នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជាភ្លាត់ចាញ់សិង្ហបុរីនៅនាទីទីចុងក្រោយ ក្នុងជំនួបបើកឆាកពានរង្វាន់បាល់​ទាត់តំបន់​អាស៊ី​អាគ្នេយ៍ ​(ASEAN Hyundai Cup 2026)
វ័យ ៤០ ឆ្នាំ Luka Modric បន្តកិច្ចសន្យាថ្មីជាមួយ AC Milan មួយឆ្នាំទៀត
Arsenal នាំយកខ្សែប្រយុទ្ធក្រិក Christos Tzolis ពី Club Brugge ក្នុងតម្លៃ ៣៤ លានផោន
មន្រ្តីជាន់ខ្ពស់ក្រសួងអប់រំ៖ ការប្រកួតកីឡាជាតិ-កីឡាជាតិជនពិការ ត្រូវរៀបចំតាមលំនាំហ្គេមស្តង់ដា លើប្រភេទកីឡានីមួយៗ

ព័ត៌មានកីឡា

អូស្រ្តាលី និងកូរ៉េស្មើគ្នាដឹកដៃគ្នាឡើងវគ្គ ៨ ក្រុមចុងក្រោយបាល់ទាត់នារីជើងឯកអាស៊ី

2026/03/09 06:03:33 pm        157
Facebook Telegram Linkin
ក្រុមម្ចាស់ផ្ទះនារីអូស្រ្តាលីបានបន្តដំណើរឡើងវគ្គ ៨ ក្រុមចុងក្រោយនៃព្រឹត្តិការណ៍បាល់ទាត់នារីជើងឯកអាស៊ីក្រោយស្មើក្រុមនារីកូរ៉េប្រកួតចុងក្រោយក្នុងពូល A ៣-៣។លទ្ធផលនេះមានន័យថ ក្រុមទាំងពីរអូស្រ្តាលីនិងកូរ៉េបន្តដំណើរទៅជាមួយគ្នាផងដែរក្នុងនាមជាក្រុមលេខ ១ និងលេខ ២ ក្នុងពូល។ កូរ៉េបានបើកការនាំមុខមុនដោយកីឡាការិនី Mun Eun-Ju នៅនាទីទី ១៣ មុនពេលអូស្រ្តាលីវាយបកពីក្រោយ ២ គ្រាប់ដោយ Alanna Kennedy នៅនាទីទី ៣២ និង Samantha Kerr នាទីទី ៤៥+៦។ កូរ៉េដែលជាជើងឯករងឆ្នាំ ២០២២ ក៏រកបានគ្រាប់តាមស្មើវិញដែរដោយបាល់ពិន័យ ១១ ម៉ែត្ររបស់ Kim Shin-Ji និងរកបានគ្រាប់នាំមុខវិញ ៣-២ នៅនាទីទី ៥៦ ដោយ Kang Chae-Rim។ ក្រោយក្រសែភ្នែកទស្សនិកជនជាង ៦ ម៉ឺននាក់នៅទីក្រុងស៊ីដនី អូស្រ្តាលីក៏រកបានគ្រាប់តាមស្មើ ៣-៣ នៅចុងម៉ោងនាទីទី ៩០+៨ ដោយកីឡាការិនី Alanna Kennedy ដដែល។ លទ្ធផលនេះធ្វើឱ្យក្រុមទាំងពីរមាន ៧ ពិន្ទុដូចគ្នាតែកូរ៉េឈរលេខ ១ ដោយមានគ្រាប់បាល់ចំណេញច្រើនជាង។ ក្នុងពូល A នេះដែរហ្វីលីពីនបានយកឈ្នះអ៊ីរ៉ង់ ២-០ បញ្ចប់ការប្រកួតក្នុងពូលឈរលេខ ៣ មាន ៣ ពិន្ទុតែមិនទាន់ច្បាស់ថាធ្លាក់នៅឡើយ និងសង្ឃឹមថាជាក្រុមលេខ ៣ ល្អបំផុតចំនួនពីរក្នុងចំណោម ៣ ពូលដើម្បីឡើងវគ្គ ៨ ក្រុមចុងក្រោយ៕ អត្ថបទ៖នាង សុភាវុធ

កីឡាករអាមេរិក Akshay Bhatia គ្រងជើងឯកវាយកូនគោល Arnold Palmer Invitational នៅអាមេរិក

2026/03/09 05:51:32 pm        132
Facebook Telegram Linkin
កីឡាករវាយកូនបាល់អាមេរិក Akshay Bhatia បានក្លាយជាជើងឯកនៃការប្រកួតកម្មវិធី Arnold Palmer Invitational នៅសហរដ្ឋអាមេរិក ក្រោយយកឈ្នះនៅវគ្គបន្ថែមឡូកាត់សេចក្តីលើ Daniel Berger។ការប្រកួតនៅទីលានវាយកូនគោល Bay Hill ទីក្រុង Orlando កីឡាករដែលមានឪពុកម្តាយឥណ្ឌា Akshay Bhatia បានបញ្ចប់ការប្រកួតជាមួយនឹង ១៥ អាន់ឌើផាស្មើគ្នាជាមួយមិត្តរួមជាតិអាមេរិក Daniel Berger។ ត្រូវលេងបន្ថែមឡូរកជើងឯក Bhatia ដែលនាំមុខការប្រកួតតាំងពីជុំដំបូងនោះ ជាអ្នកឈ្នះការប្រកួតបន្ថែមឡូ បន្ទាប់ពី Berger វាយបញ្ចូលឡូមិនបានសម្រេចនៅចម្ងាយ ២ ម៉ែត្រ។ នេះជាជើងឯកនៅក្នុងក្របខណ្ឌ PGA Tour ទីបីប៉ុណ្ណោះសម្រាប់កីឡាករវ័យ ២៤ ឆ្នាំ Akshay Bhatia។ លទ្ធផលផ្សេងទៀត កីឡាករអាមេរិក Cameron Young និងកីឡាករស៊ុយអែត Ludvig Aberg ឈរលេខ ៣ រួមមាន ១២ អាន់ឌើផា ខណៈកីឡាករលេខ ១ ពិភពលោក Scottish Scheffler បានបញ្ចប់ជាមួយនឹង ២ អាន់ឌើផាប៉ុណ្ណោះនៅចំនាត់ថ្នាក់លេខ ២៣៕ អត្ថបទ៖នាង សុភាវុធ

