នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជាភ្លាត់ចាញ់សិង្ហបុរីនៅនាទីទីចុងក្រោយ ក្នុងជំនួបបើកឆាកពានរង្វាន់បាល់​ទាត់តំបន់​អាស៊ី​អាគ្នេយ៍ ​(ASEAN Hyundai Cup 2026)
វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត
Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន
មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ

ព័ត៌មានកីឡា

រាជរដ្ឋាភិបាលអនុញ្ញាតឲ្យសហព័ន្ធកីឡាវ៉ូវីណាម ធ្វើម្ចាស់ផ្ទះរៀបចំជើងឯកអាស៊ី ឆ្នាំ២០២៦

2026/03/11 04:58:35 pm        388
Facebook Telegram Linkin
រាជរដ្ឋាភិបាលកម្ពុជា បានអនុញ្ញាតជាគោលការណ៍ឲ្យសហព័ន្ធកីឡាវ៉ូវីណាមកម្ពុជា ធ្វើ​ជា​ម្ចាស់​ផ្ទះ​រៀប​ចំ​ការប្រកួតកីឡាវ៉ូវីណាមជ្រើសរើសជើងឯកអាស៊ី លើកទី៦ ឆ្នាំ​២០២៦​ បន្ទាប់​ពី​ទទួល​បាន​ការ​គាំទ្រ និងអនុញ្ញាតជាផ្លូវការពីសហព័ន្ធកីឡាវ៉ូវីណាមពិភពលោក។យោ​ងតាមលិខិត សជណ ចេញដោយទីស្ដីការគណៈរដ្ឋមន្ដ្រី កាលពីថ្មីៗ រាជរដ្ឋាភិបាលកម្ពុជា បាន​យល់​ព្រមតាមសំណើររបស់ក្រសួងអប់រំ យុវជន និងកីឡា ដោយ​ឯកភាព​ជា​គោល​ការណ៍​ឲ្យ​ស​ហព័ន្ធកីឡាវ៉ូវីណាមកម្ពុជា រៀបចំការប្រកួតកីឡាវ៉ូវីណាមជើងឯកអាស៊ី លើកទី៦ ដែល​នឹង​ប្រព្រឹត្ត​ទៅ​ពី​ថ្ងៃទី២១ ដល់ថ្ងៃទី២៧ ខែវិច្ឆិកា ឆ្នាំ២០២៦  នៅក្នុងវិមា​ន​ពហុ​កីឡ​ដ្ឋាន​ជាតិ​(អូឡាំពិក) ​រាជធានីភ្នំពេញ។ប្រភព​ដដែលបញ្ជាក់ទៀតថា ការទទួលធ្វើម្ចាស់ផ្ទះនេះ សហព័ន្ធកីឡាវ៉ូវីណាមកម្ពុជា ទទួល​រ៉ាប់​រង​លើ​ការចំណាយទាំងស្រុងក្នុងការរៀបចំការប្រកួត ប៉ុន្ដែក្នុងករណី កីឡាករ-កីឡាការិនីកម្ពុជា ទទួល​បានជ័យលាភី សហព័ន្ធអាចស្នើសុំប្រាក់រង្វាន់លើកទឹកចិត្ត ដូចមានចែងក្នុងប្រការ៩ ចំណុច ខ.២.៦ នៃកាសអន្ដរក្រសួងលេខ៣០១ សហវ.ប្រក ចុះថ្ងៃទី៣ ខែឧសភា ឆ្នាំ២០២១។មុនឈានដល់ការស្នើសុំគោលការណ៍ធ្វើម្ចាស់ផ្ទះការប្រកួតជើងឯកអាស៊ីលើកទី៦ ពីរាជរដ្ឋាភិបាល សហព័ន្ធកីឡាវ៉ូវីណាមកម្ពុជា ដឹកនាំដោយឯកឧត្តម អ៊ូ រតនា បានទទួលការគាំទ្រយ៉ាងផុសផុលពីបណ្ដាប្រទេសនៅអាស៊ី ហើយគួបផ្សំសក្ដានុពលរបស់កីឡាវ៉ូវីណាមកម្ពុជា ដែលមានការគាំទ្រពីអាជ្ញាធរកីឡាជាតិ ពិសេសរាជរដ្ឋាភិបាល សហព័ន្ធក៏សម្រេចធ្វើលិខិតផ្លូវការដើម្បីស្នើសុំធ្វើម្ចាស់ផ្ទះ ហើយបានទទួលការគាំទ្រ និងឯកភាពពីសហព័ន្ធកីឡាវ៉ូវីណាមពិភពលោកតែម្ដង។គួរដឹងថា កីឡាវ៉ូវីណាម គឺជាប្រភេទកីឡាដ៏មានសក្ដានុពលមួយរបស់កម្ពុជា ដែលធ្លាប់បានចូលរួម និងដណ្ដើមបានមេដាយជាច្រើនជូនជាតិមាតុភូមិ ហើយក៏ធ្លាប់ទទួលធ្វើម្ចាស់ផ្ទះព្រឹត្តិការណ៍ធំៗជាច្រើនផងដែរ ដូចជាការប្រកួតជើងឯកពិភពលោក, ជើងឯកអាស៊ីអាគ្នេយ៍ ពិសេសគឺភាពអស្ចារ្យនៃការរធ្វើម្ចាស់ផ្ទះស៊ីហ្គេម ឆ្នាំ២០២៣ ។ សម្រាប់ការប្រកួតជើងឯកអាស៊ី លើកចុងក្រោយ កាលពីឆ្នាំ២០២៤ នៅកោះបាលី ប្រទេសឥណ្ឌូនេស៊ី កម្ពុជា ឈរចំណាត់ថ្នាក់លេខ២ ដណ្ដើមបានមេដាយសរុប ៣០គ្រឿង រួមមានមេដាយមាស ៧ ប្រាក់ ១៧ និងសំរឹទ្ធ ៦គ្រឿង៕ អត្ថបទ លី ឈុនឡា

