នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជាភ្លាត់ចាញ់សិង្ហបុរីនៅនាទីទីចុងក្រោយ ក្នុងជំនួបបើកឆាកពានរង្វាន់បាល់​ទាត់តំបន់​អាស៊ី​អាគ្នេយ៍ ​(ASEAN Hyundai Cup 2026)
វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត
Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន
មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ

ព័ត៌មានកីឡា

Jose Mourinho ស្ថិតក្នុងដំណាក់កាលចរចាចុងក្រោយជាមួយ Real Madrid

2026/05/13 10:02:39 pm        268
Facebook Telegram Linkin
Jose Mourinho កំពុងស្ថិតក្នុងដំណាក់កាលចរចាចុងក្រោយ ដើម្បីវិលត្រឡប់ទៅដឹកនាំ Real Madrid ជាគ្រូបង្វឹកថ្មីរបស់ក្លិប បន្ទាប់ពីចាកចេញពីក្លិបនេះអស់រយៈពេល ១៣ ឆ្នាំ។គ្រូបង្វឹកវ័យ ៦៣ ឆ្នាំរូបនេះ ត្រូវបានគេចាត់ទុកថាជាបេក្ខជនមានភាគរយខ្ពស់បំផុត ហើយបច្ចុប្បន្នក៏ជាបេក្ខភាពតែម្នាក់គត់ដែលក្លិប Real Madrid កំពុងធ្វើការចរចាផ្លូវការផងដែរ។ប្រសិនបើការចរចាទទួលបានជោគជ័យ Mourinho នឹងចូលមកជំនួសតំណែងរបស់ Alvaro Arbeloa ដែលទើបតែឡើងកាន់តំណែងកាលពីខែមករា បន្ទាប់ពី Xabi Alonso បានចាកចេញពីក្លិប។តាមប្រភពព័ត៌មានបានឱ្យដឹងថា ប្រធានក្លិប Real Madrid លោក Florentino Perez បានចាប់ផ្តើមពិចារណាអំពីការនាំយក Mourinho ត្រឡប់មកវិញ តាំងពីថ្ងៃដែល Xabi Alonso ចាកចេញ ដោយបានធ្វើការពិភាក្សាដំបូងជាមួយតំណាងរបស់គ្រូបង្វឹកសញ្ជាតិព័រទុយហ្គាល់រូបនេះ។បច្ចុប្បន្ន Mourinho កំពុងដឹកនាំ Benfica នៅប្រទេសព័រទុយហ្គាល់បន្ទាប់ពីបានចុះកិច្ចសន្យារយៈពេល ២ ឆ្នាំ កាលពីខែកញ្ញាឆ្នាំមុន។ ទោះជាយ៉ាងណា លោកបានបញ្ជាក់កាលពីម្សិលមិញថា មិនទាន់ចង់និយាយអំពីអនាគតរបស់ខ្លួននៅពេលនេះឡើយ។លោក Mourinho បាននិយាយថា Benfica នៅសល់ការប្រកួតជាមួយ Estoril មួយទៀត ហើយលោកនឹងអាចឆ្លើយសំណួរពាក់ព័ន្ធនឹងអនាគតបាននៅសប្តាហ៍ក្រោយ។ការប្រកួតទល់នឹង Estoril Praia នៅថ្ងៃសៅរ៍នេះនឹងក្លាយជាការប្រកួតចុងក្រោយប្រចាំរដូវកាលរបស់ Benfica។គួររំលឹកថា Mourinho ធ្លាប់ដឹកនាំ Real Madrid ចន្លោះឆ្នាំ ២០១០ ដល់ ២០១៣ ដោយបានជួយក្លិបឈ្នះពាន La Liga, Copa del Rey និង Spanish Super Cup ផងដែរ៕ អត្ថបទ៖នាង សុភាវុធ 

លោក ប៉ាល់ ជីវ័ន៖ អត្តពលិកតេក្វាន់ដូ ITF កម្ពុជាត្រៀមប្រជែង​មេដាយ​ជូនជាតិ​ការ​ប្រកួត​ជើង​ឯក​អាស៊ី ​នៅម៉ុងហ្គោលី

2026/05/13 09:39:05 pm        553
Facebook Telegram Linkin
គ្រូបង្វឹកជម្រើសជាតិតេក្វាន់ដូ ITF កម្ពុជាលោក ប៉ាល់ ជីវ័ន បានឱ្យដឹងថា កីឡាករ កីឡាការិនី​កម្ពុជា កំពុងហ្វឹកហាត់បង្កើនគុណភាពបច្ចេកទេស ដើម្បីត្រៀម​ចូល​រួម​ប្រកួត​ប្រជែង​មេដាយ​ជូន​ជាតិ ក្នុងជើងឯកអាស៊ី នាខែសីហា ឆ្នាំ២០២៦ នៅប្រទេសម៉ុងហ្គោលី។ក្នុង​បទសម្ភាសន៍ជាមួយ BTV Sports ពេលថ្មីៗនេះ លោក ប៉ាល់ ជីវ័ន បានបង្ហាញថា សម្រាប់​សមាសភាពកីឡាករ កីឡាការិនីជម្រើសជាតិតេក្វាន់ដូ ITF កម្ពុជាមាន១៥នាក់ (កីឡាករ​១០​នាក់ ​និងកីឡាការិនី ៥នាក់) ក្រោមកា​រប្រ​មូល​ផ្តុំ​របស់​មជ្ឈ​មណ្ឌល​ជាតិ​ហ្វឹក​ហ្វឺន​កីឡា​នៃ​ក្រសួង​អប់រំ យុវជន និងកីឡា ហើយសហព័ន្ធបានបន្ថែមកីឡាករបម្រុង២នាក់ ហ្វឹកហាត់ជុំគ្នា។ ចំពោះ​ក្រុមជម្រើសជាតិតេក្វាន់ដូ ITF កម្ពុជាគ្រោងនឹងចូលរួមប្រកួតប្រជែង នៅក្នុង​ព្រឹត្តិការណ៍​ប្រកួត​ជើង​ឯក​អាស៊ី នាខែសីហា នៅប្រទេសម៉ុងហ្គោលី សហព័ន្ធនឹងបញ្ជូន កីឡាករ កីឡាការិនី សរុប​ចំនួន ៣០នាក់ ដែលខ្លះចំណាយថវិកាផ្ទាល់ខ្លួន។សូមបញ្ជាក់ថា ការប្រកួតកីឡាតេក្វាន់ដូ ITF ជើងឯកអាស៊ី ខាងលើ ក្រុមជម្រើសជាតិកម្ពុជាត្រៀម នឹងប្រកួតលើ៥វិញ្ញាសាធំ ដូចជាលើប្រភេទវិញ្ញាសាប្រយុទ្ធ សម្តែង មេគុន បច្ចេកទេសពិសេស វាយបំបែកក្តា ដោយយើងនឹងបែងចែកទៅតាមកម្រិតអាយុកីឡាករ កីឡាការិនី។ ជាគោលដៅដែលសហព័ន្ធដាក់ក្តីសង្ឃឹមខ្ពស់ក្នុងការដណ្តើមមេដាយជូនជាតិ គឺលើវិញ្ញាសាបច្ចេកទេសពិសេស ដែលកីឡាករកម្ពុជាមានទេពកោសល្យខ្ពស់ លោតបានល្អ ដែលធ្លាប់ឈ្នះមេដាយជូនជាតិ ក្នុងការប្រកួតនៅប្រទេសឥណ្ឌា កន្លងទៅ ខណៈក្តីសង្ឃឹមខ្លះទៀត គឺលើវិញ្ញាសាប្រយុទ្ធមួយចំនួនផងដែរ៕