សហព័ន្ធលើកទម្ងន់កម្ពុជាជ្រើសរើសសមាជិកប្រតិបត្តិបន្ថែមត្រៀមស៊ីហ្គេមលើកទី ៣៤ ឆ្នាំ ២០២៧

2026/03/09 05:41:28 pm        152
Facebook Telegram Linkin
សហព័ន្ធកីឡាលើកទម្ងន់កម្ពុជា បានជ្រើសរើសសមាជិកប្រតិបត្តិបន្ថែម ក្នុងដំណើរត្រៀមការប្រកួតស៊ីហ្គេមលើកទី ៣៤ ឆ្នាំ២០២៧ នៅប្រទេសម៉ាឡេស៊ី ក្នុងអង្គសន្និបាតវិសមញ្ញលើកទី១ ដើម្បីពិនិត្យ និងសម្របសម្រួលការងារ ឆ្នាំ ២០២៥ និងទិសដៅអនុវត្តបន្តឆ្នាំ២០២៦ ក្នុងការជំរុញ ប្រភេទកីឡានេះឲ្យមានការរីកចម្រើនកាន់តែខ្លាំងឡើង។ ឯកឧត្តម តែម ម៉ឺន ប្រធានសហព័ន្ធកីឡាលើកទម្ងន់កម្ពុជា បានមានប្រសាសន៍ថា ការរៀបចំសន្និបាតវិសមញ្ញ លើកទី១ នេះគឺដើម្បីពិនិត្យ និងសម្របសម្រួលការងារ ឆ្នាំ ២០២៥ និងទិសដៅអនុវត្តបន្តឆ្នាំ ២០២៦ សម្របសម្រួលការងារមួយចំនួនដូចជា បូកសរុបវឌ្ឍនភាពការងារឆ្នាំចាស់ និងលើកទិសដៅអនុវត្តបន្តឆ្នាំបន្តបន្ទាប់ទៀត ក្នុងការជំរុញ ប្រភេទកីឡានេះឲ្យមានការរីកចម្រើន ត្រៀមខ្លួនចូលរួមការប្រកួតកម្រិតអន្តរជាតិនានាឆ្នាំ២០២៦ និងត្រៀមព្រឹត្តិការណ៍ការប្រកួតកីឡាស៊ីហ្គេមលើកទី ៣៤ ឆ្នាំ២០២៧ នៅប្រទេសម៉ាឡេស៊ី សូមបញ្ជាក់ថា សន្និបាតវិសមញ្ញនេះសហព័ន្ធកីឡាលើកទម្ងន់កម្ពុជា បានសម្រេចតែងតាំងសមាជិកចំនួន ៥ រូបបន្ថែមរួមមាន ឯកឧត្តម វ៉ា ស៊ិនភីរម្យ លោក ខៀវ សុខា និងលោក សឿន យី អនុប្រធានសហព័ន្ធ រីឯលោក រតនៈ សុផានីន ជាអគ្គលេខាធការរង រួមទាំងលោកស្រី ផល សុគន្ធា ជាអគ្គហេរញ្ញិករង ។ សមាជិកប្រតិបតិ្តទាំង៥រូបនេះ បន្ថែមលើសមាជិកប្រតិបតិ្តចាស់ដែលមានស្រាប់។ ដូច្នេះក្នុងអាណត្តិទី៣ ឆ្នាំ២០២៤-២០២៩ មានអនុប្រធាន មានចំនួន ១៤ រូប អគ្គលេខាធិការ និងនាយកលេខាធិការដ្ឋានចំនួន ៤ នាក់ អគ្គហិរញ្ញិក និងអគ្គហិរញ្ញិករង មានចំនួន ៤ នាក់ និងសមាជិកប្រតិបត្តិចំនួន ៥ នាក់ សរុប ២៧នាក់ កើនឡើងចំនួន ៣១ រូប៕

George Russell ឈ្នះការប្រណាំង F1 ប្រកួតដំបូងរដូវកាលថ្មីនៅអូស្រ្តាលី

2026/03/09 05:22:23 pm        139
Facebook Telegram Linkin
កីឡាករប្រណាំងរថយន្តអង់គ្លេស George Russell បានប្រជែងឈ្នះការប្រណាំង F1 ប្រកួតដំបូងរដូវកាលថ្មីនៅ លើទឹកដីអូស្រ្តាលី ខណៈក្រុមប្រណាំង Mercedes ធ្វើបានល្អឥតខ្ចោះប្រកួតដំបូងនេះ។ កីឡាករអង់គ្លេសរូបនេះ បានយកឈ្នះការប្រណាំងយកទីចេញដំណើរ Pole Position កាលពីថ្ងៃសៅរ៍ តែការចេញដំណើរជាក់ស្តែងថ្ងៃប្រកួត Grand Prix កីឡាកររបស់ Ferrari, Charles Leclerc បានឆក់យកការនាំមុខ។ Russell និង Leclerc មានការប្រកួតប្រជែងគ្នាខ្លាំងនៅ ១០ ជុំដំបូង មុនពេល Ferrari សម្រេចចិត្តឱ្យ Leclerc មិនចូល Pit Stop នៅពេលមាន Virtual Safety Car (VSC) ហើយការសម្រេចចិត្តបែបនេះហើយដែលធ្វើឱ្យពួកគេបាត់បង់ការប្រជែងជាមួយ Russell។ George Russell បានរក្សាការនាំមុខរបស់ខ្លួនដាច់រហូតមកដល់ទីព្រ័ត្រ និងតាមពីក្រោយដោយមិត្តរួមជាក្រុម Kimi Antonolli ដែលជាការចាប់ផ្តើមរដូវកាលដ៏ល្អឥតខ្ចោះសម្រាប់ Mercedes។កីឡាករម៉ូណាកូ Charles Leclerc បានត្រឹមខកចិត្តដោយមកដល់ទីព្រ័ត្រនៅចំនាត់ថ្នាក់លេខ ៣ តាមពីក្រោយដោយមិត្តរួមក្រុម Lewis Hamilton លេខ ៤។ អ្នកការពារតំណែងជើងឯក Lando Norris បានបញ្ចប់ការប្រកួតនៅចំនាត់ថ្នាក់លេខ ៥ ទប់ទល់ការវាយបករបស់ Max Verstappen ដែលបញ្ចប់លេខ ៦។ នៅក្នុងប្រកួតដំបូងនេះដែរ កីឡាករអង់គ្លេសវ័យទើបតែ ១៨ ឆ្នាំ Arvid Lindblad បានក្លាយជាកីឡាករប្រណាំង F1 វ័យក្មេងបំផុតរបស់អង់គ្លេសដែលចាប់ផ្តើមអាជីព F1 ដំបូងទទួលបានចំណាត់ថ្នាក់លេខ ៨ នៅពីក្រោយមិត្តរួមជាតិ Oliver Bearman ដែលបានលេខ ៧។ បន្ទាប់ពីទឹកដីអូស្រ្តាលីនេះ F1 នឹងបន្តដំណើរទីក្រុងសៀងហៃប្រទេសចិនចុង​សប្តាហ៍នេះ៕ អត្ថបទ៖នាង សុភាវុធ