ពានសម្ដេចតេជោ ហ៊ុន សែន នឹងរកឃើញក្រុមឡើងវគ្គ ១/២ ផ្ដាច់ព្រ័ត្រ ២ក្រុមល្ងាចនេះ

2026/03/11 04:38:18 pm        135
Facebook Telegram Linkin
ពានរង្វាន់សម្ដេចអគ្គមហាសេនាបតីតេជោ ហ៊ុន សែន លើកទី១៩ ឆ្នាំ២០២៥/២៦ (ថ្នាក់ជាតិ) នឹង​ធ្វើ​ការប្រកួតកាត់សេចក្ដីវគ្គ ៨ក្រុមចុងក្រោយ-ជើងទី២ ចំនួន ២ប្រកួត នៅល្ងាចថ្ងៃទី១១ ខែ​មីនា ​ឆ្នាំ២០២៦ នេះ រវាងក្រុមបឹងកេត ត្រូវជួបក្រុមកងយោធពលខេមរភូមិន្ទ និងក្រុមវិសាខា ត្រូវ​ជួប​ណាហ្គាវើលដ៏ ដើម្បីកំណត់ក្រុមត្រូវឡើងវគ្គពាក់កណ្ដាលផ្ដាច់ព្រ័ត្រ។សម្រាប់​ក្រុមបឹងកេត នឹងត្រូវបើកទ្វារពហុកីឡដ្ឋានជាតិ(អូឡាំពិក) ទទួលក្រុមលោក ភា សុភ័ក្ដ្រា​ វិញម្ដង បន្ទាប់ពីយកឈ្នះ ២-០ កាលពីជើងទី១ នៅកីឡដ្ឋានស្ដាតចាស់ ។ រីឯវិសាខា នឹង​ត្រូវ​បើកទ្វារផ្ទះទទួលក្រុមណាហ្គាវើលដ៏ ក្រោយបញ្ចប់ការប្រកួតដ៏តានតឹង កាលពីជើងទី១ ជា​មួយ​លទ្ធផលស្មើគ្នា ២-២ នៅកីឡដ្ឋានខេត្តកំពង់ស្ពឺ។នេះគឺជា​ការ​ប្រកួតដ៏សំខាន់ សម្រាប់ក្រុមនីមួយៗ ដើម្បីបន្ដដំណើរទៅវគ្គពាក់កណ្ដាលផ្ដាច់ព្រ័ត្រ នៃ​ពានរង្វាន់សម្ដេចអគ្គមហាសេនាបតីតេជោ ហ៊ុន សែន ពិសេសក្រុមវិសាខា ដែល​ជា​ក្រុម​កំពុង​ទទួល​បានការចាប់អារម្មណ៍ បន្ទាប់ពីពួកគេបានអស់ឱកាសប្រជែងជើងឯកលីគ ដោយធ្លាក់​ពី​កៅ​អី ​Top-6 មកលេងជាមួយក្រុមខាងក្រោមទាំង ៥ កាលពីថ្មីៗ។ យ៉ាងណាក្រុមនីមួយៗ សុទ្ធ​តែ​ត្រូវ​ការ​ជ័យជម្នះ ដើម្បីឈានទៅប្រជែងជើងឯករៀងៗខ្លួន រួមទាំងក្រុមកងយោធពលខេមរភូមិន្ទ ទោះ​បី​ប៉ុន្មានប្រកួតចុងក្រោយ ពួកគេធ្វើមិនសូវបានល្អ ទាំងក្នុងលីគ និងពានសម្ដេចតេជោ ហ៊ុន សែន នេះក៏ដោយ។គួរដឹងថា ក្រោយបញ្ចប់ការប្រកួតកាត់សេចក្ដីវគ្គ ៨ក្រុមចុងក្រោយ នៃជើងទី២ ល្ងាចនេះ សម្រាប់​ក្រុម​ទទួលបានជ័យជម្នះសរុបទាំង ២ជើង នឹងត្រូវឈរចាំបេក្ខភាព ២ក្រុមផ្សេងទៀត ដែលគ្រោង​នឹង​ធ្វើការប្រកួតជើងទី២ ក្នុងវគ្គ ១/៤ ផ្ដាច់ព្រ័ត្រ នាថ្ងៃទី១៨ ខែមីនាខាងមុខ រួមមានក្រុម​ព្រះខ័នរាជស្វាយរៀង ជួបគិរីវង់សុខសែនជ័យ និងក្រុមភ្នំពេញក្រោន ជួបក្រុម ISI ដង្កោសែនជ័យ ដ្បិតកាលពីជើងទី១ ព្រះខ័នរាជស្វាយរៀង បានរងបរាជ័យក្រៅដី ២-១ ខណៈក្រុមការពារជើងឯកភ្នំពេញក្រោន បានត្រឹមស្មើក្រុមដំរីជ័យ ២-២។ ដូច្នេះចាំមើលតើក្រុមណាខ្លះ នឹងត្រូវជួបគ្នានៅវគ្គពាក់កណ្ដាលផ្ដាច់ព្រ័ត្រ ក្នុងពានសម្ដេចតេជោ ហ៊ុន សែន រដូវកាលនេះ? អត្ថបទ លី ឈុនឡា