មូលនិធិគន្ធបុប្ផាកម្ពុជា កោតសរសើរ NOCC ដែលខ្នះខ្នែងក្នុងការងារសប្បុរសធម៌យ៉ាងសកម្ម

2026/05/13 09:06:45 pm        256
Facebook Telegram Linkin
មន្ដ្រីជាន់ខ្ពស់ នៃមូលនិធិគន្ធបុប្ផាកម្ពុជា បានសម្តែងការកោតសរសើរ និងថ្លែងអំណរគុណយ៉ាងជ្រាលជ្រៅ ចំពោះគណៈកម្មាធិការជាតិអូឡាំពិកកម្ពុជា(NOCC) ដែលតែងតែខ្នះខ្នែងក្នុងការងារសប្បុរសធម៌យ៉ាងសកម្ម តាមរយៈការរៀបចំព្រឹត្តិការណ៍រត់ប្រណាំងនានា ដើម្បីកៀរគរថវិកាជួយដល់មូលនិធិ មន្ទីរពេទ្យកុមារ និងការងារសង្គមផ្សេងៗ។នេះបើតាមការលើកឡើងរបស់លោកជំទាវ ប៉ែន សុបភា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអនុប្រធានប្រតិបត្តិនៃក្រុមប្រឹក្សាបរធនបាលនៃមូលនិធិគន្ធបុប្ផាកម្ពុជា ក្នុងឱកាសឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា(NOCC) បាននាំយកថវិកាសប្បុរសធម៌ ទទួលបានពីការរៀបចំទិវារត់ប្រណាំងភ្នំពេញពាក់កណ្ដាលម៉ារ៉ាតុងអន្ដរជាតិ លើកទី១៣ ឆ្នាំ២០២៥ ចំនួន ៥ពាន់ដុល្លារ ប្រគល់ជូនមូលនិធិគន្ធបុប្ផាកម្ពុជា កាលពីថ្ងៃទី១២ ខែឧសភា ឆ្នាំ២០២៦ នៅទីស្ដីការក្រសួងសេដ្ឋកិច្ច និងហិរញ្ញវត្ថុ។ឯកឧត្តម វ៉ាត់ ចំរើន មានប្រសាសន៍ថា នេះគឺជាសកម្មភាពប្រចាំឆ្នាំ ដែលគណៈកម្មាធិការជាតិអូឡាំពិកកម្ពុជា បានកំណត់រាល់ទិវារត់ប្រណាំងនានា ត្រូវផ្សារភ្ជាប់សកម្មភាពសប្បុរសធម៌ ជាក់ស្ដែងថវិកា ៥ពាន់ដុល្លារនេះ គឺទទួលបានពីការរៀបចំទិវារត់ប្រណាំងភ្នំពេញពាក់កណ្ដាលម៉ារ៉ាតុងអន្ដរជាតិ ឆ្នាំ២០២៥ សម្រាប់រួមចំណែកជួយដល់កុមារកម្ពុជា តាមរយៈមូលនិធិគន្ធបុប្ផាកម្ពុជា ហើយឯកឧត្តមសង្ឃឹមថា ការរៀបចំទិវារត់ប្រណាំងភ្នំពេញពាក់កណ្ដាលម៉ារ៉ាតុងអន្ដរជាតិ លើកទី១៤ នាថ្ងៃទី១៤ ខែមិថុនា ឆ្នាំ២០២៦ ខាងមុខ នឹងមានអ្នកចូលរួមកាន់តែច្រើន ដើម្បីទទួលបានថវិកាគាំទ្រដល់មូលនិធិបន្ថែមទៀត។ទន្ទឹមជាមួយគ្នាលោក ឃាន តួក ប្រធានផ្នែកទំនាក់ទំនងសាធារណៈនៃមូលនិធិគន្ធបុប្ផាកម្ពុជា បានថ្លែងអំណរគុណដល់ថ្នាក់ដឹកនាំគណៈកម្មាធិការជាតិអូឡាំពិកកម្ពុជា ដែលបានចូលរួមយ៉ាងសកម្មក្នុងការកៀគរថវិកាជួយគាំទ្រដល់មូលនិធិ ។ ស្របពេលស្ថានភាពបច្ចុប្បន្ន ទាំងពិភពលោក និងកម្ពុជា កំពុងរងសម្ពាធផ្នែកហិរញ្ញវត្ថុ បានធ្វើឲ្យការបរិច្ចាគពីសប្បុរសជន មានការធ្លាក់ចុះ ខណៈការព្យាបាលកុមារនៅតែមានតម្រូវការខ្ពស់ លោកក៏បានអំពាវនាវដល់សប្បុរសជនបន្ដចូលរួមបរិច្ចាគបន្ថែមទៀត ដើម្បីផ្ដល់នូវក្ដីសង្ឃឹមដល់កុមារកម្ពុជា។សូមរំឮកថា កាលពីឆ្នាំ២០២៥ ទិវារត់ប្រណាំងភ្នំពេញពាក់កណ្ដាលម៉ារ៉ាតុងអន្ដរជាតិ មានអត្តពលិកជាតិ-អន្ដរជាតិជាង ៥ពាន់នាក់បានចូលរួម ខណៈឆ្នាំ២០២៦ ព្រឹត្តិការណ៍កីឡាទេសចរណ៍ដ៏ធំប្រចាំឆ្នាំ នៅរាជធានីភ្នំពេញនេះ នឹងត្រូវរៀបចំនាថ្ងៃទី១៤ ខែមិថុនា ឆ្នាំ២០២៦ ខាងមុខ។ តាមរយៈនេះ គណៈកម្មាធិការជាតិអូឡាំពិកកម្ពុជា បានអំពាវនាវប្រជាពលរដ្ឋចុះឈ្មោះឲ្យបានច្រើនកុះករ ស្របពេលថវិកា ទទួលបានពីការចុះឈ្មោះ ព្រមទាំងការឧបត្ថម្ភផ្ទាល់របស់សប្បុរសជន និងក្រុមហ៊ុនឯកជននានា នឹងត្រូវរៀបចំបែងចែកបរិច្ចាគជួយដល់មូលនិធិ មន្ទីរពេទ្យកុមារ និងអង្គការមនុស្សធម៌មួយចំនួនផងដែរ៕ អត្ថបទ លី ឈុនឡា