លីគអាជីពនារី Queen Legends លើកទី៣ ត្រឡប់មកវិញ សប្ដាហ៍នេះ រំពឹង​មាន​ការ​ប្រកួត​ប្រជែង​កាន់​តែខ្លាំង

2026/03/09 05:13:07 pm        468
Facebook Telegram Linkin
ការប្រកួតកីឡាអេឡិចត្រូនិកដណ្ដើមពានរង្វាន់ Queen Legends រដូវកាលទី៣ លើវិញ្ញាសា Mobile Legends: Bang Bang នឹងត្រឡប់មកវិញ ក្នុងសប្ដាហ៍នេះ ជាមួយការប្រកួតវិលជុំ ដែល​នឹង​ប្រព្រឹត្ត​ទៅ​ពីថ្ងៃទី១០ ដល់ថ្ងៃទី២២ ខែមីនា ឆ្នាំ២០២៦ ខាងមុខ ជាមួយក្ដីរំពឹង​នឹងមាន​ការ​ប្រកួត​ប្រជែង​កាន់តែខ្លាំង។សម្រាប់ការប្រកួតកីឡាអេឡិចត្រូនិកកម្រិតអាជីពផ្នែកនារី រដូវកាលថ្មីនេះ មានបេក្ខភាព ៨ក្រុម​ចូល​រួម ដែលសុទ្ធសឹងជាក្រុមខ្លាំង ស្របពេលក្រុមជើងឯក ២សម័យ CFU Serendipity​ បាន​ផ្លាស់​ប្ដូរ​ឈ្មោះថ្មីមកជាក្រុម Weibo Gaming ដើម្បី​បន្ដ​យុទ្ធនាកា​រ​ការ​ពារ​តំណែង​ជើង​ឯក​របស់​ខ្លួន​។យោងតាមគណៈកម្មការរៀបចំការប្រកួត ព្រឹត្តិការណ៍ ​Queen Legends ​នឹង​ប្រព្រឹត្ត​ទៅ​នៅ​មជ្ឈ​មណ្ឌល​កីឡា​អេឡិចត្រូនិក T.Y Media ដូចសព្វដង ។ តែអ្វីដែលគួរឲ្យចាប់អារម្មណ៍ គឺក្រុម​ចូល​រួម​ប្រកួត​ប្រជែងរដូវកាលនេះ មានការត្រៀមលក្ខណៈកាន់តែល្អប្រសើរ ទាំងការរៀបចំក្រុម ទាំង​សមត្ថភាព​កីឡាការិនីម្នាក់ៗ ដែលនឹងជំរុញឲ្យមានការប្រកួតប្រជែងកាន់តែស្វិតស្វាញ់ និងជក់​ចិត្ត​ថែម​ទៀត​។គួរដឹងថា ការប្រកួតកីឡាអេឡិចត្រូនិកដណ្ដើមពានរង្វាន់ Queen Legends នេះ រៀបចំដោយក្រុមហ៊ុន T.Y Media សហការជាមួយសហព័ន្ធកីឡាអេឡិចត្រូនិកកម្ពុជា ដោយមានការឧបត្ថម្ភគាំទ្រពី VSHOPKH, TADA Cambodia, Infinix និង Privy ជាដើម ដើម្បីជំរុញដំណើរការរៀបចំការប្រកួតឲ្យកាន់តែល្អប្រសើរ ពិសេសរួមចំណែកអភិវឌ្ឍវិស័យកីឡាអេឡិចត្រូនិកកម្ពុជាកាន់តែរីកចម្រើន សម្រាប់ត្រៀមប្រកួតប្រជែងលើឆាកអន្ដរជាតិ។សម្រាប់រដូវកាល​ថ្មី​នេះដែរ ក្រោយបញ្ចប់ការប្រកួតវិលជុំ ក្រុមខ្លាំងចំនួន ៦ នឹងទទួលបាន​កៅ​អី​ជុំ​ផ្ដាច់​ព្រ័ត្រ ​ដើម្បីបន្ដការប្រកួតវគ្គ Play-Off ឆ្ពោះទៅរកក្រុមជ័យលាភី ដែលនឹងប្រព្រឹត្ត​ទៅ​ពី​ថ្ងៃ​ទី​២៥​ ដល់ថ្ងៃទី២៨ ខែមីនា ឆ្នាំ២០២៦ ខាងមុខ។ ចាំមើលតើក្រុមណា នឹងក្លាយ​ជា​ម្ចាស់​ជើង​ឯក​ពាន​រង្វាន់​កីឡាអេឡិចត្រូនិក Queen Legends  ឆ្នាំនេះ? អត្ថបទ លី ឈុនឡា

ព្រឹត្តិការណ៍ជិះកង់ភ្នំពេញ-តាកែវ បង្ហាញសក្ដានុពលទេសចរណ៍ដ៏សម្បូរបែប ពិសេស​អាថ៌​កំបាំង​នៅ​ភ្នំជីសូរ្យ