កីឡាការិនីបាល់ទាត់អ៊ីរ៉ង់ ៥នាក់ ទទួលបានទិដ្ឋាការការពារដោយរដ្ឋាភិបាលអូស្រ្តាលី

2026/03/10 11:57:36 pm        226
Facebook Telegram Linkin
កីឡាការិនីបាល់ទាត់អ៊ីរ៉ង់ ៥ នាក់ត្រូវបានរដ្ឋាភិបាលអូស្រ្តាលីយល់ព្រមផ្តល់ទិដ្ឋាការការពារបន្តស្នាក់នៅប្រទេសអូស្រ្តាលី បន្ទាប់ពីពួកគេបានស្វែងរកសិទ្ធិជ្រកកោនដោយភ័យខ្លាចការធ្វើទុក្ខបុកម្នេញនៅក្នុងប្រទេសកំណើតរបស់ពួកគេ។លោកប្រធានាធិបតីសហរដ្ឋអាមេរិក លោកដូណាល់ ត្រាំបាននិយាយថា ប្រសិនបើប្រទេសអូស្ត្រាលី មិនផ្តល់សិទ្ធិជ្រកកោនឱ្យក្រុមបាល់ទាត់ជម្រើសជាតិនារីអ៊ីរ៉ង់ទេ នោះសហរដ្ឋអាមេរិកនឹងត្រៀមទទួលពួកគេ។ការលើកឡើងនេះកើតឡើង បន្ទាប់ពីកីឡាការិនីអ៊ីរ៉ង់បានបដិសេធមិនច្រៀងភ្លេងជាតិ ក្នុងការប្រកួតបាល់ទាត់នារីពានរង្វាន់ទ្វីបអាស៊ី២០២៦ (AFC Women Asian Cup) ដែលអូស្ត្រាលីជាម្ចាស់ផ្ទះ។ សកម្មភាពនេះត្រូវបានមើលថាជាការប្រឆាំងនឹងរដ្ឋាភិបាលអ៊ីរ៉ង់ ហើយមានការព្រួយបារម្ភថា ពួកគេអាចប្រឈមគ្រោះថ្នាក់ ប្រសិនបើត្រូវត្រឡប់ទៅប្រទេសវិញ។សារព័ត៌មានអ៊ីរ៉ង់បានចុះផ្សាយថា កីឡាការិនី ៥ រូបដែលទទួលបានទិដ្ឋាការនោះរួមមាន៖ Zahra Sarbali, Mona Hamoudi, Zahra Ghanbari, Fatemeh Pasandideh និង Atefeh Ramazani-Zadeh ខណៈអូស្រ្តាលីបានបើកចំហរទទួលកីឡាការិនីអ៊ីរ៉ង់បន្ថែមទៀតប្រសិនបើពួកគេចង់បន្តស្នាក់នៅ។បច្ចុប្បន្ន ស្ថានការណ៍កំពុងត្រូវបានតាមដាន ខណៈសហគមន៍អន្តរជាតិបន្តអំពាវនាវឱ្យការពារសុវត្ថិភាពកីឡាការិនីទាំងនេះ។ក្រុមបាល់ទាត់នារីជម្រើសជាតិអ៊ីរ៉ង់ បញ្ចប់ការប្រកួតក្នុងពូល A ឈរបាតតារាង ក្រោយបីប្រកួតចាញ់ទាំងបី គឺចាញ់ កូរ៉េខាងត្បូង ៣ទល់០ ចាញ់អូស្ត្រាលី ៤ទល់០ និងចាញ់ហ្វីលីពីន ២ទល់០៕

ចាប់ឆ្នោតវគ្គ ៨ ក្រុម FA Cup ក្រុមខ្លាំងទាំងពីរ Man City និង Liverpool ត្រូវជួបគ្នា

2026/03/10 11:40:31 pm        226
Facebook Telegram Linkin
ក្រុមខ្លាំងពីរ Manchester City និង Liverpool ត្រូវជួបគ្នាតាំងពីវគ្គ ៨ ក្រុមចុងក្រោយទៅហើយនៅ FA Cup បន្ទាប់ពីការចាប់ឆ្នោតថ្ងៃចន្ទម្សិលមិញនេះ។ក្រុមជើងឯក ៧ សម័យ Man City នឹងត្រូវទទួលក្រុមជើងឯក ៨ សម័យ Liverpool នៅកីឡដ្ឋាន Etihad នៅដើមខែមេសាខាងមុនេះ។​ចំណែកក្រុមជើងឯក ១៤ សម័យ Arsenal នឹងត្រូវធ្វើដំណើរទៅទឹកដី Southampton ដែលកំពុងឈរលេខ ៨ នៅលីគទីពីរ។Leeds United នឹងត្រូវធ្វើដំណើរទៅទឹកដី West Ham ដែលទើបយកឈ្នះ Brentford ដោយបាល់ ១១ ម៉ែត្រកាត់សេចក្តីយប់មិញ។ Port Vale បច្ចុប្បន្នលេងនៅលីគទី ៣ អង់គ្លេសជាក្រុមចំណាត់ថ្នាកទាបបំផុតដែលនៅសល់មកដល់វគ្គនេះ ខណៈពួកគេនឹងត្រូវជួបតោខៀវ Chelsea ជាលើកដំបូងតាំងពីឆ្នាំ ១៩២៩។ ការប្រកួតវគ្គ ៨ ក្រុមចុងក្រោយនឹងត្រូវធ្វើឡើងចុងសប្តាហ៍ថ្ងៃទី ៤ និងទី ៥ ដើមខែមេសាខាងមុខ៕ អត្ថបទ៖នាង សុភាវុធ

