លានផោន

បាល់ទាត់៖ ក្រុមសារិកាព្រៃ Newcastle បានសំរេចហើយក្នុងការនាំយកខ្សែការពារកណ្តាលសញ្ជាតិហូឡង់ Sven Botman ពីក្លិបបារាំង Lille ក្នុងតម្លៃ ៣២លានផោនរួមជាមួយនឹងប្រាក់បន្ថែមផ្សេងៗ ២.៥លានផោន។ កីឡាករវ័យ ២២ឆ្នាំរូបនេះបានឆ្លងផុតដំណាក់កាលពិនិត្យសុខភាពនៅថ្ងៃអង្គារម្សិលមិញ មុនចុះហត្ថលេខា ៥ឆ្នាំនៅកីឡដ្ឋាន St. James Park។Sven Botman ជាកីឡាករដែលចេញពីយុវជនថ្នាលរបស់ Ajax មុនពេលផ្លាស់ទៅ Heerenveen ក្នុងលក្ខខណ្ឌខ្ចី ហើយនឹងផ្លាស់ទៅកាន់ Lille នៅឆ្នាំ២០២០ ក្នុងតម្លៃ ៩លានអឺរ៉ូ។ Sven Botman ជាសមាជិកសំខាន់របស់ Lille ដែលឈ្នះជើងឯកលីគកំពូលបារាំង Ligue 1 កាលពីរដូវកាល ២០២០-២១ និងធ្លាប់លេងឱ្យក្រុមយុវជនជំរើសជាតិហូឡង់ជាច្រើនប្រភេទអាយុ។ Sven Botman គឺជាសមាជិកទីបីរបស់ Newcastle ដែលមកដល់កីឡដ្ឋាន St. James Park ត្រៀមរដូវកាលថ្មីនេះបន្ទាប់ពីខ្សែការពារឆ្វេង Matt Target ពី Aston Villa តម្លៃ ១៥លានផោន និងអ្នកចាំទី Nick Pope ពី Burnley៕អត្ថបទ៖នាង សុភាវុធ

Man United ឈានដល់កិច្ចព្រមព្រៀងនាំយក Frenkie de Jong ពី Barcelona តម្លៃ ៦៥លានអឺរ៉ូ

បាល់ទាត់៖ ទីបំផុត Manchester United បានឈានដល់កិច្ចព្រមព្រៀងហើយក្នុងការនាំយកខ្សែបម្រើហូឡង់ Frenkie de Jong ក្នុងតម្លៃ ៦៥លានអឺរ៉ូ។ យ៉ាងណាក្តី បើតាមប្រភពព័ត៌មានពីក្លិបឱ្យដឹងថា កិច្ចព្រមព្រៀងនេះក៏នៅមានបញ្ហាមួយចំនួនដែរដែលត្រូវដោះស្រាយ តែភាពវិជ្ជមានភាគច្រើនក្នុងលទ្ធភាពដែលកីឡាករវ័យ ២៥ឆ្នាំរូបនេះអាចផ្លាស់មកកាន់ទឹកដី Old Trafford។ Frenkie de Jong បានក្លាយជាគោលដៅផ្ទេរចូលដំបូងរបស់អ្នកចាត់ការថ្មី Erik ten Hag ស្របពេលដែល Manchester United មានកីឡាករចាកចេញជាច្រើនដោយសារផុតកិច្ចសន្យា។ Manchester United ក៏កំពុងចរចានាំយកខ្សែបម្រើដាណឺម៉ាក Christian Eriksen ម្នាក់ទៀតពីក្លិបបាល់ទាត់រួមលីគ Brentford។ Manchester United បានចាប់ផ្តើមប្រមូលផ្តុំឡើងវិញកាលពីថ្ងៃចន្ទ មុនពេលចាកចេញមកប្រកួតមិត្តភាពត្រៀមរូវកាលថ្មី នៅទីក្រុងបាងកកប្រទេសថៃ និងអូស្ត្រាលីដើមខែកក្កដាខាងមុខ៕អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

សម្តេចប្រធានរដ្ឋសភា និងប្រធានរដ្ឋឡាវ បន្តលើកកម្ពស់ពង្រឹងកិច្ចសហប្រតិបត្តិការប្រទេសទាំងពីរ ដើម្បីនាំមកនូវឧត្តមប្រយោជន៍កាន់តែច្រើនសម្រាប់ប្រជាជនទាំងសងខាង

«ស្មារតីខ្មែរជួយខ្មែរ» ក្រុមការងារមន្ទីរកសិកម្មខេត្តឧត្តរមានជ័យប្រមូលផលសណ្ដែកកួរ ឪឡឹក ត្រីអណ្ដែង និងស៊ុតទា ជូនដល់កងកម្លាំងការពារព្រំដែនភូមិសាស្ត្រទិសខេត្តឧត្តរមានជ័យ

TVET៖ កុំឱ្យឱកាសកន្លងផុត! អាហារូបករណ៍ជាង ១ពាន់កន្លែងនៅ RPITSE កំពុងរង់ចាំយុវជន

ក្រុម AOT ចុះសង្កេតការណ៍នៅទីតាំងមណ្ឌលសុខភាពតេជោមរកត ស្ថិតក្នុងភូមិតេជោមរកត ខេត្តព្រះវិហារ

ថៃឈរនៅលើគេបំផុតនៃតំបន់អាស៊ាន ក្នុងការកាន់កាប់កាំភ្លើង សម្រាប់ជនស៊ីវិល

«វេទិកាសមាជិកសភាអាស៊ី-ប៉ាស៊ីហ្វិក ស្តីពីសុខភាពសកល លើកទី៩» ប្រារព្ធពិធីបើកជាផ្លូវការ