2026/03/09 05:00:40 pm        271
Facebook Telegram Linkin
ព្រឹត្តិការណ៍ជិះកង់ភ្នំពេញ-តាកែវ ចម្ងាយ ៧៨គីឡូម៉ែត្រ បានប្រព្រឹត្ត​ទៅដោយ​ជោគ​ជ័យ​យ៉ាង​ត្រចះ​ត្រចង់​ នៅថ្ងៃទី៨ ខែមីនា ឆ្នាំ២០២៦ ដោយឯកឧត្តម ហួត ហាក់ រដ្ឋមន្ដ្រី​ក្រសួង​ទេសចរណ៍​បានចាត់ទុកជាព្រឹត្តិការណ៍ទេសចរណ៍កីឡា ដ៏មានសារៈសំខាន់ ដែល​បង្ហាញ​នូវ​សក្ដា​នុពល​ដ៏​សម្បូរ​បែប​នៅ​ខេត្តតាកែវ ជាពិសេសអាថ៌កំបាំងនៅភ្នំជីសូរ្យ ដែលមានប្រាសាទ​បុរាណ​ដ៏​អស្ចារ្យ​ តាំង​ពីក្រោមរហូតដល់កំពូលភ្នំ។ការគូសបញ្ជាក់នេះ បន្ទាប់ពីឯករដ្ឋមន្ដ្រី បានអញ្ជើញជាអធិបតី និងចូលរួមជិះកង់ដោយផ្ទាល់ ដើម្បី​អបអរសាទរព្រឹត្តិការណ៍លើកទី២ ដែលប្រព្រឹត្ត​ទៅ​ក្រោម​ប្រធាន​បទ​ «ទេសចរណ៍​រីក​លូត​លាស់​ក្នុង​សន្ដិភាព» ដោយមានអ្នកចូលរួមលើសពីការរំពឹងទុកប្រមាណ ១ពាន់នាក់ ពី​រាជ​ធានី​ភ្នំពេញ​ ឆ្លងកាត់វិថីសំខាន់ៗជាច្រើន រហូតដល់ភ្នំជីសូរ្យ មុនបន្ដដំណើរ​ទៅ​បញ្ចប់​នៅ​ទីរួម​ខេត្ត​តាកែវ ​ដោយទទួលបានការស្វាគមន៍យ៉ាងកក់ក្ដៅពីអាជ្ញាធរ និងប្រជាពលរដ្ឋ។ឯកឧត្តម ហួត ហាក់ បានកោតសរសើរឯកឧត្តម វ៉ាហេង ដាវុធ រដ្ឋលេខាធិការក្រសួងទេសចរណ៍ និង​គ្រប់ភាគីពាក់ព័ន្ធ ដែលបានសហការរៀបចំព្រឹត្តិការណ៍នេះបានយ៉ាងរលូន និង​កាន់​តែ​ជោគ​ជ័យ ​ពិសេសក្រោយការធ្វើពិពិធកម្មផ្សារភ្ជាប់តំបន់វប្បធម៌ប្រវត្តិសាស្ដ្រ នៅតំបន់ភ្នំជីសូរ្យ ដែល​បង្ហាញ​ថា ​ខេត្តតាកែវ និយាយដោយឡែក មានសក្ដានុពលទេសចរណ៍ដ៏សម្បូរបែប និង​និយាយ​ជារួមព្រះរាជាណាចក្រកម្ពុជាមានកន្លែងទាក់ទាញជាច្រើន រង់ចាំស្វាគមន៍វិនិយោគិនជាតិ-អន្ដរជាតិ ក៏ដូចជាភ្ញៀវជាតិ-អន្ដរជាតិ ក្រោមម្លប់សន្ដិភាពដឹកនាំដោយរាជរដ្ឋាភិបាលកម្ពុជា។ជាមួយគ្នាឯកឧត្តម វ៉ី សំណាង អភិបាលខេត្តតាកែវ ក៏បាន​ថ្លែង​អំណរ​គុណ​ថ្នាក់​ដឹកនាំ​ក្រសួង​ទេសចរណ៍ ​ដែលបានបន្ដរៀបចំព្រឹត្តិការណ៍ជិះកង់ភ្នំពេញ-តាកែវជាថ្មី ។ ក្នុងនាម​ប្រជាពលរដ្ឋ​ខេត្ត ​ពិតជាមានមោទនភាព ពិសេសបន្ទាប់ពីទទួលបានការចូលរួមយ៉ាងច្រើនកុះករពីកីឡាករ-កីឡាការិនីជាតិ និងអន្ដរជាតិ ហើយសង្ឃឹមថា ឆ្នាំបន្ដបន្ទាប់ នឹងមាន​ការ​រៀបចំ​កាន់​តែ​រីក​ចម្រើន​បន្ថែម​ទៀត​។សម្រាប់ព្រឹត្តិការណ៍ជិះកង់ភ្នំពេញ-តាកែវ ឆ្នាំនេះ រៀបចំឡើងក្នុងគោល​បំណង​សំខាន់ៗ​មួយ​ចំនួ​ន​​ ទី១-ដើម្បីអបអរសាទរទិវានារីអន្ដរជាតិ ៨មីនា, ទី២-ជំរុញការ​ផ្សព្វ​ផ្សាយ​តំបន់​គោល​ដៅ​ទេសចរណ៍​ប្រាសាទភ្នំជីសូរ្យ, ទី៣-បង្ហាញពីការឯកភាពជាតិ សាមគ្គីភាពផ្ទៃក្នុងដ៏រឹងមាំ និង​ចុង​ក្រោយ ​ដើម្បីឧបត្ថម្ភសម្ភាសិក្សាដល់សិស្សានុសិស្សខ្វះខាត ជាក់ស្ដែង​បន្ទាប់​ពី​ក្បួន​កង់​ធ្វើ​ដំណើរ​ដល់​ជើង​ភ្នំជីសូរ្យ ក៏មានការផ្ដល់សម្ភារសិក្សាមួយចំនួន ដល់សិស្សានុសិស្សចំនួន ២០០នាក់ ។ បន្ទាប់​មកឯកឧត្តម ហួត ហាក់ និងគណៈប្រតិភូ ក៏បានធ្វើដំណើរទស្សនកិច្ចប្រាសាទភ្នំជីសូរ្យ ដោយ​ឡើងតាមជណ្ដើរបុរាណចំនួន ៤០២កាំពីទិសខាងកើតផងដែរ។សូមបញ្ជាក់ថា បន្ទាប់ពីបន្ដដំណើរទៅដល់មាត់បឹងតាកែវ នៃទីរួមខេត្តតាកែវ រដ្ឋបាល​ខេត្ត​ក៏​បាន​រៀប​ចំ​បបរ​បង្កង់ និងពង់ទាកូន ដែលជាអាហារដ៏ពេញនិយមប្រចាំខេត្ត ទទួលស្វាគមន៍ប្រតិភូ និង​កីឡាករ-កីឡាការិនីទាំងអស់ផងដែរ៕ អត្ថបទ លី ឈុនឡា