កីឡាករ ២៣ នាក់ត្រូវបណ្តេញចេញក្នុងការប៉ះទង្គិចធំមួយនៅការប្រកួតលីគកំពូលប្រេស៊ីល

2026/03/10 11:08:20 pm        255
Facebook Telegram Linkin
កាតក្រហមចំនួន ២៣ សន្លឹកត្រូវផ្តល់ទៅកាន់កីឡាករ ២៣ នាក់ បន្ទាប់ពីការប៉ះទង្គិចគ្នាដ៏ធំមួយអំឡុងការប្រកួតរវាង Cruzeiro និង Atletico Mineiro វគ្គផ្តាច់ព្រ័ត្រពានរង្វាន់ Campeonato Mineiro នៅប្រេស៊ីល។ Kaio Jorge ជាអ្នកស៊ុតបញ្ចូលទីគ្រាប់ជ័យជំនះតែមួយគ្រាប់គត់នៅកីឡដ្ឋាន Belo Horizonte ខណៈដែល Cruzeiro ដែលកំពុងដឹកនាំអតីតអ្នកចាត់ការប្រេស៊ីលលោក Tite យកឈ្នះ Atletico Mineiro ១-០ ក្លាយជាជើងឯក ប្រចាំរដ្ឋ Minas Gerais លើកដំបូងតាំងពីឆ្នាំ ២០១៩។ តែមិននឹងបញ្ចប់ ការប្រកួតបានជួបនឹងភាពច្របូកច្របល់នៅនាទីចុងក្រោយ ដែលធ្វើឱ្យមានការអន្តរាគមដោយកងកម្លាំងសន្តិសុខ ដែលជាលទ្ធផលគេឃើញកីឡាករ ២៣ នាក់ត្រូវបានបណ្តេញចេញ បូករួមទាំងអតីតកីឡាករជម្រើសជាតិប្រេស៊ីល Hulk ផងដែរ។ ហេតុចាប់ផ្តើមឡើងនៅពេល អ្នកចាត់ការ Atletico, Everson រុញកីឡាករ Christian ដោយយកជង្គង់ជាន់មុខ និងដើមទ្រូងរបស់កីឡាករ Cruzeiro។ មិត្តរួមក្រុមរបស់ Christian ភ្លាមៗក៏បានរត់សំដៅមកអ្នកចាំទី Everson និងរុញបុកបង្គោលទី និងក្រោយមកក៏មានការវាយតប់គ្នាជាបន្តបន្ទាប់ឃាត់មិនឈ្នះ។ មិនមានការបង្ហាញកាតក្រហម ២៣ សន្លឹកនោះដោយអាជ្ញាកណ្តាល Matheus Delgado Candancan ឡើយ ពោលគឺការបណ្តេញចេញដោយកាតក្រហមនោះ ត្រូវបានធ្វើឡើងក្រោយចប់ការប្រកួត។ សម្រាប់ Cruzeiro មានកីឡាករ ១២ នាក់បូករួមទាំងអ្នកចាំទីត្រូវបានបណ្តេញចេញ ខណៈ Atletico Mineiro ត្រូវបានបណ្តេញចេញ ១១ នាក់ ក្នុងនោះមាន Hulk និងអតីតខ្សែការពារ Nottingham, Renan Lodi ផងដែរ។ យ៉ាងណាក្តីកាតក្រហម ២៣ សន្លឹកនេះមិនមែនជាកំណត់ត្រាឡើយ ពោលគឺកំណត់ត្រាការប្រកួតដែលមានកីឡាករត្រូវបានបណ្តេញច្រើនបំផុតនោះគឺដល់ទៅ ៣៦ នាក់ អំឡុងការប្រកួតក្របខណ្ឌទី ៥ អាហ្សង់ទីនរវាង Atletico Claypole និង Victoriano Arenas៕ អត្ថបទ៖នាង សុភាវុធ 

ព្រឹទ្ធាចារ្យវ័យ ៨៣ឆ្នាំ ២រូបភ្ញាក់ផ្អើលនឹងភាពអស្ចារ្យប្រាសាទភ្នំជីសូរ្យ តាមរយៈ​ព្រឹត្តិការណ៍​ជិះកង់​ភ្នំពេញ-តាកែវ