Messi ចាត់ទុកបារាំងជាបេក្ខភាពឈានមុខគេដែលអាចឈ្នះជើងឯក World Cup ឆ្នាំនេះ

2026/05/13 09:00:48 pm        255
Facebook Telegram Linkin
Lionel Messi បានបង្ហាញការកោតសរសើរយ៉ាងខ្លាំងចំពោះក្រុមជម្រើសជាតិបារាំងដោយចាត់ទុកថា ជាបេក្ខភាពឈានមុខគេមួយដែលអាចឈ្នះជើងឯកបាល់ទាត់ពិភពលោក FIFA World Cup 2026។ក្នុងបទសម្ភាសន៍ជាមួយកម្មវិធី “Lo de Pollo” កំពូលខ្សែប្រយុទ្ធអាហ្សង់ទីនរូបនេះបាននិយាយថា បារាំងកំពុងបង្ហាញទម្រង់លេងដ៏រឹងមាំ និងមានសក្តានុពលគ្រប់គ្រាន់សម្រាប់ការប្រជែងពានពិភពលោកម្ដងទៀត។Messi បានលើកឡើងថា៖ បារាំងនៅតែខ្លាំង ខណៈសម្ដីនេះក៏ធ្វើឱ្យអ្នកគាំទ្រជាច្រើននឹកឃើញដល់វគ្គផ្តាច់ព្រ័ត្រ World Cup ឆ្នាំ ២០២២ នៅកាតាដែលត្រូវបានចាត់ទុកថា ជាការប្រកួតដ៏អស្ចារ្យបំផុតមួយក្នុងប្រវត្តិសាស្ត្របាល់ទាត់។យោងតាមការវិភាគរបស់ Messi ក្រុមបារាំងមានការលាយបញ្ចូលគ្នារវាងបទពិសោធន៍ កីឡាករដែលមានទេពកោសល្យ និងការរៀបចំក្រុមបានល្អ។ក្រៅពីបារាំង Messi ក៏បានលើកឡើងពីអេស្ប៉ាញថាជាក្រុមមួយកំពុងធ្វើការកសាងជំនាន់ថ្មីបានយ៉ាងល្អ។ ក្រុមគោក្រហមកំពុងទទួលបានអត្តសញ្ញាណលេងច្បាស់លាស់ឡើងវិញ ដោយមានកីឡាករវ័យក្មេងជាច្រើនកំពុងបង្ហាញសមត្ថភាពនៅលីគធំៗរបស់អឺរ៉ុប។ចំណែកឯប្រេស៊ីលវិញ Messi បានបញ្ជាក់ថា ប្រេស៊ីលតែងតែជាបេក្ខភាពសម្រាប់ពាន World Cup មិនថាក្នុងស្ថានភាពណាក៏ដោយ ដោយសារតែប្រវត្តិសាស្ត្រដ៏អស្ចារ្យ និងទេពកោសល្យពីកំណើតរបស់កីឡាករ។មិនត្រឹមតែប៉ុណ្ណោះ Messi ក៏បានរំលឹកដល់ក្រុមខ្លាំងដូចជា អាល្លឺម៉ង់ និងអង់គ្លេសផងដែរ។ជាពិសេសមិនភ្លេចទេ Lionel Messi ក៏បានសរសើរព័រទុហ្កាល់ថា ជាក្រុមដែលមានសមត្ថភាពប្រកួតប្រជែងខ្លាំង ខណៈពួកគេនៅតែសុបិនចង់ឈ្នះពានអន្តរជាតិធំមួយទៀតជាមួយ Cristiano Ronaldo និងរួមបញ្ចូលគ្នារវាងកីឡាករមានបទពិសោធន៍ និងយុវជនកំពុងរះថ្មីៗ៕ អត្ថបទ៖នាង សុភាវុធ

Carlo Ancelotti៖ ការកោះហៅ Neymar រឺអត់អាស្រ័យលើកាយសម្បទា ទម្រង់លេង មិនមែន​មនោសញ្ចេតនា