ភ្នំពេញក្រោន កាន់តែស្បើយឱកាសដណ្ដើមជើងឯកលីគជាមួយព្រះខ័នរាជ ក្រោយចាញ់ កំពង់ដេវ៉ា

2026/03/09 04:39:43 pm        175
Facebook Telegram Linkin
ក្រុមបាល់ទាត់ភ្នំពេញក្រោន កាន់តែស្បើយឱកាសប្រជែងជើងឯកលីគកំពូលកម្ពុជា ឆ្នាំ​២០២៥​/២៦​ ជាមួយព្រះខ័នរាជស្វាយរៀង បន្ទាប់ពីចាញ់ ២-១ ក្រោមថ្វីជើងក្រុមភ្ញៀវ អឹមអូអាយ កំពង់​ដេវ៉ា ​ដែលធ្វើឲ្យគម្លាតពិន្ទុកាន់តែដាច់ឆ្ងាយរវាងក្រុមខ្លាំងទាំងពីរ។សម្រាប់ជំនួបជុំទី៣ នៅកីឡដ្ឋានភ្នំពេញក្រោន កាលពីថ្ងៃអាទិត្យកន្លងទៅ ត្រឹមរយៈពេល ២នាទី កីឡាករ ចាន់ សានីត បានរកគ្រាប់នាំមុខឲ្យ អឹមអូអាយ កំពង់ដេវ៉ា ១គ្រាប់មុន មុនកីឡាករ Dyer Moses រកបានគ្រាប់តាមស្មើឲ្យម្ចាស់ផ្ទះ នៅនាទី២០ ប៉ុន្ដែប្រមាណ ១០នាទីក្រោយមក កីឡាករ សាន បូរ៉ា ក៏បានរកគ្រាប់នាំមុខជាថ្មីឲ្យក្រុមភ្ញៀវ នៅនាទី៣១ ហើយលទ្ធផលនេះ ក៏បានរក្សាដល់ចប់ការប្រកួតពេញម៉ោង ទោះបីភ្នំពេញក្រោន ព្យាយាមវាយសម្រុក តែមិនអាចរកគ្រាប់បាល់បន្ថែមបានឡើយ។ដំណាលគ្នាដែលការប្រកួតរវាងបេក្ខភាព Top-6 ចំនួន ២គូទៀត សុទ្ធតែបញ្ចប់ដោយលទ្ធផលស្មើគ្នា ១-១ រួមមានក្រុមកំពូលតារាងព្រះខ័នរាជស្វាយរៀង ស្មើម្ចាស់ផ្ទះណាហ្គាវើលដ៏ និងបឹងកេត ស្មើក្រុមភ្ញៀវអង្គរថាយហ្គឺរ។ សម្រាប់ជំនួបដ៏តានតឹងនៅកីឡដ្ឋានខេត្តកំពង់ស្ពឺ កីឡាករ Shielos Connor បានរកគ្រាប់នាំមុខ ១គ្រាប់ឲ្យព្រះខ័នរាជស្វាយរៀង នៅនាទី៣៩ ខណៈចុងម៉ោងកីឡាករ សុះ ស៊ូហាណា បានរកគ្រាប់តាមស្មើឲ្យណាហ្គាវើលដ៏វិញ នៅនាទី៨៩។ រីឯជំនួបនៅពហុកីឡដ្ឋានជាតិ ម៉ាត់ នូរុណ បានរកគ្រាប់នាំមុខឲ្យម្ចាស់ផ្ទះបឹងកេត ១គ្រាប់មុន នៅនាទី៣៤ តែចុងម៉ោង អង្គរថាយហ្គឺរ បានវាយបកតាមស្មើវិញ ដោយការទាត់បាល់ពិន័យ ១១ម៉ែត្ររបស់កីឡាករ Kurita Mark នៅនាទី៨៩។ជាមួយលទ្ធផលដ៏គួរឲ្យចាប់អារម្មណ៍នេះ ទោះបីព្រះខ័នរាស្វាយរៀង រកបានត្រឹម ១ពិន្ទុ តែពួកគេបានរក្សាតំណែងកំពូលតារាងដល់រឹងមាំ ជាមួយការនាំមុខ ៨ពិន្ទុលើគូប្រជែងភ្នំពេញក្រោន ដែលឈរលេខ២ បន្ទាប់ពីក្រុមសិង្ហក្រហម បរាជ័យក្រោមថ្វីជើងក្រុម អឹមអូអាយ កំពង់ដេវ៉ា ពោលគឺគិតត្រឹមសប្ដាហ៍ទី២៤ ព្រះខ័នរាជស្វាយរៀង រកបាន ៥៥ពិន្ទុ គ្រាដែលភ្នំពេញក្រោន រក្សា ៤៧ពិន្ទុក្នុងដៃ ឈរលេខ២។ ការណ៍នេះ ទោះក្រុមនីមួយៗ សល់ ៨ប្រកួតក្នុងដៃ តែគម្លាតពិន្ទុបច្ចុប្បន្ន គឺជារឿងលំបាកសម្រាប់ភ្នំពេញក្រោន ក្នុងការរារាំងដំណើរឆ្ពោះទៅប្រជែងជើងឯកជាថ្មីរបស់ព្រះខ័នរាជស្វាយរៀង។ក្រឡេកទៅចំណាត់ថ្នាក់បេក្ខភាព Top-6 ៤ក្រុមផ្សេងទៀត ក៏មិនមានការប្រែប្រួលដែរ ដោយអង្គរថាយហ្គឺរ បន្ដឈរលេខ៣ មាន ៣៨ពិន្ទុ គ្រាដែលណាហ្គាវើលដ៏ និងបឹងកេត ឈរលេខ៤ និងលេខ៥ មាន ៣៦ពិន្ទុស្មើគ្នា និងក្រុម អឹមអូអាយ កំពង់ដេវ៉ា ឈរលេខ៦ មាន ៣៣ពិន្ទុ។ក្រឡេកទៅមើលលទ្ធផលការប្រកួតរវាងបេក្ខភាព ៥ក្រុមខាងក្រោមវិញ ក្រុមវិសាខា បន្ដបន្ថែម ៣ពិន្ទុ បន្ដឈរលេខ៧ មាន ៣២ពិន្ទុ ក្រោយយកឈ្នះក្រុមឡាយហ្វខេត្តព្រះសីហនុ ២-០ ស្របពេលក្រុមគិរីវង់សុខសែនជ័យ បានបន្ថែម ៣ពិន្ទុ ពង្រឹងកៅអីលេខ៨ ក្រោយយកឈ្នះក្រុមដំរីជ័យ អាយអេសអាយ ដង្កោសែនជ័យ ១-០ កាលពីចុងសប្ដាហ៍កន្លងទៅ៕ អត្ថបទ លី ឈុនឡា 