2026/03/10 10:38:44 pm        325
Facebook Telegram Linkin
កីឡាករ-កីឡាការិនីចាស់ក្មេងប្រមាណ ១ពាន់នាក់ សុទ្ធតែសប្បាយរីករាយ បន្ទាប់​ពី​បាន​ចូលរួម​ព្រឹត្តិ​ការណ៍ជិះកង់ភ្នំពេញ-តាកែវ ចម្ងាយ ៧៨គីឡូម៉ែត្រ កាលពីចុងសប្ដាហ៍កន្លង ។ ក្នុង​នោះ​មាន​ព្រឹទ្ធា​ចារ្យវ័យ ៨៣ឆ្នាំ ២រូប ក៏មានមោទនភាព ចំពោះការរៀបចំ​ព្រឹត្តិការណ៍​កីឡា​ទេសចរណ៍​នេះ​ផង​ដែរ ពិសេសការបង្ហាញនូវភាពអស្ចារ្យរបស់ប្រាសាទភ្នំជីសូរ្យដល់ប្រជាពលរដ្ឋទូទៅ រួម​ទាំង​លោក​តាផ្ទាល់ ដែលពុំធ្លាប់បានដឹងពីមុន។ព្រឹទ្ធាចារ្យ​ជិះកង់វ័យ ៨៣ឆ្នាំ អឹង សំរេច បានគាំទ្រការរៀបចំព្រឹត្តិការណ៍ជិះកង់ភ្នំពេញ-តាកែវ ដែល​មិនត្រឹមលើកកម្ពស់សុខុមាលភាពប្រជាពលរដ្ឋ និងវិស័យកីឡា តែក៏បាន​រួម​ចំណែក​ផ្សព្វ​ផ្សាយ​ពី​វិស័យទេសចរណ៍ក្នុងខេត្ត ក៏ដូចជានៅកម្ពុជា ជាក់ស្ដែងប្រាសាទភ្នំជីសូរ្យ ដ្បិត​លោក​តា​ធ្លា​ប់រស់នៅខេត្តតាកែវ តែលោកតាមានការភ្ញាក់ផ្អើលជាខ្លាំង បន្ទាប់ពីធ្វើដំណើរដល់ទិសខាងកើត ដោយ​មិននឹកស្មានមានប្រាសាទបុរាណជាច្រើន និងជណ្ដើរបុរាណដ៏អស្ចារ្យថែមទៀត។ជាមួយគ្នាព្រឹទ្ធារចារ្យ គ្រុយ ប៉េងឡាយ ដែលមានវ័យ ៨៣ឆ្នាំដូចគ្នា ក៏បានសម្ដែង​សេចក្ដី​រីក​រាយ​ជា​ខ្លាំង ចំពោះការផ្ដួចផ្ដើមរៀបចំព្រឹត្តិការណ៍នេះរបស់ក្រសួងទេសចរណ៍ ហើយ​លោក​តា​បាន​សម្រេច​ចូល​រួមជិះពាក់កណ្ដាលផ្លូវពីស្រុកបាទី ព្រោះចង់អបអរសាទរផង និងបង្ហាញ​ភាព​ជា​គំរូ​ដល់​យុវជន​ជំនាន់ក្រោយផង ក្នុងការយកពេលទំនេរមកលេងកីឡា ក៏ដូចជាដើម្បី​រួម​ចំណែក​ផ្សព្វ​ផ្សាយ​វិស័យ​ទេសចរណ៍ ពិសេសតំបន់ប្រាសាទភ្នំជីសូរ្យតែម្ដង។ទន្ទឹមជាមួយគ្នាដែរ លោក ថោង ថាំង ដែលធ្វើដំណើរពីរាជធានីភ្នំពេញ រហូតដល់ខេត្តតាកែវ បាន​បញ្ជាក់ថា លោកបានចូលរួមព្រឹត្តិការណ៍នេះ ២ដងមកហើយ ហើយពិតជាភ្ញាក់ផ្អើល ចំពោះ​សន្ទុះ​នៃការចូលរួមដ៏ច្រើនរបស់ប្រជាពលរដ្ឋ និងកីឡាករ-កីឡាការិនី ដែលនេះ គឺជា​ការ​រួប​រួម​មួយ​ដ៏​អស្ចារ្យ ក្រោមម្លប់សន្ដិភាព ផ្សារភ្ជាប់កីឡា ដើម្បីផ្សព្វផ្សាយ​ពីវិ​ស័យ​ទេសចរណ៍​នៅ​ខេត្ត​តាកែវ ​ក៏ដូចជានៅកម្ពុជា។គួរដឹងថា ព្រឹត្តិការណ៍ជិះកង់ភ្នំពេញ-តាកែវ លើកទី២ កាលពីថ្ងៃអាទិត្យកន្លងទៅ មាន​អ្នក​ចូល​រួម​លើស​ពី​ការរពឹងរហូតដល់ខ្ទង់ពាន់ ដោយធ្វើដំណើរពីភ្នំពេញ រហូតដល់ទីរួមខេត្តតាកែវ ផ្សារ​ភ្ជាប់​សកម្ម​ភាពជាច្រើន ពិសេសការផ្សារភ្ជាប់ព្រឹត្តិការណ៍នឹងតំបន់វប្បធម៌ ប្រវត្តិសាស្ដ្រ នៃ​ប្រាសា​ទ​ភ្នំ​ជី​សូរ្យ ដោយមានការអញ្ជើញចូលរួមផ្ទាល់ពីឯកឧត្តម ហួត ហាក់ រដ្ឋមន្ដ្រីក្រសួងទេសចរណ៍ អម​គណៈ​ប្រតិភូថ្នាក់ដឹកនាំក្រសួង និងមានការរង់ចាំទទួលស្វាគមន៍យ៉ាងកក់ក្ដៅពីឯកឧត្តម វ៉ី សំណាង អភិបាលខេត្តតាកែវ រួមទាំងអាជ្ញាធរ និងប្រជាពលរដ្ឋជាច្រើនផងដែរ៕ អត្ថបទ លី ឈុនឡា

កីឡាជឺជីតស៊ូបញ្ចប់ការប្រកួតជើងឯកថ្នាក់ជាតិ ដោយជោគជ័យ ជាមួយ​កំណើន​អ្នក​ចូល​រួម​ទ្វេដង