គ្រូបណ្តុះបណ្តាល ជំរុញយុវជនឱ្យរៀនជំនាញ TVET ឆាប់ទទួលបានឱកាសការងារ ចូលរួមអភិវឌ្ឍជាតិ

រុស្ស៊ី ហាមគណបក្សប្រឆាំងសង្គ្រាម Yabloko មិនឲ្យចូលរួមការបោះឆ្នោត ខណៈអ្នកគាំទ្រប្រមូលផ្តុំគ្នានៅមូស្គូ

នគរបាលចិន បើកការបង្ក្រាបនៅទូទាំងប្រទេសលើគ្រប់រូបភាពថ្មីៗនៃឧក្រិដ្ឋកម្មរៀបចំទុក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

ព័ត៌មានកីឡា

Carson Pickett ក្លាយជាមនុស្សទីមួយដែលពិការពីកំណើតតែអាចប្រកួតឱ្យក្រុមបាល់ទាត់ស្ត្រីជំរើសជាតិអាមេរិក

ជើងឯកពីរសម័យ Andy Murray ធ្លាក់ពី Wimbledon ហើយ តែ Djokovic គ្មានបញ្ហា

កីឡាការិនីអង់គ្លេស Emma Raducanu ធ្លាក់ពី Wimbledon ក្រោយចាញ់កីឡាការិនី Caroline Garcia

កីឡាករទិញចូលថ្លៃបំផុតរបស់ Chelsea, Romelu Lukaku ត្រលប់ទៅ Inter Milan វិញ

Joao Moutinho ចាកចេញពី Wolves ក្រោយការចរចាកិច្ចសន្យាថ្មីបរាជ័យ

ក្រសួងអប់រំវាយតម្លៃខ្ពស់ចំពោះការប្រកួតកីឡាឧត្តមសិក្សា និងមធ្យមសិក្សាបច្ចេកទេសថ្នាក់ជាតិឆ្នាំនេះ

កីឡាទូកកានូ និងរ៉ូអ៊ីងកម្ពុជាទទួលបានការឧបត្ថម្ភគាំទ្រពីសហព័ន្ធអាស៊ីក្នុងដំណើរឆ្ពោះទៅស៊ីហ្គេម២០២៣

កីឡាករវាយកូនបាល់លំដាប់កំពូលមួយរូបទៀតខកខានមិនបានចូលរួម Wimbledon ក្រោយតេស្តវិជ្ជមានកូវីដ-១៩

Newcastle ទិញបានខ្សែការពារ Sven Botman ពី Lille តម្លៃ ៣៤.៥លានផោន

Man United ឈានដល់កិច្ចព្រមព្រៀងនាំយក Frenkie de Jong ពី Barcelona តម្លៃ ៦៥លានអឺរ៉ូ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ព័ត៌មានកីឡា

ជើងឯក​ពីរ​សម័យ Andy Murray ធ្លាក់​ពី Wimbledon ហើយ​ តែ Djokovic គ្មាន​បញ្ហា

កីឡាការិនី​អង់គ្លេស Emma Raducanu ធ្លាក់​ពី Wimbledon ក្រោយ​ចាញ់​កីឡាការិនី​ Caroline Garcia

កីឡាករ​ទិញ​ចូល​ថ្លៃ​បំផុត​របស់ Chelsea, Romelu Lukaku ត្រលប់​ទៅ Inter Milan វិញ

Joao Moutinho ចាក​ចេញពី Wolves ក្រោយ​ការចរចា​កិច្ចសន្យា​ថ្មី​បរាជ័យ

កីឡាករ​វាយ​កូន​បាល់​លំដាប់​កំពូល​មួយរូប​ទៀត​ខកខាន​មិនបាន​ចូលរួម Wimbledon ក្រោយ​តេស្ត​វិជ្ជមាន​កូ​វីដ​-១៩

Newcastle ទិញ​បាន​ខ្សែការពារ Sven Botman ពី Lille តម្លៃ ៣៤.៥​លាន​ផោន​

Man United ឈានដល់​កិច្ចព្រមព្រៀង​នាំយក Frenkie de Jong ពី Barcelona តម្លៃ ៦៥​លាន​អឺរ៉ូ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

ជើងឯកពីរសម័យ Andy Murray ធ្លាក់ពី Wimbledon ហើយ តែ Djokovic គ្មានបញ្ហា

កីឡាការិនីអង់គ្លេស Emma Raducanu ធ្លាក់ពី Wimbledon ក្រោយចាញ់កីឡាការិនី Caroline Garcia

កីឡាករទិញចូលថ្លៃបំផុតរបស់ Chelsea, Romelu Lukaku ត្រលប់ទៅ Inter Milan វិញ

Joao Moutinho ចាកចេញពី Wolves ក្រោយការចរចាកិច្ចសន្យាថ្មីបរាជ័យ

កីឡាករវាយកូនបាល់លំដាប់កំពូលមួយរូបទៀតខកខានមិនបានចូលរួម Wimbledon ក្រោយតេស្តវិជ្ជមានកូវីដ-១៩

Newcastle ទិញបានខ្សែការពារ Sven Botman ពី Lille តម្លៃ ៣៤.៥លានផោន

Man United ឈានដល់កិច្ចព្រមព្រៀងនាំយក Frenkie de Jong ពី Barcelona តម្លៃ ៦៥លានអឺរ៉ូ