2026/05/13 08:49:23 pm        225
Facebook Telegram Linkin
គ្រូបង្វឹកក្រុមជម្រើសជាតិប្រេស៊ីលលោក Carlo Ancelotti នឹងប្រកាសបញ្ជីកីឡាករ​ក្រុមជម្រើសជាតិនៅថ្ងៃចន្ទខាងមុខនេះ ខណៈប្រជាជនប្រេស៊ីលកំពុងរង់ចាំចម្លើយដ៏សំខាន់មួយ គឺថាតើ Neymar នឹងមានឈ្មោះក្នុងក្រុមឬអត់។ខ្សែប្រយុទ្ធវ័យ ៣៤ ឆ្នាំរូបនេះ គឺជាកីឡាកររកគ្រាប់បាល់បានច្រើនជាងគេបំផុតក្នុងប្រវត្តិសាស្ត្ររបស់ប្រេស៊ីល ប៉ុន្តែឱកាសរបស់គេក្នុងការចូលរួមព្រឹត្តិការណ៍បាល់ទាត់ពិភពលោក FIFA World Cup 2026 ដែលនឹងចាប់ផ្តើមនៅខែក្រោយ កំពុងស្ថិតក្នុងភាពមិនច្បាស់លាស់ បន្ទាប់ពីមានបញ្ហារបួសជាបន្តបន្ទាប់ និងការវិលត្រឡប់មកកាន់ Santos ដែលមិនសូវទទួលបានជោគជ័យ។ស្ថានភាពនេះធ្វើឱ្យ Ancelotti ត្រូវធ្វើការសម្រេចចិត្តដ៏លំបាក រវាងអារម្មណ៍នៃការចង់ឃើញ Neymar បន្តជួយជាតិ និងការពិតអំពីកាយសម្បទា និងសមត្ថភាពប្រកួតក្នុងកម្រិតខ្ពស់។Ancelotti បានប្រាប់សារព័ត៌មាន Reuters ក្នុងបទសម្ភាសន៍ផ្តាច់មុខមួយកាលពីថ្ងៃអង្គារថា៖ “នៅពេលដែលអ្នកត្រូវជ្រើសរើស អ្នកត្រូវគិតពិចារណាលើកត្តាជាច្រើន”។“ការសម្រេចចិត្តជ្រើសរើស Neymar ចូលក្នុងក្រុមជម្រើសជាតិ ប្រេស៊ីលគឺត្រូវពិចារណាលើកត្តាជាច្រើន មិនមែនផ្អែកលើកេរ្តិ៍ឈ្មោះ ឬប្រជាប្រិយភាពតែមួយមុខនោះទេ។ ក្នុងន័យនេះ Neymar គឺជាកីឡាករសំខាន់សម្រាប់ប្រេស៊ីល ដោយសារតែទេពកោសល្យដែលគេតែងតែបង្ហាញ។ “គេធ្លាប់មានបញ្ហារបួសមួយចំនួន ប៉ុន្តែកំពុងស្ថិតក្នុងដំណាក់កាលស្តារខ្លួនឡើងវិញ។ គេកំពុងខិតខំប្រឹងប្រែង ហើយក៏កំពុងបានលេងជាប្រចាំផងដែរ។ វាមិនមែនជាការសម្រេចចិត្តងាយស្រួលសម្រាប់ខ្ញុំទេ។ យើងត្រូវថ្លឹងថ្លែងឱ្យបានម៉ត់ចត់រវាងចំណុចល្អ និងចំណុចខ្សោយ ប៉ុន្តែទាំងអស់នេះមិនដាក់សម្ពាធលើខ្ញុំឡើយ ព្រោះដូចដែលខ្ញុំបាននិយាយឆ្នាំនេះថា យើងបានវាយតម្លៃមិនត្រឹមតែ Neymar ប៉ុណ្ណោះទេ ប៉ុន្តែវាយតម្លៃកីឡាករដទៃផ្សេងទៀត”។គួរបញ្ជាក់ថា Ancelotti គឺជាគ្រូបង្វឹកតែម្នាក់គត់ ដែលធ្លាប់ឈ្នះពានលីគកំពូលទាំង ៥ នៅអឺរ៉ុប ហើយថែមទាំងឈ្នះពាន UEFA Champions League ចំនួន ៥ លើក ក្នុងនាមជាគ្រូបង្វឹក និង ២ លើកទៀត ក្នុងនាមជាកីឡាករ៕ អត្ថបទ៖នាង សុភាវុធ

បណ្ដាក្លិបនៅកម្ពុជា រួមគ្នាផ្ញើសារជូនព្រះខ័នរាជ ឲ្យជោគជ័យក្នុងវគ្គផ្ដាច់ព្រ័ត្រ AFC Challenge League យប់នេះ