2026/03/10 09:21:08 pm        184
Facebook Telegram Linkin
ការ​ប្រកួតកីឡាជឺជីតស៊ូជ្រើសរើសជើងឯកថ្នាក់ជាតិ លើកទី៤ បានបញ្ចប់ដោយជោគជ័យ ក្រោយ​ដំណើរការប្រកួតរយៈពេល ២ថ្ងៃ កាលពីចុងសប្ដាហ៍កន្លងទៅ នៅសាលដំបូលទូក នៃ​សាកល​វិទ្យាល័យ​ភូមិ​ន្ទ​ភ្នំពេញ ជាមួយកំណើនកីឡាករ-កីឡាការិនីចូលរួមទ្វេដង បើ​ធៀប​កាល​ពី​ឆ្នាំ​មុន​។លោក សំអុន បូរមី អគ្គលេខាធិការកីឡាជីជឺតស៊ូកម្ពុជា បានឲ្យដឹងថា ឆ្នាំនេះ មានកីឡាករ-កីឡាកា​រិនីចូលរួមសរុប ២៣០នាក់ មកពី ១៨ក្លិប ដែលជាចំនួន​បំបែក​កំណត់​ត្រា​ខ្ពស់​ជាង​បណ្ដា​ឆ្នាំ​មុន​ៗ ជាក់ឆ្នាំការរៀបចំលើកដំបូង កាលពីឆ្នាំ២០២២ មានអ្នកចូលរួមត្រឹម ៦៥នាក់ និង​ឆ្នាំ២០២៥ កន្លងទៅ មានអ្នកចូលរួមត្រឹម ១២៣នាក់ប៉ុណ្ណោះ។ជាមួយកំណើនអ្នកចូលរួមគួរឲ្យភ្ញាក់ផ្អើលនេះ បានបង្ហាញ​ពី​ភាព​រីក​ចម្រើន​មិន​អាច​ប្រកែក​បាន​របស់​វិស័យ​កីឡាជឺជីតស៊ូនៅកម្ពុជា ក្រោមយុទ្ធសាស្ដ្រដ៏ត្រឹមត្រូវរបស់សហព័ន្ធ ក្នុងការពង្រីក​ឲ្យ​មាន​ក្លិប និងអត្តពលិកតាមបណ្ដាខេត្តនានា ទើបធ្វើឲ្យការប្រកួតជើងឯកថ្នាក់ជាតិឆ្នាំនេះ មាន​ការ​កើន​ឡើង ទាំងបរិមាណ និងគុណភាព ។ នេះគឺជា​ឱកាស​ដ៏​ល្អ​សម្រាប់​ការ​ស្វែង​រក​ធន​ធាន​កីឡាករ​-កីឡាការិនីឆ្នើមៗ ត្រៀមការ​ប្រកួត​លើ​ឆាក​អន្ដរជាតិនានា។មិន​តែ​ប៉ុណ្ណោះ សហព័ន្ធក៏បានយកព្រឹត្តិការណនេះ ជាការអនុវត្តជាក់ស្ដែង សម្រាប់​កសាង​ធនធា​ន​មន្ដ្រីបច្ចេកទេស ត្រៀមរៀបចំព្រឹត្តិការណ៍អន្ដរជាតិនាពេលខាងមុខ ដោយ​ចាប់​ផ្ដើម​ធ្វើ​ដំណើរ​កម្ម​ តាមរយៈប្រព័ន្ធ Smoothcomp សម្រាប់ការចុះឈ្មោះ និងគ្រប់គ្រងទិន្នន័យប្រកួត ក្នុង​គោល​បំណង​ចង់ឲ្យកីឡាករជំនាន់ក្រោយ ទទួលបាននូវបទពិសោធន៍ និងស្គាល់​រស់​ជាតិ​នៃ​ការ​ប្រកួត​កម្រិត​អន្តរជាតិ ដែលរៀបចំក្នុងប្រទេសកម្ពុជាផងដែរ។ថ្លែងក្នុង​ពិធីបិទការប្រកួតនោះដែរ ឯកឧត្តម ថោង បញ្ញាធន ប្រធានសហព័ន្ធ បានវាយតម្លៃខ្ពស់ ចំពោះ​ភាពជោគជ័យនៃការប្រកួតជើងឯកថ្នាក់ជាតិឆ្នាំនេះ។ ឯកឧត្តម​បាន​ចាត់​ទុក​ការ​ប្រកួត​ថ្នាក់​ជា​តិ​នេះ គឺជាការត្រៀមលក្ខណៈមួយ ដើម្បីត្រៀម​ធ្វើ​ម្ចាស់​ផ្ទះ​ការ​ប្រកួត​កីឡា​ជឺជីត​ស៊ូជើង​ឯក​អាស៊ី​អាគ្នេយ៍ លើកទី៥ ឆ្នាំ២០២៦ នាខែសីហាខាងមុខ ។ ជាមួយគ្នា ឯកឧត្តម​ក៏​បាន​ជំរុញ​ឲ្យ​កីឡាករ​-កីឡាការិនីទាំងអស់ បន្ដខិតខំហ្វឹកហាត់ ដើម្បីមានឱកា​សប​ង្ហាញ​សមត្ថ​ភាព​ក្នុង​ព្រឹត្តិការណ៍​អន្ដរជាតិ ដែលកម្ពុជានឹងធ្វើម្ចាស់ផ្ទះ ក៏ដូចជាការប្រកួតផ្សេងៗទៀតផងដែរ។គួរដឹងថា ក្រោយឆ្លងកាត់ការប្រកួតជើងឯកថ្នាក់ជាតិដ៏ស្វិតស្វាញរយៈពេល ២ថ្ងៃ ជាលទ្ធផល ក្នុង​កីឡាករ-កីឡាការិនីចូលរួមទាំង ១៨ក្លិប គឺក្លិបគិរីជឺជីតស៊ូ ដណ្ដើម​បាន​មេដាយ​ច្រើន​ជាង​គេ​សរុប​ ៤៥គ្រឿង (មាស ១១ ប្រាក់ ១០ និងសំរឹទ្ធ ២០), ក្លិប Aokas ឈរលេខ២ ឈ្នះ​មេដាយ​សរុប ២៩គ្រឿង (មាស ១១ ប្រាក់ ៩ និងសំរឹទ្ធ ៩) និងក្លិបខេមអេដ ឈរលេខ៣ ឈ្នះ​មេដាយ​សរុប​ ៦គ្រឿង (មាស ៣និងសំរឹទ្ធ ៣) ហើយក្លិបផ្សេងៗ សុទ្ធតែទទួលបានមេដាយ ដោយ​ក្លិប​ខ្លះ ​ឈ្នះមេដាយគ្រប់កម្រិត ខណៈក្លិបខ្លះឈ្នះមេដាយមាស ប្រាក់ ឬសំរឹទ្ធជាដើម៕ អត្ថបទ៖ លី ឈុនឡា 

ម្ចាស់ក្លិបកីឡាវាយសី BC រំពឹងអូសទាញយុវជនលេងកីឡា និងរួម​ចំណែក​អភិវឌ្ឍ​កីឡា​ជាតិ​កាន់​តែ​រីក​ចម្រើន