ព្រះខ័នរាជ ជួបណាហ្គា ឯភ្នំពេញក្រោនជួបកំពង់ដេវ៉ា ក្នុងលីគចុងសប្ដាហ៍នេះ

2026/03/06 07:11:55 pm        273
Facebook Telegram Linkin
ក្រោយជួបគ្នាជើងទី១ ក្នុងវគ្គ ៨ក្រុមចុងក្រោយ នៃពានរង្វាន់ក្លិបលំដាប់ទី៣ អាស៊ី AFC Challenge League 2025/26 កាលពីរាត្រីថ្ងៃព្រហស្បតិ៍ ក្រុមព្រះខ័នរាជស្វាយរៀង និងភ្នំពេញក្រោន នឹងត្រូវបន្ដយុទ្ធនាការប្រកួតលីគកំពូលកម្ពុជារៀងៗខ្លួន នាថ្ងៃអាទិត្យចុងសប្ដាហ៍នេះ មុនឈានដល់ជំនួបកាត់សេចក្ដី ជើងទី២ នៅ ៤ថ្ងៃបន្ទាប់។សម្រាប់ព្រះខ័នរាជស្វាយរៀង នឹងត្រូវជួបក្រុមម្ចាស់ផ្ទះណាហ្គាវើលដ៏ នាកីឡដ្ឋានកំពង់ស្ពឺ ស្របពេលក្រុមភ្នំពេញក្រោន ត្រូវបើកទ្វារផ្ទះទទួលក្រុម អឹមអូអាយ កំពង់ដេវ៉ា។ ចំពោះប្រវត្តិជួបគ្នា កាលពីដំណាក់កាលទី១ ព្រះខ័នរាជស្វាយរៀង បានឈ្នះទាំង ២ជើង ដោយលទ្ធផល ៣-០ នៅជើងទី១ និង ២-១ នៅជើងទី២ ។ រីឯភ្នំពេញក្រោន រកបាន ៤ពិន្ទុប៉ុណ្ណោះពី អឹមអូអាយ កំពង់ដេវ៉ា ក្រោយឈ្នះក្រៅដី ១-០ នៅជើងទី១ មុនស្មើគ្នា ១-១ លើទឹកដីខ្លួន នៅជើងទី២។នេះក៏ជាការប្រកួតដ៏សំខាន់រវាងបេក្ខភាពពានលំដាប់ទី៣ អាស៊ីទាំងពីរ ពិសេសភ្នំពេញក្រោន ដែលកំពុងចាញ់ប្រៀបព្រះខ័នរាជស្វាយរៀង ៧ពិន្ទុ។ ពួកគេត្រូវការជ័យជម្នះដាច់ខាត ដើម្បីរក្សាក្ដីសង្ឃឹមប្រជែងពាន ស្របពេលព្រះខ័នរាជស្វាយរៀង ក៏ត្រូវ ៣ពិន្ទុបន្ថែមដូចគ្នា ដើម្បីក្ដោបឱកាសខ្ពស់ក្នុងការលើកពានជាថ្មី។ក្រៅពីជំនួបដ៏ជក់ចិត្តទាំង ២ប្រកួត ក៏មានការប្រកួតរវាងបេក្ខភាព Top-6 មួយប្រកួតទៀត នាថ្ងៃអាទិត្យផងដែរ រវាងក្រុមបឹងកេត និងអង្គរថាយហ្គឺរ នៅពហុកីឡដ្ឋានជាតិ(អូឡាំពិក)។ចំណែកនៅថ្ងៃសៅរ៍ ទី៧ ខែមីនាស្អែកនេះ នឹងមានការប្រកួត ២គូ រវាងបេក្ខភាព ៥ក្រុមខាងក្រោម(Bottom-5) ក្នុងនោះក្រុមបាតតារាងឡាយហ្វខេត្តព្រះសីហនុ ត្រូវជួបក្រុមភ្ញៀវវិសាខា និងក្រុម ISI ដង្កោសែនជ័យ ត្រូវជួបក្រុមគិរីវង់សុខសែនជ័យ។ចំពោះតារាងពិន្ទុបណ្ដោះអាសន្ន គិតត្រឹមសប្ដាហ៍ទី២៣ ក្នុងចំណោមបេក្ខភាព Top-6 ព្រះខ័នរាជស្វាយរៀង កំពុងឈរកំពូលតារាងមាន ៥៤ពិន្ទុ តាមពីក្រោយដោយភ្នំពេញក្រោន មាន ៤៧ពិន្ទុ, ណាហ្គាវើលដ៏ មាន ៣៧ពិន្ទុ, ណាហ្គាវើលដ៏ និងបឹងកេត មាន ៣៥ពិន្ទុស្មើក្នា និង អឹមអូអាយ កំពង់ដេវ៉ា មាន ៣០ពិន្ទុ។រីឯក្នុងចំណោម ៥ក្រុមខាងក្រោមវិញ ក្រុមវិសាខា ឈរលេខ៧ មាន ២៩ពិន្ទុ, គិរីវង់សុខសែនជ័យ និងកងយោធពលខេមរភូមិន្ទ មាន ១៧ពិន្ទុស្មើគ្នា គ្រាដែល ISI ដង្កោសែនជ័យ មាន ១២ពិន្ទុ លើក្រុមបាតតារាងឡាយហ្វខេត្តព្រះសីហនុ មាន ១០ពិន្ទុ៕ អត្ថបទ លី ឈុនឡា