2026/05/13 07:35:09 pm        334
Facebook Telegram Linkin
ក្លិបបាល់ទាត់អាជីពជាច្រើន ក្នុងក្របខ័ណ្ឌលីគកម្ពុជា បានរួមគ្នាផ្ញើសារជូនពរ និងគាំទ្រដល់ក្លិបព្រះខ័នរាជស្វាយរៀង ឲ្យទទួលបានជោគជ័យ នៅក្នុងការប្រកួតវគ្គផ្ដាច់ព្រ័ត្រពានរង្វាន់លំដាប់ទី៣ ទ្វីបអាស៊ី (AFC Challenge League) ឆ្នាំ២០២៥/២៦ ទល់នឹងក្រុមម្ចាស់ផ្ទះ Al-Kuwait SC របស់រដ្ឋកូវ៉ែត នៅរាត្រីថ្ងៃពុធ ទី១៣ ខែឧសភា ឆ្នាំ២០២៦ វេលាម៉ោង ១១:៤៥ នាទីយប់ (ម៉ោងនៅកម្ពុជា) នៅពហុកីឡដ្ឋានជាតិកូវ៉ែត Jaber Al Ahmad International។ទោះបីជាគូប្រជែងដ៏ស្វិតស្វាញក្នុងលីគ តែបណ្ដាក្លិបក្នុងស្រុក បានបង្ហាញពីសាមគ្គីភាព និងមោទនភាពជាតិ ចំពោះការឈានដល់វគ្គផ្ដាច់ព្រ័ត្រជាថ្មីរបស់ក្លិបព្រះខ័នរាជស្វាយរៀង ហើយសង្ឃឹមថា ពួកគេនឹងខំប្រឹងអស់ពីសមត្ថភាព ដើម្បីកសាងនូវប្រវត្តិសាស្ដ្រ លើកមុខមាត់ និងកេរ្ដិ៍ឈ្មោះព្រះរាជាណាចក្រកម្ពុជា លើឆាកអន្ដរជាតិ តាមរយៈការប្រកួតប្រជែងដ៏អស្ចារ្យក្នុងព្រឹត្តិការណ៍បាល់ទាត់កម្រិតទ្វីបនេះ។នេះបើតាមសារជូនពរពីបណ្ដាក្លិប ក៏ដូចជាគ្រូបង្វឹក និងកីឡាករ នៃក្លិបបាល់ទាត់បឹងកេត, អង្គរថាយហ្គឺរ, អឹមអូអាយ កំពង់ដេវ៉ា, វិសាខា, សមាគមកីឡាបាល់ទាត់កងយោធពលខេមរភូមិន្ទ និងក្លិបបាល់ទាត់ឡាយអ៊ិនឃីងខេត្តសៀមរាប ជាដើម។ទន្ទឹមជាមួយការប្រកួតវគ្គផ្ដាច់ព្រ័ត្រនេះដែរ ក៏នឹងមានការរៀបចំការផ្សាយបន្ដផ្ទាល់លើផ្ទាំង LED ធំៗ នៅរាជធានីភ្នំពេញ និងបណ្ដាខេត្ដមួយចំនួន ដើម្បីសម្រួលដល់អ្នកគាំទ្រវិស័យកីឡាបាល់ទាត់ជាតិ បានទស្សនាជុំគ្នា ក្នុងន័យផ្ដល់នូវការគាំទ្រ និងលើកទឹកចិត្តដល់ក្លិបតំណាងកម្ពុជា ព្រះខ័នរាជស្វាយរៀង នារាត្រីនេះផងដែរ៕ អត្ថបទ លី ឈុនឡា

គ្រាប់បាល់ចូលទីខ្លួនឯងធ្វើឱ្យ Al-Nassr ពន្យារពេលគ្រងជើងឯកលីគកំពូលអារ៉ាប៊ីសាអ៊ូឌីត

2026/05/13 07:27:34 pm        177
Facebook Telegram Linkin
ឱកាសគ្រងជើងឯកលីគកំពូលអារ៉ាប៊ីសាអ៊ូឌីតលើកដំបូងក្រោយខកខាន ៧ ឆ្នាំរបស់ Al-Nassr ត្រូវបានលើកពេលទៅប្រកួតចុងក្រោយ បន្ទាប់ពីអ្នកចាំទី Bento ភ្លាត់ស្នៀតចូលទីខ្លួនឯងនៅចុងម៉ោង។Al Nassr ត្រូវការការពារលទ្ធផលរហូតដល់ចប់ការប្រកួត ដើម្បីគ្រងជើងឯកលីគលើកដំបូងតាំងពីរដូវកាល ២០១៨-២០១៩ មក ប៉ុន្តែ Bento មិនអាចចាប់បាល់បោះឆ្ងាយរបស់កីឡាករ Al Hilal បាន និងរបូតចូលទីខ្លួនឯងគួរឱ្យសោកស្តាយ។បច្ចុប្បន្ន Al Nassr ឈរនៅកំពូលតារាងមាន ៨៣ ពិន្ទុពី ៣៣ ប្រកួត នាំមុខ Al Hilal ចំនួន ៥ ពិន្ទុ ខណៈក្រុមលេខ២ Al-Hilal នៅសល់មួយប្រកួតក្នុងដៃ។ក្រុម Al Nassr នឹងអាចធានាការឈ្នះជើងឯក ប្រសិនបើពួកគេយកឈ្នះ Damac ក្នុងការប្រកួតចុងក្រោយនារដូវកាលនេះ នៅថ្ងៃទី២១ ខែឧសភា។ ម្យ៉ាងវិញទៀត ពួកគេក៏អាចក្លាយជាជើងឯកបានដែរ ប្រសិនបើ Al Hilal មិនអាចយកឈ្នះ Neom នៅថ្ងៃសៅរ៍ខាងមុខ។ក្នុងការប្រកួតនេះ Mohamed Simakan ជាអ្នករកគ្រាប់បាល់បើកឆាកឱ្យម្ចាស់ផ្ទះ Al Nassr នៅនាទីទី ៣៧ ខណៈ Kingsley Coman ក៏បានខកខានឱកាសដ៏ល្អមួយមុនចប់តង់ទី១ បន្ទាប់ពីការស៊ុតរបស់គេប៉ះបង្គោលទី។ដោយឡែក Cristiano Ronaldo ដែលនៅមិនទាន់ឈ្នះពានក្នុងស្រុកជាមួយ Al Nassr នៅឡើយនោះ ក៏មានឱកាសរកគ្រាប់បាល់ដែរតែមិនមានសំណាង៕ អត្ថបទ៖នាង សុភាវុធ

ACGL៖ គ្រូព្រះខ័នរាជ បង្ហាញភាពវិជ្ជមានមុនជំនួបផ្ដាច់ព្រ័ត្រ ខណៈ សឿយ វិសាល ប្ដេជ្ញាខំប្រឹងបង្កើតកំណត់ត្រាថ្មីជូនក្លិប និងជាតិ