2026/03/09 06:38:41 pm        209
Facebook Telegram Linkin
លោកស្រី ទ្រី ឆេង ប្រធាន​ក្លិប​កីឡាវា​យ​សី​ BC​ រំពឹងរួមចំណែកអូសទាញយុវជន​លេង​កីឡាកាន់​តែ​ច្រើន​ ពិសេសការរួមចំណែកអភិវឌ្ឍកីឡាជាតិ បន្ទាប់ពីបើកដំណើរការជាផ្លូវការ ដោយ​មាន​ការ​គាំទ្រ​ពី​មន្ដ្រីសហព័ន្ធ ក៏ដូចជាកីឡាករ-កីឡាការិនីអាជីព និងមហាជនយ៉ាងច្រើនកុះករ។ការប​ង្ហាញសុទិដ្ឋិនិយមនេះ បន្ទាប់ពីក្លិបបានរៀបចំការប្រកួតពានរង្វាន់មិត្តភាព ដើម្បី​អបអរ​ការ​បើក​ដំណើរ​ការ​ទីលានរបស់ខ្លួន នៅតំបន់ស្ទឹងមានជ័យផង និងដើម្បីអបអរសាទរ​ទិវា​អន្ដរ​ជាតិ​នាទី ​៨មីនា ផង កាលពីថ្ងៃទី៨ ខែមីនា ឆ្នាំ២០២៦ ដោយមានការចូលរួមពីឯកឧត្តម ជាម សុភា អនុ​ប្រធានសហព័ន្ធកីឡាវាយសីកម្ពុជាផងដែរ។លោកស្រី ទ្រី ឆេង បន្ដថា ផ្ដើមពីការស្រលាញ់ និងមើលឃើញពីគុណតម្លៃនៃការលេងកីឡា ទើប​ជំរុញ​ឲ្យ​លោក​ស្រីរៀបចំទីលាននេះឡើង ដែលមានលក្ខណៈស្ដង់ដារ ដើម្បីផ្ដល់​ឱកាស​ឲ្យ​ប្រជា​ពលរដ្ឋ​ ពិសេសយុវជន យកពេលទំនេរពីការសិក្សាមកលេងកីឡា ហើយក្លិប​ក៏​មាន​ទិស​ដៅ​រួម​ចំណែក​បណ្ដុះ​ធនធានកីឡាករ-កីឡាការិនីសម្រាប់ចូលរួមការប្រកួតនានាទៀតផង។ជាមួយគ្នាឯកឧត្តម ជាម សុភា បានកោត​សរសើរ​ចំពោះ​ការ​រៀប​ចំ​របស់​ក្លិប​កីឡា​វាយ​សី​ BC ​ដែល​មាន​លក្ខណៈស្ដង់ដារល្អ ។ ឯកឧត្តមរំពឹងថា ទីលាននេះ មិនត្រឹមតែ​អាច​អូស​ទាញ​យុវជន​ឲ្យ​លេង​កីឡា ដើម្បីសុខភាព មិត្តភាព និងចៀសឆ្ងាយពីអំពើអបាយមុខផ្សេងៗនោះទេ តែ​ក៏​អាច​រៀប​ចំ​ការប្រកួតថ្នាក់ជាតិ និងអន្ដរជាតិ ក៏ដូចជារួម​ចំណែក​អភិវឌ្ឍ​វិស័យ​កីឡា​វាយ​សី​នៅ​កម្ពុជា​ផង​ដែរ​។គួរដឹងថា សម្រាប់ការប្រកួតកីឡាវាយសីមិត្តភាព ដើម្បីអបអរសាទរទិវាអន្ដរជាតិ ៨មីនា រប​ស់​ក្លិប​កីឡា​វាយសី BC មានកីឡាករ-កីឡាការិនីជាង ១៣០នាក់ មកពីបណ្ដាក្លិបមួយចំនួន ក្នុង​រាជ​ធានី​ភ្នំពេញ និងប្រកួតលើ ៣វិញ្ញាសា ដោយមានការចូលរួមពីកីឡាករ-កីឡាការិនីជម្រើសជាតិ និង​យុវជនជាច្រើន ។ ក្រោយឆ្លងកាត់ការប្រកួត ១ថ្ងៃពេញ ក្លិបក៏បានរកឃើញក្រុមជ័យលាភី និង​បាន​ផ្ដល់នូវប្រាក់រង្វាន់ អមជាមួយវត្ថុអនុស្សាវរីយ៍ជាច្រើនផងដែរ៕ អត្ថបទ លី ឈុនឡា

John Rahm គ្រងជើងឯកវាយកូនបាល់ LIV នៅហុងកុង

2026/03/09 06:24:24 pm        103
Facebook Telegram Linkin
កីឡាការវាយកូនគោលអេស្ប៉ាញ John Rahm បានក្លាយជាជើងឯកនៃព្រឹត្តិការណ៍វាយកូនគោលក្នុងក្របខណ្ឌ LIV Golf នៅទីក្រុងហុងកុងក្រោយយកឈ្នះកីឡាករប៊ែលហ្ស៊ិក Thomas Detry។Thomas Detry ជាកីឡាករម្នាក់ក្នុងចំណោម ៨ នាក់ដែលត្រូវបាន John Rahm រៀបចំយន្តហោះផ្ទាល់ខ្លួន ហោះចេញពីមជ្ឈឹមបូព៌ា ដើម្បីគេចចេញពីសង្គ្រាម។John Rahm, Thomas Detry និងកីឡាករអាមេរិក Harold Varner III បានចាប់ផ្តើមថ្ងៃចុងក្រោយជាមួយនឹង ១៧ អាន់ឌើផាស្មើគ្នា។ នៅថ្ងៃចុងក្រោយ John Rahm ធ្វើបាន ៨ Birdies និង ២ Bogeys ដើម្បីគ្រងជើងឯកការប្រកួតនៅហុងកុងនេះជាមួយនឹងពិន្ទុសរុប ២៣ អាន់ឌើផា។Thomas Detry មានការប្រកួតប្រជែងខ្លាំងជាមួយ John Rahm នៅប៉ុន្មានឡូចុងក្រោយ តែមិនអាចតាមទាន់ បានត្រឹមបញ្ចប់នៅចំណាត់ថ្នាក់លេខ ២ ជាមួយនឹង ២០ អាន់ឌើផា តាមពីក្រោយដោយកីឡាករប៊ែលហ្ស៊ិកមួយរូបទៀត Thomas Pieters ឈរលេខ ៣ មាន ១៩ អាន់ឌើផា ខណៈ Harold Varners III ធ្លាក់ទៅលេខ ៤ មាន ១៨ អាន់ឌើផា៕ អត្ថបទ៖នាង សុភាវុធ

Sinner និង Sabalenka បន្តដំណើរឡើងវគ្គ ១៦ នាក់ចុងក្រោយវាយកូនបាល់ Indian Wells នៅសហរដ្ឋអាមេរិក