ស.ស.យ.ក បើកចុះឈ្មោះប្រកួតបាល់ទាត់ពានរង្វាន់ Soccer League លើកទី៩

2026/03/06 06:17:23 pm        339
Facebook Telegram Linkin
សហភាពសហព័ន្ធយុវជនកម្ពុជា(ស.ស.យ.ក.) បានប្រកាសបើកការប្រកួតបាល់ទាត់​ដណ្តើម​ពាន​រង្វាន់ Soccer League រដូវកាលថ្មី ឆ្នាំ២០២៦ នាដើមខែមិថុនាខាងមុខ ខណៈការ​ចុះឈ្មោះ​ចូលរួមនឹងចាប់ផ្ដើមទទួលពាក្យ នៅពាក់កណ្ដាលខែមីនានេះ។ព្រឹត្តិការណ៍ប្រចាំឆ្នាំ ដែលផ្ដួចផ្ដើមគំនិតរៀបចំដោយឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជានេះ ធ្វើឡើងគោលបំណង ដើម្បីមចំណែកជួយអភិវឌ្ឍវិស័យកីឡាបាល់ទាត់នៅកម្ពុជា និងរឹតចំណងសាមគ្គីភាពរវាងស្ថាប័ន ស.ស.យ.ក. ខេត្តរាជធានី និងស្ថាប័នរដ្ឋ និងឯកជនផ្សេងៗ។យោងតាមសេចក្ដីជូនដំណឹងរបស់សហភាពសហព័ន្ធយុវជនកម្ពុជា ការប្រកួតពានរង្វាន់ Soccer League លើកទី៩ នេះ គ្រោងនឹងប្រព្រឹត្តទៅពីថ្ងៃទី៦ ខែមិថុនា ដល់ថ្ងៃទី៣១ ខែកក្កដា ឆ្នាំ២០២៦ ខាងមុខ ដោយរក្សាការរៀបចំលើ ២វិញ្ញាសាដដែល ទាំងវិញ្ញាសាបាល់ទាត់បុរស និងវិញ្ញាសាបាល់ទាត់នារី។តាមរយៈនេះ ស.ស.យ.ក. បានជូនដំណឹងដល់សមាគម/ក្លិបបាល់ទាត់ទាំងអស់ ដែលមានបំណងចូលរួម អាចរកទិញពាក្យ និងដាក់ពាក្យចូលរួមប្រកួតប្រជែងបាន នៅអាគារ The Campus តាមមហាវិថីព្រះមុនីវង្ស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។ ការលក់ពាក្យ ចាប់ពីផ្ដើមពីថ្ងៃទី១០ ដល់ថ្ងៃទី២៥ ខែមីនា និងការទទួលពាក្យចាប់ផ្ដើមពីថ្ងៃទី១៥ ដល់ថ្ងៃទី៣១ ខែមីនា ឆ្នាំ២០២៦។ប្រភពដដែលបន្ដថា ក្រុមដែលមានសិទ្ធចូលរួមការប្រកួតព្រឹត្តិការណ៍នេះ រួមមានក្រសួង-ស្ថាប័ន, ស.ស.យ.ក ទាំង២៥រាជធានី-ខេត្ត, គ្រឹះស្ថានឧត្តមសិក្សា និងគ្រឹះស្ថានសិក្សាជាតិ-អន្ដរជាតិ, មន្ទីរ អង្គភាព ក្រុង ស្រុក ខណ្ឌ ព្រមទាំងក្រុមហ៊ុនឯកជន សមាគម និងអង្គការនានាជាដើម ដោយក្រុមនីមួយៗអាចចុះបញ្ជីកីឡាករដំបូងពី ១៥នាក់ ទៅ ២២នាក់ និងមន្ត្រី ៥រូប ហើយភ្ជាប់ជាមួយប្រវត្តិរូបកីឡាករម្នាក់ៗ ដើម្បីផ្ទៀងផ្ទាត់ពីការចូលរួមដោយត្រឹមត្រូវផងដែរ។សម្រាប់ប្រាក់រង្វាន់ជ័យលាភី នារដូវកាលថ្មីនេះដែរ ចំពោះផ្នែកបុរស ក្រុមជើងឯក ទទួលបាន ២៥លានរៀល, លេខ២ ទទួលបាន ១០លានរៀល និងលេខ៣ ទទួលបាន ៥លានរៀល ។ រីឯផ្នែកនារី ក្រុមជើងឯក ទទួលបាន ១០លានរៀល, លេខ២ ទទួលបាន ៥លានរៀល និងលេខ៣ ទទួលបាន ៣លានរៀល ។ ក្រៅពីនេះ ក៏មានប្រាក់រង្វាន់ក្រុម Fair-Play និងពានរង្វាន់ឯកត្តជនជាច្រើនផងដែរ។គួរដឹងថា កាលពីឆ្នាំ២០២៥ ព្រឹត្តិការណ៍បាល់ទាត់ Soccer League លើកទី៨ គឺមានក្រុមបាល់ទាត់ចូលរួមសរុប ៦៣ក្រុម ក្នុងនោះមានក្រុមបុរស ៥៦ក្រុម និងនារី ៧ក្រុម ។ ជាលទ្ធផលក្រុមបាល់ទាត់អាណាចក្របៃតង់ បានគ្រងជើងឯកផ្នែកបុរស និងក្រុមបាល់ទាត់សូភីណាអេហ្វស៊ី បានគ្រងជើងឯកផ្នែកនារី៕ អត្ថបទ លី ឈុនឡា

Messi និង Inter Miami ជួបសម្តែងការគួរសមប្រធានាធិបតីអាមេរិក Donald Trump នៅសេតវិមាន