2026/05/13 06:46:07 pm        566
Facebook Telegram Linkin
លោក McConkey Matthew គ្រូបង្វឹកព្រះខ័នរាជស្វាយរៀង បានបង្ហាញភាពវិជ្ជមាន សម្រាប់ការត្រៀមជួបក្រុមម្ចាស់ផ្ទះ Al-Kuwait SC របស់រដ្ឋកូវ៉ែត ក្នុងវគ្គផ្ដាច់ព្រ័ត្រពានរង្វាន់លំដាប់ទី៣ ទ្វីបអាស៊ី (AFC Challenge League) ឆ្នាំ២០២៥/២៦ នៅម៉ោង ១១៖១៥នាទីយប់ ត្រូវនឹងម៉ោងនៅកម្ពុជា នារាត្រីថ្ងៃពុធ ទី១៣ ខែឧសភា ឆ្នាំ២០២៦ នេះ នៅពហុកីឡដ្ឋានជាតិកូវ៉ែត Jaber Al Ahmad International ខណៈប្រធានក្រុម សឿយ វិសាល បានប្ដេជ្ញាខំប្រឹង ដើម្បីទទួលបានជោគជ័យ ឆ្ពោះទៅបង្កើតប្រវត្តិសាស្ដ្រថ្មីជូនក្លិប និងប្រទេសកម្ពុជា។លោក McConkey  បានថ្លែងក្នុងសន្និសីទសារព័ត៌មាន មុនជំនួបវគ្គផ្ដាច់ព្រ័ត្រនេះថា ក្រុមខ្លួនបានត្រៀមរួចរាល់សម្រាប់ការប្រកួតដ៏សំខាន់នេះ បន្ទាប់ពីព្រះខ័នរាជស្វាយរៀង បានធ្វើដំណើរដល់រដ្ឋកូវ៉ែតច្រើនថ្ងៃ ដើម្បីសម្របខ្លួនឲ្យបានល្អ ។ លោកចាត់ទុកនេះគឺជារឿងល្អសម្រាប់ក្រុម ទោះបីក្រុមមានកាលវិភាគដ៏មមាញឹកខ្លាំងរយៈពេលពីរបីខែចុងក្រោយ ។ បន្ថែមលើនេះ លោករំពឹងថា ព្រះខ័នរាជស្វាយរៀង ក៏នឹងអាចផ្ដល់ឲ្យ Kuwait SC នូវបញ្ហា ដែលពួកគេមិនធ្លាប់ជួបពីមុនមក នៅក្នុងការប្រកួតនារាត្រីនេះផងដែរ។ដោយឡែកកីឡាករ សឿយ វិសាល វិញ បន្ទាប់ពីក្រុមខ្លួនទទួលបានត្រឹមជើងឯករង កាលពីរដូវកាលមុន មិត្តរួមក្រុមទាំងអស់ កំពុងស្រែកឃ្លានជ័យជម្នះ ជាមួយការចង់នាំពានត្រឡប់មកមាតុភូមិវិញ។ ការណ៍នេះ សមាជិកក្រុមបានប្ដេជ្ញានឹងខំប្រឹង ដើម្បីបង្កើតនូវកំណត់ត្រាថ្មីជាមួយក្លិប ក៏ដូចជាប្រទេសកម្ពុជាផងដែរ។ចំណែកលោក Nebojsa Jovovic គ្រូបង្វឹកក្រុម Kuwait SC ថា វគ្គផ្ដាច់ព្រ័ត្រនីមួយៗ តែខុសគ្នា និងពិបាក ប៉ុន្ដែក្រុមបានត្រៀមរួចរាល់ ជាមួយទំនុកចិត្តខ្ពស់ សម្រាប់ការប្រកួតទល់នឹងក្រុមព្រះខ័នរាជស្វាយរៀង។ យ៉ាងណាមិញ លោកនៅតែគោរពយ៉ាងពេញលេញ ចំពោះគូប្រជែងរបស់ខ្លួន ដែលបានឡើងមកវគ្គផ្ដាច់ព្រ័ត្រជាថ្មី ហើយក៏ជាក្រុមមួយដ៏ល្អផងដែរ។ជុំវិញជំនួបលំដាប់ទ្វីបអាស៊ីនេះ បាននឹងកំពុងទាក់ទាញការគាំទ្រជាខ្លាំង ពិសេសអ្នកគាំទ្រកម្ពុជា ហើយក៏មានអ្នកគាំទ្រមួយចំនួន នឹងធ្វើដំណើរទៅទស្សនា និងលើកទឹកចិត្តដល់នៅរដ្ឋធានីកូវ៉ែត ហើយក៏មានអ្នកគាំទ្រជាច្រើន ត្រៀមចូលរួមទស្សនាតាមផ្ទាំង LED ដែលត្រូវបានរៀបចំនៅរាជធានីភ្នំពេញ និងបណ្ដាខេត្តមួយចំនួន ដើម្បីគាំទ្រ និងលើកទឹកចិត្តដល់ក្លិបតំណាងព្រះរាជាណាចក្រកម្ពុជា ហើយក៏សង្ឃឹមថា ពួកគេនឹងអាចធ្វើបាន និងឆ្ពោះទៅបើកទំព័រប្រវត្តិគ្រងជើងឯកពានរង្វាន់អន្ដរជាតិលើកដំបូងទៀតផង៕ អត្ថបទ លី ឈុនឡា

ប្រធាន AFF ជូនពរព្រះខ័នរាជទទួលបានជោគជ័យ និងកសាងប្រវត្តិសាស្ដ្រថ្មី ក្នុងនាមក្លិបបាល់ទាត់កម្ពុជា