2026/03/09 06:18:34 pm        112
Facebook Telegram Linkin
កីឡាករវាយកូនបាល់លេខ ២ ពិភពលោក Jannik Sinner បានបន្តដំនើរឡើងវគ្គ ៨ នាក់ចុងក្រោយនៃព្រឹត្តិការណ៍ Indian Wells នៃក្របខណ្ឌ ATP 1000 លើទឹកដីអាមេរិក ក្រោយយកឈ្នះកីឡាករកាណាដា Denis Shapovalov។កីឡាករអ៊ីតាលីរូបនេះត្រូវការពេលត្រឹម ៧១ នាទីប៉ុណ្ណោះ ដើម្បីយកឈ្នះគូប្រកួតជាមួយនឹងលទ្ធផល ២ សិតផ្ទួនៗ ៦-៣ និង ៦-២។ វគ្គ ៨ នាក់ចុងក្រោយកីឡាករលំដាប់លេខ ២ ក្នុងកម្មវិធីរូបនេះ នឹងត្រូវជួបជាមួយអ្នកឈ្នះរវាងកីឡាករអាមេរិក Tommy Paul រឺកីឡាករប្រេស៊ីល Joao Fonseca ដែលជួបគ្នាថ្ងៃនេះ។ លទ្ធផលផ្នែកបុរសផ្សេងទៀត កីឡាករលំដាប់លេខ ៤ អាល្លឺម៉ង់ Alexander Zverev បានយកឈ្នះកីឡាករម្ចាស់ផ្ទះអាមេរិក Brandon Nakashima ពីរសិតផ្ទួនៗផងដែរ ខណៈ Learner Tien យកឈ្នះ Ben Shelton។ ងាកមកការប្រកួតផ្នែកនារី កីឡាការីនីលេខ ១ ពិភពលោក Aryna Sabalenka ក៏បានបន្តដំណើរទៅវគ្គ ១៦ នាក់ចុងក្រោយផងដែរក្រោយយកឈ្នះកីឡាការិនីរ៉ូម៉ានី Jacquelin Cristian។ កីឡាការិនីបេឡារុសរូបនេះ ត្រូវការពេល ៧១ នាទីផងដែរ ក្នុងជ័យជំនះ ២ សិតផ្ទួនៗ ៦-៤ និង ៦-១។ ជុំបន្ត Aryna Sabalenka នឹងត្រូវជួបជាមួយកីឡាការិនីជប៉ុន Naomi Osaka ដែលបានយកឈ្នះកីឡាការិនីកូឡុំប៊ី Camila Osorio៕ អត្ថបទ៖ នាង សុភាវុធ

បណ្ដាញសង្គម

ព័ត៌មានថ្មីៗ

លោក Zelenskiy ៖ រុស្ស៊ីចង់ជ្រើសរើសទាហាន ៣ម៉ឺននាក់ ពីកូរ៉េខាងជើង
07/26/2026 02:07 PM
Facebook Telegram Linkin
មន្ទីរសាធារណការខេត្តកំពង់ស្ពឺ កំពុង​ពន្លឿន​ជួសជុល និងថែទាំកំណាត់ផ្លូវដែលកំពុងរងការខូចខាតឱ្យប្រសើរឡើងវិញ
07/26/2026 02:07 PM
Facebook Telegram Linkin
គណៈកម្មាធិការគណបក្សប្រជាជនកម្ពុជាឃុំកណ្តឹងស្រុកបាទី ផ្សព្វផ្សាយសេចក្តីសម្រេចស្តីពីផែនការរួម ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ ២០២៧
07/26/2026 02:07 PM
Facebook Telegram Linkin
គណៈកម្មាធិការគណបក្សប្រជាជាជនកម្ពុជារាជធានីភ្នំពេញ ប្រកាសបញ្ចូលជាសមាជិកថ្មីជិត ៣០០០នាក់នៅខណ្ឌព្រែកព្នៅ
07/26/2026 02:07 PM
Facebook Telegram Linkin
បណ្ដេញជនជាតិថៃ ៣៩នាក់ ចេញពីកម្ពុជាពាក់ព័ន្ធបទល្មើសចូលដោយទុច្ចរិតក្នុងទីលានយោធា និងលួចឆ្លងដែនដោយខុសច្បាប់
07/26/2026 02:07 PM
Facebook Telegram Linkin
ចំនួនមនុស្សស្លាប់ដោយសារជំងឺអេបូឡានៅប្រទេសកុងហ្គោកើនឡើងដល់ជាង ១.៣០០នាក់
07/26/2026 01:07 PM
Facebook Telegram Linkin
មនុស្សម្នាក់ស្លាប់ និង ១៥នាក់ រងរបួស ក្រោយរថយន្តមួយគ្រឿងបើកបុកហ្វូងមនុស្សនៅព្យុហយាត្រាឥន្ទធនូក្រុងប៊ែរឡាំង
07/26/2026 01:07 PM
Facebook Telegram Linkin
សមត្ថកិច្ចកម្ពុជាបណ្ដេញជនជាតិចិន ១៥៨នាក់ ចេញពីកម្ពុជាពាក់ព័ន្ធករណី Online Scams និងបទល្មើសផ្សេងៗ
07/26/2026 12:07 PM
Facebook Telegram Linkin
កម្ពុជាចូលរួមសន្និសីទជាន់ខ្ពស់នៃឧត្តមភាគីចុះកិច្ចព្រមព្រៀងនៃសន្ធិសញ្ញាមិត្តភាព និងសហប្រតិបត្តិការនៅតំបន់អាស៊ីអាគ្នេយ៍
07/26/2026 12:07 PM
Facebook Telegram Linkin
មនុស្សយ៉ាងហោច ២១នាក់ រងរបួស ក្នុងហេតុការណ៍អគ្គិភ័យនៅទីក្រុងញូវយ៉ក សហរដ្ឋអាមេរិក
07/26/2026 12:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.