2026/03/06 05:59:55 pm        154
Facebook Telegram Linkin
Lionel Messi និងសមាជិកក្លិបបាល់ទាត់ Inter Miami ទាំងអស់បានជួបសម្តែងការគួរសមជាមួយប្រធានាធិបតីអាមេរិកលោក Donald Trump នៅសេតវិមាន ជាផ្នែកមួយនៃការអបអរសាទរជើងឯកពានរង្វាន់ MLS Cup។Inter Miami បានឈ្នះជើងឯក MLS Cup នេះជាលើកដំបូងកាលពីខែធ្នូឆ្នាំមុន។ ម្ចាស់ភាគហ៊ុនមួយចំណែកនៃក្លិបបាល់ទាត់ Inter Miami អតីតប្រធានក្រុមជម្រើសជាតិអង់គ្លេស David Beckham បានទទួលលិខិតអញ្ជើញមកកាន់សេតវិមានមុនការប្រកួតក្នុងលីគទល់នឹង DC United ចុងសប្តាហ៍នេះ។Messi និងមិត្តរួមក្រុមបានឈរថតរូចជាអនុស្សារីយ៍នៅលើឆាកជុំគ្នា ខណៈដែលលោក Donald Trump បានថ្លែងទៅកាន់អ្នកសារព័ត៌មានពីការអបអរក្រុម Inter Miami ចំពោះសមិទ្ធផលនេះ និងបន្ថែមពាក់ព័ន្ធបច្ចុប្បន្នភាពសង្គ្រាមរបស់អាមេរិក និងអ៊ីស្រាអែល នៅអ៊ីរ៉ង់។ ខ្សែប្រយុទ្ធអាហ្សង់ទីន Lionel Messi បច្ចុប្បន្នវ័យ ៣៨ ឆ្នាំ កាលពីខែតុលាបានបន្តកិច្ចសន្យានៅជាមួយ Inter Miami ដល់ឆ្នាំ ២០២៨ បន្ទាប់ពីអតីតខ្សែប្រយុទ្ធ Barcelona និង PSG រូបនេះ ទទួលបានភាពជោគជ័យនៅអាមេរិក និងក្លាយជាកីឡាករដំបូងក្នុងប្រវត្តិសាស្រ្តក្របខណ្ឌ Major League Soccer ផងដែរ ដែលឈ្នះពានកីឡាករឆ្នើមពីររដូវកាលជាប់គ្នា។ ជាចុងក្រោយលោក Donald Trump ក៏បាននិយាយថ្លែងអំនរគុណ Lionel Messi ដែលកីឡាករឆ្នើមបំផុតម្នាក់នៅលើលោក តែបែជាជ្រើសរើសអាមេរិក និងបានលើកសរសើរ Messi ប្រៀបធៀបជាមួយវីរៈបុរសបាល់ទាត់ប្រេស៊ីល Pele ផងដែរ៕ អត្ថបទ៖នាង សុភាវុធ

បណ្ដាញសង្គម

ព័ត៌មានថ្មីៗ

លោក Zelenskiy ៖ រុស្ស៊ីចង់ជ្រើសរើសទាហាន ៣ម៉ឺននាក់ ពីកូរ៉េខាងជើង
07/26/2026 02:07 PM
Facebook Telegram Linkin
មន្ទីរសាធារណការខេត្តកំពង់ស្ពឺ កំពុង​ពន្លឿន​ជួសជុល និងថែទាំកំណាត់ផ្លូវដែលកំពុងរងការខូចខាតឱ្យប្រសើរឡើងវិញ
07/26/2026 02:07 PM
Facebook Telegram Linkin
គណៈកម្មាធិការគណបក្សប្រជាជនកម្ពុជាឃុំកណ្តឹងស្រុកបាទី ផ្សព្វផ្សាយសេចក្តីសម្រេចស្តីពីផែនការរួម ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ ២០២៧
07/26/2026 02:07 PM
Facebook Telegram Linkin
គណៈកម្មាធិការគណបក្សប្រជាជាជនកម្ពុជារាជធានីភ្នំពេញ ប្រកាសបញ្ចូលជាសមាជិកថ្មីជិត ៣០០០នាក់នៅខណ្ឌព្រែកព្នៅ
07/26/2026 02:07 PM
Facebook Telegram Linkin
បណ្ដេញជនជាតិថៃ ៣៩នាក់ ចេញពីកម្ពុជាពាក់ព័ន្ធបទល្មើសចូលដោយទុច្ចរិតក្នុងទីលានយោធា និងលួចឆ្លងដែនដោយខុសច្បាប់
07/26/2026 02:07 PM
Facebook Telegram Linkin
ចំនួនមនុស្សស្លាប់ដោយសារជំងឺអេបូឡានៅប្រទេសកុងហ្គោកើនឡើងដល់ជាង ១.៣០០នាក់
07/26/2026 01:07 PM
Facebook Telegram Linkin
មនុស្សម្នាក់ស្លាប់ និង ១៥នាក់ រងរបួស ក្រោយរថយន្តមួយគ្រឿងបើកបុកហ្វូងមនុស្សនៅព្យុហយាត្រាឥន្ទធនូក្រុងប៊ែរឡាំង
07/26/2026 01:07 PM
Facebook Telegram Linkin
សមត្ថកិច្ចកម្ពុជាបណ្ដេញជនជាតិចិន ១៥៨នាក់ ចេញពីកម្ពុជាពាក់ព័ន្ធករណី Online Scams និងបទល្មើសផ្សេងៗ
07/26/2026 12:07 PM
Facebook Telegram Linkin
កម្ពុជាចូលរួមសន្និសីទជាន់ខ្ពស់នៃឧត្តមភាគីចុះកិច្ចព្រមព្រៀងនៃសន្ធិសញ្ញាមិត្តភាព និងសហប្រតិបត្តិការនៅតំបន់អាស៊ីអាគ្នេយ៍
07/26/2026 12:07 PM
Facebook Telegram Linkin
មនុស្សយ៉ាងហោច ២១នាក់ រងរបួស ក្នុងហេតុការណ៍អគ្គិភ័យនៅទីក្រុងញូវយ៉ក សហរដ្ឋអាមេរិក
07/26/2026 12:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.