2026/05/13 05:57:12 pm        330
Facebook Telegram Linkin
ក្លិបព្រះខ័នរាជស្វាយរៀង របស់កម្ពុជា នឹងត្រូវជួបក្រុម Al Kuwait SC របស់ម្ចាស់ផ្ទះកូវ៉ែត នាវេលាម៉ោង ៧៖១៥នាទី ម៉ោងក្នុងតំបន់ ត្រូវនឹងម៉ោង ១១៖១៥នាទីយប់ (ម៉ោងនៅកម្ពុជា) នៅរាត្រីថ្ងៃទី១៣ ខែឧសភា ឆ្នាំ២០២៦ នេះ នៅពហុកីឡដ្ឋានជាតិកូវ៉ែត Jaber Al Ahmad International  ក្នុងវគ្គផ្ដាច់ព្រ័ត្រពានរង្វាន់លំដាប់ទី៣ ទ្វីបអាស៊ី (AFC Challenge League) ឆ្នាំ២០២៥/២៦។នេះគឺជាការប្រកួតដ៏ធំមួយ ដែលកំពុងទាក់ទាញអ្នកគាំទ្របាល់ទាត់ពិភពលោក ពិសេស នៅទ្វីបអាស៊ី ហើយអ្នកគាំទ្រ និងប្រជាពលរដ្ឋកម្ពុជាជាច្រើនបានផ្ញើសារគាំទ្រ និងលើកទឹកចិត្ដដល់ក្លិបព្រះខ័នរាជស្វាយរៀង ក្នុងនោះឯកឧត្តម ខៀវ សាម៉េត អនុប្រធានសហព័ន្ធកីឡាបាល់ទាត់កម្ពុជា និងជាប្រធានសហព័ន្ធកីឡាបាល់ទាត់អាស៊ីអាគ្នេយ៍(AFF) ក៏បានជូនពរក្លិបតំណាងព្រះរាជាណាចក្រកម្ពុជា និងជាក្លិបក្នុងតំបន់តែមួយគត់ ដែលបានឡើងវគ្គផ្ដាច់ព្រ័ត្រពានកម្រិតទ្វីប នារដូវកាលនេះដែរ។ឯកឧត្តម ខៀវ សាម៉េត បានជូនពរក្លិបព្រះខ័នរាជស្វាយរៀង ឲ្យទទួលបានជោគជ័យក្នុងការប្រកួតវគ្គផ្ដាច់ព្រ័ត្រនេះ និងបានកសាងនូវប្រវត្តិសាស្ដ្រថ្មី ក្នុងនាមក្លិបបាល់ទាត់កម្ពុជា។សូមបញ្ជាក់ថា នេះជាឆ្នាំទី២ ដែលក្លិបបាល់ទាត់កម្ពុជា ពោលគឺក្លិបព្រះខ័នរាជស្វាយរៀង បានឡើងវគ្គផ្ដាច់ព្រ័ត្រពានកម្រិតទី៣ ទ្វីបអាស៊ីនេះ បន្ទាប់ពីរដូវកាលមុន ការប្រកួតវគ្គផ្ដាច់ព្រ័ត្រ បានធ្វើឡើងនៅពហុកីឡដ្ឋានជាតិមរតកតេជោ រាជធានីភ្នំពេញ តែគួរឲ្យស្ដាយ ព្រះខ័នរាជស្វាយរៀង ទទួលបានត្រឹមជើងឯករង ក្រោយចាញ់ក្រុម AK Arkadag ទាំងប្រផិតប្រផើង ២-១ ។ យ៉ាងណាការប្រកួតវគ្គផ្ដាច់ព្រ័ត្រក្រៅដី នារាត្រីនេះ ប្រជាពលរដ្ឋកម្ពុជាជាច្រើន បានគាំទ្រ និងសង្ឃឹមថា ព្រះខ័នរាជស្វាយរៀង នឹងអាចធ្វើបាន ដើម្បីនាំយកពានរង្វាន់អន្ដរជាតិលើកដំបូងជូនជាតិមាតុភូមិ៕ អត្ថបទ លី ឈុនឡា

ឯកឧត្តម ហ៊ុន ម៉ានី មានមោទនភាព ចំពោះស្មារតីកីឡា​របស់ក្រុម​ចូល​រួម​ប្រកួត​ជើង​ឯក​វិទ្យាល័យ

2026/05/13 05:13:00 pm        166
Facebook Telegram Linkin
ឯកឧត្តមឧបនាយករដ្ឋមន្ដ្រី ហ៊ុន ម៉ានី ប្រធានសហភាពសហព័ន្ធយុវជនកម្ពុជា(ស.ស.យ.ក) បានបង្ហាញមោទនភាព ចំពោះស្មារតីកីឡារបស់បណ្ដាក្រុមចូលរួម ពិសេសបេក្ខភាពវគ្គផ្ដាច់ព្រ័ត្រ នៃជើងឯកវិទ្យាល័យ លើកទី៥ ឆ្នាំ២០២៥-២០២៦ ដែលលេងប្រកបដោយឆន្ទៈ និងការយោគយល់គ្នា។ការលើកឡើងនេះ បន្ទាប់ពីឯកឧត្តម បានអញ្ជើញជាអធិបតី និងប្រគល់ពានរង្វាន់ជ័យលាភី ក្នុងការប្រកួតបាល់ទាត់ពានរង្វាន់ ជើងឯកវិទ្យាល័យ វគ្គផ្ដាច់ព្រ័ត្រ រវាងក្រុមវិទ្យាល័យឥន្ទ្រទេវី និង វិទ្យាល័យជាស៊ីមសាមគ្គី កាលពីល្ងាចថ្ងៃទី១២ ខែឧសភា ឆ្នាំ២០២៦ នៅពហុកីឡដ្ឋានជាតិ(អូឡាំពិក) ដោយក្រុមបាល់ទាត់វិទ្យាល័យឥន្ទ្រទេវី បានគ្រងជើងឯក បន្ទាប់ពីយកឈ្នះគូប្រជែង ៤-២។ក្នុងចំណោមអ្នកចូលរួមប្រមាណ ៨ពាន់នាក់ ឯកឧត្តម ហ៊ុន ម៉ានី បានបង្ហាញនូវមោទនភាព ចំពោះស្មារតីកីឡារបស់កីឡាករ ដែលបានបង្ហាញលើទីលាន ពិសេសការប្រជែងគ្នាយ៉ាងស្វិតស្វាញក្នុងវគ្គផ្ដាច់ព្រ័ត្រ ព្រមទាំងភាពកក់ក្ដៅ នៃការគាំទ្រលើកទឹកចិត្ត។ កីឡាករគ្រប់រូប បានបង្ហាញនូវឆន្ទៈ ការតាំងចិត្តខ្ពស់ និងការគោរពវិន័យខ្ជាប់ខ្ជួន និងប្រកាន់នូវស្មារតីយោគយល់ អធ្យាស្រ័យ និងសាមគ្គីភាពជាមិត្តភាព។ឆ្លៀតឱកាសនោះដែរ ឯកឧត្តមក៏បានអបអរសាទរដល់ក្រុមវិទ្យាល័យឥន្ទ្រទេវី ដែលបានក្លាយជាម្ចាស់ពាន ជើងឯកវិទ្យាល័យ រដូវកាលទី៥ ហើយឯកឧត្តមបានក៏បានរំលឹកនូវអនុស្សាវរីយ៍កាលពីអតីតកាល នៅពេលដែល ពុក ពោលគឺសម្ដេចអគ្គមហាសេនាបតីតេជោ ហ៊ុន សែន ចាកឆ្ងាយពីស្រុកកំណើត មករស់នៅរាជធានីភ្នំពេញ ដោយស្នាក់នៅវត្តនាគវ័ន គឺវិទ្យាល័យឥន្ទ្រទេវីនេះហើយ ដែលជាកន្លែងសម្ដេចតេជោ បានបន្ដការសិក្សា។បន្ថែមលើនេះ ឯកឧត្តមក៏បានអរគុណ និងអបអរសាទរដល់ ស.ស.យ.ក. រាជធានីភ្នំពេញ និងដៃគូទាំងអស់ ចំពោះការរៀបចំ និងភាពជោគជ័យនៃពិធីបិទព្រឹត្តិការណ៍ប្រកួតកីឡានេះ។ លើសពីការប្រកួត កម្មវិធីនេះ បានរួមចំណែកអភិវឌ្ឍសមត្ថភាព និងបណ្តុះទម្លាប់ល្អ ការងារជាក្រុម និងភាពទទួលខុសត្រូវរបស់យុវជន ព្រមទាំងជំរុញសកម្មភាពកីឡាតាមគ្រឹះស្ថានសិក្សាកាន់តែរស់រវើក និងបន្តរួមចំណែកអភិវឌ្ឍកីឡាបាល់ទាត់ ស្របតាមទិសស្លោក «កូនល្អ សិស្សល្អ មិត្តល្អ កីឡាករគំរូ សាលារៀនស្អាត» ផងដែរ។គួរដឹងថា ជើងឯកវិទ្យាល័យ ត្រូវបាន សហភាពសហព័ន្ធយុវជនកម្ពុជា រាជធានីភ្នំពេញ រៀបចំឡើង ៥រដូវកាលមកហើយ ក្នុងនោះក្រុមបាល់ទាត់វិទ្យាល័យ ឥន្ទ្រទេវី បានគ្រងជើងឯក ៣លើកច្រើនជាងគេ៕ អត្ថបទ លី ឈុនឡា

បណ្ដាញសង្គម

ព័ត៌មានថ្មីៗ

គណបក្សប្រជាជនកម្ពុជាខេត្តកំពង់ស្ពឺ ប្រជុំបូកសរុបលទ្ធផលការងារខែកក្កដា ឆ្នាំ២០២៦ និងលើកទិសដៅភារកិច្ចខែបន្ទាប់
07/25/2026 05:07 PM
Facebook Telegram Linkin
ក្រសួងអប់រំ ផ្ដល់ឱកាសឱ្យសិស្សធ្វើទស្សនកិច្ចសិក្សានៅសិង្ហបុរី តាមរយៈកម្មវិធី ME-NISTER
07/25/2026 05:07 PM
Facebook Telegram Linkin
ការ​លាលែងពីតំណែងរបស់​រដ្ឋមន្ត្រីអប់រំឥណ្ឌា គឺ​ជាជ័យជម្នះដ៏ធំ សម្រាប់ក្រុមបាតុករយុវជន
07/25/2026 05:07 PM
Facebook Telegram Linkin
លោក Trump រិះគន់ព័ត៌មានក្លែងក្លាយ និងបង្កឱ្យមានភាពចម្រូងចម្រាស ជុំវិញការបោះឆ្នោតឆ្នាំ២០២៨
07/25/2026 05:07 PM
Facebook Telegram Linkin
មនុស្សយ៉ាង​តិច ៥នាក់ស្លាប់ ក្នុងហេតុការណ៍​បាក់ដី នៅភាគខាងជើងចិន
07/25/2026 05:07 PM
Facebook Telegram Linkin
ម៉ិកស៊ិកនឹងមិន​តប​ត​ពន្ធរបស់លោក Trump ទេ ខណៈ​​ការនាំចេញត្រូវបានការពារដោយ​កិច្ចព្រមព្រៀងពាណិជ្ជកម្ម
07/25/2026 05:07 PM
Facebook Telegram Linkin
កម្មវិធីប្រកួតប្រជែងនិយាយជាសាធារណៈសម្រាប់និស្សិតសាកលវិទ្យាល័យរបស់អង្គភាពអ្នកនាំពាក្យ​រាជរដ្ឋាភិបាល រកឃើញអ្នកទទួលបានជ័យលាភីហើយ
07/25/2026 05:07 PM
Facebook Telegram Linkin
ចិនតវ៉ាប្រឆាំងនឹងទណ្ឌកម្មរបស់សហភាពអឺរ៉ុប លើក្រុមហ៊ុនចិន ពាក់ព័ន្ធនឹង​បញ្ហា​រុស្ស៊ី
07/25/2026 05:07 PM
Facebook Telegram Linkin
មនុស្សជាង ១៦០.០០០នាក់ រត់គេចពីចំហេះព្រៃ នៅប្រទេសបារាំង និងអេស្ប៉ាញ
07/25/2026 05:07 PM
Facebook Telegram Linkin
ប្រទេសចិនជម្លៀសមនុស្សជាង ២០.០០០នាក់ ខណៈព្យុះទីហ្វុង Noul បក់បោក​ជិត​ដល់
07/25/2026 03:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.